Aktualitet
Për një votë dhe kredibilitet/ Përdhunuesit e politikës nuk ndalen
Ngjarja e rëndë me 13-vjeçaren në Kavajë, tregoi dhe shpalosi një anë tjetër të politikës.
E mituara u shndërrua në kartë politike nga të gjithë politikanët pa asnjë dallim.
Politikanët shqiptarë u vunë në radhë për ta përdhunuar sërish.
Së pari ish-kryeministri Sali Berisha, i cili bëri publik denoncimin kur nga Policia ishin shoqëruar personat e dyshuar për përdhunim.
Së dyti kryeministri Edi Rama dhe Partia Socialiste me Elisa Spiropalin si dhe të tjerë nga mazhoranca, që përtej denoncimit për t’u mbrojtur arritën dhe nxorën fytyrat e familjarëve të së miturës.
Gjithashtu në këtë vorbull përdhunimi u përfshi edhe LSI-ja, që nga kryetarja Monika Kryemadhi dhe deri tek deputetët.
Të gjitha palët politike në Shqipëri përdhunuan pa ndalim. Ky është një nga rastet më flagrante në politikën shqiptare.
Për të fituar kredibilitet, për një votë, çfarë nuk janë në gjendje të bëjnë.
Për 30 vjet rrjesht përdhunuan pa ndalim shqiptarët dhe një gjë të tillë vijojnë ta bëjnë pa ndalim.
Në rastin e Kavajës janë të paktën rreth 1000 persona, duke filluar që nga shkolla, të afërmit e të miturve dhe të tjerë. Ky është një nga rastet, kur Policia duhet përshëndetur që e kishte mbajtur diskret këtë rast.
Pasi ky është një rast që kërkon trajtim të kujdesshëm social, sepse shkakton traumë dhe jo për të mbrojtur të miturit që e kanë kryer veprën penale, por për të menduar për të ardhmen. Që nesër pas nesër, ata të mos dalin nga institucionet riedukimit më keq se ç’kanë hyrë./CNA.al
Aktualitet
Makina përplas këmbësoren/ Në gjëndje të rëndë 47-vjeçarja
Një ngjarje e rëndë ka ndodhur ditën e sotme në “Patos fshat”.
Një mjet tip “Audi” ka përplasur këmbësoren A.M 47-vjeçe.
Drejtuesi i mjetit është larguar nga vendngjarja.
Mësohet se A.M ndodhet në gjëndje të rëndë në spital./CNA.al
Aktualitet
Plas në Digitalb, stafi letër aksionarëve: Me detyrim të dalim në rrugë të madhe
Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.
Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.
Më poshte teksti i plotë dhe nje foto e emailit që qarkullon në Digitalb.
Aktualitet
KQZ u “mbyll derën” aleatëve të Bashës/ LSI: Nuk do të ndalemi
Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.
Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.
Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.
“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.
Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al
sopiqoti
10 Shkurt, 2019 at 5:04 pm
Simbs fjales se urte populore : ” shyqyr qe u martue lala,ti biem te gjithe nga nje gere “.