Kreu i grupit parlamentar i LSI-së, Petrit Vasili ka reaguar ndaj publikimit të vendimit të Urdhrit të Stomatologëve.

Në një postim në rrjetet sociale, Vasili shkruan se ky vendim tregon se qeveria ka vdekur.

“Dyfishimi i çmimeve të stomatologjisë, një idiotësi dhe provë se qeveria ka vdekur.

Dyfishimi i çmimeve të shërbimeve të stomatologjisë është një idiotësi gjigande.”-shprehet ai.

Më tej, deputeti i LSI-së shton se ky vendim mund të shkojë edhe në konkretizim.

“Urdhëri i stomatologëve me këtë nivel çmendurie provinciale që tregoi, mirë që nuk ju tek të miratonte edhe taksat e tatimet e shtetit.

Urdhëri i stomatologëve nuk ka as larg e larg, bile asfare të bëjë me çmime e me tarifa dhe ligji e thotë shumë qartë këtë lexojeni vetë:

“Neni 4

Misioni

1. Misioni i Urdhrit të Stomatologëve është ruajtja e standardeve të larta në formimin dhe

ushtrimin e profesioneve në fushën e stomatologjisë dhe mbrojtja e pacientëve dhe publikut

nga kequshtrimi i profesionit të stomatologut.

2. Për të përmbushur misionin e tij, Urdhri i Stomatologëve ushtron këto kompetenca:
3. a) jep dhe heq licencën individuale të ushtrimit të profesionit;
4. b) vendos standarde etike dhe deontologjike, të detyrueshme për çdo stomatolog dhe

monitoron zbatimin e tyre gjatë ushtrimit të profesionit;

1. c) rivlerëson periodikisht kompetencën dhe performancën profesionale të anëtarit të Urdhrit

të Stomatologëve përballë standardeve të vendosura;

ç) nxit arritjen e standardeve të larta në edukimin dhe formimin profesional dhe etik të

anëtarëve të Urdhrit;

1. d) bashkëpunon me Qendrën Kombëtare të Edukimit në Vazhdim, institucione të tjera

shkencore dhe arsimore për të siguruar standarde të larta në Edukimin e Vazhdueshëm

Mjekësor, kualifikimet dhe specializimet pasuniversitare të Urdhrit;

1. dh) krijon dhe mban Regjistrin Themeltar të Urdhrit, i cili është i ndarë në pjesë të veçanta

për stomatologët dhe ndihmësstomatologët dhe menaxhon sistemin e administrimit dhe

përditësimit të tij;

1. e) mbron të drejtat e anëtarëve të Urdhrit, integritetin moral dhe profesional të tyre e të

profesionit të stomatologut.”-shkruan ai.

Sipas tij shteti duhet të kishte reaguar që në momentin kur ky vendim është marrë dhe jo pasi u bë publik.

“Shteti ka përfaqësuesit e vet tek Urdhëri i Stomatologeve, përfaqësues koti i bie në këtë rast.

Shteti duhet të reagonte e të fillonte ndjekjen penale për të gjithë të çmendurit, që e prodhuan këtë budallëk që atë ditë që e votuan.

Shteti reagon sot pasi rasti u bë publik në media. Me këtë reagim shteti u bë akoma me qesharak se ç’ishte.”-shprehet ai.

Deputeti i LSI-së thekson se në qeverisjen e Kryeministrit Edi Rama mund të ndodhë çdo gjë.

“Qeverisja e Edi Ramës është një haxhiqamilizëm i vërtetë.

Shkollëpakësia, injoranca dhe antiligji i idiotëve janë këto udhëheqin qeverisjen dhe që mundësojnë këto gomarllëqe.

Në qeverisjen e Edi Ramës mund të bësh çdo gjë kundër ligjit dhe asgjë në respekt të ligjit.

Ngaqë të gjithë e dinë që ky Edi Rama është elifmatrak nga shteti dhe ligjet, të gjithë bëjnë si të duan, se e dinë gjithashtu që ky vetëm llogje me twitter facebook e instagram di të bëjë.”-shkruan kreu i grupit parlamentar i LSI-së./CNA.al