Connect with Us

Viti i Ri hënor, këtë radhë nën shenjën e derrit

Aktualitet

Viti i Ri hënor, këtë radhë nën shenjën e derrit

Publikuar

-

Kur ora të shënojë mesnatën, më 5 shkurt, urime për fat të mirë do të shprehen, fishekzjarret do të shpërthejnë në qiell dhe zarfe të kuqe të mbushura me parà do të këmbehen, ndërsa miliona njerëz në të gjithë botën do të hyjnë në Vitin e Ri hënor.

Ky Vit i Ri hënor është viti i derrit.

Kështu, karakteri vizatimor “Peppa Pig” (Derrkuci Pepa) është tashmë një hit në Kinë, ndërsa vendi përgatitet të hyjë në Vitin e Ri hënor.

Seria që ka nisur të shfaqet në Kinë në mesin e viteve 2000 është bërë jashtëzakonisht popullore, përmes episodeve të dubluara në gjuhën mandarine, edhe pse vendi komunist e ka censuruar jo pak Peppën, me medien shtetërore që e ka cilësuar atë emblemë të antikulturës.

LEXO EDHE:  Do të gjeni dashurinë/Kjo është shenja që do të jetë më me fat këtë verë

Pavarësisht kësaj, në një vend ku derri është simbol i pasurisë, Peppa po shitet shumë. Por, për Jenny Tsai, në Tajvan, çdo vit është viti i derrit. Apartamentin e saj, ajo e ndan me një tjetër njeri, por si bashkëjetues ka edhe 4 derra. Tsai thotë se derrat e saj janë aq të zgjuar, saqë kanë mësuar tani edhe të hapin frigoriferin.

Në anën tjetër, në Hong Kong është ndezur debati se çfarë duhet bërë me popullatën në rritje të derrave të egër. I njohur për qiejgërvishtësit e panumërt të tij, Hong Kongu ka edhe një seri malesh dhe parqesh ku gjallërojnë derrat e egër, e gjithnjë e më shpesh po ndodh që njerëzit dhe derrat të takohen fytyrë më fytyrë.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Basha: “Rezultati i zgjedhjeve të 25 prillit nuk do të njihet kurrë”

Publikuar

-

Nga

Basha: "Rezultati i zgjedhjeve të 25 prillit nuk do të njihet kurrë".

Në Shqipëri, kryetari i Partisë Demokratike, Lulzim Basha, deklaroi sot se zgjedhjet e përgjithshme të 25 prillit ishin një masakër elektorale dhe se rezultati i tyre nuk do të njihet kurrë.

Zoti Basha tha gjatë një tubimi në Durrës me përkrahës të opozitës se në zgjedhjet e përgjithshme krimi i organizuar tjetërsoi vullnetin e votuesve, Partia Socialiste shfrytëzoi gjerësisht burimet shtetërore dhe ndodhi shitblerja e votave për qeverinë dhe pavlefshmëria e fletëve të votimit në masë të madhe.

“Ky rezultat nuk do të njihet kurrë dhe për kë mendon se 25 prilli është mbarimi i betejës tonë për t’u siguruar durrsakëve dhe të gjithë shqiptarëve të ardhmen që meritojnë në vend të masakrës mbi demokracinë, mbi familjet e tyre, mbi bizneset e tyre, mbi të ardhmen e tyre e ka gabim. Beteja jonë vazhdon dhe do të vazhdoje deri në përmbysjen e regjimit Rama-Doshi” – tha kryetari i PD-së.

Rezultatet e zgjedhjeve të përgjithshme flasin për një fitore të Partisë Socialiste me 74 mandate, Parti Demokratike dhe aleanca e saj morën 59 mandate, aleatja tjetër e saj që garoi më vete, Lëvizja Socialiste për Integrim mori 4 mandate, ndërsa Partia Social-Demokrate fitoi 3 mandate dhe shprehu gadishmërinë të bashkëpunojë me socialistët.

Bashkësia ndërkombëtare, SHBA dhe BE, u bënë thirrje forcave politike dhe udhëheqësve të tyre që të pranojnë vendimin e votuesve, duke shpresuar në respektimin dhe certifikimin e rezultateve dhe funksionimiin efektiv të institucioneve demokratike të vendit, që dalin nga këto zgjedhje.

Përfaqësues diplomattikë nga Uashingtoni dhe Brukseli theksuan se mbështesin raportin paraprak të OSBE/ODIHR-it, sipas të cilit, zgjedhjet ishin të mirorganizuara nga administrate zgjedhore, fushata ishte gjithëpërfshirëse dhe dita e zgjedhjeve ishte e qetë.

Po ashtu vëzhguesit ndërkombëtarë të zgjedhjeve theksuan se partia në pushtet përdori burimet qeveritare në fushatë dhe mori avantazh nga kjo.

Por zoti Basha tha se gjatë një viti opozita u ka dëshmuar me fakte institucioneve ndërkombëtare krimet zgjedhore të Partisë Socialiste dhe të kryeministrit Rama, ndërsa dhe gjithë prokuroritë e vendit janë 180 padi për këto krime para dhe pas ditës së zgjedhjeve.

LEXO EDHE:  Të qetë dhe jo materialistë/ Tiparet më pozitive të shenjës së Demit

LEXO EDHE:  Të qetë dhe jo materialistë/ Tiparet më pozitive të shenjës së Demit

Kjo, sipas tij, është një sfidë edhe për drejtësinë e re edhe për KQZ-në, ku opozita kërkoi pavlefshmërinë dhe rivotimin në 9 nga 12 qarqe të vendit.

Një grup figurash të njohura të Partisë Demokratike i kanë kërkuar zotit Basha të japë dorëheqjen pas humbjes së zgjedhjeve, dhe shpalljen e garës për kryetar të ri dhe forume të reja drejtuese.

Megjithatë kërkesat e tyre për dorëheqje të zotit Basha vijnë në një kohë, kur mandati i tij i rregullt skadon në korrik, kur priten edhe hapa të tjera në këtë drejtim.

PD dhe LSI kanë depozituar një seri ankesash në KQZ, duke kërkuar rivotim në 3/ 4 e qarqeve të Shqipërisë, për shkak të manipulimeve dhe presioneve të shumta, që ndikuan në rezultatin e zgjedhjeve.

Partia Socialiste i ka hedhur poshtë këto akuza, duke pohuar se fitoi një mandat të tretë për të qeverisur vendin, pasi fitoi besimin e qytetarve për mirëqeverisje, dhe menaxhimin e krizave të pandemisë Covid dhe të tërmetit.

PS i ka bërë thirrje PD-së që të bashkëpunojnë për reforma me rëndësi për të ardhmen e vendit.

Në KQZ vazhdojnë të shqyrtohen kërkesat e opozitës. Edhe OSBE/ODIHR po përgatit një raport të plotë mbi zgjedhjet, ndërsa në raportin paraprak theksoi se procesi zgjedhor rezultoi të ishte i suksesshëm në përgjithësi, ndonëse vëzhguesit morën shumë pretendime për shitblerje votash, të cilat po hetohen.

Ata dënuan tensionimet dhe vrasjen e një personi në Elbasan dhe plagosjen e disa të tjerëve disa ditë para votimit.

Vëzhguesit pohuan se ministrat vazhduan fushatën me burime shtetërore, ndërsa nëpunësit e administratës, sipas tyre, patën presione dhe stimuj për të mbajtur anën e qeverisë./voa

LEXO TE PLOTE

Sociale

Rikthehen vranësirat/ Si e parashikojnë motin sinoptikanët për nesër

Publikuar

-

Nga

Rikthehen vranësirat/ Si e parashikojnë motin sinoptikanët për nesër

Ditën e nesërme vendi ynë do të ndikohet nga kalimi i një fronti të ftohtë atmosferik, shoqëruar me masa ajrore të paqëndrueshme dhe të lagështa.

Moti do të jetë me vranësira mesatare dhe të dendura por nuk do të mungojnë intervalet e shkurtra me diell.

Sipas Shërbimit Meteorologjik, vranësirat do të shoqërohen me reshje shiu të herëpashershme me intensitet të ulët.

Në zonën e veriut dhe qendër reshjet do të jenë me intensitet deri mesatar në formën e shtrëngatave shoqëruar me shkarkesa elektrike.

LEXO EDHE:  Do të gjeni dashurinë/Kjo është shenja që do të jetë më me fat këtë verë

LEXO EDHE:  Horoskopi për ditën e parë të muajit Nëntor/ Zbuloni çfarë surprizash ju presin ditën e sotme

Era do të fryjë nga kuadrati i jugut me shpejtësi 1-8m/sek, përgjatë vijës bregdetare deri në 12m/sek, erë me rrahje shoqëruar me valëzim në dete i forcës 1 ballë.

Ndërkohë, temperaturat parashikohen në:

zonat malore 10°C deri në 22°C

zonat e ulëta 11°C deri në 23°C

zonat bregdetare 12°C deri në 22°C./ CNA.al

LEXO TE PLOTE

Bota

Bie numri i amerikanëve që ngurrojnë të vaksinohen

Publikuar

-

Nga

Bie numri i amerikanëve që ngurrojnë të vaksinohen

Aktualisht, janë më të paktë amerikanët që hezitojnë imunizohen ndaj COVID-it krahasuar me vetëm disa muaj më parë, por pikëpyetjet për efektet anësore dhe mënyrën se si u testuan vaksinat ende i bëjnë disa njerëz të ngurrojnë, sipas një sondazhi të ri.

Vetëm 11% e njerëzve ende të paimunizuar thonë se ata me siguri do ta marrin vaksinën, ndërsa 34% thonë se nuk do ta bëjnë, sipas sondazhit të kryer nga Associated Press dhe Qendra NORC për Studime të Çështjeve Publike.

Kjo tregon se një pjesë e madhe e amerikanëve ende hezitojnë. Mes tyre, 27% thonë se ndoshta do ta marrin vaksinën dhe 27% se nuk do ta marrin, nëse nuk binden nga dikush që mund t’i besojnë.

Imunologia Kizzmekia Corbett e Institutit Kombëtar të Shëndetit është një prej shkencëtarëve që ndihmuan për krijimin e vaksinës Moderna. Ajo kalon orë të tëra duke u dhënë përgjigje të qarta pyetjeve që bëjnë njerëzit, sidomos afrikano-amerikanët, për të hedhur poshtë dezinformimin për tre vaksinat që përdoren në SHBA.

“Jo, vaksinat COVID-19 nuk shkaktojnë infertilitet: Kushdo që përhap thashetheme të tilla, turp të ketë”.

“Jo, krijimi i shpejtë i vaksinave nuk do të thotë që ato janë bërë me punë shkeleshko. Kemi 6 vjet që na ka rënë kurrizi duke punuar për të gjetur vaksina për viruse të ngjashme me COVID-19n dhe kjo punë solli ndryshimin,” tha zonja Corbett për agjencinë Associated Press.

Vaksinimi sa më i shpejtë i njerëzve është me rëndësi kritike për kthimin e vendit në normalitet. Më shumë se 150 milion njerëz – rreth 58% e të gjithë të rriturve – kanë marrë të paktën një dozë, sipas Qendrave për Kontrollin dhe Parandalimin e Sëmundjeve.

Ndërsa ky numër rritet, edhe ngurrimi po bie. Në përgjithësi, sondazhi AP-NORC tregon se rreth 1 në 5 të rritur amerikanë thonë se ata me siguri ose patjetër nuk do të vaksinohen, krahasuar me rreth një të tretën në janar, kur vaksinimet sapo kishin filluar.

Edhe afrikano-amerikanët po bëhen më të hapur ndaj imunizimit. Prej tyre, 26% thonë se patjetër ose ndoshta nuk do të vaksinohen krahasuar me 41% në janar. Kjo shifër është afër me 22% të hispano-amerikanëve dhe amerikanëve të bardhë që sipas sondazhit nuk ka gjasa të vaksinohen. Midis aziatiko-amerikanëve, vetëm 9% thonë se me siguri ose ndoshta nuk do ta marrin vaksinën.

