Connect with Us

Në themelet e Estradës së Korçës

Aktualitet

Në themelet e Estradës së Korçës

Publikuar

-

Është qyteti i serenatave, i kinemasë së parë në vend dhe i hidrocentralit të parë në historinë e konçensioneve në Shqipëri. Korça, si pionere në shumë fusha, mban një gur të çmuar kilometrik edhe në historinë e estradave të humorit shqiptar. I krijuar në vitin 1959, Estrada e Korçës kishte në gjirin e saj fillimisht vetëm 7 aktorë të humorit: 3 të ardhur nga Pallati i Kulturës së Maliqit dhe 4 nga qyteti i Korçës. Drejtori i parë i saj ishte Koço Qendro i cili së bashku me trupën e aktorëve hartuan një calendar shfaqjeje të miratuar më parë nga Komiteti Ekzekutiv i Rrethit, pra me bekimin e partisë.

Në fillimet e tyre ishin të gjithë aktorë amatorë, të udhëhequr nga pasioni dhe talenti. Aleko Prodani, Dhimitër Pema, Niko Dhima, Stavri Shamia, Syrja Meçe etj., disa prej të cilëve do të nderoheshin edhe me titullin “Artistë të Merituar” kontribuan me vënien në skenë të një seri skeçesh të përgatitura nga autorë të ndryshëm sikurse Dhimitër Orgocka. Edhe pse puna në Estradë zinte një pjesë të vogël të ditës pas kontributit në Kombinat , artistët ia dilnin me sukses të realizonin shfaqje të duatrokitura dhe të pëlqyera nga publiku.

Armiku i popullit” ka qenë shfaqja e parë e vënë në skenë nga trupa e estradës së Korçës. Më pas rreth viteve 70’ Estradës iu bashkuan emra të tjerë si : Spiro Karanxha,Violeta Manushi, Pandi Raidhi, Stavri Shkurti , Jani Riza, Marko Bitraku etj. Kalendari artistik do të sillte gjatë dekadës së atyre viteve shfaqje të tilla si: “Pijaneci”, “Martesa”, “Puna të bën njeri” e deri tek skeçet e fundvitit. Një plejadë aktorësh spikatën gjatë këtyre viteve të arta, aq sa nga skena e teatrit u huazuan në botën e Ekranit të Madh të Kinemasë.

Një ndër to ishte Violeta Manushi, edhe pse të gjithë e njohën që pas filmit të famshëm shqiptar “Zonja nga Qyteti” njihet si “Ollga e Stefanit”. E lindur në Korçë më 6 mars 1926 , Violeta shfaqi talente interpretative që në vogëli. Më 1946 u regjistrua në shkollën e parë dramatike, të hapur pranë Teatrit të Shtetit. Talenti dhe natyrshmeria bënë që në dramën “Orët e Kremlinit “, të luante tre role, duke i hapur kështu rrugë sukseseve të tjera në vitet që pasuan. Ka luajtur në role protagoniste e dytësore, në drama, melodrama e kryesorja në komedi që publiku I ka skalitur në kujtesë. Të tilla mund të përmendim : “Fytyra e dyte “, “Karnavalet e Korçës”, “Pallati 176”, “Zonja nga qyteti “ etj. Numëron rreth 100 role në teatër dhe 16 në kinema . Fituese e disa çmimeve, nder to edhe Medaljoni i Festivalit te Filmit në vitin 1977 për rolin në filim “Zonjën nga Qyteti”.

Të njëjtin vlerësim korçarët i kanë blatuar edhe artistit të popullit, aktorit korçar Pandi Raidhi . I lindur më 14 prill 1921 në Korçë, Pandi do të spikaste me rolin e tij të mirëpritur në skenën e teatrit “Dasma Korçare” prej nga do t’i çelej do të sipari i një serie suksesesh në kinematografi e teatër. Ai ka debutuar në thuajse 36 role në kinematografi ndër të çilët i pari ishte ai në filmin “Tana” dhe rreth 300 role në dramë, komedi e opereta.

Njejtësimi i aktorit me emrin e personazhit, kur ky arrin të fitojë zemrat e publikut ka ndodhur edhe me Roland Trebickën. I lindur në vitin 1947, Rolandi nisi të angazhohej si aktor i ri në Estradën Profesioniste të Ushtrisë. Më herët ai pati luajtur dhe rolin e tij të parë në film, atë të Kostës në filmin “Debatik” në vitin 1961. Publiku mban mend me nostalgji personazhet e qëndisura prej tij, atë të Xhenarinos tek “Magjia e Madhe”, Zganarelit tek “Don Zhuani”, Hlestakovit tek “Inspektori” e shumë të tjera. Në vitin 2002, për rolin e Rojës tek “Mbreti po vdes”, Trebicka ishte kantidat për Çmimin “Aktori më i Mirë Mbështetës” në Festivalin Ndërkombëtar të Teatrit Eksperimental, në Kajro.

Talenti i spikatur e ka bërë Zamira Kitën të integrohet në teatrin “Andon Zako Çajupi” menjëherë pas përfundimit në 1985 të Institutit të Lartë të Arteve të Bukura. Në fillim pranë trupës së estradës dhe më pas ka realizuar role në komedi dhe dramë. Janë të shumta bashkëpunimet me TVSH-në në koncerte e spektakle, kryesisht ato të Vitit të Ri. Në vitin 1997 ajo merr çmimin “Aktorja më e mirë” në festivalin mbarëkombëtar të teatrit të zhvilluar në Tiranë. Sot është drejtore e teatrit “Andon. Z. Çajupi”.

Thonë se ëndrra e çdo aktori është të vdesë në skenë. Nëse kjo është e vërtetë, mund të thuhet Aleko Prodani e realizoi këtë ëndërr. Ai ndërroi jetë në skenën e Teatrit “A. Z. Çajupi” të Korçës, ndërsa luante në provat për premierën më të re teatrale. Aleko u bë bashkëthemelues i Estradës së Ushtarit, ku edhe u formua si aktor, gjatë një stazhi gjashtë vjeçar. Më pas u emërua aktor në Estradën e Korçës, ku u bë menjëherë margaritari i kurorës.

Për shkak të biografisë së papërshtatshme për ideologjinë e kohës, pas Pleniumit të IV-t të partisë, atë e largojnë nga Estrada dhe e dërgojnë për “riedukim në prodhim” në Maliq. Ka në rreth 60 premiera të Estradës së Korçës. Është autor i libreteve, regjisor dhe aktor kryesor në 30 premiera, e dhjetra skeçe e komedi me një akt që shfaqen edhe në TVSH në programet e Vitit të Ri. Nën drejtimin e Prodanit, në vitet ’80, Estrada e Korçës bëhet më e mira në vend. Ka fituar më 1992, titullin “Artist i Merituar”. Ka fituar tri herë rresht, në tri pjesëmarrje, çmimin për aktorin joprotagonist në Festivalin e Aktrimit në Fier, në ediçionet 2003, 2004 e 2005.

Aktualisht Estrada e Korçës është shkrire me teatrin “Andon Z. Cajupi” duke ruajtur traditën e mirë të krijuar nga themeluesit e saj, që vijojnë të kënaqin me artin e tyre skenik duke fituar duartrokitjet e publikut korçar, por jo vetëm./ Aktoretshqiptare.info

LAJMI PARAARDHËS

Epopeja e një kinemaje

LAJMI PASARDHËS

Video/ Festivali i akullit dhe borës

KLIKO PER TE KOMENTUAR

Leave a Reply

Your email address will not be published. Required fields are marked *

Aktualitet

Denoncimi/ Çertifikimi i hotelerisë, bizneset i vendosin vetë yjet

Publikuar

-

Nga

Në Maj të vitit 2018 me një VKM, në zbatim të ligjit për turizmin u miratuan kriteret apo standardet që duhen të kenë hotelet, në bazë të pikëve që grumbullojnë për t’u certifikuar më pas me yje.

E gjitha kjo për të njohur jo vetëm standardet e hoteleve të cilat operojnë në vendin tonë, por për të ofruar edhe një shërbim akoma më cilësor duke bërë më pas që turisti i vendit apo i huaj të zgjedhë në bazë të kategorisë dhe po në bazë të kategorisë të paguaj, për të mos lënë vend për abuzime.

Por pavarësisht se standardet janë miratuar, certifikimi i subjekteve akomoduese, duke filluar nga bujtinat e vogla e deri tek resortet me pesë yje është ndaluar. Ministria pretendon se ky proces është ndaluar për t’i lëne kohë subjekteve për të plotësuar standardet, por nga ana tjetër kjo sjell një mos vlerësim apo ndarje të atyre që vërtet i meritojnë yjet dhe atyre që mashtrojnë duke vendosur yje mbi godinat e tyre.

Në vitin 2005-2008 ka qenë hera e fundit që është bërë certifikimi i disa hoteleve me yje, yje që i mbajnë edhe sot pavarësisht se standardet kanë ndryshuar apo nuk është bërë një rivlerësim për të parë nëse i kanë ruajtur standardet për yjet që kanë të vendosura.

Pavarësisht se nuk ka nisur ende certifikimi, edhe hotelet e reja, kanë vendosur mbi godina yje. Yje të cilat i vendosin siç mendojnë vet, por kjo sipas ministrit nuk mund të ndalet. Ata mendojnë se atë standard kanë, por nuk janë të certifikuar. “Unë nuk mund të ndalojë vendosjen e këtyre yjeve, ai që vuan është konsumatori i cili mund te mashtrohet në bazë të yjeve qe vendosen dhe shërbimit që merr” shprehet ministri Klosi.

Fiksi bëri një vëzhgim nëpër Tiranë, ku pavarësisht se nuk janë bërë certifikimet, yjet nëpër hotele nuk mungojnë. Madje edhe në hotele që janë ndërtuar së fundmi. Kryetari i Shoqatës së Hoteleri-Turizëm, ku aderojnë mbi 250 hotele pretendon se certifikimi është i domosdoshëm, pasi do të bënte përfundimisht ndarjen e drejtë, shërbim- pagesë që merr konsumatori.

“Do të merrnin fund edhe abuzimet me çmimet e larta pasi me vendosjen e yjeve do të vendosej standardi edhe çmimi do të përkonte me shërbimin, ndaj do të shmangte kështu mashtrimin që i behet turistëve vendas apo të huaj” shprehet Zak Topuzi për Fiksin.

Ndërsa Ministri i Mjedisit dhe Turizmit Blendi Klosi, përdor fjalën “stopim” kur vjen puna tek mos nisja e certifikimit. Duke pretenduar që i duhet lëne kohë subjekteve për të plotësuar standardet, por nga ana tjetër kjo sjell një mosvlerësim apo ndarje të atyre që vërtet i meritojnë yjet dhe atyre që mashtrojnë duke vendosur yje mbi godinat e tyre./ Top Channel/

LEXO TE PLOTE

Aktualitet

“Reforma në Drejtësi 3-vjeç”/ Soreca zbulon se sa miliona euro po investon BE për finalizimin e saj

Publikuar

-

Nga

Ambasadori i BE-së në Shqipëri, Luingi Soreca ka reaguar lidhur me inagurimin e godinës së re të SPAK, e quajtur ndryshe “Poli i Drejtësisë”.

Soreca shprehet se në këtë tre vjetor të Reformës në Drejtësi është për të festuar por dhe për të parë nga e ardhmja, ndërsa ka bërë me dije dhe investimin e BE-së në vend në kuadër të kësaj reforme.

Reforma në Drejtësi është 3 vjeç! Një moment për të festuar, por edhe për të parë të ardhmen.

BE  po vë 42 milionë euro për të konsoliduar këtë arritje historike dhe për të finalizuar reformën. Për të mirën e çdo qytetari shqiptar. #BE për Drejtësinë #BE për Shqipërinë.”

Ndërkohë, më herët Shefja e ONM-s Genoveva Ruiz Calavera tha se reforma në drejtësi do të çelë derën e Shqipërisë për në BE.

 “Ju bëjmë thirrje të gjithë aktorëve të ndërmarrin procesin pa asnjë vonesë. Duhet të jemi krenarë me atë që është arritur. Proverba thotë se Roma nuk është ndërtuar në një ditë, kështu që një reformë e tillë nuk mund të bëhet në një ditë, por do vite dhe integritet.

Po ashtu të gjitha institucionet kanë një mundësi dhe shans historik. Është një mundësi, pasi do të jenë brezat e ardhshëm që do të na gjykojnë, është një mundësi për të çelur derën për në BE”, tha ajo./CNA.al

 

LEXO TE PLOTE

Aktualitet

Reforma në Drejtësi/ Moses: SPAK do të çlirojë Shqipërinë nga korrupsioni

Publikuar

-

Nga

Përfaqësuesja e Ambasadës së SHBA-së në Tiranë, Leyla Moses-Ones, e ndodhur në cermoninë e inagurimit të godinës së re të SPAK, “Poli i Drejtësisë”, deklaroi se Amerika vijon që të jetë në krah të Shqipërisë.

Duke folur përpara të pranishmëve në godinën e re të institucioneve të drejtësisë, Moses-Ones tha se mungesa e Gjykatave tregon se procesi i rivlerësimit ka funksionuar dhe nga drejtësia janë larguar njerëzit e korruptuar.

“Vettingu ka qenë themeli për pjesën tjetër të reformave. Tani një numër i madhe 15% janë rivlerësuar, disa kanë kaluar dhe shumë kanë dështuar. Kjo përfshin gjyqtarët e lartë dhe Kushtetues. Disa thonë se është problem, por kjo tregon se përse reforma ishte e nevojshme. Sistemi i vjetër ishte i kapur nga korrupsioni dhe ata që veprojnë në hije për të mbajtur Shqipërinë prapa, reforma në drejtësi e theu dhe po ua kthen njerëzve.

Tre vjet më pas kemi një këshill të lartë të prokurorisë dhe gjyqësor dhe po punojnë për të ripërtërirë gjykatën e lartë dhe krijimin e SPAK-ut.  Kjo ndërtesë do të i japë KLP-së, KLGJ-së dhe Magjistraturës një shtëpi të re dhe moderne. Do të shohë një Shqipëri më SPAK-un dhe BKH për të çliruar shqiptarët nga krimi dhe korrupsioni. SHBA ka qëndruar krah Shqipërisë dhe i kanë nxitur këto ndryshime, ne qëndruam krah Shqipërisë dhe po qëndrojmë krah Shqipërisë. Ne po qëndrojmë krah Shqipërisë teksa po ngrihet SPAK-u. Jeni të sigurt, ne do të vijojmë që të qëndrojmë krah Shqipërisë”-përfundoi Moses-Ones./CNA.al

 

 

LEXO TE PLOTE