Gjyqtarët dhe prokurorët, në kulmin e procesit të Vettingut po i përdorin zyrat për t’u dëfryer dhe për të kaluar kohën.

Sikur të mos mjaftonte kjo, shkelin me këmbë figurën, integritetin e gjyqtarit edhe  prokurorit, duke u talluar me qytetarët.

                                                 Arben Micko

Në vend që të merren me punët ditore  dhe të kryejnë detyrat për atë çfarë paguhen nga taksapaguesit shqiptarë, thërrasin njerëz në zyra i tallin dhe i ironizojnë.

Kjo është kultura e një gjyqtari dhe një prokurori, si  në pamjet që përcjell një video e filmuar në Gjykatën e Tiranës.

Një video që është bërë virale në  rrjetet sociale, ka në qendër një gjyqtar të Gjykatës së Tiranës, sekretaren e tij si dhe një  prokuror të Tiranës, të cilët tallen me një qytetare.

Nga disa verifikime të CNA.al rezulton që video të jetë  bërë në zyrën e gjyqtarit Arben Mickaj,  pjesë e trupës gjykuese që “vranë” Ardit Gjoklajn.

Në videon virale, që ka irrituar mjaft qytetarë,  dëgjohet zëri i gjyqtarit Arben Micko, që tallet duke e marrë në pyetje qytetaren, pavarësisht problemit që ajo ka.

Gjithashtu në fillim të videos duket që këtij skandali i bashkohet edhe prokurori Ervin Karanxha, i cili ka shkuar në zyrën e Mickos. Ndërkohë që gjatë realizimit të kësaj videoje në zyrë ka qenë edhe sekretarja e Mickajt, M.D.

Sekretarja e cila ka ditur që po filmohet e gjithë biseda, tenton të mos duket në kamera. Gjithsesi ajo nuk ka shpëtuar pa u filmuar. Ajo shihet në fund të videos, teksa hap derën për të përcjellë qytetaren me të cilën u tallën gjyqtari dhe prokurori.

Ky skandal nuk ka nevojë për shumë koment, por tregon se si abuzojnë me taksat e qytetarëve prokurorët dhe gjyqtarët. Vettingu ëshrë pak për gjyqtarë dhe prokurorë të tillë që s’ njohin moral, integritet dhe detyrën e tyre jo e jo që se njohin./CNA.al

                             Ervin Karanxha

                           Sekretarja e Arben Mickos

Nënkryetari i Parlamentit, Edi Paloka në një postim në rrjetet sociale ka reaguar pas përzgjedhjes si një prej fotove të javës momentin kur ai i hedh bojë në fytyrë kryeministrit Edi Rama nga “Reuters”.

Sipas Palokës, ai e bëri të famshëm Ramën, i cili për të tërhequr vëmendjen e mediave ndërkombëtare ka shkuar me atlete dhe ka hapur ekspozita si kryeministër.

Më tej Paloka shkruan se në momentin kur ai spërkati me bojë Ramën ky i fundit e ka sharë dhe kërcënuar, moment i cili nuk është filmuar nga mediat.

Postimi i plotë i Palokës:

E bera te famshem…
Cfare nuk ka bere per te terhequr vemendjen e nderkombetareve dhe mediave te huaja:
Ka shkuar me atlete ne summite nderkombetare , madje dhe ne sallone e oborre mbreterore; ka hapur ekspozita si kryeminister ne galerite me te shtrenjta te botes ; ka bere eksentrikun, sharlatanin e karagjozin sa ka mundur ne takime nderkombetare; ka paguar miliona per intervista e reportazhe; ka angazhuar dhe Sorosin per ti bere publicitet ne mediat qe kontrollohen prej tij…
Po nuk arriti kurre te merrte vemendjen dhe publicitetin qe mori pas te enjtes se kaluar. Faqja e tij e zeze beri shetitjen e mediave nga vendet arabe ne SHBA, nga Evropa ne Azi. E jo shaka po gjithe mediat me te rendesishme te planetit.
Sot ka fituar dhe cmime nga keto media (Reuters apo BBC) si kryeministri faqezi dhe gojeqelbur i Shqiperise.
P.S
Po e them tani per here te pare ( kam deshmitare spiropallen):
Nje nga momentet qe nuk e kapen dot mediat, nje nga ato shume momente kur kryeministri i “rilindjes” shan e shfryn nga vendi pa mikrofon, sapo ishte bojatisur, mu drejtua duke me kercenuar. Me kercenoi se do vazhdonte te me “bente qesharak” ne Parlament…
E thene nga ai eshte per tu marre ne konsiderate, por pa modesti fare, dyshoj qe sado te perpiqet, do arrij te me bej “te famshem” aq sa arriti ai brenda nje dite…/CNA.al

Kryeministri i Kosovës Ramush Haradinaj gjatë një vizite në kompleksin memorial në Gllogjan ndër të tjera ka folur edhe rreth vendimit të tij për taksën ndaj Serbisë.

Haradinaj është shprehur me tone bindëse duke thënë se derisa qeveria të drejtohet nga ai taksa nuk do të hiqet.

Sipas tij, kërkesat e serbëve nuk do të ndalen me heqjen e tarifës.

“Shpresoj më dëgjuat shumë mirë. Po e shihni ku kam ardhur për ta thënë. Sa jam unë kryetar qeverie taksa nuk hiqet. Nëse ne fillojmë të bëjmë hapa prapa, njëherë kërkohet të hiqet tarifa, nesër mund ta kërkojnë të hiqet Trepça, të hiqet Ushtria, të hiqet diçka tjetër”,-tha ndër të tjera Haradinaj./CNA.al