Connect with Us

Nga Elvi FUNDO/ Policia si çorbë e politikës

Aktualitet

Nga Elvi FUNDO/ Policia si çorbë e politikës

Publikuar

-

policia e shtetit e rreshtuar

Policia e Shtetit me lëvizjet e fundit që po bën Ministri i Brendshëm Sandër Lleshaj po konfirmon se është kthyer në një kazan çorbe i gatuar keq dhe shumë- shumë keq nga politika.

Këtu, mjafton të bëjmë një analizë të  thjeshtë të viteve të fundit për të kuptuar  se si politika, oficierët e karrierës i merr, i  përdor, i hedh në “kosh të plehrave” dhe  i rikthen në detyrë.

Ky është një nga veprimet më të turpshme që kastat politike në Shqipëri, kanë bërë  ndaj policisë.

Oficerë karriere me vlerë në Policinë e  Shtetit, quhen të majtë apo të djathtë, etiketohen si grupi “çiftelia” apo grupi ‘trëndelina”, si dhe akuzohen të lidhur  me drogën.

Më pas, largohen nga detyra dhe sërish, pas disa viteve, iu jepen poste  dhe grada të larta.

Por, le të analizojmë dy rastet e fundit të Sandër Lleshajt.

Rikthimin në detyrë të Tonin Vocajt, si drejtues i Departamentit të Policisë Kriminale dhe në krye të SHÇBA–së, Muhamet Rrumbullakun.

Të dy janë oficerë karriere të Policisë së Shtetit, të dy janë figura dhe vlera për uniformat blu, por  të dy janë sulmuar egërsisht nga vetë kryeministri në detyrë Edi Rama, kur ishte në opozitë.

Duke i quajtur pjesë të grupit “çiftelia”, duke  i akuzuar si njerëz për lidhje me krimin, duke  iu thënë fjalën e fundit politikisht dhe nëpër konferenca shtypi dhe më vonë pas gati gjashtë vitesh i lëpin ato që i pështyn.

Gjashtë vite më parë i shkarkoi dhe  i çoi si specialist për t’i degjeneruar në sy të kolegëve të tyre.

Më pas, kur e kuptoj vlerën e tyre dhe jo vetëm të dy zyrtarëve në fjalë, por edhe qindra e qindra të tjerëve që nuk janë në detyrë, filloj dhe i ktheu në pozicione të rëndësishme.

Tobin Vocaj është rikthyer katër ditë më parë në kupolën e Policisë së Shtetit dhe dje Sandër Lleshaj ka firmosur emërimin e Muhamet Rrumbullaku në krye të SHÇBA-së.

Le të kthehemi në një analizë tjetër.

Në vitin 2013, kur Rilindja erdhi në pushtet, Saimir Tahiri, atëherë, Ministër i Brendshëm nxori shpatën e Demokleut kundër oficerëve të lartë të Policisë së Shtetit dhe me mbështetjen kryesore të  Edi Ramës u bënë lëvizje të fuqishme.

Lëvizjet nisën nga Drejtoria qëndrore, në drejtoritë e qarqeve, deri në komisariate e deri tek  komandanti i trafikut në qytetin më periferik.

U shkërmoq Policia për  t’u kthyer tek parulla “Policia në shërbim të qytetarëve”.

Pas disa vitesh, Shqipëria u mbulua me drogë, përkatësisht në vitin 2015 dhe në vitin 2016. Ishte kjo polici në detyrë. Shumë nga drejtorët e  Policisë u akuzuan. Ndonjë prej tyre është edhe në kërkim, siç është rasti i Drejtorit të Policisë së Vlorës.

U akuzuan se kishin lidhje me drogën nga Opozita e sotme. U akuzuan më tej nga vetë Ministri i Brendshëm, pasardhësi i Saimir Tahirit, Fatmir Xhafaj, i cili çfarë nuk tha për drejtorët e policisë që kishin punuar me Saimir Tahirin. I largoi të gjithë nga detyra .

Madje, disa u çuan edhe për ndjekje penale. Më pas  njerëz dhe emra të tjerë u emëruan.

E njëjta furtunë ndodhi siç kishte ndodhur në 2013 –ën, kur Rilindja  kishte ardhur në pushtet, dhe tani pas ikjes së Xhafajt, vjen Sandër Lleshaj, i cili hedh poshtë  “sukseset: e operacionit Forca e Ligjit dhe rifillon lëvizjet në Policinë e Shtetit.

Duke kthyer  ata që ishin  larguar nga Saimir Tahiri në 2013 –ën apo edhe personazhe  të tjera të rëndësishme të Policisë së Shtetit dhe uniformave blu, të cilët janë  lëvizur edhe më përpara, qoftë  nga PD –ja  apo edhe nga Rilindja. Bëhet fjalë për oficerë karriere.

Shumë prej tyre sot mund të mos jenë në detyrë sepse janë hequr edhe padrejtësisht, edhe për  inate të luftës së klaneve të brendshme brenda uniformave blu apo pisllëqeve midis vetë drejtuesve të Policisë apo  grupimeve që  luftojnë për influencë nga partitë politike. 

