Emision Stop publikon skandalin/ Gjyqtari i kërkon seks dhe para për kujdestarinë e fëmijës – CNA
Connect with us

Aktualitet

Emision Stop publikon skandalin/ Gjyqtari i kërkon seks dhe para për kujdestarinë e fëmijës

Publikuar

-

Një histori tronditëse publikohet në emisionin “Stop”. Gazetarët e programit kanë marrë rrëfimin e një nëne, e cila u përball me kërkesën e gjyqtarit për raport seksual dhe para, vetëm për të siguruar kujdestarinë e fëmijës së saj.

Në kamerën e fshehtë përfshihen disa gjyqtarë dhe psikologia Elona Meçani, që bën edhe rolin e sekseres. Gruaja, denoncuese tregon gjithë kalvarin që i është dashur të përballojë, duke blerë me euro fëmijën e saj.

Gjyqtari i Fierit Roland Hysi i kërkon seks për t’i dhënë kujdestarinë e fëmijës. Po kështu zonja i jep psikologes 500 euro për Hysin, duke i premtuar edhe 500 euro të tjera në mbyllje të gjyqit.

“Unë kam qenë e martuar, për arsyet tona personale jemi divorcuar në vitin 2012 dhe Gjykata e Rrethit të Fierit ka vendosur që kujdestarinë e vajzës ta ma lërë mua. Për arsyet e mia personale dhe ekonomike, unë jam larguar në Francë dhe vajzën e kam lënë tek prindërit e mi. Në vitin 2018 ish-bashkëshorti im më ka hedhur në gjyq për të më hequr kujdestarinë e vajzës. Avokatja ime ka marrë pjesë në seancën e parë të gjyqit dhe në seancën e dytë kam ardhur unë. Ka qenë data 17 Korrik e gjyqit, gjyqtar ka qenë zoti Roland Hysi. Ka mbaruar seanca e gjyqit, atë ditë është marrë edhe vendimi i vajzës, e cila ka folur me vullnetin e saj të lirë, e pandikuar as nga babai i vet as nga unë dhe vendosi që të rrijë me mua”, tha denoncuesja.

Por pavarësisht vendimit të vajzës për të qëndruar me të ëmën, këtu fillon edhe kaluari i vuajtjeve për nënën.

“Pasi ka mbaruar seanca e gjyqit, tek dera e Gjykatës, ka qenë psikologia Elona Meçani, e cila më ka futur brenda në dhomë dhe më ka thënë se duhet të flas me gjyqtarin. Nuk e kuptova përse duhet të flas me gjyqtarin, sepse unë kur paraqitem në gjyq duhet të paraqes dokumentet, të cilat unë mendoj se i kam të gjitha. Gjyqtari nuk ka folur në prezencën e sekretares, sekretarja ka dalë dhe ky më ka kërkuar takim në një lokal. Unë po bëja 7 vite që jetoja në Francë dhe Fieri ka ndryshuar. Nuk e dija, por nuk ishte marrë vendimi atë ditë, ishte shtyrë për në datë 24. Frika ime ishte që çfarë do të ndodhë, çfarë po bëhet. Për këtë arsye vendosa ta dëgjoj gjyqtarin dhe të dal për të mësuar për çfarë më kërkon ky, por gjithmonë ka qenë ideja që këtu jemi në Shqipëri, do të kërkojë ryshfet. Mua më ka vajtur historia e gjyqit 10 mijë euro. Sa kemi dalë nga gjykata, nuk ka vonuar as një orë, zotëria më ka marrë në telefon dhe më ka kërkuar takim po atë ditë. Më ka kërkuar tek Hotel Fieri. Vajta aty, ishte futur në një sallë që nuk kishte lidhje me kafenë. Ka qenë ora rreth 3:30 pasdite, ishte futur në një sallë vetëm. Aty kam kuptuar se diçka nuk po shkonte. Vajta e papërgatitur, nuk kisha marrë masa që ta incizoja…Jam futur në sallë dhe zoti gjyqtar Roland Hysi më ka kërkuar marrëdhënie seksuale. Më ka vënë para përgjegjësisë, e para nuk i ka pëlqyer ambienti aty, sepse donte një ambient ku të relaksohej, sepse ishte shumë i stresuar sepse zgjidhte hallet e shqiptarëve. Dhe më ka thënë të shkojmë në një ambient më të qetë dhe të përshtatshëm për ne. Duke pasur postin gjyqtar që të më vërë para përgjegjësisë me fëmijën tim, që unë të kam në dorë një letër dhe me një fjalë ‘ti o do bësh ça të them unë, ose unë nuk ta jap këtë letër’.”

Denoncuesja tha se atë ditë ishte ndarë keq me gjyqtarin, të cilin edhe e kishte ofenduar dhe më pas kishte vendosur të kontaktonte emisionin “Stop”.

“Atë ditë aty jam ndarë keq me Rolandin, kam ikur, i kam rënë tavolinës me grusht, e kam ofenduar dhe kam dalë. Duke diskutuar me rrethin tim të ngushtë, por jo me familjen sepse kisha frikë, isha në ankth, isha në stres. Kam kontaktuar me emisionin “Stop”. Nuk shkova në polici sepse kisha frikë, nuk kisha besim, sepse mund të shkoja në polici dhe kjo të mbyllej pa pasur asnjë fakt, asnjë provë. Unë doja të çoja drejtësinë në vend. Të nesërmen më është përgjigjur emisioni “Stop”, jam bërë e infiltruara e emisionit “Stop” dhe atëherë ia kam çjerrë maskën Rolandit dhe sekseres së tij, duke qenë se çfarë më kanë kërkuar janë të faktuara me figurë dhe me zë. Më kanë kërkuar ryshfete.”

Në një video të transmetuar mbrëmjen e kësaj të marte në emisionin “Stop”, shfaqet edhe psikologia Elona Meçani, e cila bën rolin e sekseres.

Elona Meçani – Pra kjo mund të shkojë edhe në Shtator, këta kanë të drejtën ta shtyjnë. Më kupto, ça të them?

Denoncuesja – Po!

Elona Meçani – Dhe unë të thashë, se unë i kam 2 muhabete me të dhe i di shumë mirë. Dhe unë të thashë që t’i ftoje, thjeshtë si nënë dhe pastaj kafja është tjetër gjë. Nderi, nder është.

Denoncuesja – Ekzakt!

Elona Meçani – Dhe ai ka marre peshën dhe është i kujdesshëm, që t’mos vihet në përgjim. Se do vihet ky Vettingu i famshëm dhe këto gjëra…ajo, që unë them është kjo që, sepse nesër ti mund ta hapësh sërish gjyqin, për ta marrë dhe gjasat që t’i bie Rolandit, janë të mëdha, që të jetë i njëjti gjyqtar. Sugjerimi im është, t’i japësh një kafe. Vendi ku ishit ju…

Denoncuesja – Po!

Elona Meçani – …ka kamera gjithandej.

Denoncuesja – Dakord!

Elona Meçani – Unë do të sugjeroja kështu, jepi një 500 euro!

Denoncuesja – Edhe 1000 (euro) edhe 1500 (euro). Unë vetëm të marr vajzën dhe të iki!

Gjyqtari Hysi takohet me zonjën në fjalë në një lokal të Fierit. Ai merr 500 eurot dhe premtimin për të tjerat. Por “njeriu i drejtësisë” kërkon edhe pak ngrohtësi nga zonja, të cilës i ka shitur fëmijën e saj. Por kalvari nuk mbaron këtu. Zonjës iu desh të hapte një tjetër çështje gjyqësore për të marrë vajzën në Francë, ku jeton edhe vetë. Psikologia Elona Meçani i kërkon 500 euro të tjera për gjyqtarin tjetër, Taulant Banushi, në mënyrë që ky i fundit të mos zvarrisë seancat. Gjatë takimit ku jepet shuma, psikologia kërkon edhe pjesë për vete si dhe shumën e mbetur për gjyqtarin e parë.

Gjyqtari Roland Hysi – Tani po prisja dhe….e di, sa u mërzita? Se ti ke vapë, unë jam i lodhur. A e kupton?

Denoncuesja – Ju kuptoj…, ju kuptoj!

Gjyqtari Roland Hysi – Kam që në 6, që…ulu këtu! Një sekondë të lutem! Vetëm mos  më shtrëngo! E di sa i lodhur jam…?!

Denoncuesja – Absolutisht! Rri i qetë!

Gjyqtari Roland Hysi – Jo! Të rrish ti e qetë! Po pra, edhe unë zëre se të njoh prej shumë vitesh, por më krijo një komoditet, që dhe unë…,në moment, që kuleta, e di më prish shumë punë, shumë, puna jote është një. Punët e mia janë 100. Të lutem mos m’u mërzit!  Më fal!

