Tronditet bota e futbollit/ Ekipi favorit për të fituar Champions League rrezikon të përjashtohet – CNA
Connect with us

Aktualitet

Tronditet bota e futbollit/ Ekipi favorit për të fituar Champions League rrezikon të përjashtohet

Publikuar

-

Sikur të mos mjaftonte humbja e kreut të Premier League, Manchester City i Pep Guardiolës rrezikon edhe përjashtimin nga kompeticionet europiane. Është kjo hipoteza e nxjerrë nga mediat britanike dhe ato belge, me Daily Mail që shkruan se mosrespektimi i rregullave të Fair Play Financiar mund të sjell penalizim të skuadrës angleze.

Yves Leterme, president dhe kryetar i Komitetit të Kontrollit Financiar të UEFA (CFCB), ka bërë të ditur se nëse konfirmohen zbulimet e Rrjedhjes së Futbollit, klubi do të përballet me dënimin më të rëndë të dhënë ndonjëherë.

Leterme i referohet vitit 2015, sipas të cilit janë paguar pothuajse 60 milion paund direkt në arkën e klubit nga klubi i drejtuar nga Abu Dhabi United Group, i cili do e shfrytëzonte shumën si pagesë për një sponsorizim nga Etihad.

“Nëse është e vërtetë ajo që është shkruar, nuk mund të jetë një problem serioz. Kjo mund të çojë në dënimin më të rëndë. Përjashtim nga kompeticionet e UEFA-s.”- tha Leterme.

Manchester City që konsiderohet si ekipi më favorit për të fituar Champions League këtë sezon, nuk është klubi i parë që mund të përballet me përjashtim nga  Kupat e Evropës, siç është Milan që është përballur me të njëjtat akuza.

Aktualitet

E bujshme nga Italia/ Milan kërkon të transferojë fituesin e “Topit të Artë”

Publikuar

-

Luka Modric ka qenë një nga ëndrrat më të bukura të verës se kaluar për tifozët e Interit. Një ëndërr e cila mund të bëhet realitet nga… Milani. Lajmi i bujshëm vjen nga “Sky Sport” në Itali ku është mësuar se ka diçka konkrete mes kuqezinjve dhe fituesit në fuqi të “Topit të Artë”, i cili refuzoi transferimin në verën e kaluar drejt Serisë A, por sheh situatën me një sy tjetër pas vitit të dështuar te Reali.

Sipas këtij burimi, drejtuesit kuqezinj sot janë takuar për këtë çështje me menaxherin kroat Vlado Lemic, për të pyetur me saktësi nëse Modric është gati që të ndryshojë ambient dhe për të bërë të qartë se do t’i kishte dyert e hapura të kuqezinjtë ku Boban e njeh shumë mirë dhe beson se do të ishte personi i duhur për rolin e liderit për të rinjtë që po afrohen në klub.

Në ndihmë të Milanit vjen fakti se te Reali nuk shohin më me sy të mirë rrogën prej 12 milionë eurosh që përfiton kroati, i cili në moshën 34 vjeçare ka humbur pak nga shkëlqimi i tij.

LEXO TE PLOTE

Aktualitet

Mbledhja e Asamblesë/ Kryesia e PS merr vendimin e papritur

Publikuar

-

By

Kryeministri Edi Rama ka mbledhur sot kryesinë e Partisë Socialiste, ku në qendër të diskutimeve janë disa nga çështjet kryesore të politikës.

Por, në fillim të kësaj mbledhje, mësohet se kryesia e PS-së, ka vendosur të ndryshojë datën për mbledhjen e Asamblesë Kombëtare të socialistëve, duke e shtyrë atë me një ditë.

Burimet bëjnë të ditur se Asambleja e PS nuk do të zhvillohet me datë 22 korrik, sikurse ishte paralajmëruar, por me 23 korrik, në orën 18:00.

LEXO TE PLOTE

Aktualitet

“Kasapi” iu bën “gjëmen” dy hajdutëve/ Zbardhen një sërë vjedhjesh

Publikuar

-

By

Policia e Lezhës ka finalizuar një operacion, ku ka vënë në pranga dy shtetas, të akuzuar për vjedhje.

Mësohet se në kuadër të operacionit të koduar “Kasapi”, janë zbardhur një sërë vjedhjesh të bagëtive të trasha të ndodhura në Lezhë dhe Shijak.

Si rezultat janë prangosur 2 shtetas për veprat penale “Vjedhja” dhe “Përvetësimi i parave ose mallrave që rrjedhin nga veprimtaria kriminale”, si dhe është sekuestruar një mjet fugon që shërbente për transportimin e bagëtive të trasha të vjedhura.

Njoftimi i policisë:

Lezhë

Zbardhen një sërë vjedhjesh të bagëtive të trasha të ndodhura në Lezhë dhe Shijak.

Finalizohet operacioni “Kasapi”, i zhvilluar nga Policia e Lezhës dhe ajo e Shijakut.

Arrestohen 2 shtetas për veprat penale “Vjedhja” dhe “Përvetësimi i parave ose mallrave që rrjedhin nga veprimtaria kriminale”.

Sekuestrohet një mjet fugon që shërbente për transportimin e bagëtive të trasha të vjedhura.

Nga efektivët e policisë të Komisariatit të Policisë Lezhë, në bashkëpunim me efektivët e Komisariatit të Policisë Shijak, me qëllim evidentimin dhe vendosjen para përgjegjësisë të autorëve të dyshuar të veprave të ndryshme penale, pas një punë hetimore të mirëorganizuar bazuar në informacione policore, është finalizuar operacioni “Kasapi”, si rezultat i të cilit u arrestuan shtetasit:
-A.N., 32 vjeç, banues në Kurbin;
-E.L., 38 vjeç, banues në Paskuqan, Tiranë;

Shtetasi A.N. dyshohet se në harkun kohor prill – korrik 2019, ka kryer 7 vjedhje, konkretisht në fshatin Barbullojë, Tale e Baqel në Lezhë dhe në Karpen, Fllakë, Shijak e Maminas, ku ka vjedhur gjithsej 11 krerë bagëti të trasha, vjedhje këto të dokumentuara në mënyrë ligjore.

Gjatë operacionit, Policia gjeti dhe sekuestroi edhe një mjet fugon, i marrë me qera nga shtetasi A.N, që shërbente për të transportuar bagëtitë e vjedhura..

Ndërsa arrestimi në flagrancë i shtetasit E.L., u bë pasi gjatë kontrollit të ushtruar në stallën e tij në Paskuqan, iu gjetën dy krerë bagëti të trasha të vjedhura në Tale, Lezhë dhe në Maminas.

Materialet i kaluan Prokurorisë së Rrethit Gjyqësor Lezhë për veprime të mëtejshme për veprën penale “Vjedhja”, në ngarkim të shtetasit A.N. dhe për veprën penale ”Përvetësimi i parave që rrjedhin nga veprimtaria kriminale ” në ngarkim të shtetasit E.L./ CNA.al

LEXO TE PLOTE
Reklama
Reklama

Trending