Aktualitet
“Kërmilli i PD-së”/ Si ka ndryshuar në vite Edmond Spaho
Në vijim të “Rubrikës” që CNA.al prej ditësh nëpërmjet fotove tregon sesi kanë ndryshuar në vite politikanët shqiptarë, sot po sjellim një tjetër personazh.
Bëhet fjalë për Edmond Spahon, kreu aktual i grupit parlamentar të PD-së. Edmond Spaho prej gati 30 vitesh vitesh në politikë, me servilizmin e tij ka mundur të shkojë deri në postet më të larta të PD dhe pushtetit.
Në gati 30 vite demokraci shumicën e kohës ai është paguar nga taksat e shqiptarëve si ministër, zv/ministër, deputet, kryetar i Komisionit parlamentar të ekonomisë, nënkryetar Kuvendi dhe, së fundit kryetar grupi parlamentar të PD.
Edhe pse në 2009 u dëbua nga Berisha pas tradhëtisë së tij me Pollon, duke u zvarritur si një kërmill, arriti të kapej dhe të shpëtojë nga kamerdarja e Lulit.
Edmond Spaho në korridoret e PD-së, shpesh shikohej thjeshtë si servil e zyrtaruc, ku shumë personazhe e thërrisnin kërmilli, për shkak të sjelljes së tij politike.
Edhe ndonjë ministër socialist që e ka përzemër “kërmillin” e PD-së, ndërsa Rama i thotë “profesor”.
Por, Spaho sikurse CNA.al e ka raportuar rezulton të ketë vënë edhe jo pak pasuri në këto vite. Për të gjithë ata që nuk e dinë Edmond Spaho është zotëruesi i një vile në Golem, të cilën e kishte në emrin e vjehrit të tij, pronë e cila më pas ka kaluar në emër të bashkëshortës. (lexo këtu).
Po të shohësh deklaratat e pasurive të Edmond Spahos (deklaratat) shikon se ai ka trashëguar së fundi nga babai i tij rreth 40 piktura, asnjëra prej tyre, sipas deklaratës të vitit 2016, nuk e kalon vlerën 20 mijë lekë të reja.(lexo këtu)
Ai ka ecur gjithmonë ne nivele të dyta dhe të treta, mjafton që të ishte në lojë, dhe këtë e ka bërë shumë mirë.
Fotot më poshtë, tregojnë si ka ndryshuar në vite, Edmond Spaho:
Fotot-Si e ndryshoi politika deputetin e video-skandalit erotik
Foto-Nga gazetar i RD-së në nënkryetar i Kuvendit/ Si ka ndryshuar në vite Edi Paloka
Foto-Ish shtangisti që u bë president/ Si ka ndryshuar në vite Ilir Meta
Foto-Si e ndryshoi luksi i shfrenuar dhe operacionet Monika Kryemadhin
Politikë
A ka bërë Najada Çomo ndërhyrje në fytyrë? Flet kirurgu estetik
Panajot Papa është një kirurg estetik, i cili i ftuar mbrëmjen e sotme në “Zonë e lirë” ka dhënë mendimin e tij për disa politikanë të njohur shqiptarë nëse kanë bërë ndërhyrje estetike në fytyrë apo jo.
Në ekran është shfaqur edhe fotoja e kandidates për deputete nga PS dhe mjekes Najada Çomo.
“Në këtë lloj rasti, fotografia e dytë ka më shumë ndriçim. Fotografia në këtë lloj rasti duket sikur ka bërë një trajtim, por duhet parë pacienti. Ekzistojnë disa filtra në Instagram që mund të arrihet një foto e tillë. Mund të ketë bërë botoks tek balli”, tha doktori./CNA.al
Politikë
Sot biznesmen dhe politikan/ Agron Shehaj zbulon si e fitoi milionin e parë
Kandidati për deputet i PD, Agron Shehaj është pyetur se si e fitoi milionin e parë
I ftuar në emisionin “Zonë e Lirë” ka treguar fillimet e tij në biznes dhe ndihmën që i kanë dhënë prindërit.
“Në 2005 mora 40 mijë euro borxh tek prindërit, prindërit e mi ishin punëtor në Itali. Me shumë punë, janë edhe mjeshtra të kursimit, i mblodhën këto para. Si e kam bërë milionin e parë? Kjo është pyetja ime e preferuar. Është suksesi i parë ai që më jep më shumë kënaqësi. Me shumë punë, mund dhe duke rrezikuar. Është falë prindërve të mi që kam arritur sukseset që kam arritur. Me 40 mijë euro fillova biznesin, përballova shpenzimet e para, pastaj me shumë punë, bëra nja ca borxhe kuptohet. Biznesin e kam krijuar këtë për tregun italian. Babait ia ktheva paratë pas 3 vitesh”, tha Shehaj./CNA.al
Politikë
Deklaratat e Yuri Kim/ Rama: Ambasadorja është keqpërdorur në mënyrën më brutale
Kryeministri Edi Rama ka reaguar lidhur me deklaratat e ambasadores së SHBA në Tiranë, Yuri Kim, për shit-blerjen e votës.
Rama tha se Kim është përdorur në mënyrën më brutale nga opozita e Lulzim Bashës.
Kreu i qeverisë deklaroi në Vizion Plus se është shumë dakord me thirrjen e ambasadores për fenomenin e shit-blerjes së votës.
“Ambasadorja amerikane është keqpërdorur në mënyrën më brutale, duke e kthyer krejt jashtë kontekstit, në ikonë propagande, të atyre që duan të kthehen në qeveri. Ambasadorja amerikane ka thënë një gjë që e dimë të gjithë, që jam 100% dakord, që ka bazë, lidhur me shit-blerjen e votës. Nuk ka fare diskutim! Nuk di çfarë të dhënash ka ajo, por nuk duhet të kesh të dhëna për të shprehur këtë shqetësim”, theksoi Rama./ CNA.al
