Connect with Us

Tatimi për Mediat Online/ Shoqata e gazetarëve kërkesë Komisionit Ekonomik

Aktualitet

Tatimi për Mediat Online/ Shoqata e gazetarëve kërkesë Komisionit Ekonomik

Publikuar

-

komisioni-i-ekonomise

Shoqata e Mediave Online me anë të një kërkese i është drejtuar Komisionit Parlamentar të Ekonomisë dhe Financave për rishkimin e Ligjit Nr.96/2018.

Kërkesa për rishikimin e Ligjit është bërë me qëllim që mediat Onlin të vihen në kushte të barabarta me median tradicionale, duke i bërë subjekte të shkallës së reduktuar të TVSH prej 6%.

Konkretisht, është kërkuar të rishikohet neni 53 i Ligjit Nr.96/2018.

“Ne, “Shoqata e Mediave Online” duke marrë shkas nga ndryshimet e fundit ligjore te kryera ne ligjin 92/2014 “Për tatimin mbi vlerën e shtuar në Republikën e Shqipërisë”, ato të publikuara ne ligjin 96/2018 e të shpallura ne fletoren zyrtare nr 187 të datës 28/12/2018 me konkretisht:

Nenin 53, “Përjashtime për disa veprimtari të tjera, në shkronjën j fjalët dhe i librave, dhe nga media elektronike hiqen”. Kjo do të thotë se për ne, subjektet që ushtrojnë aktivitet në fushën e medias online që jemi të përgjegjësisë tatimore me TVSH, shkalla e tatimit nga 0 % që ishte më parë tashmë bëhet 20%.”, thuhet në kërkesën e Shoqatës së Mediave Online.

Për Mediat Online, ky fakt është shqetësues, pasi për ndryshimet ligjore u kryen në fund të vitit (28/12/2018) dhe është kërkuar që zbatimi i tyre të fillojë me datë 01/01/2019.

Por, nga ana tjetër kjo është e pamundur që në aspektin fiskal, për shkak se subjektet nuk mund të përshtaten kaq shpejt me ndryshime të rëndësishme ligjore.

“Nëse krahasohet edhe me rastet e tjera të ngjashme të ndryshimeve të rëndësishme të ligjeve nuk gjejmë asnjë rast në të cilin koha e publikimit të ligjit dhe hyrja në fuqi e tij të jetë kaq e afërt.

Sipas Shoqatës së Mediave Online, rezulton se të tilla ndryshime bëhen të ditura 1 dhe 2 vite përpara hyrjes në fuqi.

Gjithashtu shqetësues mbetet fakti se lidhur me këto ndryshime nuk janë bërë dëgjesa të hapura me grupet e interesit dhe nuk është marrë mendimi i aktorëve të kësaj fushe dhe ata që preken më shumë nga ky ligj.

“Vërejmë se kjo politikë shkon në kah të kundërt me atë që Administrata Tatimore propagandon, e cila është përfshirja e të gjitha subjekteve në bashkëbisedim me ta dhe ku shpeshherë thuhet se në çdo rast do meret mendimi i tyre për çdo ndryshim ligjor fiskal.

Duket se një gjë e tillë nuk është kaluar pa dashje po të shohim edhe ndyshimin tjetër që është bërë në vazhdim të këtij ligji, konkretisht:  “Në nenin 49, Shkallët e reduktuara, pas pikës 5 shtohen pikat 6, 7 dhe 8 me këtë përmbajtje: 6. Shkalla e reduktuar e tatimit mbi vlerën e shtuar, e cila aplikohet për furnizimin e shërbimit të reklamave nga media audiovizive, është 6 për qind”. 

Kjo do të thotë se media komerciale ajo e Televizioneve tashmë nga shkalla e TVSH 20%, kalon në atë të reduktuar prej 6%, duke e favorizuar në tregun e medias në vendin tonë. Në këtë mënyrë Televizonet, që duhet thënë se tashmë janë të konsoliduara në tregun e tyre mediatik, iu bëhet një avantazh konkurues për të përthithur me shumë reklama, ndërkohë që Media Online është një realitet i ri në tregun mediatik shqiptar e duhet të kishte një qasje tjetër në politikat e favorizimit të orareve shtetërore të këtyre subjekteve si një trend tashmë edhe ndërkombëtar. Një gjë e tillë do ta tkurrë këtë model sipërmarrje në vendin tonë, duke i shkaktuar dëme konkuruese, por edhe profesionale si një model ky që nxit profesionistët e gazetarisë, por dhe punëson një numër të kosiderueshëm punëmarrësish. “, thuhet më tej në Kërkesën e Shoqatës së Mediave Online./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: