Studentët e Universiteteve të Shqipërisë janë pozicionuar para ambienteve të Ministrisë së Arsimit, nga ku kanë kërkuar plotësimin e kërkesave të tyre, por nuk kanë pranuar dialog apo negociata.

Kjo ka sjellë reagimin e kryeministrit Edi Rama, i cili në një postim në rrjetet sociale ka riftuar studentët për dialog, pasi sipas tij pa krijimin e urës së komunikimit me qeverinë nuk ka plotësim kërkesash.

“Të dashur protestues,

‪Kjo s’është një lojë force, as një lojë kungulleshkash dhe as një lojë e ka kush e ka. Vazhdojeni protestën sa të doni, po ngrini urën e komunikimit me qeverinë. Unë ju pres në çdo orë që të doni dhe jam gati të punoj me ju, jo për t’i dhënë përgjigje pozitive 8 pikave po e po, por për ta kthyer këtë moment, në çeljen e një faze të re transformimesh për universitetin.

‪Do të ishte hera e parë në historinë e protestave në botë, që protestuesit kërkojnë nga qeveria plotësimin e disa kërkesave dhe s’duan të ulen në tryezë me qeverinë që u thotë hajdeni t’i plotësojmë! (Mbase “tryeza e qeverisë” është një term që e kufizon imagjinatën, po fare mirë mund të takohemi në sallën e parlamentit në sytë e gjithë popullit shqiptar. Ju 140 plus tërë karriget e ministrave me 8 pikat tuaja dhe unë përballë jush, me 8+ pikat e mia”,– u shpreh Rama.

Rama i ka bërë thirrje studentëve që të mos refuzojnë ata që u shtrijnë dorën e bashkëpunimit, duke theksuar se në parim është dakord me kërkesat e studentëve, por që duhet patjetër dialog.

“Kujdes nga kushdo ju mëson t’u jepni ultimatume atyre që ju shtrijnë dorën e bashkëpunimit, sepse ju mëson si të bëheni humbës në jetë! Ndërsa kush kujton se një qeveri mund të kuptojë gjuhën e ultimatumeve, ndërkohë që vetë qeveria flet me gjuhën e Dialogut, e ka gabim. Nëse ju keni lënë mësimin për ta bërë universitetin më të mirë, bujrum të ulemi dhe të fillojmë punën bashkarisht për këtë qëllim pa humbur kohë. Çfarë presim?

‪Ju jeni 10 mijë, studentët në Shqipëri janë 140 mijë. Ju flisni dhe s’doni të dëgjoni, unë i dëgjoj të gjithë dhe dua të flas edhe me ju. Ju keni 1 pikë pastaj bëhen 4 pika dhe më pas shkojnë 8 pika, ndërsa unë kam më shumë se 8 pika.

Në parim jam dakord me pikat tuaja, por secila prej tyre duhet zbërthyer dhe kthyer në një politikë financimi, investimi apo administrimi. E kjo nuk bëhet si gjëagjëzë në distancë, po si produkt i punës së përbashkët me laps e me letër.

‪Ju e dini vetë, po unë jam me ju jo me Ariun dhe Ariun se keni në qeveri po brenda e rrotull jus”,- përfundon Rama./ CNA.al

Ka filluar tubimi madhështor i studentëve pranë Ministrisë së Arsimit, e cila do të jetë edhe stacioni i tyre i protestës masive që zhvillohet në të gjitha Universitetet e vendit.

Studentët e të gjitha fakulteteve në Tiranë kanë marshuar fillimisht në Bulevard dhe më pas janë mbledhur tek ministria.

Studentët e Politeknikut, Arteve dhe Gjeologji Minierave u mblodhën tek Korpusi dhe më pas kanë parakaluar në Bulevard para kryeministrisë ku ka pasur ovacione dhe thirrje për kryeministrin Edi Rama.

Ata e kanë nisur me këndimin e Himnit Kombëtar dhe më pas me parulla për plotësimin e kërkesave të tyre, kryesisht uljen e tarifave. Studentët e gjeologji minierave janë me kaska të verdha, ndërsa studentët e arteve kanë marrë veglat muzikore.

I riu, i cili i mori jetën 21-vjeçares Eleni Topaludhi, pak ditë më parë në ishullin e Rodosit është dhunuar barbarisht në burgun e Avlonës, në Greqi.

Nga video e siguruar nga CNA.al shihet se një grup të burgosurish që kanë hyrë me dhunë në qelinë e tij e godasin me shkelma dhe grushta 19-vjeçarin shqiptar, Aleksandër Lucaj.

Të burgosurit që e godasin Lucajn janë të nacionaliteteve të ndryshme, ndërsa mes tyre është të paktën një gardian.

Lidhur me ngjarjen ka reaguar edhe avokati grek i popullit, si dhe shoqatat në mbrojtje të të dënuarve. Në një deklaratë të tyre, ata thonë se pavarësisht vrasjes makabre që 19-vjeçari dhe shoku i tij kanë kryer, ata janë tashmë në duart e drejtësisë dhe askush nuk ka të drejtë t’i dhunojë dhe persekutojë me akte vetëgjyqësie.