Hezitime ka nga të gjitha shtresat e shoqërisë amerikane dhe kjo i bën ekspertët të besojnë se në këshillat e tyre për njerëzit nuk ka një përgjigje standarde dhe se njerëzit duhet të marrin këshilla nga burime të besueshme, qoftë nga shkencëtarë si zonja Corbett apo nga mjekët e tyre të familjes.

Sondazhi zbuloi se sidomos amerikanët e zonave rurale nën 45 vjeç që janë republikanë, ka më tepër të ngjarë të thonë se nuk do të imunizohen. Megjithatë, qëndrimet po ndryshojnë: vetëm 32% e republikanëve tani thonë se ata ndoshta ose me siguri nuk do të vaksinohen, nga 44% në janar.

LEXO EDHE:  Horoskopi për ditën e parë të muajit Nëntor/ Zbuloni çfarë surprizash ju presin ditën e sotme

LEXO EDHE:  Horoskopi sipas Paolo Fox/ Parashikimi i yjeve për secilën shenjë

Rreth tre të katërtat e atyre që thonë se nuk ka gjasa të vaksinohen kanë pak ose aspak besim se vaksinat janë testuar siç duhet, ndërsa 55% janë shumë të shqetësuar për efektet anësore, sipas sondazhit.

Zonja Corbett thotë në forume të organizuara nga kolegje të ndryshme, pastorë afrikano-amerikanë, mjekë dhe madje edhe yje të basketbollit si Kareem Abdul-Jabbar, se rruga më e mirë për të kapërcyer mosbesimin është ta shpjegosh shkencën në mënyrë të kuptueshme. Pas disa javësh, ajo do të transferohet me punë në Shkollën e Shëndetit Publik të Harvardit për të vazhduar si punën për studimin e vaksinave, ashtu edhe atë të komunikimit me komunitetet.

Krijimi i shpejtë i vaksinave “është historik dhe meriton të ndihemi krenarë për të”, tha zonja Corbett, ekipi i së cilës arriti të përshtaste një vaksinë për virusin e ri, pasi ishte testuar prej gjashtë vjetësh kundër koronavirusëve të tjerë të rrezikshëm si MERS.

Studimet në shkallë të gjerë dhe të dhënat nga realiteti tregojnë se efektet anësore kryesore të vaksinave në SHBA janë ethe ose dhembje të përkohshme paralelisht me forcimin e sistemit imunitar. Vaksinimet po kalojnë nëpër një vëzhgim të pashembullt për sigurinë. Muajin e kaluar kjo çoi në një pauzë të përkohshme të vaksinimeve me Johnson & Johnson për të përcaktuar se si mund të trajtohet një rrezik tepër i rrallë i mpiksjes së gjakut tek personat që imunizohen me këtë vaksinë.

Edhe pas kësaj pauze, besimi i përgjithshëm te vaksinat është rritur paksa krahasuar me disa muaj më parë.

Por mitet për efektet anësore vazhdojnë. Zonja Corbett e quan shqetësimin për të ashtuquajturin infertilitet “krejtësisht absurd”. Në forumet ku ajo flet, shpjegon se përse është biologjikisht e pamundur që vaksinat të ndryshojnë ADN-në e dikujt.

Përsëritja është nëna e dijes; “njerëzit kanë nevojë t’i dëgjojnë gjërat shumë herë”, thotë ajo.

Plus, shumë amerikanë bëjnë ndonjëherë të njëjtat pyetje të cilave shkencëtarët ende nuk u janë përgjigjur plotësisht, të tilla si: a është e nevojshme një dozë përforcuese e vaksinës dhe kur është e nevojshme kjo.

“Këto janë pyetje, të cilave as unë vetë nuk mund t’u përgjigjem. Por mund të them se ne po bëjmë gjithçka mundemi që t’i përgjigjemi sa më shpejt që të jetë e mundur,” tha zonja Corbett./voa

LEXO TE PLOTE