Connect with Us

“Pse princeshat nuk mbajnë syze?”- 9 vjeçarja i dërgon një letër kompanisë “Disney”

Aktualitet

“Pse princeshat nuk mbajnë syze?”- 9 vjeçarja i dërgon një letër kompanisë “Disney”

Publikuar

-

Lowri Moore, e cila ka mbajtur syze që kur ka qenë 1 vjeç, i ka shkruar një letër CEO-së së Disney, Robert Iger, për ti kërkuar që më shumë personazhe të tyre të duken si ajo.

9 vjeçarja nga Nottingham, tha se princeshat e Disney-t asnjëherë nuk vendosin syze, e kjo e ka bërë të ndihet jo të bukur mjaftueshëm. Prandaj ajo vendosi ti hedhë në letër këto mendime dhe mbi të gjitha të pyesi CEO-në e kompanisë se pse në filmat e tyre, ata që vendosin syze janë “nerd”-at, ndryshe “të çuditshmit”.

Në të kaluarën Lowri kishte mësuar që në shfaqjet e shkollave ti luante rolet e princeshave pa syze, edhe pse kjo do të thoshte që gjatë gjithë kohës nuk mund ti shihte shoqet e saj. Por më pas ajo mësoi si ta pranonte veten kështu siç është, por dëshiron që vajzat e tjera si ajo të mos ndihen keq. “Doja ta shkruaja këtë letër për të bërë një ndryshim. Nuk dua që vajzat e tjera të mendojnë njejtë siç kam menduar unë. Kur isha më e vogël, hiqja syzet që të dukesha si princeshë. Tani jam rritur mjaftueshëm për ta kuptuar se jam e bukur edhe me syze, por më vjen keq për vajzat e tjera që ndoshta ende s’e kanë kuptuar.”- shprehet Lowri.

Ndërkohë prindërit e saj nuk habiten aspak me letrën që ajo i ka dërguar Disney-t duke thënë se: “Në të kaluarën ajo thoshte gjithë kohën që nuk donte ti vendoste syzet. Ne i thonim gjatë gjithë kohës dhe ende i themi që është shumë e bukur, brenda dhe jashtë, e se syzet nuk bëjnë asnjë ndryshim në pamjen e saj. Ajo ka një zemër të mirë dhe do të kujdeset për të gjithë, prandaj shpresojmë që letra e vajzës tonë të mos kalojë pa u vënë re. “

Lowri tani po pret që të marrë një përgjigje nga Disney, e më mirë akoma, që kompania të vendosë që të zhvillojë disa personazhe të rinj në mënyrë që të gjithë fëmijët të ndihen më të përfaqësuar.

Aktualitet

FSHF bën njoftimin e rëndësishëm, kërkon të shesë emrin e stadiumit të ri

Publikuar

-

Nga

Nëpërmjet një njoftimi në faqen zyrtare, Federata Shqiptare e Futbollit ka bërë me dije se kërkon një sponsor për stadiumin e ri kombëtar.

FSHF sqaron se e drejta për të qenë sponsor në impiantin modern që është duke u ndërtuar në kryeqytet përfshin blerjen e të drejtave të emrit të stadiumit të ri si dhe përfitime të tjera.

Çmimi dysheme i vendosur nga FSHF është 600 mijë euro në vit, teksa çdo kompani duhet të përmbushë disa kritere bazë.

NJOFTIMI I FSHF-së:

Federata Shqiptare Futbollit njofton se po kërkon një sponsor për stadiumin e ri kombëtar. E drejta për të qënë sponsor përfshin blerjen e të drejtave të emrit të stadiumit të ri si dhe perfitime të tjera.

Çdo kompani e interesuar duhet të permbush kriteret bazë që janë:

Të jetë një kompani me një xhiro prej të paktën 10 milion euro në vit
Të jetë një kompani që gëzon emër të mirë dhe reputacion të rëndësishëm kombëtar dhe/ose ndërkombetar
Shitja e të drejtave të emrit do të ketë një afat minimal prej 5 vitesh dhe një çmim dysheme prej 600 mijë euro në vit.

Çdo subjekt që vlerëson se përmbush kriteret e mësipërme dhe shfaq interes për ofertën duhet të paraqes një letër për shfaqje interesi deri më datën 15 Gusht 2019.

Shfaqja e interesit do të konsistojë në një letër ku të parashtrohet deklarimi i kompanisë se është e interesuar dhe të paraqitet dokumentacion bazë për xhiron e kompanisë dhe një CV të saj në lidhje me veprimtarinë në vendin tonë apo jashtë tij.

Procedurat e mëtejshme të zgjedhjes së kompanisë do ju njoftohen vetëm kompanive që do të shprehin interes, në një moment të dytë.

LEXO TE PLOTE

Aktualitet

“Jetë të gjatë gjoksit të madh”/ Enca iu përgjigjet kritikave për ekspozimin e linjave

Publikuar

-

Enca është një nga vajzat më të komentuara të shtypit rozë. Shpesh herë ajo poston foto e video teksa ekspozon format e saj.

Së fundi Enca ka publikuar klipin e saj më të ri “Jealous”, ku mbizotërojnë vajzat seksi dhe festa të çmendura.

Kënëgtarja ka publikuar një video, teks akëndon një nga fragmentet e kënëgs më të re.

Ndërkohë që fansat kanë nisur menjëherë me komentet.

Njëra prej tyre i shkruan: “O Enca, do të bëj një pyetje. Pse në çdo video tënden e nxjerr gjoksin? Mos ma merr për keq, ti më pëlqen shumë por atë pyetje dua ta di.”- i shkruan fansja të cilës Enca ja ka kthyer:

“Le te themi qe gjoksi nuk eshte si qenushi qe e nxjerrim nga shpia kur te duam .Ne vajzat me gjoks te madh e kemi aty gjithe kohen dhe duam sduam bie gjithmone ne sy! Gjithashtu kjo ishte pjese e nje klipi ku xhiruam NE PLAZH me bikini. Une kam veshur fustan. Edhe nese do vishja dicka te mbyllur gjoksi im serish do te binte ne sy. Jete te gjate gjoksit te madh !”- është përgjigjur këngëtarja, e cila e ka postuar këtë koment edhe në Instastoryn e saj.

 

LEXO TE PLOTE

Aktualitet

Kultivonte drogë rreth shtëpisë/ Arrestohet 59-vjeçari

Publikuar

-

Nga

Një 59-vjeçar ka rënë në prangat e policisë, në fshatin Mallkeq të Vlorës, pasi akuzohet se kultivonte lëndë narkotike në pronën e tij.

Pas kontrollit të ushtruar përreth banesës u konstatuan të mbjella disa bimë narkotikë të dyshuara si cannabis sativa ç’ka ka çuar edhe në arrestimin e 59-vjeçarit me inicialet P.M.

Njoftimi i policisë:

Arrestohet në flagrancë për “Kultimin e bimëve narkotike” shtetasi:

M., 59 vjeç, banues në fshatin Mallkeq, Vlorë.

Shërbimet e Policisë të Komisariatit Selenicë pas informacioneve të marra në rrugë operative se ky shtetas kultivonte bimë narkotike në pronën e tij, menjëherë pas kontrollit të ushtruar përreth banesës u konstatuan të mbjella disa bimë narkotikë të dyshuara si cannabis sattiva.

Në vijim të veprimeve Policia vuri në pranga 59 vjeçarin për veprën penale “Kultivimi i bimëve  narkotikëve”.

Materialet iu referuan Prokurorisë për veprime të mëtejshme./CNA.al

 

LEXO TE PLOTE