Connect with Us

Përdhunimi i të miturës/ Zbulohet plani i drejtoreshës për të fshehur ngjarjen

Aktualitet

Përdhunimi i të miturës/ Zbulohet plani i drejtoreshës për të fshehur ngjarjen

Publikuar

-

Shkolla Rilindja në Kavajë

Përdhunimi i të miturës/ Drejtoresha e shkollës tentoi të fshehë ngjarjen

Ish kryeministri Sali Berisha ka publikuar të tjera denoncime për përdhunimin e të miturës në qytetin e Kavajës.

Në një postim në rrjetet sociale, Berisha shkruan se drejtoresha e shkollës “Rilindja” në Kavajë ka tentuar që të fshehë gjurmët e krimit, duke e transferuar të miturën në një shkollë tjetër.

“Kakistokracia bëri çdo gjë për të fshehur ngjarjen tronditëse!

-Drejtoresha Deje Qarri për të fshehur gjurmët e krimit të shëmtuar kërkoi të transferojë viktimën në një shkollë tjetër

-Dënohet përdorimi i pamëshirshëm, për qëllime propagandistike i familjes së viktimës nga krye, krye përdhunuesi i Vjolistanit dhe zëdhënësja e tij!”-shkruan ish Kryeministri.

Në një prej denoncimeve shkruhet se drejtoresha e kësaj shkolle, Deja Qarri ka tentuar që ta çonte vaqzjën te shkolla “Fiqiri Kurti”, për të mbuluar ngjarjen.

“Përshëndetje Doktor, jam një qytetar nga Kavaja dhe dua të të informoj për një tjetër veprim të drejtoreshës së shkollës “Rilindja”. Sipas një informacioni të sigurtë drejtoresha Deja Qarri përveçse nuk ndërmori veprimet e duhura kur mori vesh ngjarjen ka tentuar që vajzën e përdhunuar ta transferojë në shkollën “Fiqiri Kurti”, ka biseduar me drejtoreshën e “Fiqiri Kurtit” për ta transferuar atje që kjo çështje të mbyllej mirëpo kjo e fundit nuk ka pranuar. Për mendimin tim përgjegjësi për këtë që ndodhi ka dhe roja i shkollës që është djali tezes së Deja Qarrit.. Po roja për çfarë merr rrogën kur nuk di se çfarë ndodh në shkollë? Gjithashtu dua të shpreh mirënjohjen maksimale për ish drejtoreshën e shkollës “Rilindja”, e cila nuk jeton më Frida Arkaxhiu, në kohën kur ishte kjo drejtoreshë, asaj nuk mund të mendohej t’i ndodhnin këto gjëra përkundrazi ishte shkolla model kur merrnin shembull të gjitha shkollat e qytetit tim.. si çdo gjë tjetër që u shkaterrua me ardhjen e rilindjes në pushtet u shkatërrua dhe kjo shkollë ( jo muret se muret i bëjnë të bukura me lajle lule këta, por mësimdhënia dhe figura e mësuesit) ju falenderoj që jeni zëri çdo hallexhiu që ja mohojnë të drejtën.”-thuhet në denoncimin e parë.

Ndërsa, në meszhin e qytetarit tjetër është denoncuar bërja publike e prindërve të vajzës nga ministrja për Marrëdhëniet  me Kuvendin, Elisa Spiropali.

Qytetari thotë se nëse deri në atë moment kishte shumë që nuk e dinin se cila ishte vajza, tani e morën vesh të gjithë.

“Mirëmbrëma z. Berisha, përtej fatkeqsisë së madhe që i ndodhi familjes në Kavajë, unë jam një i afërt i tyre dhe ju siguroj se deri para publikimit të videos për propagandë nga Kryeministri dhe Eliza e tij jo të gjithë qytetarët e dinin se cila ishte dhe e kujt ishte vajza lëre ça thonë që e dinte gjith qyteti. Pas publikimit të videos e morën vesh të gjithë për familjen kjo është lehtësisht e verifikueshme dhe kjo ishte një traumë e madhe për ta.Ata pasi heshten për 6 ditë me radhë dhe u sulmuan për këtë heshtje nga të gjitha shkuan nëpërmjet një familjari të punësuar në shtet me garanci se nuk do t’i nxirnin në televizion.Të uroj shëndet dhe të falenderoj që me njoftimin tënd i detyrove të mbahet qëndrim ndaj aktit tronditës dhe të mos fshihej më!!”-shkruhet në mesazhin e denoncuesit./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: