Connect with Us

Media amerikane i jep jehone protestës së studentëve/ Mijëra vetë në shesh

Aktualitet

Media amerikane i jep jehone protestës së studentëve/ Mijëra vetë në shesh

Publikuar

-

Qeveria shqiptare u tërhoq para kërkesave të studentëve dhe u anuloi VKM-në për pagesat  shtesë në lidhje me provimet e mbartura, kështu e nis shkrimin “Assotiated Press”. Më tej media e huaj ka cituar ministren Nikolla, e cila tha se nuk mund të bëjë asgjë për të ulur tarifën e Universiteteve Publike, pasi ato janë institucione të cilat vetërregullohen.

“Mijëra studentë të Universitetit Publik, kanë  protestuar përpara Ministrisë së Arsimit. Ata kanë thënë se do të bojkotojnë mësimin, deri në në momëntin kur të gjitha kërkesat e tyre do të plotësohen,” vijon shkrimi. Më tej shkrimi flet për protestat në rrethe.

LEXO EDHE:  Zbulohet data/Opozita në protestë masive më ..!

“Protesta vazhdojnë edhe në qytete të tjera , studentët ndër të tjera duan ta  ulin tarifën  vjetore

Në vazhdim  Associated Press, përmend deklaratën e Nikollës, për  shfuqizimin e  pikës 4 të VKM-së”, – shkruhet në këtë artikull.

“Ministrja tha se do të hiqet pagesa për provimet e prapambetura, por nuk mund të bëjë asgjë për pagesën e tarifës vjetore”.

Në vijim  raportimi shpreh dhe mendimin e studentëve pas anulimit të VKM-së. Media amerikane, i jep zë studentëve dhe kërkesave të tyre, duke e mbyllur shkrimin me premtimin e studentëve për të mos u tërhequr nga protesta derisa  të plotësohen të gjitha kërkesat e tyre./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

49% e popullsisë së Tiranës ka fituar imunitet/ Fuga del kundër studimit të Akademisë së Shkencave

Publikuar

-

Nga

49% e popullsisë së Tiranës ka fituar imunitet/ Fuga del kundër studimit të Akademisë së Shkencave

Akademiku dhe profesori i njohur Artan Fuga është distancuar nga studimi i fundit mbi imunizimin e popullsisë ndaj Covid-19.

Sipas Fugës, deklarimet në atë studim janë të pambështetura mjaftueshëm për t’u besuar, të pavërtetuara me transparencë si dhe të nxituara.

Studimi për të cilin Fuga është kundër është bërë nga mjeku imunolog Genc Sulçebe dhe Akademia e Shkencave që ka konstatuar se 48-49% e popullsisë së Tiranës e ka fituar imunitetin pasi e ka kaluar tashmë COVID-19.

“Pas një kërkimi të bërë nga persona të veçantë mbi gjendjen e përhapjes së COVID-19 në popullsinë e Shqipërisë, dhe rezultateve ditët e fundit nga burime që vishen nga autoritete të Akademisë së Shkencave në ndonjë media, në datën 15 janar 2021, u anonçua se është arritur imuniteti i tufës lidhur me virusin në fjalë.

Për sa më sipër, si anëtar i asaj Akademie, deklaroj distancim personal nga deklarimet, duke i konsideruar të pambështetura mjaftueshëm për të qenë të besueshme, të pavërtetuara me transparencë, dhe të deklaruara me nxitim pa respektuar etikën e kërkimit shkencor. Edhe gjatë 202 ASH duke pretenduar se po përdorte metoda simulimi të prediktivitetit shkencor, deklaroi se pandemia do vinte duke ulur kurbën, e potencialit infektues, brenda gjysmës së vitit të parë të 2020. Në atë kohë jam distancuar nga parashikimet, që më janë dukur në erë. Siç kam theksuar, të dhënat e përdorura nga individë të veçantë, me nxitim dhe amatoreske brenda ASH, ishin të pabesueshme, Ishin blof. Nga ana tjetër, sikur e thonin shkencëtarët më të njohur në botë, evolucioni dhe përhapja e virusit nuk mund të parashikoheshin matematikisht apo me simulime informatike. Kishte shkallë të lartë spontaniteti. Variablet e pavarura që ndikonin në përhapjen e pandemisë, apo ndikojnë sot janë aq të shumta, dhe të panjohura, sa do i konsideroja një naivitet fëmijëror të pretendohej një parashikim atë që koha e tregoi.

Koha vërtetoi se parashikimi ishte i gabuar, dhe do kishte pasoja të rënda për shëndetin publik dhe ekonominë, nëse do ishte marrë seriozisht. Pa u harruar asaj, pa iu kthyer në mënyrë kritike prediktimit të gabuar, ASH bën tani gabimin e radhës. Ka disa ditë që merr përsipër institucionalisht të çertifikojë rezultatet e një studimi të bërë nga persona të veçantë, që janë në të drejtën e tyre të hulumtojmë sipas asaj që kanë dëshirë, duke humbur neutralitetin e institucionit. ASH për qëllime të saj i vendos vulën zyrtare studimeve, pa patur argument, të drejtë ligjore.

LEXO EDHE:  Foto-Protestuesit i shkelin mbi fytyrë/ Tepsia kthehet në bumerang për Ramën

LEXO EDHE:  Komploti më i rëndë i republikës së vjetër ndaj qytetarëve është ai ekonomik

Akademia e Shkencave nuk mund të angazhohet në ëprgjegjësira, që në asamblera e seksione s’ka kompetenca për t’i marrë përgjegjësinë, historianë, inxhinierë, kimistë, anëtare etj, veterinerë, agronomë, letrarë, muzikantë. Sado të zotët të jenë, nuk mund të çertifikojnë studime nga fusha e epidemiologjisë. Nuk e konsideroj veten kompetent të certifikoj një studim që del nga fushat e kompetencave të mia.

Duhen muaj që të shkruhet raporti përfundimtar i studimit, duke u nxitur të japë të dhëna të pastrukturuara, të panënshtruara ndaj gjykimit publik, që është kërkesa e parë. Duke u bazuar në të dhëna shumë të diskutueshme, burime jashtë çdo kompetence institucionale”, tha Fuga./CNA.al

 

LEXO TE PLOTE

Politikë

Epokë e re për Gjermaninë/ Biberaj: Sfidë për pasuesin e Merkel, zgjerimi dhe emigrantët

Publikuar

-

Nga

Epokë e re për Gjermaninë, Biberaj: Sfidë për pasuesin e Merkel, zgjerimi dhe emigrantët

Armin Laschet është zgjedhur kryetari i ri i Partisë Konservatore Gjermane, CDU duke pasuar Angela Merkel. Ai pritet të jetë kandidati kryesor për kancelar të Gjermanisë në zgjedhje federale që pritet të zhvillohen në muajin shtator.

Ish-zv.presidenti e Asamblesë Parlamentare të Këshillit të Evropës, Aleksandër Biberaj tha për Euronews Albania se Armin Lashet është pasues besnik i kancelares Merkel.

Ai beson se z. Lashet do të hapë në epokë të re, jo vetëm për CDU, por edhe për politikën gjermane.

“Gjykoj se kancelarja Merkel po mbyll një cikël të suksesshëm politik për të hapur pastaj një epokë të re për CDU dhe për politikën në Gjermani. Politikani i ri është pasuesi besnik i Angela Merkel. Është një politikan dhe ka një eksperiencë të gjatë. Lidhur me politikat e zgjerimit. Gjermania ka një qëndrim konstant dhe kjo nuk është një situatë e tanishme, por është një politikë që nga vitet ’90. Lidhur me refugjatët, mund të ketë edhe kritika, por gjithsesi kancelarja arriti të mbante kuotat politike”, tha ai.

LEXO EDHE:  Mark Marku mbështet studentët/ Kërkesat janë të realizueshme  

LEXO EDHE:  Mark Marku mbështet studentët/ Kërkesat janë të realizueshme  

Teksa shton se politika mbi emigrantët kanë shtuar kritikat e brendshme në Gjermani, z. Biberaj thotë se pavarësisht kësaj, lideri i ri i CDU-së do t’u përmbahet me rigorozitet politikave makro.

“Por, mendoj se politikat makro do të jenë të njëjta”, tha ai./euronews

LEXO TE PLOTE

Politikë

Beqaj nxjerr videon e të rinjëve në parti/ “Serbesllëku” i shkeljes së ligjit është ofendues

Publikuar

-

Nga

Beqaj nxjerr videon e të rinjëve në parti/ “Serbesllëku” i shkeljes së ligjit është ofendues

Ish-ministri i Shëndetësisë Ilir Beqaj ka publikuar videon e disa të rinjëve të cilët shihen duke kërcyer në një ambient të populluar dhe pa respektuar masat anti-covid.

Duke e dënuar këtë akt, ai shkruan se “cënimi i rregullave të caktuara për ruajtjen shëndetit nga kërcënimi i Sars-Cov-2 është moralisht i papranueshëm dhe ligjërisht i dënueshëm.”

Më tej, ish-ministri shton se “serbesllëku i shkeljes së ligjit në qendër të Tiranës është ofendues për këdo që zbaton ligjin.”

“Ndjesë çdo vajze apo djali, gruaje apo burri, që mund t’i kem cënuar privatësinë duke bërë publike këto pamje se si janë argëtuar mbrëme. Por janë në moshë madhore dhe janë të vetdijshëm për shkallën e (mos)zbatimit të ligjit. Cënimi i rregullave të caktuara për ruajtjen shëndetit nga kërcënimi i Sars-Cov-2 është moralisht i papranueshëm dhe ligjërisht i dënueshëm. Për më tepër, “serbesllëku” i shkeljes së ligjit në qendër të Tiranës është ofendues për këdo që zbaton ligjin.” /CNA.al

LEXO TE PLOTE