Connect with Us

Gazetari jep alarmin/ Ky është bilanc lufte, shqiptarët po vdesin

Aktualitet

Gazetari jep alarmin/ Ky është bilanc lufte, shqiptarët po vdesin

Publikuar

-

Gazetari Klodian Tomorri ka reaguar në lidhje me ngjarjet e fundit në Shqipëri, ku disa persona kanë humbur jetën për shkak të të ftohtit.

Në një postim në faqen e tij në rrjetet sociale, gazetari Tomorri e cilëson si bilanc lufte, ndërsa thekson se “Vetëm sot, në Shqiperi, kanë humbur jetën 3 veta nga i ftohti. Nëse u shtohen dhe ata që kanë vdekur që nga dita e parë kur filloi vala e të ftohtit, bëhen gati 10 viktima. Ky është bilanc lufte, që ndodh vetëm këtu.”

Më tej, gazetari Tomorri shkruan se  numri i viktimave që kanë humbur jetën nga i ftohti në Shqipëri gjatë këtij fillim viti është më i madh se sa ai atyre që kanë vdekur në të gjithë Europën, ndërkohë që nuk jemi vendi më i ftohtë.

“Ka një të dhënë shumë të frikshme për atë që po ndodh këtu. Numri i viktimave që kanë humbur jetën nga i ftohti në Shqipëri gjatë këtij fillim viti është më i madh se sa ai atyre që kanë vdekur në të gjithë Europën. Dhe Shqipëria ka vetëm 0.4 për qind të popullsisë së Europës.

Ky nuk është vendi më i ftohtë i botës, as i Europës. Madje edhe në vendet fqinje në veri, që kane ekonomi të ngjashme me tonen bën shumë më tepër ftohtë se ketu. Por, serbët nuk vdesin nga i ftohti. As kroatët dhe malazezët. Vdesin shqiptarët sepse nuk ngrohen dot.”-shkruan gazetari.

LEXO EDHE:  Dalin pamjet e aksidentit tragjik/Si humbën jetën 2 shqiptarët, rëndë një tjetër

Gjithashtu ai shkruan se të ngrohurit është bërë kaq i shtrenjtë ketu sa që shumica e familjeve nuk e përballojnë dot dhe nuk bëhet fjalë për luks, por një nevojë fizike bazë për të mbijetuar.

“Sot Shqipëria çon fëmijët në shkolla pa ngrohje, të sëmurët në spitale dhe qendra shendetësore dridhen nga të ftohtit. Ky është mjerim, që mund ta gjesh vetëm në vendet e botës së tretë, por askund tjetër nëpër Europë.

Kur bota po përgatitet të cojë njeriun në Mars, shqiptarët vdesin nga i ftohti, madje më keq se 100 vjet më parë. Trishtim. Dhe ne rrimë e flasim për deficitin, buxhetin, arritjet e reformave. Reformat e k…”-përfundon postimin e tij Klodian Tomorri./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Në 30 vite demokraci nuk ka ndryshuar asgjë”/ Elona Meta: Paga për mjekët të jetë 1500 euro

Publikuar

-

Nga

Propozimi i Diasporës/ Elona Meta: Paga për mjekët të jetë 1500 euro

Mjekja shqiptare që punon në Gjermani, Elona Meta shprehet se paga mujore minimale për mjekët në vendin tonë, duhet të jetë 1500 euro.

Në një prononcim për CNA.al, ajo shprehet se në 30 vite demokraci nuk ka ndryshuar asgjë.

Sipas saj, ajo që ka ndikuar që mjekët të bëhen gjithnjë e më të pakënaqur, janë pagat e ulta, ngarkesa mbytëse në punë, dhuna fizike dhe verbale, arrestimet duke bërë që gjithnjë e më shumë bluzat e bardha ta braksin vendin.

“Në 30 vite demokraci janë arrestuar shumë mjekë për korrupsion dhe asgjë nuk ka ndryshuar, përkundrazi korrupsioni është rritur ndërsa mjekët janë liruar disa ditë apo javë pas arrestimeve për mungesë provash.

Po kjo ka ndikuar që mjekët të bëhen gjithnjë e më të pakënaqur sa nga keqvlerësimi, paga e ulët, ngarkesa mbytëse në punë, dhuna fizike dhe verbale dhe arrestimet duke parë gjithnjë e më shumë për ta braktisur vendin pasi oferta e Gjermanisë dhe e shumë vendeve në Europë është tunduese edhe për vende më të ngritura të rajonit ku mjekët nuk vuajnë si në Shqipëri.

LEXO EDHE:  “Vetëm 10% e italianëve të infektuar me Covid-19”/ Klodian Tomorri: Imuniteti i tufës është shumë larg

LEXO EDHE:  Raporti/ Shqiptarët “braktisën” bregdetin e jugut, ja ku pushuan këtë vit

“Ne kërkojmë që të zbatohet sa më shpejt kërkesa jonë për pagat e mjekëve shqiptarë 1500 euro. Nisma jonë është një nismë e cila do të ketë edhe impakt jo vetëm tek mjekët, por do të rrisë edhe ndërgjegjësimin e do të minimizojë hendekun e madh mes mjekut dhe pacientit, është shprehur mjekja Meta./CNA.al

 

 

LEXO TE PLOTE

Bota

Kina vendos sanksione ndaj shtatë shtetasve amerikanë

Publikuar

-

Nga

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë zëvendësdrejtorëve dhe drejtorit të zyrës ndërlidhëse të Pekinit në Hong Kong.

Personi me profilin më të lartë mes të sanksionuarve është ish sekretari amerikan i Tregtisë Wilbur Ross.

Përveç kësaj, Kina tha se do të vinte në shënjestër edhe Kryetaren e Komisionit të Rishikimit Ekonomik dhe të Sigurisë SHBA-Kinë Carolyn Bartholomew, ish-drejtorin e stafit të Komisionit Ekzekutiv të Kongresit për Kinën Jonathan Stivers, DoYun Kim nga Instituti Demokrat Kombëtar, nëndrejtorin e Institutit Ndërkombëtar Republikan Adam King, dretoreshën e organizatës Human Rights për Kinën Sophie Richardson dhe Këshillin Demokratik të Hong Kongut.

“Veprimet e ndërmarra nga SHBA shkelin rëndës ligjin ndërkombëtar dhe normat themelore të marrëdhënieve ndërkombëtare dhe ndërhynë seriozisht në punët e brendshme të Kinës. Kina i kundërshton fuqishëm këto veprime dhe i dënon ashpër ato, ”thuhet në një deklaratë të Pekinit.

“Punët e Hong Kongut janë çështje të brendshme të Kinës. Çdo përpjekje nga lojtarë të jashtëm për të ndërhyrë në punët e Hong Kongut përbën një pengesë të qartë, “thuhet më tej në deklaratë.

LEXO EDHE:  Raporti/ Shqiptarët “braktisën” bregdetin e jugut, ja ku pushuan këtë vit

“Më duhet të them se kjo është thjesht zhurmë dhe shpërqendrim. Ne kemi punë për të bërë dhe këto sanksione nuk do të na e heqin vëmendjen aspak nga kryerja e detyrës sonë”, tha zonja Richardson. “Uroj që qeveria kineze të përqendrojë energjitë e saj në dhënien fund të krimeve kundër njerëzimit të kryera kundër ujgurëve dhe krimeve të tjera të rënda të të drejtave të njeriut “.

LEXO EDHE:  Dalin pamjet e aksidentit tragjik/Si humbën jetën 2 shqiptarët, rëndë një tjetër

“Të jem e sinqertë, jam shumë më e shqetësuar për statusin e mbrojtësve të të drejtave të njeriut në të gjithë Kinën. Kjo është ajo që ka rëndësi”, tha drejtoresha e organizatës Human Rights për Kinën.

Përveç sanksionimit të zyrtarëve kinezë, Shtetet e Bashkuara lëshuan një paralajmërim kohët e fundit për kompanitë amerikane lidhur me rrezikun e veprimtarisë së tyre në Hong Kong.

Sanksionet janë të parat që ndërmerren nga Kina sipas një ligji të miratuar në qershor dhe vijnë vetëm disa ditë para se Zëvendës Sekretarja amerikane e Shtetit Wendy Sherman shkon për një vizitë në Kinë./voa

 

LEXO TE PLOTE

Kosova & Rajoni

Hashim Thaçi mbetet në paraburgim, i refuzohet kërkesa për t’u mbrojtur në liri

Publikuar

-

Nga

Hashim Thaçi mbetet në paraburgim, i refuzohet kërkesa për t’u mbrojtur në liri

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri.

Sipas raportimeve, ka qenë gjyqtari i procedurës paraprake Nicollas Guillou që ka marrë vendimin duke e lënë sërish pas 9 muajsh në burg Thaçin.

Në vendimin e tij të specifikuar, gjyqtari Guillou ka urdhëruar mbrojtjen e Thaçit që parashtresat në lidhje me rishikimin tjetër të paraburgimit t’i dërgojë deri më 31 gusht.

LEXO EDHE:  Shqiptarët edhe në Itali vjedhin korentin

Paraprakisht, avokati i ish-presidentit Thaçi, Gregory Keohe, ka dërguar në Gjykatë parashtresat e tij për lirimin nga paraburgimi të ish-presidentit.

LEXO EDHE:  Rregullat e reja të udhëtimit në BE/ Sqarimi i plotë, çfarë është ETIAS, si mund të aplikoni dhe sa zgjat

Në këto parashtresa, Keohe përveç kundër-argumentimit të fakteve të prezantuara nga Prokuroria, jep detaje edhe për garancitë e ofruara për lirimin nga paraburgimi të Thaçit.

LEXO TE PLOTE