Connect with Us

Skandal/ Rama dhe Veliaj manipulojnë Planin Urbanistik të Tiranës

Aktualitet

Skandal/ Rama dhe Veliaj manipulojnë Planin Urbanistik të Tiranës

Publikuar

-

Mbrëmjen e sotme protestës së banorëve të Astirit i janë  bashkuar edhe kreu i Partisë Demokratike, Lulzim Basha e deputetë të tjerë opozitarë.

Basha ka paralajmëruar një tjetër skandal ku dyshohet se është i përfshirë kryeministri Edi Rama dhe kryebashkiaku Erion Veliaj.

Basha është shprehur se Rama dhe Veliaj kanë manipuluar planin Urbanistik të Tiranës, për t’i hapur rrugë një skeme mashtrimi, që kap vlerën e 40 milion eurove.

“Erion Veliaj dhe Edi Rama kanë manipuluar planin urbanistik të Tiranës, për ti hapur rrugë një skeme mashtrimi. Ata kishin vendosur që do të ndërtonin pallate në zonën ku do të prisheshin shtëpitë e qytetarëve.

Ne po mbledhim të dhëna zyrtare për një aferë të dytë kriminale që tejakalon vlerën 40 milion euro. Besoj se brenda dy ditëve të ardhëshme do keni materialet për atë që unë po ju them sot, një aferë e përmasave po aq të mëdha sa e kësaj që është publikuar”,- u shpreh Basha.

Deklarata e plotë e Bashës:

Edhe sot, pavarësisht rënies së temperaturave, qytetarët kanë dalë masivisht, për të vazhduar protestën e tyre, në mbrojtje të shtëpisë së tyre, në mbrojtje të të drejtës që u garanton kushtetuta dhe ligji, kundër vjedhjes në Unazën e Re, më të madhen në historinë e infrastrukturës evropiane, 40 milionë euro për dy kilometra, që ka treguar para gjithë shqiptarëve e para botës, dhe para SHBA-ve, se këtu tek Unaza e Re janë konsumuar dy krime. Krimi i parë është ai i korrupsionit të zyrtarëve të lartë, të cilët nga i pari i qeverisë e deri tek zyrtari më i thjeshtë i ARRSH-së, që kanë hedhur firmën, kanë komplotuar së bashku që t’ju vjedhin shqiptarëve 40 milionë euro, duke ndërtuar një projekt fals, të pakërkuar. Kjo është vepra e parë. Vjedhja është provuar tashmë dhe është publikuar nga media, duke nxjerrë në pah, se për të tre lotet, një kompani e tretë, Vëllezërit Hysa, është futur pa ofertë, vetëm që të mbulojë vjedhjen.

Ndërkohë, që ka më shumë se dy javë, që është zbuluar vepra e dytë penale, shumë më e rëndë, ajo e pastrimit të parave të veprës penale, e pastrimit të parave të korrupsionit, përmes zbulimit të skandalit të falsifikimit të dokumenteve zyrtare të shtetit amerikan, të shtetit të Delaware-it në këtë rast.

Edhe njëherë, për ta sjellë në vëmendjen e qytetarëve, elementët e kësaj afere korruptive të çojnë automatikisht tek një njeri. Në këtë vepër penale janë të përfshirë, Autoriteti Rrugor Shqiptar, Afrim Qendro, njeriu më i besuar i Edi Ramës në 20 vite, pra prej vitit 1998 apo prej vitit 2000, ky është një njeri që është gjithmonë në krahun e djathtë të Edi Ramës. Është përfshirë Policia e Shtetit, e cila ka ushtruar dhunë mbi këta banorë, ka arrestuar, ka shoqëruar nëna shtatzëna, fëmijë 13 vjeç, është përfshirë Policia Bashkiake, e cila në mbështetje të veprimeve të paligjshme të Inspektoriatit Kombëtar për Mbrojtjen e Territorit, kanë shkatërruar në mënyrë të paligjshme shtëpitë e këtyre qytetarëve, është përfshirë Agjencia e Prokurimit Publik, që ka bërë tenderin korruptiv me dokumente false, është përfshirë Qendra e Regjistrimit të Biznesit (QKR-ja), e cila ka regjistruar këtë kompani me letra false, në shkelje të ligjit amerikan dhe ligjit shqiptar, është përfshirë Bashkia e Tiranës dhe vetë kryetari i Bashkisë, i cili për të mbuluar vjedhjen është angazhuar personalisht, për të shpejtuar shkatërrimin e këtyre banesave, duke hedhur para e propagandë, duke korruptuar disa prej banorëve të kësaj zone, që gjoja prishën shtëpinë vullnetarisht.

Pra kemi të bëjmë me një krim shtetëror, ku është i përfshirë nga i pari tek i fundit, dhe nuk ka pikë dyshimi që i vetmi njeri që mund të garantojë dhe të koordinojë një vjedhje të tillë, të detyrojë gjithë këto organe shtetërore, Ministrinë e Brendshme, Ministrinë e Financave, Ministrinë e Infrastrukturës, Bashkinë e Tiranës, të kryejnë veprime të tilla, pa asnjë transparencë, pa asnjë konsultim, është kryeministri Edi Rama. Edi Rama është drejtpërdrejt i përfshirë në këtë aferë. Është fakt i njohur botërisht dhe i publikuar nga mediat se Edi Rama e ka bërë këtë pazar kokë më kokë me të tre kompanitë; Salillarin, Victoria Invest-in dhe “DH – Biba X”-in.

Megjithatë, Edi Rama ka edhe prokurorinë. Që prej një viti – sot është 16 dhjetor – Edi Rama e ka kapur prokurorinë përmes Arta Markut, e cila ka 6 javë që hesht. Është e njëjta Arta Marku që urdhëroi arrestimin e kuksianëve, kur u ngritën kundër koncesionit korruptiv të kompanisë Salillari-Kastrati në Rrugën e Kombit, është e njëjta Arta Marku e cila urdhëron vartësit e saj të arrestojnë, të mbajnë në paraburgim qytetarë që dalin të mbrojnë shtëpitë e tyre, është e njëjta që i ka mbushur burgjet me fukarenj, por që nuk ka arrestuar akoma asnjë zyrtar për këtë vepër korruptive, për këtë vjedhje, e cila ka shtangur shqiptarët, Evropën dhe Shtetet e Bashkuara të Amerikës.

Kjo është e vërteta për të cilën banorët janë bashkuar dhe falë këtij bashkimi kjo e vërtetë ka dalë në shesh. Po të mos kishte patur një bashkim të tillë të banorëve, natyrisht në mbrojtje të tillë ka qenë prej ditës së parë opozita, Partia Demokratike, partitë e tjera opozitare, këtu sot do të ishte një kantier, kantier vjedhjeje, kantier shkatërrimi, këto shtëpi do të ishin prishur dhe gjurmët e këtij krimi do të ishin fshehur.

Prandaj, unë dua të përgëzoj nga zemra banorët që i kanë bërë një shërbim të madh, jo thjesht shtëpive të tyre, familjeve të tyre, fëmijëve të tyre, por Shqipërisë dhe atyre përfaqësuesve të faktorit ndërkombëtar që mund të kenë patur – derisa kjo aferë të plaste – ndonjë iluzion. Nuk ka njeri që nuk e kupton që këtu kemi të bëjmë me një vjedhje, me një hajdutëri të përmasave të mëdha, ku janë të përfshirë krerët e qeverisë.

LEXO EDHE:  Basha sulmon Ramën nga Berati/I papërgjegjshëm që jeton në flluskën e tij

Dhe kjo ndodh në një kohë që vendi po vuan pasojat e një qeverisjeje që ka ndërmend vetëm grabitjen, që ka politikë vetëm grabitjen. Këtë që bëjnë tek Unaza, e bëjnë kudo, me koncesionet korruptive, me grabitjen e pasurive të shqiptarëve, me bregdetin, me minierat, me naftën, me tarifat e universiteteve, me taksat, me gjithçka, në qendër është grabitja. Nuk ka politikë ekonomike, dhe si rezultat kostoja e jetesës së shqiptarëve është bërë e papërballueshme, 90 % e shqiptarëve sot janë në një gjendje ekonomike të papërballueshme. Dhe vetëm një grup shumë i vogël njerëzish është pasuruar, Edi Rama dhe një grusht oligarkësh, të cilët nuk jetojnë më në këtë realitet, jetojnë në një realitet sheikësh, të zhytur në lluks, në udhëtime luksi, në vila luksoze, makina luksoze.

Kundër kësaj janë ngritur qytetarët në të gjithë Shqipërinë, të cilët kërkojnë uljen e çmimit të naftës, uljen e çmimit të energjisë, sipërmarrja e vogël, biznesi i vogël. Dhe ne jemi totalisht në mbështetje të tyre.

Por protesta që i ka vënë vulën gjendjes së emergjencës kombëtare është protesta e studentëve shqiptarë. Kryengritja e dytë studentore shqiptare e Dhjetorit 2018 është shprehja më e çiltër dhe më e drejtpërdrejtë e revoltës që qytetarët kanë. Nëse të tjerët, me përjashtim të këtyre banorëve, që u erdhi e keqja tek shtëpitë dhe reaguan, hezitonin, ishin në plogështi,

Nëse të tjerët akoma hezitonin, ishin në plogështi, rinia shqiptare u ngrit dhe me kurajon e saj po vret frikën nga dita në ditë. Me kryengritjen e saj, rinia shqiptare, njësoj si banorët e unazës së re, banorët e Bulevardit të Ri, banorët e Shkodrës, banorët e Himarës, sipërmarrja e vogël, kanë prishur rehatinë e hajdutëve, kanë destabilizuar mendërisht Edi Ramën, I cili siç e shikoni bën lloj-lloj karagjozllëqesh nga mëngjesi deri në darkë, por nuk I jep përgjigje dy-tre pyetjeve të thjeshta.

E para: Cila është përgjegjësia e Edi Ramës për katër institucione në varësi direkte të tij, përfshirë në vjedhje këtu?