Denoncuesja – Atëherë, në 24 kemi gjyqin?

Gjyqtari Roland Hysi – Po! Të kuptoj shumë qartë.

Denoncuesja – Vendimi, varet nga ju?

Gjyqtari Roland Hysi – Po nuk diskutohet fare.

Denoncuesja – Mua më ke për çdo gjë!

Gjyqtari Roland Hysi – T’i rikthehemi origjinës! Mua më vijnë të gjithë njerëzit, kur vijnë, vijnë me ….(lekë) …bëje! Mos kujto, se nuk kanë ardhur të më joshin, jo ai, tjetri, tjetri dhe i kam thënë: shoku stop tek mua! Po qe se është kjo historia, m’u mbush mendja, që s’ke të drejtë! Do një cikë djallëzi kjo punë. Në ç’kuptim? Je në momentin, që je në pozita të rënda. Ta them me sinqeritet, që je shkëputur nga fëmija etj, etj… E vetmja grimcë është që fëmija tha, që dua të rri me mamin dhe kjo është e dyshuar. Unë e di se si bëhet. Është shumë delikate, tani shiko, si bëhet: do të rrëzohet kërkesë padia e palës tjetër. Më kupton? Pra pretendimet e tija, që kërkon të marri fëmijën, do të bien dhe unë do të jap një vendim, që të ketë lezet, kur ta lexojnë.

Denoncuesja – Këtu ke 500 euro edhe nuk mbyllet me kaq.

Gjyqtari Roland Hysi – Tani,…ok!

Denoncuesja – Në datë 24  jepet vendimi dhe nuk mbyllet me kaq. Në datë 24 do nisem dhe…

Gjyqtari Roland Hysi – Do jemi bashkë! Dëgjo Landin! Unë nuk do ta bëja, por më ke gjetur vetë sot…

Denoncuesja – Hallall! Dëgjo! Unë i kam nxjerrë me gjak dhe i ke hallall 500 euro!

Gjyqtari Roland Hysi – A më njeh mua? Si, si ke dëgjuar për mua?

Denoncuesja – Unë nuk kam dëgjuar asnjë gjë për ty. Unë sot e njoh zotin gjyqtar.

Gjyqtari Roland Hysi – Atëherë, atëherë dëgjo Landin, se nuk jam nga ata njerëz.., që të peshoj unë ty, a je ti për seks apo jo? Sa femra më vijnë mua…Jo, nuk po ta them, për të të thënë, që s’je në radhë, apo…biseda ishte komplet në këtë kontekst. Unë i shikoj çdo gjë në sallë të gjyqit.

Denoncuesja – Do çohemi?

Gjyqtari Roland Hysi – Ti do më përqafosh mua?

Denoncuesja – Po, normale, po! Ku do ikësh në darkë?

Denoncuesja – Do të marr në telefon!

Gjyqtari Roland Hysi –Do të bësh dashuri me mua?

Denoncuesja – Pse jo?! Të jap edhe shpirtin për vajzën!

Gjyqtari Roland Hysi -Po qe për vajzën, jo! Po qe për qejfin tënd, po! Dëgjo…!

Denoncuesja – Mirupafshim!

Gjyqtari Roland Hysi – Po qe për vajzën, nuk e dua!

Denoncuesja – Ok!

(Gjyqtari i thotë denoncueses ta prekë në organin gjenital dhe ta shtrëngojë fort).

Denoncuesja – Po mos, të lutem…!

Gjyqtari Roland Hysi -Shtrëngoje këtu! Fort! Ndieje fort aty! Fort…, ëëë aty…!

Denoncuesja – Mirupafshim!

Gjyqtari Roland Hysi –Ejjj.., as me një tani! Ok?

Denoncuesja – Jo, jo, jo! Unë dhe ti tani!

Denoncuesja tha për “Stop” se “Pasi mbaroi gjyqi i parë mu desh të hapja gjyqin e dytë. Ka qenë muaji Gusht, mua më është dashur të iki sepse unë jam në marrëdhënie pune. Më përfaqësonte avokatia ime. Ku është hedhur shorti i ka rënë gjyqtarit Taulant Banushi. Më ka kontaktuar automatikisht psikologia, më ka thënë i ka rënë Taulantit gjyqi, por t’i japim 500 euro që çdo gjë të shkojë mirë dhe të mbarojmë punë sa më shpejt. Unë kam qenë në kontakt me emisionin “Stop”, emisioni “Stop” ka marrë përsipër për të paguar 500 eurot.”

Pasi pagoi 500 euro tek Gjyqtari Hysi, denoncueses iu deshën edhe 500 euro të tjera për psikologen dhe gjyqtarin Taulant Banushi.

Elona Meçani – Dëgjo! Ma shpjego, si ishte situata tani?

Kushërira e denoncueses -Tani,unë e kisha keqkuptuar, sepse kam menduar, mos duhej t’ia jepja vetë atij personit në dorë. Edhe ishte, isha shumë…

Elona Meçani – Tani, çfarë të dha ekzakt?

Kushërira e denoncueses – Më ka dhënë për ty edhe…,e di vetë tha, kush është një Roland Hysi dhe Taulant, për Taulantin. Taulant Banushin.

Elona Meçani – E di, e di! S’është nevoja! Do shkojmë diku, mos rrimë në mes të rrugës! Ok! Po për atë tjetër?

Kushërira e denoncueses – Për atë tjetrën, më tha do e marr vetë Elonën në telefon  edhe dooo…,kam edhe për atë burrin, edhe për atë vetë!

Elona Meçani – Ok! Hajde, hajde pak këtu!

Kushërira e denoncueses -Tani numëroji një çikë, që të jem e sigurt, aman, se sss…

Kushërira e denoncueses – Në rregull?

Elona Meçani – Këto janë vetëm për ne?

Kushërira e denoncueses – Këto janë vetëm për ju! Për ju dhe Taulantin! 500 për ju dhe Taulantin.

Elona Meçani – Ok! Në rregull! Mos përmend emra, se…!

Kushërira e denoncueses – Besoj, të jemi në rregull, se…

Elona Meçani – Po, po! Shumë në rregull! Për këtë pjesë, për pjesën tjetër, pastaj.

Kushërira e denoncueses – Të merr vetë ajo dhe të thotë vetë në telefon!

Kushërira e denoncueses – Mirupafshim! /tvklan.al

Aktualitet

Ndryshimet në Qeveri/  Mazhoranca voton e vetme dekretet e Metës

Publikuar

-

By

sencae plenare ne kuvendin e shqiperise

Seanca e jashtëzakonshme parlamentare, është karakaterizuar nga debati mes mazhorancës dhe opozitës.

Paraprakisht opozita ka kërkuar debat në lidhje me shkarkimin dhe emërimine  ministrave, mirëpo kryeparlamentari Gramoz Ruçi nuk e ka lejuar një gjë të tillë, me arsyetimin e se është e kundërligjshme.

Kjo ka shkaktuar reagimin e Opozitës, e cila ka bllokuar foltoren, gjë që nuk e ka penguar mazhorancën të vijojë votimin për dekretimet e Presidentit Ilir Meta.

Në këto rrethana, opozita e braktisi seancën

Ndërsa, kreu i PD, Lulzim Basha u shpreh me tone të ashpra kur akuzoi Ramën se i mbylli gojën opozitarizmit, duke moslejuar debatin për dekretet e Metës, ndërsa u shpreh se largimi i Ramës është emergjencë kombëtare./CNA.al

LEXO TE PLOTE

Aktualitet

Opozita braktis seancën/ Basha sot u asgjësua Kuvendi

Publikuar

-

By

kryetari i pd, lulzim basha jashte kuvendit

Kryetari i Partisë Demokratike, Lulzim Basha ka folur për mediat pas braktisjes së seancës parlamentare.

kryedemokrati tha se ky veprim tregoi rënien e qeverisë, ku shton se në 27 vite opozita kërkon debat për herë të parë për të treguar të vërtetën.

“Sot u shënua akti i rënies së Qeverisë, u asgjësua përfundimisht kuvendi. Në 27 vite demokraci opozita kërkon debat parlamentar për të treguar të vërtetën qytetarëve shqiptarë.”- deklaroi Lulzim Basha.

Basha tha se opozita nuk u la që të fliste, pasi sipas tij qeveria synon që të ruajë favoret e vjedhjeve.

“Opozitën e pengon të marrë fjalën Kuvendi i marrë peng nga një hajdut që vazhdon të ruajë favoret e vjedhjes. Ne sot kemi një qeveri të vdekur kishim një qeveri në koma ndërsa sot  të vdekur.”-tha ai.

