LEXO PA REKLAMA!

SHKARKO APP

Tjetër goditje kundër trafikut të drogës/ Në pranga pesë persona

24 Janar 2019, 09:45, Aktualitet CNA

Pesë persona, konkretisht në Fier, Shkodër, Durrës dhe Himarë kanë rënë në prangat e polisisë, në kuadër të një operacioni kundër shpërndarjes së lëndëve narkotike,në afërsi të shkollave apo të lokaleve të natës.

Burimet nga uniformat blu bëjnë të ditur se si rezultat i kontrolleve janë goditur 4 raste, ku u arrestuan 5 persona dhe u sekuestrua një sasi lënde narkotike e ndarë në doza të vogla.

Në Fier u  kapën dhe u arrestuan në flagrancë shtetasit: A.H., 38 vjeç, si dhe V.P., 55 vjeç, nga Fieri, pasi në aksin rrugor Levan-Tepelenë, në mjetin me të cilin udhëtonin, u gjet dhe sekuestrua  1 kg lëndë narkotike e dyshuar kanabis.

Në Shkodër u arrestua në flagrancë shtetasi E.C., 23 vjeç, pasi gjatë kontrollit iu gjetën në trup doza lënde narkotike kanabis, si dhe gjatë kontrollit të ushtruar në mjetin e tij janë gjetur edhe 73 doza të tjera me lëndë narkotike të dyshuar kanabis të futura në qese plastike.

Në Durrës u arrestua në flagrancë shtetasi M.V., 28 vjeç, pasi gjatë kontrollit personal i janë gjetur 9 doza me lëndë narkotike të dyshuar marijuanë, të futura në qese.

Në Himarë u arrestua shtetasi S.J., 28 vjeç, pasi gjatë kontrollit të ushtruar, iu gjetën dhe iu sekuestruan 100 doza lënde narkotike e dyshuar kanabis.

“Policia e Shtetit do të vijojë kontrollet në të gjithë territorin dhe fton qytetarët që të denoncojnë çdo rast të shpërndarjes së lëndëve narkotike dhe të paligjshmërisë në tërësi, në numrin 112, në aplikacionin ?Komisariati Dixhital”, apo në adresat zyrtare të Policisë së Shtetit në rrjetet sociale, duke iu garantuar anonimatin si dhe një reagim të shpejtë e të paanshëm të Policisë së Shtetit.”-thuhet në njoftimin e policisë./ CNA.al

Lajmet e fundit nga