Sa para fiton Edi Rama nga kontot sekrete të DH-së dhe falsifikimit të dokumentave të kësaj kompanie në shtetin e Delaëere në SHBA?

Pse nuk i plotëson menjëherë 8 kushtet e studentëve?

Natyrisht që ne e dime se pse! Sepse paratë që duhet të shkonin për univeristetet, duhet të shkonin për konvikte, duhet të shkonin për cilësinë e mësimdhënies, Edi Rama i ka bërë rrush e kumbulla. Një pjesë i ka bërë fasada, u ka bërë zyra luksoze në kryeministri, te ministria e Lindita Nikollës, te ministritë e tjera dhe një pjesë i kanë vjedhur. Thjeshtë dhe vetëm i kanë vjedhur!

Prandaj është e kuptueshme që studentët nuk i zënë besë. Si mund t’i zësh besë dikujt që është kapur në vjedhje, është kapur në hajdutëri dhe nuk përgjigjet pork a zgjedhur si përgjigje vetëm mashtrimin.

Dua ta bëj të qartë sot se prej ditës së parë ne kemi mbështetur dhe mbështesim fuqimisht protestën e studentëve dhe kërkesat e tyre të drejta, 8 pikat e tyre.

Sikundër dua të përsëris sot ftesën ndaj prindërve të studentëve, ndaj të gjithë qytetarëve shqiptarë, ndaj demokratëve, ndaj socialistëve, ndaj të gjithë anëtarëve të partive politike, por jo të organizatave kriminale si ajo e Rilindjes, të ju bashkohen bijëve dhe bijave të tyre. Kjo është një protest e drejtë.

Kërkesat e tyre kanë mbështetjen time të plotë, kanë mbështetjen e plotë të Partisë Demokratike, kanë mbështetjen e plotë të çdo qytetari të ndershëm.

Edi Rama nuk ka asnjë lloj besueshmerie më të ulet e të negociojë me ta.

Një vit më poarë Edi Rama ia hodhi popullit shqiptar dhe faktorit ndërkombëtar, kur nga njëra anë bëri marrëveshje për zgjedhje të lira e të ndershme dhe pastaj i dhunoi ato. Një vit më vonë e ka kuptuar shumë qartë, bota dhe Shqipëria, se problem është Edi Rama. Ndaj nuk ka më besim tek ai. Ai duhet të plotësojë kërkesat e studentëve, ne i mbështesim këto kërkesa dhe ne I bëjmë thirrje të gjithë qytetarëve ti bashkohen protestës së tyre.

Protestat janë ngritur në të gjithë Shqipërinë. Këto nuk mund të ndalën më, nuk mund të ndalën dhe nuk ndalen më! Kjo nuk është një gjendje e cila mund të menaxhohet përmes propagandës dhe mashtrimeve të tij, apo shërbimeve që u bëjnë disa media të cilat janë bashkëhajdutë, tek unaza e re dhe tek skemat e tjera korruptive.

Së treti: Këtu tek Unaza e re është konsumuar një krim i tretë që përfshin drejtëpërdrejt Erjon Veliajn dhe Edi Ramën. Është manipuluar plani urbanistic i qytetit të Tiranës, për t’i hapur rrugë një skeme kriminale e cila mbi gërmadhat apo rrënojat e shtëpive që donin të prishnin këtu do ndërtonin pallate shumëkatëshe me paratë e krimit të organizuar. Me paratë e krimit të organizuar, të njerëzve që kanë bërë drogën dhe krimin e organizuar në Shqipëri.

Siç ju kam paralajmëruar prej disa ditësh, ne po mbledhim të dhëna zyrtare për këtë aferë kriminale, e cila për nga vlera financiare tejkalon 40 milion eurot e shqiptarëve që po vidhen nga bixheti i shetit. Pra, këtu vidhet dyfish, apo plani është të vidhet dyfish: 40 milion euro nga buxheti dhe dhjetra milion euro të tjera me ndërtime mbi këto banesa që duan ti prishin pa ligj, ku do të pastrohen paratë e drogës. Për këtë Edi Rama dhe Erjon Veliaj sëbashku, kanë ndryshuar planin urbanistik të qytetit, në mënyrë që eksponentët e krimit të organizuar të pastrojnë paratë e drogës dhe natyrisht ti ndajnë ato me Edi Ramën dhe shpurën e tij të korruptuar

Besoj se brënda dy ditëve të ardhëshme ju dhe qytetarët do të kenë në dispozicion dokumentat zyrtare që faktojnë këtë që ju konfirmoj sot, pjesën e dytë të kësaj afere, akoma më të madhe nga përmasat financiare, po kaq të rëndë nga përmasat kriminale. / CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Takimi famëkeq!/Rama zbulon për herë të parë detajet: Çfarë thashë te Pallati i Kongreseve!

LEXO EDHE:  Programi ekonomik i PD/ Ish-ministri i Ramës mbështet Bashën

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Foto- “Askush nuk flet”/ Rama kapet me Soros dhe Vuçiç

LEXO EDHE:  105 vjetori i Forcave të Armatosura/ Dekorata dhe falenderime për përballimin e emergjencave

 

LEXO TE PLOTE
Lajme të Rekomanduara: