“Allegri do të qëndrojë edhe vitin tjetër!”. Ka mjaftuar kjo fjali e Andrea Agnellit, presidentit të Juventusit, që gazetarët italianë të mos merreshin më me dështimin e jashtëzakonshëm të klubit bardhezi që këtë sezon do të dalë me vetëm një Superkupë Italie dhe një titull, i teti radhazi (rekord absolut).

E megjithatë, tifozët e Juventusit, duke parë reagimet në rrjetet sociale, nuk janë aspak të kënaqur me titullin, sidomos pas ardhjes së Cristiano Ronaldos, në një vit që duhet të ishte ai i kapërcimit të madh dhe kthimit te një trofe që mungon prej plot 23 vjet.

Pikërisht kjo eufori e krijuar dhe e “amplifikuar” edhe më shumë nga kualifikimi me përmbysje ndaj Atletico Madridit, me tri golat e CR7, është kthyer në në dëshpërim. Festa e titullit do të duket njësoj si të festosh ditëlindjen një ditë pasi një familjar sapo ka humbur jetën…

Por, çfarë do të ndodhë sezonin tjetër? Agnelli përpiqet të hedhë hi syve, por e vërteta është krejt ndryshe: pritet të ketë afrime të bujshme në çdo rol. Duhen kampionë dhe vetëm me ato, Ronaldo do të ishte finalizuesi dhe ai që në ndeshjet e mëdha bën diferencën. Por, priten edhe të sakrifikuar. Megjithatë, çdo gjë nis nga ABC.

Kështu, duhet vendosur në lidhje me stolin. Allegri ka një kontratë deri në qershor të vitit 2020 dhe do të kërkojë një rritje rroge dhe rinovim edhe për një vit plus, pra 2021.

Andrea Agnelli pas humbjes në Madrid ndaj Atleticos, i ka telefonuar Guardiolas, edhe pse ky i fundit do të vazhdojë projektin e tij te Manchester City. Ndërkohë, emri i vetëm quhet… Antonio Conte, i cili për momentin ende nuk ka marrë asnjë angazhim dhe po fiton kohë.

Frenkie de Jong, mesfushori i Ajax-it që do të veshë fanellën e Barcelona-s nga 1 korriku i ardhshëm, ka folur për transferimin e mundshëm te katalanasit të shokut të tij të skuadrës dhe kombëtares, Matthijs de Ligt.

Mbrojtësi 19-vjeçar pëlqehet prej kohësh nga shumë skuadra, por spanjollët duket se janë në “pole position”. “De Ligt me mua te Barcelona? Nuk më takon mua të flas”, ka thënë De Jong.

“Është ai që duhet të zgjedhë dhe unë nuk do të ndërhyj në vendimin që ai do të marrë”.

Sekretari Burimeve Njerzore i FRPD, Indrit Hoxha, ka bërë një reagim në rrjetet sociale për situatën politike në vënd.

Sipas Hoxhës, qëllimi i PD është që të zëvendësojë sistemin e dështuar dhe të korruptuar me një qeveri të kontrolluar nga qytetarët. “Sistemi politik dhe oligarkët ekzistojnë vetëm për një arsye, për të mbrojtuar dhe financuar veten,ata hedhin miliona euro në zgjedhje”- shkruan më tej Indrit Hoxha.

Postimi i plotë

Qellimi eshte te zevendesojme nje sistem te deshtuar dhe te korruptuar politik me nje qeveri te re te kontrolluar nga qytetaret. Kjo eshte nje ceshtje qe kerkon mbijetesen e demokracise,duhet te percaktojme jemi nje vend i lire apo kemi iluzionin e demokracise.Te flasim hapur dhe qarte dhe mediat ne vendin tone nuk perfaqesojne me gazetarine ,ka intersa politike dhe ekonomik ne duart e nje grupi njerzish, kushdo qe perpiqet ti sfidoje do perballet me nje makineri probagande te frikshme. Sistemi politik dhe oligarket ekzistojne vetem per nje arsye,per te mbrojtuar dhe financuar veten,ata hedhin miliona euro ne zgjedhje.Klasa politike ka sjelle shkaterrimin e Shqiperise.Ky eshte realiteti ata e dine ju e dini une e di dhe gjithe shqiptaret e dine./CNA.al