Më tej, ai tha se vendi është në gjendje emergjence njësoj si në kohën e diktatorit Enver Hoxha.

“Jemi në gjenje emergjence kombëtare si në kohën e Enver Hoxhës sot kryeministri do mbajë edhe postin e ministrit të Jashtëm.”- u shpreh ai.

Kryedemokrati theksoi se faturën e këtij vendimi do ta paguajnë të gjithë shqiptarët e ndershëm.

“Faturën e këtij vendimi e  paguajnë shqiptarët, studentët, banorët e Asrtirit, pensionistët, sipërmarrja e cila po shkon drejt falimentimit nga masat dhe taksat e rrepta,  famijet shqiptare, fëmijët shqiptarë, gazetarët dhe mediat e lira që përballen me mbylljen e gojës nga projekt-ligjet e Ramë, policët.

Faturën e paguan e gjithë Shqipëria kjo nuk mund të vazhdojë më duhet të  marrë fund. Nuk mund të ketë më një shtet me nje kryeministër që është një hajdut psikik. Shqipëria nuk mund ta pranojë më këtë gjendje.”-deklaroi ai.

Lulzim Basha shtoi  ndër të tjera se kushdo që do të jetë pranë Ramës do të konsiderohet si tradhëtar i vendit të tij.

Çdo ditë me Edi Ramën kryeministër është ditë krize dhe emergjence. Çdo kush që i shërben me vetëdije apo pa vetëdije Edi Ramës është një tradhëtar i interesave të vendit të vetë dhe duhet të trajtohet si i tillë.”-tha kreu i PD-së./CNA.al

LEXO TE PLOTE

Aktualitet

Trondit Artan Hoxha/ Balili ishte i fshehur pranë Presidentit

Publikuar

-

By

gazetari investigativ artan hoxha

Gazetari Artan Hoxha ka treguar detaje rreth intervistës me Klement Balilin

Ai tha se Klement Balili ka qëndruar i fshehur në një zonë në Tiranë, ku pranë saj jetojnë edhe shumë ministra e ish-ministra.

“Për aftësitë e tij për t’u fshehur e meriton të quhet “Magjistari”, ashtu siç e cilësoi edhe Donald Lu. Do të them një nga zonat ku ka qëndruar në Tiranë dhe duket e pabesueshme. Ai ka qëndruar në një zonë ku jetojnë rreth 10 ministra dhe ish-ministra. Afër në atë zonë duhet të jetë edhe Presidenti i Republikës. Është një zonë shumë e sigurt, por një njeri që merr një zonë me qira. Ai është një njeri që nuk është ekspozuar edhe shumë në media, ndërsa kishte ndryshuar edhe shumë pamja. Plus kishte edhe faktin që nuk kishte shumë armiq natyral. Nuk kishte grupe rivale që synonin ta godisnin.

Intervista ishte një sfidë më vete, por pjesa më e vështirë ishte momenti i dorëzimit, pasi ishte lënë që të bëhej në banesën e tij. Unë dhe kameramani kishim bërë një plan që të mos merreshim vesh të paktën nga policia. Ishte nga kushtet e vendosura nga policia. Video është bërë me celular nga ambientet e një lokali. Ndërkohë nga krahu tjetër, njerëzit e Balilit nuk kishim rrezikshmëri pasi ai po dorëzohej. Unë nuk jam ekspozuar dhe më është dashur të qëndroj gjatë aty”, ka  thënë  Hoxha në një intervistë për A2.

 

LEXO TE PLOTE
Reklama
Reklama
Reklama
Reklama

LAJMET E FUNDIT

ministri i jashtem rus, sergey lavrov, ne nje konferece per mediat ministri i jashtem rus, sergey lavrov, ne nje konferece per mediat
Aktualitet15:58 - 16 Janar, 2019

Ndryshimi i emrit të Maqedonisë/ Zbulohet qëndrimi i Rusisë

Rusia ka ngritur një pikëpyetje në lidhje me marrëveshjen e ndryshimit të emrit të Maqedonisë. Ministri i Jashtëm i Rusisë,...

ish-komandanti thirret nga gjykata speciale ish-komandanti thirret nga gjykata speciale
Aktualitet15:41 - 16 Janar, 2019

Akuza për krime lufte/ Ish-komandanti në Gjykatën Speciale

Komandanti i Brigadës 124 të Rahovecit, Ismet Tara, i njohur si “komandant Hoxha”, është  thirrur nga Gjykata Speciale. Tara është...

voa, zeri i amerikes ne shqip voa, zeri i amerikes ne shqip
Aktualitet10:58 - 15 Janar, 2019

E quajti kazan/ “Zëri i Amerikës” i përgjigjet Ramës

Media amerikane më e madhe dhe më jetëgjatë, në Shqipëri, “Zëri i Amerikës” mbushi  sot 75-vjet transmetim. Ditën e djeshmje...

masakra ku u vrane 45 vete ne recak masakra ku u vrane 45 vete ne recak
Aktualitet10:47 - 15 Janar, 2019

Masakra e Reçakut/ Ende nuk ka drejtësi

20-vjet kanë kaluar nga masakra në Reçak të Shtimës në Kosovë dhe asnjë shenjë nuk ka që të bëjë lidhjen...

Aktualitet13:54 - 13 Janar, 2019

Foto/ Zgjidhet ministri i ri i Mbrojtjes në Greqi

Është zgjedhur personi i cili do të drejtojë Ministrinë e Mbrojtjes në Greqi. Menjëherë pas dorëheqjes së Panos Kammenos nga...

Aktualitet13:30 - 13 Janar, 2019

Paralajmëron drejtori i Policisë/ Çfarë do ndodhë me grupet kriminale

106-vjetori i krijimit të Policisë së Shtetit është festuar edhe në Drejtorinë Vendore të qyetit të Elbasanit. Drejtori i Policisë...

Aktualitet11:43 - 13 Janar, 2019

Dorëhiqet ministri i Mbrojtjes në Greqi

Ministri grek i Mbrojtjes, Panos Kammenos ka dhënë dorëheqjen. Kammenos, i cili njëkohësisht është edhe lider i partisë ANEL, ka...

Aktualitet14:49 - 12 Janar, 2019

Shpërthim i fuqishëm në Paris/ 2 të vdekur 30 të plagosur

Parisi u trondit nga një shpërthim i fuqishëm mëngjesin e sotëm. Shpërthimi ndodhi si rezultat i rrjedhjes së gazit në...

Aktualitet10:02 - 12 Janar, 2019

Shpërthim në qendër të Parisit/ Raportohet për disa të plagosur

Një ngjarje e rëndë ka ndodhur në orët e para të mëngjesit të sotëm në lagjen Opera, në Paris. Mësohet...

Aktualitet19:46 - 11 Janar, 2019

Kuvendi çan bllokadën e votave/ Miratohet emri Maqedonia e Veriut

Kuvendi i Maqedonisë së Veriut miratoi sot  ndryshimin e Kushtetutës për marrëveshjen me Greqinë në lidhje me çështjen e ndryshimit...

Aktualitet18:53 - 11 Janar, 2019

Skandali në Pashaliman/ Reagon Shtabi i Përgjithshëm i Forcave të Armatosura

Shtabi i Përgjithshëm i Forcave të Armatosura ka reaguar pas vjedhjes së tre armëve automatike në bazën ushtarake të Pashalimanit...

Aktualitet15:29 - 11 Janar, 2019

Thirrja e Alia Asllanit më aktuale se kurrë/ Mbushni xhepe, mbushni arka, të “pabrek” ju gjeti dreka, milionier ju gjeti darka!

Që nga Korça gjer te Shkodra mbretëron një errësirë, nëpër fusha, nëpër kodra, vërshëllen një egërsirë! Pra, o burra, hani,...

Aktualitet13:49 - 11 Janar, 2019

Debati për Cakajn/ Albin Kurti zë ngushtë Ramën

Debati për mosdekretimin e Gent Cakaj ka përfshirë të gjithë spektrin politik në Kosovë. Pas refuzimit të Presidentit Ilir Meta,...

Aktualitet13:09 - 11 Janar, 2019

Dëbora izolon Kukësin/ Ndërhyn ushtria

Forcat e ushtrisë janë nisur drejt fshatit Tërshenë të Kukësit, ku që prej mbrëmjes së djeshme një 50-vjeçar është shumë...

Aktualitet10:10 - 11 Janar, 2019

“$525,000+ për Shqipërinë në 3 minuta”, Albanian Scholarship Effort

Nga Besart Çopa * Në moshën 15 vjecare unë isha Shqiptari i parë që iku në një nga gjimnazet më...

Kultura09:19 - 11 Janar, 2019

Konkurs poetik, për dëshmorin Bylbyl Hazir Breçani

“Botimet TROPOJA”, në nderim të emrit e veprës të Bylbyl Hazir Breçanit: “Dëshmor i Kosovës dhe i Shqipërisë”, “Qytetar Nderi”...

Aktualitet01:08 - 11 Janar, 2019

VIDEO-Përplasje në fakultetin e drejtësisë/ Policia futet në ambientet ku janë ngujuar studentët

Policia private qe ruan godinen, është futur rreth ores 00.30 minuta, në ambientet e brendëshme të Fakultetit të Drejtësisë, ku...

Aktualitet21:02 - 9 Janar, 2019

Themeluesi i Amazon ndahet nga gruaja, bien aksionet e kompanisë në bursat ndërkombëtare

Themeluesi i Amazon, Jeff Bezos dhe gruaja, Mc Kenzie, do të ndahen. Ata të dy do të ndahen pas 25...

Aktualitet17:57 - 9 Janar, 2019

Administrata e Trump degradon misionin e BE në SHBA

Administrata e presidentit Donald Trump ka degraduar vitin e kaluar statusin e misionit të Bashkimit Europian pa bërë asnjë njoftim....

drejtesia, vettingu, kalimi drejtesia, vettingu, kalimi
Aktualitet11:18 - 9 Janar, 2019

Kreu i Gjykatës së Kurbinit del para Vettingut/ KPK zbulon pasurinë e fshehur

Komisioni i Pavaruar i Kualifikimit, do të japë sot vendimin për Kryetarin e Gjykatës së Kurbinit, Alfred Gjonin, vendim i...

Aktualitet09:42 - 9 Janar, 2019

Video/ Festivali i akullit dhe borës

Në Kinë është hapur Festivali ndërkombëtar i Harbinit, i skulpturave të akullit dhe borës. I vendosur në provincën e Heilongjangut...

Aktualitet09:35 - 9 Janar, 2019

Epopeja e një kinemaje

Korça ka qenë një nga qytetet e para në Shqipëri që i hapi rrugë ekranit të madh të kinemasë përmes...

Aktualitet20:17 - 8 Janar, 2019

Shkatërrohet grupi i mafjes në Itali/ Shqiptarë të përfshirë, ja emrat

Një grup kriminal është shkatërruar ditën e sotme nga policia italiane. Bëhet fjalë për një grup mafjoz, të përfshirë në...

Aktualitet15:38 - 8 Janar, 2019

Në kujtim të aktorit Perika Gjezi

Perika Gjezi (1949-2010) ka lindur në vitin 1949 në qytetin e Korçës. Aktivizohet që në moshë shumë të re në...

Aktualitet09:02 - 8 Janar, 2019

Ekipi negociator i Kosovës sot në Bruksel/ Çfarë pritet të diskutohet

Për herë të parë ekipi negociues i Kosovës me Serbinë, takon sot në Bruksel Federica Mogherinin, që është ndërmjetësuese në...

Aktualitet19:36 - 7 Janar, 2019

Temperaturat e ulëta/ IGJEUM jep alarmin, tregohuni të kujdesshëm këto ditë

Prej disa ditësh vendi ynë është përfshirë nga një mot i acartë, me temperatura shumë të ulëta të cilat shpesh...

Aktualitet17:51 - 7 Janar, 2019

Negociatat me Serbinë/ Ekipi i Kosovës të martën në Bruksel

Për herë të parë ekipi negociues i Kosovës me Serbinë, takon të martën në Bruksel Federica Mogherinin, që është ndërmjetësuese...

Aktualitet16:51 - 7 Janar, 2019

42 vjeçarja rrëfen rrëmbimin dhe degradimin ndaj lëndëve narkotike/ “20 burra për…”

Një 42-vjeçare ka rrëfyer për mediat sesi u rrëmbye dhe u shit për skllave seksi në moshën 19-vjeçare. Kur ishte...

Trending

Read previous post:
Shkatërrohet grupi i mafjes në Itali/ Shqiptarë të përfshirë, ja emrat

Një grup kriminal është shkatërruar ditën e sotme nga policia italiane. Bëhet fjalë për një grup mafjoz, të përfshirë në...

Close