Aktualitet
Studimi/ Konsumi i alkoolit në sasi të vogla ju shpëton nga këto sëmundje
Studimi, “90 plus ” filloi në vitin 2003 me qëllim analizimin e moshës së tretë, grupmoshë kjo sot dominuese në botë. Pjesmarrësit në studim ishin fillimisht pjesë e një studimi tjetër të bërë në vitet 1981.
Duke përdorur të dhënat e studimit mbi subjektet e marra në analizë, studiuesit studiuan shkaqet të cilat bëjnë në mundur që njerëzit të jetoj përtej të 90- tave
Qëllimet e studimit ishin:
Të përcaktonin faktorët e jetëgjatësisë
Të përcaktonin faktorët e ndryshueshëm të cilët ndikojnë në shaqjen e sëmundjeve të pleqërisë.
Të ekzaminojë lidhjet konjuktive, të cilat sjellin në shfaqjen e alzhaimerit
Të ekzaminojë epidemiologjinë e alzhaimerit
Të ekzaminojnë patologji të tjera të lidhura me moshën
Vera mund të ndihmojë në uljen e pasojave të tilla, por kjo nuk do të thotë që të pish verën me shishe çdo ditë, nëse e pi në mënyrë të moderuar do ti sjellësh të mira shëndetit. Sipas Mayo Clinic, për personat mbi 65 vjeç mjafton një gotë në ditë, për ata nën 65 vjeç dy gota.
Është provuar se konsumimi i moderuar i alkoolit mund të sjellë pasoja pozitive në organizëm si:
Ul shanset për goditje ishemike
Redukton mundësinë e prekjes nga diabeti
Redukton rrezikun e vdekjes nga sulmet në zemër
Në një studim të publikuar nga British Journal of Sports Medicine u pa se si aktiviteti fizik mund të ulë efektet negative të alkoolit. Autori i studimit përdori të dhënat e 36 mijë personave, të cilët i ndau në tre grupe.
Grupet ishin ndarë në persona jo shumë aktivë, në persona të cilët bënin ushtrime në mënyrë të moderuar dhe në persona të cilët ushtroheshin rregullisht. Nga këta persona gjatë viteve vdiqën 5735.
Duke llogaritur 5735 vdekje në një periudhë 10-vjeçare kërkuesit vunë re se sa më shumë të konsumohej alkool aq më të larta ishin shanset për vdekje të hershme./CNA.al
Politikë
“Spitali i Fierit si thesi i miellit për zgjedhje”/ Shehi: Rama nuk e do vendin në BE, Veliaj Kryehajdut
Kreu i LZHK-së dhe kandidati për deputet në listat e Tiranës, Dashamir Shehi, ka ngritur akuzat se kryeministri Edi Rama nuk e do vendin në Bashkimin Evropian, pasi pretendon se ka prirje autokrate.
Një një reagim për faqen “Brryli Broadway”, ku iu përgjigj pyetjeve edhe të ndjekësve, Shehi e krahasoi Spitalin turk të Fierit si thesin për blerje votash në zgjedhje.
“Spitali turk i Fierit është si thesi i miellit për zgjedhje. Ne kemi nevojë për ide, e financim të ideve tona. Për ne shqiptarët Evropa është politikë, demokraci, është shtet ligjor, për gjeneratat e reja Evropa është përpektivë. Evropa duhet të jetë tezë definitive. Duhet të sillemi në mënyrë evropiane. Të bëjmë ligje që i afrohen BE dhe t’i zbatojmë. Të kemi një kulturë politike që BE të mos na shohë me dyshim, se askush nuk e fut dikë të dyshimtë në oborrin e tij. Rama nuk e do Evropën, pasi e pengon në pushtetin absolut. Sovraniste si Erdogani, Putini apo ky i Hungarisë, i bezdis Evropa këta. Larg Evropës është kjo puna e patronazishtëve, a ndodh në ndonjë vend të Evropës, jo por këtu po”, u shpreh ai.
Duke komentuar të rinjtë në politikë, Dashamir Shehi deklaroi se kryebashkiaku i Tiranës Erion Veliaj është shembulli më i keq i të rinjvë të korruptuar.
“Puna e vjedhjes është genetike, vjen nga shumë faktore. Nuk e quaj meritë personale faktin që s’kam vjedhur, disa e quajnë budallëk. Nuk kam pishmanllëk për modestinë time materiale. Pashë një foto të vjetër të MJAFT-it, kishin dalë më Kadarenë para 15 vitesh. Mjafto të shohësh këtë foto për të kuptuar sa iluzion është pastërtia e rinisë në politikë, shihi sot ata janë kryehajdutë, shih kryetarin e Bashkisë sot dhe vartësit e tij. I ndershmi në politik të madhe është ai që është ulur në karrige të madhe dhe është çuar i ndershëm”, theksoi kryetari i LZHK-së./ CNA.al
Politikë
Kryemadhi refuzon ambasadorët/ Nuk shkon në takimin për zgjedhjet në Elbasan
Ambasadori i BE-së Luigi Soreca, ambasadorja franceze Elisabeth Barsacq dhe ambasadori gjerman Peter Zingraf, do të mbajnë një takim me kandidatët për deputetë të këtij qarku, në zgjedhjet e 25 prillit.
Mësohet se takimi do të mbahet ditën e nesërme dhe të pranishëm do të jenë numri 2 i PS-së Taulant Balla, Gazment Bardhi i Partisë Demokratike dhe Rudina Hajdarin e Nismës “Thurje”.
Por bëhet me dije se në këtë takim nuk do të shkojë Monika Kryemadhi, e cila kandidon në këtë qark nën siglën e LSI-së.
Sipas mediave, ajo ka refuzuar të shkojë në takimin me ambasadorët pa dhënë asnjë arsye për mosprezencën e saj./ CNA.al
Politikë
LSI rënie drastike/ Ja kush parti pritet të fitojë me 25 prill në Elbasan
Nëse qytetarët do të votonin sot në qarkun e Elbasanit, sipas sondazhit të Piepolit PS do të merrte 52-56 % të votave e përkthyer në 8-9 mandate.
Koalicioni PD-Aleanca për Ndryshim do të merrte 37-41 % të votave e përkthyer në 4-6 mandate.
LSI ka rënë me 0.5% krahasuar me matjen më 7 prill.
Ndërkohë që Rudina Hajdari e renditur e para në qarkun e Elbasanit nën siglën e partisë ‘Nisma Thurje’ nuk do mund të merrte një mandat nëse zgjedhjet do të zhvilloheshin sot, edhe pse pritet të marrë deri në 2.5% të votave.
