Aktualitet
Superaksion/ Goditet grupi i trafikut të drogës
Policia spanjolle ka goditur një nga laboratorët më të mëdhenj të drogës në Europë dhe ka sekuestruar 3 ton lëndë narkotike.
Droga e sekuestruar është gjetur në Valencia të El Puig, ku mësohet se laboratori ruhej 24 orë nga një grup me shteta maroken.
Mediet spanjolle raportojnë se nga ky operacion janë arrestuar 11 persona në 6 provinca të ndryshme përfshirë Madridin, Malagën, Toledon, Valencian, Valladolidin dhe Pontevedrën.
Personat që kanë rënë në pranga ishin nga kombësi të ndryshme spanjollë, shqiptarë dhe kolumbianë.
Të arrestuarit dyshohet se janë pjesë e një bande të sofistikuar kriminale.
Këto media raportojnë se grupi kriminal përdori kontenierë të transportit për të fshehur mallin e tyre.
Nga ky operacion janë sekuestruar rreth 8,500 litra kimikate të nevojshme për prodhimin e narkotikëve, të cilat i kishin fshehur në 10 prona të ndryshme.
Më tej, në raportim theksohet se policia ka sekuestruar edhe katër makina, një furgon, një motor, një revolver 6mm me një kuti me 47 fishekë, pajisje kompjuterike, telefona dhe para kesh.
Ky grup kriminal kishte një strukturë të madhe biznesi që ishte përgjegjëse për importimin e kontejnerëve detarë të kontaminuar me kernel palmë, produkt ky me të cilin ata maskuan drogën me qëllim që të kapërcejnë lehtë doganat./CNA.al
Aktualitet
Plas në Digitalb, stafi letër aksionarëve: Me detyrim të dalim në rrugë të madhe
Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.
Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.
Më poshte teksti i plotë dhe nje foto e emailit që qarkullon në Digitalb.
Aktualitet
KQZ u “mbyll derën” aleatëve të Bashës/ LSI: Nuk do të ndalemi
Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.
Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.
Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.
“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.
Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al
Aktualitet
Teuta i ‘rrëmben’ Kukësit Stivi Frashërin
Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.
28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.
Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.
Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.