LEXO EDHE:  Rama është i pashërueshëm!/ “Qau” shëndetësinë, tani po “ndrit” arsimin

Sot ka me dhjetra apo me qindra ofrocerë, specialist të cilët kanë  mbaruar studimet në shkollat më të mirat jashtë vendit dhe kanë një përgatitje të lartë, por nuk janë në detyrë sepse Rilindja i quajti bashkëpunëtore të djeshëm të Berishës.

Kështu, erdhi Saimir Tahiri i hoqi dhe  emëroi të  tijët, erdhi Fatmir Xhafaj hoqi ata të Tahirit, erdhë Sandër Lleshaj dhe po heq këta të Fatmir Xhafës, duke kthyer disa të kohës së Berishës.

Ky është krimi më i madh që i është bërë Policisë së Shtetit, që e fusin të ziejë në çorbën që gatuan politika.

Largimet sipas oreksit politik

Oficerë të karrierës  që investojnë me dhjetra e dhjetra vite keqpërdoren politikisht në emër  të gjoja të rritjes së parametrave të sigurisë dhe rendit dhe ndryshimit të performancës së Policisë së Shtetit. Në fakt, asnjëherë në asnjë rast nuk është përdorur kjo e vërtetë.

Janë hequr dhe janë lëvizur drejtuesit e lartë vetëm e vetëm për arsye të bindjeve politike që kanë drejtuesit e  tyre apo ministri i radhës, sipas oreksti që i vjen në  moment.

I pëlqen dikush e merr dhe gradon, pasi ka ndërhyrje nga miqtë e afër, nuk i pëlqen dikush e etiketojnë të djathtë, rilindas e të tjerë.

Në fakt Policia e Shtetit, nuk mund mund të jetë çorba që përzien Rama, Berisha, Basha apo Meta.

Policia e Shtetit përfundimisht duhet të ketë një ligj që t’i mbrojë oficerët e karrierës dhe t’i ruajë uniformat blu e jo t’i përdorë ata si mish për top, duke ia hedhur krimit që t’i shqyejë në momentin që  shkarkohen.

Apo siç ndodhi me ratsin e të ndjerit ish-Drejtorit të Policisë së Vlorës Artan Cuku, një oficer i shkëlqyer karriere që u vra nga një kriminel thjesht dhe vetëm për shkak të detyrës.

Por, edhe Artan Cuku ishte hedhur në “plehra”  nga Policia e Shtetit, nga çorba që kishte gatuar politika.

Prandaj me lëvizjet që po bën sot Sandër Lleshaj, duket se Edi Rama dhe Rilindja vetë, po lëpijnë atë që po pështyjnë dhe po pranojnë  gabimin që kanë bërë.

Po pranojnë se si e kanë copëtuar dhe shkatërruar  Policinë  e Shtetit.

Por,  duket se e vërteta vonon por nuk harron.

Gjithçka kanë thënë dje për policët e liruar nga detyra, gjatë kohës së Saimir Tahirit, sot  po i  korigjon, apo i ndryshon me anë të Sandër Lleshajt.

Gjithçka që është thënë për policët e Saimir Tahirit nga Fatmir Xhafa, duke se po i  korigjon dhe pritet të  ketë ndryshime të forta nga Sandër Lleshaj.

Nesër kur të ikë Sandër Lleshaj do të shohim  që do të vijë një ministër që do të “korigjojë” sërish gabimet e bëra nga Lleshaj, apo t’i etiketojë dhe t’ia  faturojë pararadhësit të tij çdo problematikë dhe  çdo dështim.

Kjo është ajo që ndodh paturpësisht në Policnë e Shtetit.

Që gati 6 vite bëhen rrokada dhe vetëm rrokada ndërkohë që  u shkatërrohet karriera me dhjetra e dhjetra oficerëve të lartë të Policisë së Shtetit, të cilët akuzohen  padrejtësisht dhe më pas kthehen në detyrë por, situata e vendit  në luftën ndaj krimit vetëm  përkeqësohet, sepse është vetë politika e lidhur me krimin dhe për hir të interesave të saj ajo godet policinë. Dhe kjo tashmë është e provuar./CNA.AL

 

“Furtunë” në Policinë e Shtetit/ “Priten kokat” e drejtuesve

Ekskluzive–Emërimi suprizë/ Muhamet Rrumbullaku në krye të SHÇBA-së

Ndryshime në kupolën e Policisë së Shtetit/ Emërimet e reja

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  “Bomba” e Bashës nga “çadra e lirisë”/Rama po përgatitet për pastrim parash

LEXO EDHE:  Foto-Denoncim/ "Një aktakuzë e rëndë për kryeministrin Rama"

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Foto-Denoncim/ “Një aktakuzë e rëndë për kryeministrin Rama”

LEXO EDHE:  “Bomba” e Bashës nga “çadra e lirisë”/Rama po përgatitet për pastrim parash

 

LEXO TE PLOTE
Lajme të Rekomanduara: