Connect with Us

Edi Rama nxjerr pamjet e rrugës së re/ Qytetarët “e masakrojnë” me komente

Aktualitet

Edi Rama nxjerr pamjet e rrugës së re/ Qytetarët “e masakrojnë” me komente

Publikuar

-

Tepsia e Edi Ramës e gjitha për rilindasit

Qytetarët kanë “masakruar” kryeministrin Edi Rama në rrjetet sociale, pas postimit nga ky i fundit të një video ku shfaqet nga lat rruga e re Qafë Thanë – Lin – Pogradec – Qafë Plloçë.

“Mirëmëngjes dhe me këto pamje magjepsëse të rrugës së re Qafë Thanë – Lin – Pogradec – Qafë Plloçë nën dëborë, ju uroj një të dielë të bukur”- shkruan Rama.

LEXO EDHE:  “Prokuroria si letër higjenike”/ Ministri Xhafaj e pranon në heshtje?

Ndërsa, qytetarët i kanë bërë thirrje që t’i lërër reklamat sikur është në Zvicër,por të shkojë të hapë rrugët.

Një tjetër qytetar, në mënyrë ironike, i ka thënë Ramës se me veprat e tij ia ka kaluar edhe diktatorit Enver Hoxha./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Dhoma e Përfaqësuesve voton për t’i dhënë fund autorizimit për luftën në Irak

Publikuar

-

Nga

Dhoma e Përfaqësuesve voton për t'i dhënë fund autorizimit për luftën në Irak

Dhoma e Përfaqësuesve të Shteteve të Bashkuara miratoi të enjten një projekt-ligj që do të shfuqizonte autorizimin e përdorimit të forcës ushtarake në Irak që ka qenë në fuqi që nga viti 2002.

Mbështetësit e kësaj mase thonë se shfuqizimi është i nevojshëm për të kufizuar kompetencat presidenciale për luftë.

Votimi 268-161 në Dhomën e Përfaqësuesve erdhi një ditë pasi udhëheqësi i shumicës në Senat, Chuck Schumer njoftoi mbështetjen e tij për këtë legjislacion, duke thënë se do të parandalonte veprimet e “aventurizmit ushtarak”, si autorizimi i Presidentit Donald Trump për një sulm ajror në vitin 2020 në një aeroport të Bagdadit.

Komandanti iranian Qasem Soleimani u vra gjatë këtij sulmi.

“Lufta në Irak ka mbaruar prej gati një dekade”, tha Senatori Schumer. “Autorizimi i miratuar në vitin 2002 nuk është më i nevojshëm në vitin 2021”.

Zoti Schumer tha se ai ka planifikuar një votim të Senatit mbi masën e shfuqizimit më vonë këtë vit, ndërsa në Senat Komisioni i Marrëdhënieve me Jashtë tha se do ta shqyrtonte atë në një takim javën e ardhshme.

Shtëpia e Bardhë u shpreh në një deklaratë të hënën se mbështeste legjislacionin dhe theksoi se operacionet aktuale ushtarake nuk mbështeten në autorizimin e vitit 2002.

LEXO EDHE:  Rama kryqëzohet nga qytetarët/ Pse nuk flet për familjet kriminale që kanë zaptuar Shqipërinë?

LEXO EDHE:  “Prokuroria si letër higjenike”/ Ministri Xhafaj e pranon në heshtje?

Ligjvënësi republikan Michael McCaul sinjalizoi se ai do ta kundërshtonte projekt-ligjin e Dhomës së Përfaqësuesve. Republikanët kryesorë në Komisionin e Punëve të Jashtme të Dhomës së Përfaqësuesve ranë dakord se reforma “është e nevojshme”, por shtuan se një përpjekje serioze do të përfshinte bisedime me udhëheqësit e sigurisë kombëtare dhe një strategji të re për të trajtuar luftën në zhvillim ndaj terrorizmit.

Kushtetuta amerikane i jep Kongresit autoritetin për të deklaruar luftë. Kjo fuqi është zhvendosur megjithatë drejt presidentit, pasi Kongresi ka miratuar të ashtuquajturat autorizime për “luftë të përhershme” (Autorizimi për Përdorimin e Forcës Ushtarake), të cilat nuk kanë skaduar.

Shembujt përfshijnë luftën në Irak të vitit 2002 dhe luftën kundër al-Kaidës dhe mbështetësve të saj pas sulmeve terroriste në Shtetet e Bashkuara më 11 shtator 2001.

Disa ligjvënës thonë se edhe rezoluta e vitit 2001 për të luftuar terrorizmin që u miratua pas sulmeve të 11 shtatorit, gjithashtu duhet të rishikohet./voa

LEXO TE PLOTE

Politikë

“Paratë e drogës po pastrohen në ndërtim”/ Bushati: SHBA nuk po angazhohet seriozisht

Publikuar

-

Nga

“Nuk mundi të më bëjë as mua ta votoja”/ Bushati ‘shpërthen’ keq ndaj Bashës

Analisti Andi Bushati ka bërë një deklaratë të fortë mbrëmjen e sotme, teksa ishte duke folur për lëvizjet e fundit të SHBA-ve që lidhen me Shqipërinë.

Bushati tha se ende nuk ka një angazhim të fortë për të bërë demokraci perfekte në Shqipëri.

Ai deklaroi në emisionin “Open” se angazhim serioz SHBA do të kishte nëse bën qoftë edhe një deklaratë për paratë e drogës, të cilat pretendon se po pastrohen me ndërtimet në Tiranë.

“Nuk kam asnjë element që të them që kemi një angazhim të fortë për të bërë demokraci perfekte në Shqipëri. Ka një entuziazëm në Shqipëri që vjen sepse nuk kemi ndëshkuar dot hajdutët tanë dhe presim që këtë do të na e bëjë Amerika. Por do na e bëjë Amerika aq sa na dënoi Donald Lu peshqit e mëdhenj dhe sa kohë ka kaluar deri atëherë, peshqit janë trashur dhe nuk janë kapur.

LEXO EDHE:  Habit deputetja e Ramës: Në administratë ka klane që …

LEXO EDHE:   “Ik o mashtrues, po na e pini gjakun”/ Qytetarët “vënë me shpatulla pas muri” Ramën

Një duartrokitje për mua dakord shpallja non grata e Berishës, por qoftë edhe një deklaratë për miliona paratë e drogës që pastrohen me ndërtimet në Tiranë”, theksoi analisti./ CNA.al

LEXO TE PLOTE

Bota

Përhapet COVID-i/ Pezullohen operacionet në ambasadën amerikane në Kabul

Publikuar

-

Nga

“Epidemia në Shqipëri është mbyllur”/ Dasho jep lajmin e shumëpritur: Kemi arritur imunitetin natyral

Dhjetëra punonjës në ambasadën amerikane në Afganistan kanë rezultuar me koronavirus, duke bërë të nevojshme mbylljen e pjesës më të madhe të operacioneve në këtë mision diplomatik.

Zyrtarët thonë se një person ka humbur jetën nga COVID-19, ndërsa 114 vetë janë në karantinë dhe disa të tjerë janë nën mbikqyrjen e mjekëve. Zyrtarët thonë se 95% e rasteve janë individë të pavaksinuar aspak ose jo plotësisht kundër koronavirusit.

Zyrtarët thonë se si rezultat i përhapjes së infektimeve, ndalohen operacione ose aktivitete në grup deri kur të ndërpritet zinxhiri i përcjelljes së virusit. Ata shtojnë se objektet spitalore ushtarake janë të mbushura dhe se janë ngritur pavione provizore për të ndihmuar personat në nevojë me respiratorë.

LEXO EDHE:  Edi Rama tremb socialistët/Lamtumirë! Gati qeveria teknike!

LEXO EDHE:  Meta apel protestuesve: Distancohuni nga aktet e dhunës

Vatra e infeksionit shfaqet ndërkohë që Shtetet e Bashkuara janë në vazhdën e një operacioni të ndërlikuar dhe intensiv për të tërhequr forcat e tyre ushtarake nga Afganistani deri më 11 shtator pas një angazhimi 20 vjeçar.

Rastet e infektimeve me koronavirus janë shtuar ndjeshëm në Afganistan javët e fundit, duke vënë nën presion të rëndë sistemin e brishtë shëndetësor të vendit./voa

LEXO TE PLOTE