Aktualitet
Tabaku mbështet studentët/ Tarifat u rritën me VKM, protesta e ligjshme
Pas protestave të studentëve për tarifat e provimeve të mbartura nënkryetarja e Komisionit të Ekonomisë, Jorida Tabaku ka ngritur një pyetje.
“Përse protestojnë studentët?”- shkruan deputetja e Partisë Demokratike në një postim të saj në rrjetet sociale.
Ndërsa e konsideron reformën e Arsimit si mëmë të të këqijave, deputetja demokrate shkruan se ajo prodhon ndër të tjera edhe rritje tarifash për studentët.
“Mëma e të këqijave sot është Reforma e Arsimit që prodhon ndër të tjera edhe rritje tarifash për studentët. Kjo Reformë qe ogurzezë për studentët dhe ndonëse opozita e kundërshtoi dhe replikoi ashpër me qeverinë sërishmi kokëfortësia dhe makutëria e mazhorancës fitoi. Dy probleme kishte reforma; së pari zhdukte autonominë e Universiteteve dhe së dyti krijonte të gjitha kushtet që qeveria të shtrenjtojë tarifat për studentët duke shkatërruar kështu arsimin publik në shërbim të interesave klienteliste private.”- shprehet Tabaku.
Më tej ajo publikon edhe VKM e qeverisë për tarifat e studentëve dhe shprehet se universitet klienteliste janë ato që po përfitojnë nga ligji në fjalë.
“Nën frymën e këtij ligji 8 muaj më parë kjo qeveri firmosi me VKM rritjen e tarifave për studentët. Ministria e Arsimit i hapi rrugë kështu shtrenjtimit të dijes duke mos sjellë asgjë tek studentët. Ndërkohë që universitetet klienteliste përfitonin nga ligji në fjalë.”- thotë me tej deputetja.
Tabaku thekson se studentët janë më të motivuar se kurrë për të drejtat e tyre.
“Protesta e studentëve është sot më se e motivuar dhe e ligjshme. Ato u gënjyen nga ministria dhe gjithë qeveria.”-mbyll postimin në rrjetet sociale ajo./CNA.al
Aktualitet
“Shqipëria s’ka më asnjë kusht”/ PE: Të caktohet data për Konferencën Ndërqeveritare
Kryetari i grupit parlamentar të Partisë Socialiste, Taulant Balla, pas kthimit nga Brukseli, deklaroi se Parlamenti Europian do të diskutojë dhe miratojë në ditët në vijim Raportin e përgatitur nga Raporterja për Shqipërinë Isabel Santos, ku i kërkohet Këshillit caktimi i datës dhe mbajtja pa humbur kohë e Konferencës së Parë Ndërqeveritare me Shqipërinë.
Balla theksoi se raporti rikonfirmon vlerësimin shterues të Komisionit Europian se Shqipëria nuk ka më as kushte dhe asnjë detyrë të papërmbushur.
“Parlamenti Europian do të diskutojë dhe miratojë në ditët në vijim Raportin e përgatitur nga Raporterja për Shqipërinë Isabel Santos, ku i kërkohet Këshillit caktimi i datës dhe mbajtja pa humbur kohë e Konferencës së Parë Ndërqeveritare me Shqipërinë, duke rikonfirmuar vlerësimin shterues të Komisionit Europian se Shqipëria nuk ka më as kushte dhe asnjë detyrë të papërmbushur. Ishte një kënaqësi si gjithmonë takimi me Presidentin Parlamentit Europian David Sassoli, një mik i shkëlqyer i Shqipërisë”, tha Balla./CNA.al
Aktualitet
Akuzohen për korrupsion dhe pastrim parash/ Nis seanca gjyqësore për Enkelejda Hoxhën dhe Edvin Priftin
Ka nisur seanca gjyqësore në apelin e Gjykatës së Posaçme Kundër Korrupsionit dhe Krimit të Organizuar ndaj gjyqtares Enkelejda Hoxha, mjekut Edvin Prifti, sekretares Manuela Mallkuci, avokatit Aldo Tabaku dhe 6 personave te tjerë. Këta shtetas akuzohen për korrupsion dhe pastrim parash.
Këta shtetas apeluan vendimin e shakllës së pare, ku më 14 shkurt Gjykata e Posaçme e Shkallës së Parë për Korrupsionin dhe Krimin e Organizuar caktoi ndaj tyre masat e sigurimit arrest në burg.
Përpara gjykatës në apel kanë dalë Enkeleida Hoxha, gjyqtare, Aldo Tabaku, avokat, Manuela Mallakuçi, sekretare, Shkëlqim Korbi, ekspert psikiatriko-ligjor, Sajmir Petani, i dënuari për vrasje që do të lirohej, Bledar Petani, vëllai i të dënuarit, si dhe Altin Skëndaj, Gazmir Nezaj, Gentjan Nezaj dhe Isuf Tanuzi.
Prokuroria kërkon që të lihet në fuqi vendimi i shkalles së parë, për masën arrest me burg./CNA.al
Kronika
Foto-Shkrumbohet një makinë në Tiranë
Një makinë është shrkumbuar nga flakët sot në Tiranë
Mësohet se ngjarja ka ndodhur pranë qendrës “Kristal”, ndërsa nuk ka persona të lënduar. Mjeti tip “Benz A Class”, me targa AA 110 GT është përfshirë nga flakët dhe me gjithë ndërhyrjen e zjarrikësve është djegur plotësisht.
Policia ndodhet në vendin e ngjarjes dhe ka nisur hetimet./CNA.al
