Connect with Us

Horoskopi i ditës, 14 shkurt 2019

Aktualitet

Horoskopi i ditës, 14 shkurt 2019

Publikuar

-

DASHI 21. mars – 20. prill

Jeta sentimentale për ju çiftet nuk do jete aspak problematike sot. Përkundrazi dita do jete plot diell dhe e mbushur me emocione te këndshme. Beqaret duhet thjesht te tregohen me te vëmendshëm sepse edhe mund ta gjejnë sot dashurinë qe kane ëndërruar prej kohesh. Ne planin financiar do kryeni transaksione te rëndësishme sepse gjendja do jete e shkëlqyer.

DEMI 21. prill – 21. maj

Nëse jeni ne çift ndikimi i yjeve për ditën e sotme do jete shume i favorshëm. Do merreni vesh shume mire me atë qe keni ne krah dhe nuk do keni me debate si dikur. Beqaret duhet te tregohen me te duruar dhe te mos nxitohen te hedhin hapa. Do vije edhe për ta momenti special. Saturni do ndikoje tek financat dhe do ju ndihmoje te grumbulloni me shume se zakonisht.

BINJAKET 22. maj – 21. qershor

Marrëdhënia juaj me partnerin do jete shume e ngrohte sot. Do dini si te ruani një komunikim te ngrohte dhe do toleroni me tepër nga me pare. Beqaret ka rrezik te zhgënjehen nga disa persona qe ne dukje ishin perfekte. Fatmirësisht qe nuk do kenë bere premtime. Financat nuk do jene te mira kështu qe shmangni çdo lloj investimi te tepruar.

GAFORRJA 22. qershor – 22. korrik

Merkuri do ua zbukuroje tej mase jetën gjate kësaj dite. Harmonia do mbizotërojë ne çdo moment dhe kënaqësitë do jene me te forta se me pare. Beqaret do kenë ditën ideale për te bere projekte për te ardhmen pasi do realizojnë takime interesante. Paratë nuk do jene te shumta dhe duhet patjetër te tregoheni te kujdesshëm. Nga ana tjetër nuk këshillohet as te merrni hua.

LUANI 23. korrik – 22. gusht

Urani do jete pozicionuar keq gjate kësaj dite ne jetën tuaj ne çift dhe here pas here mund te keni edhe debate me partnerin. Do e kritikoni atë edhe për pamjen dhe sjelljen prandaj situata mund te tensionohet me shume. Beqaret mund te realizojnë takimin e tyre te ëndrrave, por nuk duhet te nxitohen për asgjë. Buxheti nuk do jete i shkëlqyer dhe çdo hap duhet hedhur me kujdes.

VIRGJERESHA 23. gusht – 23. shtator

Fati do ju buzëqeshë ne çdo moment sot juve qe jeni ne një lidhje. Do ja kaloni mjaft mire pranë te dashurit te zemrës dhe nuk do doni te ndaheni për asnjë çast. Beqareve do ju plotësohen dëshirat dhe do e ndryshojnë shpejt statusin ne te cilin ndodhen. Ne planin financiar do i zgjidhni me maturi problemet dhe do jeni shume me te qete se disa kohe me pare.

PESHORJA 24. shtator – 23. tetor

Fati do jete ne anën tuaj gjate kësaj dite. Do shkoni neper vende te veçanta me partnerin dhe do përjetoni emocione e kënaqësi pa fund. Beqaret nuk duhet te nxitohen për asgjë. Nëse dikush nuk ua mbush mendjen plotësisht mbajeni larg. Me financat tregohuni sa me te arsyeshëm ne mënyrë qe gjendja te filloje te përmirësohet. Ju mund t’ia dilni mbanë.

AKREPI 24. tetor – 22. nëntor

Shfrytëzojeni sa te mundni çdo minute qe do kaloni pranë partnerit tuaj sot dhe keni për t’u ndier për mrekulli. Priten surpriza dhe çaste fantastike te cilat duhen shfrytëzuar ne çdo moment. beqaret nuk do kënaqen nga takimet qe do realizojnë dhe do preferojnë te qëndrojnë vetëm. Buxheti do jete gjithë kohës i mbrojtur prandaj mund te kryeni edhe ndonjë shpenzim me tepër.

SHIGJETARI23. nëntor – 21. dhjetor

Do jeni melankolike gjate gjithë kësaj dite ju te dashuruarit dhe do i merrni gjerat si t’iu vijnë. Nuk priten probleme apo vështirësi te mëdha. Beqaret do përjetojnë emocione dhe kënaqësi pa fund fale disa personave qe do i joshin ne çdo moment. Me siguri qe do pranojnë qe sot ta ndryshojnë statusin. Financat nuk do jene te këqija, por as fantastike. Tregohuni te kujdesshëm.

BRICJAPI 22. dhjetor – 20. janar

Dite goxha e trazuar dhe e zymte kjo e sotmja për ata qe janë ne një lidhje. Duhet te mateni me fjalët qe do i thoni partnerit nëse nuk doni qe çdo gjë te marre fund përgjithmonë. Beqaret do kenë takime, por asnjeri nuk do ju duket i veçante. Edhe sot kane për te mbetur vetëm. Ne planin financiar do i bëni mire llogarite dhe gjithçka do ece si duhet.

UJORI 21. janar – 19. shkurt

Mos u tregoni kokëfortë sot ne jetën tuaj ne çift dhe pranoni here pas here te hapni rruge. Partneri nuk do jete ne humorin e duhur dhe mund te acarohet për gjithçka. Beqaret do kenë me shume fat se me pare dhe do e ndryshojnë statusin. Gjendja e financave do jete e trazuar për shkak te shpenzimeve te pallogaritura qe keni kryer se fundmi.

PESHQIT 20. shkurt – 20. mars

Do përjetoni emocione te shumta sot ju te dashuruarit dhe do ëndërroni here pas here. Partneri do ju beje te ndiheni mire. Beqaret do jene gati te bëjnë gjithçka vetëm qe te mos qëndrojnë me statusin qe kane pasur deri me sot. Ne planin financiar fati do jete me ju. Do arrini t’i kryeni edhe disa investime te cilat me pare nuk kishit mundur t’i bënit.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: