Connect with Us

Merkel në Athinë: “Sot vini në një Greqi krejtësisht tjetër”

Aktualitet

Merkel në Athinë: “Sot vini në një Greqi krejtësisht tjetër”

Publikuar

-

Kancelarja Angela Merkel, ndryshe nga vizita e vitit 2014, u prit kësaj here me shumë mirënjohje në Athinë. Tsipras dhe Merkel bëjnë bilancin e një marrëdhënie të trazuar e jo pa konflikte në katër vitet e fundit.

Bllokime të përkohshme të policisë dhe një demonstratë me ndoshta 200 pjesëmarrës, kaq, më shumë nuk mund të përmendet për situatën e sigurisë gjatë vizitës së kancelares Angela Merkel në Athinë të enjten e të premten (10-11.01.). Një program kontrastues krahasuar me vizitën e saj në vitin 2014. Angela Merkel u prit atëherë me protesta të zemëruara dhe parulla armiqësore. Kësaj here ajo pritet shumë miqësisht. „Gjermania dhe ju personalisht e keni mbështetur Greqinë në forma të ndryshme, që të dalë nga gjendja e rëndë e programeve të ndihmës”, deklaroi presidenti grek, Propokopis Pavlopoulos, pas takimit me Merkel të premten.

Theksohen të përbashkëtat

Edhe kryeministri Tsipras nuk i kurseu falënderimet për Merkelin. Megjithë dallimet ideologjike në nivelin politik mes tyre, ia kemi arritur që të menaxhojmë sfidat e krizës dhe të tejkalojmë stereotipet që ekzistojnë mes dy vendeve, tha kryeministri grek. „Ajo që kishte përparësi”, tha Tsipras, „ishte shpëtimi i Greqisë dhe në një farë mënyre edhe i Europës, sepse kriza greke ishte edhe një krizë europiane.” Tsipras siguroi se misioni doli me sukses. „Sot ju vini në një Greqi tërësisht tjetër, që ka rritje ekonomike.”

Edhe kancelarja Merkel lëvdoi përpjekjet e Greqisë që “ka kaluar përmes një kohe shumë shumë të vështirë”. Përpjekjet ia vlejtën, vendi po kthehet në rrugën e rritjes ekonomike, papunësia është ulur dhe ajo është optimiste se Greqia do t’ia dalë, të sigurojë vetë fonde në tregjet financiare. Megjithatë theksoi, se Greqia nuk ka arritur në fund të rrugës së reformave.

Merkel viziton shkollen gjermane, Athine

Një nga pikat më të rëndësishme të kësaj vizite ishte Europa. Dy tema u vunë në qendër: çështja e refugjatëve dhe zgjedhjet europiane. Kancelarja Merkel mori shumë mirënjohje nga Athina për qëndrimin e saj në krizën e refugjatëve. Në Athinë, pati vetëm falënderime, që Merkel i la kufijtë gjermanë të hapur në vitin 2015, ndryshe Greqia do të kishte pësuar kolaps. Po ashtu u vlerësua angazhimi i saj për arritjen e marrëveshjes me Turqinë, dhe këmbëngulja e saj për një politikë europiane të azilit.

Si kancelarja Merkel ashtu edhe kryeministri Tsipras theksuan rrezikun e lëvizjeve populiste dhe nacionaliste në Europë, gjithnjë në rritje. Ata ishin të një mendimi, se në BE në të ardhmen do të qëndrojnë përballë njëri-tjetrit dy kampe: ai proeuropian dhe antieuropian. Proeuropianët duhet të punojnë së bashku. Manfred Weber, kandidati i partive popullore europiane për president të Komisionit Europian e përmblodhi së fundmi këtë problmeatikë në Berlin, kur tha, se forcat konservatore, socialdemokrate, të majtët dhe liberalët proeuropianë duhet të punojnë në të ardhmen së bashku.

LEXO EDHE:  Foto-Të gjithë e kemi humbur/ Ky është reagimi i paparë i Merkel kur sheh atletet e Ramës

Emri i Maqedonisë

Me fjalë të qarta kancelarja Merkel mbështeti ratifikimin e Marrëveshjes së Prespës. Me këtë mund të zgjidhet grindja e gjatë për çështjen e emrit me Greqinë. Kjo është një gjë e mirë për Shkupin, për Athinën dhe për BE. Anëtarësimi i vendit me emrin Maqedoni e Veriut kontribuon në stabilizimin e Ballkanit. Por për rëndësinë e marrëveshjes, ajo nuk mundi të bindë, kreun e opozitës dhe partisë simotër konservatore të Merkelit, Kyriakos Mitsotakis. Ai këmbënguli në refuzimin e marrëveshjes, e këtë nuk e ndryshuan as bisedimet me kancelaren Merkel të premten.

Takimi me Kyriakos Mitsotakis

Çështja e dëmshpërblimeve të luftës u trajtua pa tension nga palët. Kryeministri grek e preku këtë temë, po ashtu edhe presidenti Pavlopoulos, duke të lënë përshtypjen, se kjo është më shumë pjesë e programit. Pavlopoulos deklaroi se pretendimet greke janë „ligjërisht në fuqi dhe juridikisht të kërkueshme”, dhe se kjo çështje duhet të zgjidhet para një gjykate ndërkombëtare. Por për qeverinë gjermane ky kapitull është mbyllur si nga ana juridike ashtu edhe politike. Merkel nuk e përdori këtë formulë të njohur tashmë, por tha se „ne jemi të vetëdijshëm për përgjegjësinë tonë historike. Ne e dimë se sa dhimbje kemi sjellë si Gjermani e kohës së nacionalsocializmit.” Prandaj „duam të bëjmë gjithçka që të kemi marrëdhënie të mira me Greqinë dhe të mbështesim dyanshëm njëri-tjetrin.” Më shumë se kaq sensibilitet në deklarata politike nuk mund të ketë.

 

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Dy te arrestuar per zjarret prane Athines, flaket nga duhani

LEXO EDHE:  Komisioneri Hahn viziton Kosovën për herë të parë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Athina ndërton xhaminë e parë

LEXO EDHE:  Viktoria Nuland vizitë në Tiranë

 

LEXO TE PLOTE
Lajme të Rekomanduara: