Aktualitet
Plas te “Shëndetësia”/ Debate të forta mes deputetëve
Anëtarët e Komisionit të Shëndetësisë, gjatë mbledhjes së sotme janë kanë debatuar me tone të ashpra.
Në këtë komision sot do të diskutohej për ndihmën ekonomike, por situata ka dalë jashtë kontrollit.
Deputetja e Partisë Socialiste, Adelina Rista i ka kërkuar llogari kreut të Komisionit, deputetit të Lëvizjes Socialiste për Inetgrim, Petrit Vasilit, për faktin se pse aty ndodheshin njërez të paautorizuar dhe pse kishte lejuar debatet.
Rista ka thënë se kishte marrë ankesa nga qytetarët se nuk po e kuptonin se çfarë ishte duke ndodhur në Komision.
“Sapo pata një telefonatë nga një 80 vjeçare që po na sheh në televizor. Çfarë po bëhet aty tek ju më tha? Vetëm duke ju parë po bëhemi gati të thyejmë tv”,- u shpreh deputetja e PS-së
Ndërkohë, deputeti i Partisë Demokratike, Gazmend Bardhi i cili ishte duke folur në momentin kur ka ndërhyrë Rista nuk i ka pëlqyer aspak kjo ndërprerje dhe në fund ka braktisur mbledhjen e Komisionit.
Rista: Turp zoti Vasili, këtu kanë hyrë persona të paautorizuar
Bardhi: Pse më ndërpret moj zonjë
Rista: Ke ngatërruar foltoren zoti Bardhi, t’i po më ndërpret
Bardhi: Nuk po të ndërpres
Rista: Zoti Vasili e drejtoni këtë komision dhe përgjegjësia për rregullin bie mbi ju
Bardhi çohet nga vendi dhe braktis komisionin./CNA.al
Aktualitet
Plas në Digitalb, stafi letër aksionarëve: Me detyrim të dalim në rrugë të madhe
Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.
Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.
Më poshte teksti i plotë dhe nje foto e emailit që qarkullon në Digitalb.
Aktualitet
KQZ u “mbyll derën” aleatëve të Bashës/ LSI: Nuk do të ndalemi
Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.
Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.
Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.
“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.
Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al
Aktualitet
Teuta i ‘rrëmben’ Kukësit Stivi Frashërin
Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.
28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.
Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.
Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.
