Connect with Us

Fakte të rënda/ Donika Prela e përfshirë në pastrim parash

Aktualitet

Fakte të rënda/ Donika Prela e përfshirë në pastrim parash

Publikuar

-

Prela dyshohet per pastrim parash

Drejtuesja Prokurorisë për Krime të Rënda Donika Prela, nesër do të njihet me vendimin e Komisionit të Pavarur të Kuliafikimit.

Kujtojmë se Prela gjatë seancës dëgjimore u shenjëstrua për mosdeklarim të pasurinë. U ngritën dyshime se kemi të bëjmë me pastrim parash.

Ndërkaq në redaksinë e CNA.al ka mbërritur një denoncim, i shoqëruar me disa të dhëna për pasurinë e Prelës.

I njëjti denoncim ka mbërritur edhe tek Komisioni i Vettingut, ONM dhe jo vetëm. Por, gjithsesi pritet që gjihçka do të vendoset nesër.

CNA.al i është drejtuar me anë të një shkresë zonjës Donika Prela, për të mësuar dhe versionin e saj rreth pikëpyetjeve që ngre denoncimi. Por, Prela ka zgjedhur të heshtë.

Donika Prela flet per mediat

Denoncimi

Prokurorja Donika Prela ka blerë apartament në Tiranë me 815 euro/m2, ndërkohë që vlera e apartamenteve në të njëjtë godinë, si edhe në të gjithë atë zonë është 1200-1400 euro.

Sipas denoncimit në fjalë, Donika Prela deklaron se kompania “Bruci” shpk i ka shitur apartament Vangjel Prelës në Durrës, me çmim preferencial. Ky “trajtim preferencial”, edhe nëse është i tillë, nuk është deklaruar në asnjë nga formularët e pasurisë ndër vite të Donika Prelës, siç e përcakton ligji “Për deklarimin e pasurive”.  “Donika Prela ka blerë një apartament në pallatin e ndërtuar nga kompania “Lim-Em”, me administrator personin që është nën hetim nga Prokuroria e Krimeve të Rënda, Shkëlqim Beshiri. Prokurorja Prela deklaroi se ka blerë apartament 135.9 m2, me vlerë 110 mijë euro në këtë pallat, por ia ka blerë shtetasit F.H.

Pra, Donika Prela ka blerë këtë apartament me vlerë 815 euro/m2, një çmim shumë herë më i ulët se sa ai i kompanisë dhe i tregut për zonën ku është pallati që banon familja Prela.

Prokurorja Donika Prela e konsideroi “dashakeqës dhe dezinformues” denoncimin që unë i drejtova Komisionit të Vetingut dhe ONM, pavarësisht se informacionet e mia ishin shumë të sakta. Donika Prela nuk shpjegoi se përse, në mijëra apartamente që ka në shitje në Tiranë, zgjodhi të blinte pikërisht në pallatin e ndërtuar nga kompania “Lim-Em” e shtetasit Shkëlqim Beshiri”, shkruan denoncuesi Afrim Bekteshi.

Sipas të njëjtit, duke parë ecurinë e shit-blerjeve të pasurive të patundshme nga Donika Prela, nuk do të jetë aspak çudi nëse ajo, me këtë skemë mund të blejë edhe ndonjë vilë në zonat më të shtrenjta të Tiranës, si “Rrolling Hills” e të tjerë.

Denoncuesi pretendon se Donika Prela, ashtu si edhe me pronat e tjera, ka blerë  dhe një apartament shumë herë më lirë se sa janë çmimet në rrugën Tefta Tashko, në Tiranë.

Sipas të njëjti çmimet e shitjes së apartamenteve të pallatit të ndërtuar “Lim-Em” në rr. Tefta Tashko, Tiranë

“Çmimi që publikon shoqëria “Lim-Em” është 1300 euro/m2, pra, rreth 500 euro/m2 më shumë sesa deklaron se e ka blerë prokurorja Prela

Donika Prela, seance degjimore para KPK-se

Në një njoftim të kompanisë “Lim-Em”, drejtuar agjencive imobiliare,  për pallatin ku banon Donika Prela, deklaron se shet apartamente me çmime nga 1150-1300 euro/m2 (pra, 300-500 euro/m2 më shtrenjtë se sa çmimi që e ka blerë apartamentin Donika Prela”, shkruan më tej Bekteshi, duke e shoqëruar denoncimin e njoftimet e agjencive imobiliare.

 Vettingu me dy standarte

“Pashë që Komisioni i Vetingut nuk ka kryer asnjë verifikim mbi blerjen e apartamentit nga Donika Prela dhe bashkëshorti i saj në rr. Tefta Tashko, në Tiranë. Duket pak “e çuditshme”, pasi, për raste të tjera, Komisioni i Vetingut ka verifikuar informacione edhe për targa makinash në përdorim.

Duket qartë që Komisioni i Vetingut nuk ka kryer asnjë verifikim edhe për lidhjet që ekzistojnë ndërmjet administratori të “Lim-Em”, Shkëlqim Beshiri dhe personit që i ka shitur apartamentin Donika Prela, F.H.

Shpresoj që informacioni të jetë i mjaftueshëm për të krijuar bindjen se Donika Prela mund të jetë përfshirë në skemë pastrimi parash, nëpërmjet blerjes lirë dhe shitjes shtrenjtë të pasurive të paluajtshme, konkretisht:

Ne Shkurt 2014 ka blerë një apartament në Durrës me vlerë 1.4 milionë leke dhe e ka shitur pas 10 muajsh me çmimin disa herë më të lartë, 4 milion lekë.

Në vitin 2013 ka blerë 1000 m2 siperfaqe toke në Petrelë, me çmimin 350 leke/m2, ndërkohë që vlera e tokës aty është 35-40 euro/m2.

Ka blerë apartament në rr. Tefta Tashko me çmim 815 euro/m2, nderkohë që, siç rezulton nga çmimet, vlera në atë zonë është 1200-1400 euro/m2”, thuhet ndër të tjera në denoncimin e Afrim Bekteshit./CNA.al

Kryeprokurorja e Krimeve të Rënda/ Gruaja që “ha” burra

Kryeprokurorja e skandaleve dhe sherreve/ Donika Prela në Vetting

Krimet e Rënda si kapanon ushtarak/ Donika Prela i do prokurorët nën “këmbët” e saj

Donika Prela po mbyll dosje politikanësh?!/ Zbardhet urdhëri skandaloz

Krimet e Rënda në kaos/ Donika Prela u “lidh” duart prokurorëve

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Klodjan Braho pagoi kredinë me paratë e drogës/ Zbulohet se përse e shkatërroi dosjen 184

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

 

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Çollaku: Në drekë u vodh posta me dosje sekrete, në darkë prokurorja …

 

LEXO TE PLOTE
Lajme të Rekomanduara: