Connect with Us

“Stop” publikon skandalin/ Prrenjasi me stadium 1 miliard Lekë, fituesi i tenderit i paracaktuar

Aktualitet

“Stop” publikon skandalin/ Prrenjasi me stadium 1 miliard Lekë, fituesi i tenderit i paracaktuar

Publikuar

-

perrenjasi me stadium 1 miliarde

Emisioni “Stop” trajtoi problemin e stadiumit të Prrenjasit, një investim 1 miliard Lekë i qeverisë shqiptare në prag të zgjedhjeve lokale. Ekipi i këtij qyteti, Domosdova, është në kategorinë amatore, megjithatë qyteti do të ketë një stadium me 500 vende.

Një stadium kaq modern për një qytet kaq të vogël sa Prrenjasi dhe mbi të gjitha për një skuadër si ajo e Domosdovës, e cila është në kategorinë amatore. Modeli do të jetë i tipit anglez, tribuna do të jetë e mbuluar. Ndërtimi për stadiumin e ri do të zgjasë 6 muaj dhe investimi shkon në 1 milard lekë.

Gazetarja e emisionit “Stop” ka pyetur një nga qytetarët i cili është shprehur kështu:

“Ne nuk kemi lekë të hamë bukë, ku ti gjejmë ne ato lekë. Do i gjejë qeveria ato lekC”.

Edhe pse kjo qytezë nuk ka kopshte, çerdhe, qendra shëndetësore,  kryetarja e Bashkisë, Miranda Rira, ka menduar për ndërtimin e një stadiumi që shkon në 1 miliard lekë.

Ishin 6 kompani që konkuruan. Në shpalljen fitues që ka bërë Bashkia është firma “Zdravo” ,e cila ka fituar edhe pse është renditur e fundit për nga oferta dhe e ka fituar me çmimin maksimal.

Gazetarja e emisonit “Stop” shkoi në Bashkinë e Prrenjasit, por Kryetarja u mbyll në zyrë dhe nuk doli.

Koordinatori Medias- Pa autorizimin e Kryetares , nuk mund të hysh, pa e bërë atë.

Gazetarja- Çfarë autorizimi? Pse ku jemi këtu neve?

Koordinatori Medias-Po normal, duhet të bësh kërkesën!

Gazetarja-Ç’është ky autorizim mor? Po çfarë autorizimi mor? Hiqe more këtë teori komuniste “Autorizimi”. Çfarë do me thënë autorizimi?

Koordinatori Medias-Urdhëro, këtu parqit kërkesën, që ajo të përgatitet. Si mund ta pyesësh ti, përderisa ajo s’është e përgatitur? Do bësh kërkesën, për takimin me kryetaren. O shefi, t’i nxjerr pak kërkesën unë…

Operatori Stop- Mos e prek kamerën!

Fotograf- Mos më filmo mo!

Operatori Stop- A po xhiroje gazetaren?

Fotograf- Jo, po filmoja këtë( koordinatorin).

Operatori Stop-  A po xhiroje gazetaren?

Unë të xhirova. Po, po të xhiroj unë ty tani e të kam këtu!

Fotograf- O bos, mos ma bëj mua atë t’folmen, se të thashë mos filmo. Mos filmo, e kam shumë seriozisht!

Gazetarja-( Policit) Shikoji një çikë këto të dy! Këtë tjetrin, se ky i imi është në rregull! Shiko pak këtë këtu! O zotëri, jemi autoritet ne këtu, jemi media, s’jemi…s’kemi ardhur kameraman dasme.

Fotograf- Ai thotë prit, ti filmo. Si filmo?

Operatori Stop- Kush je ti mor?

Gazetarja- Po çke ti mor vëlla, ti ke ardhur për aktivitetin.

Gazetarja-( Policit) Zotëri, të lutem hapu se kam ardhur për të takuar kryetaren.

Polici- Një minutë, të mbarojë punë.

Gazetarja- Çfarë tha kryetarja?

Koordinatori Medias- Do bëni një kërkesë me shkrim për tematikën dhe pastaj…

Gazetarja- Jo, unë s’e pranoj!

Koordinatori Medias- Po si se pranon ti?

Gazetarja- Duke e dit që …jo unë kërkesën mund ta bëj kur s’është kryetarja, por jo kur është kryetarja lart!

Koordinatori Medias- Po si mund të hysh ti?

Gazetarja- Të lutem njoftoje, thuaji që ka ardhur Odeta.

Kryetarja e Bashkisë së Prrenjasit sapo zbuloi se kishte ardhur emisioni “Stop” u mbyll në zyrën e saj.

Të gjitha punimet që ka pasur Bashkia e Prrenjësit i ka fituar firma “Zbravo”

Kryetarja e Bashkisë, Majlinda Rira, pas këmbënguljes së gazetares së emisionit “Stop” e pret grupin e xhirimit dhe thotë, se stadiumi i ri, ka qenë premtimi i saj elektoral.

Majlinda Rira: Që nga momenti që erdha kryetare bashkie jam munduar që të ngre shpirtin e tifozëve jo sepse bashkia e Prrenjasit është e pasur, por sepse është i vetmi aktivitet social- kulturor. Prrenjasi ka një ekip futbolli, i cili quhet Domosdova dhe fatkeqësisht pas prishjes së fushës ka rënë nga kategoria. Kërkuam një financim nga qeveria shqiptare nga Federata Shqiptare e Futbollit dhe e fituam këtë projekt. Unë investime kam vetëm 400 milionë Lekë të vjetra në vit dhe jam munduar të riparoj çerdhe, kanale vaditëse, etj. Por ti kisha 1 miliard Lekë, do ti përdorja ndryshe, por këto janë para që vinë nga buxheti i shtetit. A kam unë nevojë për investime të tjera, për rrugë të asfaltuara, kopshte, çerdhe, spitale? Kam shumë nevojë, se është një bashki e varfër dhe kaq investime sa unë kam marrë janë të pakta.

Për informacione më të hollësishme për strukturën e stadiumit të ri dhe kritereve të garuesit të tenderi gazetarja e emisioni “Stop” ju drejtua Bashkisë së Prrenjasit, dhe konkretisht zyrës të Urbanistikës dhe asaj të Prokurimeve.

Nga data e publikimi të tenderit, kriteret e garës janë ndryshuar 4 herë që të dilte fitues firma “Zdravo”.

Firma “Zdravo” del fituese në të gjitha punimet që ka kryer Bashkia e Prrenjasit.

Nga ana tjetër, duket se investitori “ka harruar” të shpronësojë pronarët. Por nuk ka bërë të njëjtën gjë me fituesin e tenderit, të cilin e ka paracaktuar, qysh në përcaktimin e kritereve.

Pronari i tokës- Ne kemi tokën dhe duam paret. E ka blerë gjyshi me flori.

Gazetarja- Ju e keni tokën? Jeni interesuar do preket toka juaj nga stadiumi?

Pronarja tokës- Këtë unë e kam, unë e kam. Po kështu thanë. Neve jemi në proces gjyqësor.

Pronarja tokës- Po.

Gazetarja – Nuk lejohet në proces gjyqësor.

Pronarja tokës- Epo, nuk e di!

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: