Connect with Us

Skandali në Fiks-Fare/ Apeli adminsitrativ, dy vendime te ndryshme për të njëjtën çështje

Aktualitet

Skandali në Fiks-Fare/ Apeli adminsitrativ, dy vendime te ndryshme për të njëjtën çështje

Publikuar

-

Fiks Fare denoncoi mbrëmjen e së mërkurës veprimet e Gjykatës Administrative të Tiranës, e cila ka dhënë dy vendime për të njëjtën çështje; tjetër vendim publikon dhe tjetër jep të printuar! Në emisionin investigativ u ankua Aqif Kacmoli nga Durrësi, i cili ishte pushuar nga puna në vitin 2013 si mësues në një shkollë. Ai kundërshtoi këtë vendim dhe iu drejtua Gjykatës Administrative të Durrësit, ku hodhi në gjyq Drejtorinë Arsimore të Durrësit. Kjo gjykatë e rrëzoi kërkesën e Kacmolit.

“Duke qenë se kisha kohë, iu drejtova Gjykatës Administrative të Apelit në Tiranës. Nuk më thirrën fare. Gjyqin e bënë të mbyllur. As më pyetën. Pas vendimit, hapa faqen e internetit të kësaj gjykate, ku publikohen të gjitha vendimet dhe dispozitivi. Shikoj që kjo gjykate kishte vendosur prishjen e vendimit të Durrësit dhe pushimin e gjykimit. Më pas shkoj në sekretarinë e kësaj gjykate dhe kërkoj vendimin për ta parë, për rekurs në Gjykatën e Lartë. E shoh vendimin dhe në fund, kjo gjykatë, ndryshe nga ajo që kishte publikuar në internet, kishte vendosur lënien në fuqi të vendimit të Durrësit. Nuk dija kujt t’i besoja dhe cilit t’i bëja rekurs” thotë qytetari. Më pas shton se, si në portal, ashtu edhe në vendimin e zbardhur, bëhet fjalë për të njëjtën çështje; vendimin me numër 1295 të Gjykatës Administrative të Durrësit. Qytetari tha se “vendimi është dhënë nga gjyqtarja Enkelejda Softa (Metaliaj)”.

Qytetari shkoi në Gjykatën Administrative të Apelit në Tiranë, ku bisedon me sekretaret. Pasi e shohin në arkiv, ato i thonë se në arkiv kanë vendimin me tre firma të gjyqtarëve, që kanë lënë në fuqi vendimin e Durrësit. Qytetari i kërkoi përse është publikuar në portal një dispozitiv tjetër, për të njëjtin vendim, me të njëjtin numër. Ato i thonë se gabimin mund ta ketë bërë sekretarja e gjykatës, kur e ka hedhur në sistem. Sipas tyre, do parë dosja e plotë. Më pas, qytetari shkon në Gjykatën e Lartë dhe kërkon cili nga vendimet i është bërë rekurs. Sekretarja thotë se ai që ka lënë në fuqi vendimin e Durrësit, ndërsa thotë se ndryshimi i dispozitivit mund të jetë një lapsus. Ajo i thotë se këtë gjë duhet t’ia kërkojë gjyqtares së çështjes dhe jo Gjykatës së Lartë.

Pas kësaj problematike, Fiks Fare shkon të pyesë në Gjykatën Administrative. Sekretaret thonë se gabimi është bërë nga sekretarja kur është hedhur dispozitivi në faqen e internetit. Gazetarët i kërkojnë të shohin dosjen, nëse janë të dy në atë fashikull. Ato i thonë se dosja nuk është fizikisht në këtë gjykatë, megjithëse hedhin dyshime se mund të ketë një tjetër vendim në dosje, pasi edhe dispozitivi i publikuar në portal ka të njëjtin numër. “Duhet parë, mund të jetë në pjesën tjetër ndryshimi, pushim siç ka bërë në dispozitivin dhe në seancë. Mund të ketë punuar në të njëjtin vendim, e ka lënë në fuqi. Mund të ketë ndodhur çdo lloj gjëje. Vetëm me dosje” thotë sekretarja.

Këto punonjëse i rekomanduan qytetarit të shikojë me imtësi dosjen. Pra, në të gjithë këtë procedurë, qytetari nuk mori drejtësinë e kërkuar, por po sorollatet sa njëra gjykatë në tjetrën.

 

Gjykata Administrative e Apelit

Qytetari – Shihe në sistemin tat.

Sekretarja – Ça të shoh në sistem, ka mbaruar ajo. Është vendimi i 2016-ës. Nuk ka vendim në sistem, është thjesht dispozitivi.

Qytetari – Dispozitivi pra, vendosa 1, 2, 3, 4, 5.

Sekretarja – Ai është për të marrë informacionin, kaq. Nuk është për …

Qytetari – Nuk ka vlerë fare ai?

Sekretarja – Ai ka vlerë, për ta lexuar ti.

Qytetari – Po mos të jetë ndryshe ai tjetri, prandaj po të them, ai dispozitivi me këtë. Shihe njëherë është njësoj apo jo, kaq.

Sekretarja – (Shikon vendimin në sistem).

Qytetari – Zonjë ka ndonjë problem a jo? Ti e pe vendimin, apo jo? Dispozitivin e ke përpara në ekran. Ca thotë vendimi, ça thotë dispozitivi, prandaj po të them unë. Ça ka që nuk shkon.

 

Pas disa minutash …

 

Qytetari – Këtë e kam marrë po te ju, ja Gjykata e Apelit… Dhe në sistem, tani kë të marr, se kam rënë ngushtë se …

Sekretarja – Varet se ça ka hedhur sekretarja.

Qytetari – Kjo thotë …

Sekretarja – Lënien në fuqi.

Qytetari – Lënien në fuqi të vendimit, kurse unë kam një dispozitiv këtu që thotë prishjen e vendimit.

Sekretarja – Ia shpjegova, ia shpjegova.

Sekretarja 2 – Mund ta ketë harruar dispozitivin, goca mund ta ketë ngarkuar në moment. Pra, 1 është me firmat e gjyqtarit, 1 është …

Qytetari – Nuk po ju vë faj juve.

Sekretarja – E di, more e di.

Qytetari – Fajin e ka gjyqtarja, njëherë ma jep, njëherë s’ma jep! Atë po e lexon e gjithë bota, mua njerëzit po më thonë ke fituar gjyqin. Ça të besoj këtë?

Sekretarja – Atë.

Qytetari – Atë që është botërisht e publikuar nuk quhet?

Sekretarja – Prandaj ta dhamë vendimin, e ke me firmat e gjyqtarëve, ne na vjen keq!

Qytetari shkon në Gjykatën e Lartë

Qytetari – Kush ka ardhur nga këto?

Fiksi – Se këto bien ndesh me njëra-tjetrën.

Sekretarja – Kjo është çështje e 2017-ës. Kjo dosje është, me këto vendime. Dhe çfarë do tani nga dosja? Kjo është e 2016-ës (vendimi i Apelit), e ka lënë në fuqi.

Qytetari – Po dhe kjo tjetra.

Sekretarja – Këto vendime i ka kjo dosje që ke këtu. Tani ke dosje tjetër?

Qytetari – Jo, jo. Po e njëjta gjë është, po e njëjta orë.

Sekretarja – Po ç’punë kam me këtë unë?

Fiksi – Është ndryshe vendimi.

Sekretarja – Drejtoria e … e shkallës së parë, prishjen e vendimit dhe pushimin … Aaa, e kanë shkruajtur gabim.

Qytetari – Është në internet.

Sekretarja – Kjo është lapsus.

Qytetari – A është në dijeni ai gjyqtari që ka dosjen.

Sekretarja – S’e ka dosjen gjyqtari, dosjet janë në arkiv të Gjykatës së Lartë, nuk i mban gjyqtari. Gjyqtari kur t’i vijë radha, do e shqyrtojë mbi tavolinë. Është bërë lapsus.

Fiksi – Pse e publikon vendimin?

Sekretarja – Shkoni te ajo gjyqtarja e gjykatës, shko kërkoje, jo ne!

Fiks Fare i drejtohet Gjykatës Administrative të Apelit

Gazetari – Po tani kjo (dispozitivi në portal)?

Sekretarja – Tani kjo është direkt që e hedhin gocat në sistem, pasi …

Gazetari – Pasi jepet vendimi?

Sekretarja – Mund të ketë pasur dikë tjetër në dorë. Po pra. Duhet parë dosja, si ia shpjegova zotërisë.

Gazetari – Mund ta takojmë gjyqtaren, çfarë vendimi?

Sekretarja – Çfarë do të thotë gjyqtarja.

Gazetari – Çfarë vendimi është marrë, është marrë ky apo ky?

Sekretarja – Të të sqaroj, kjo hidhet direkt nga gocat, mund të ketë pasur tre katër dosje në dorë ajo, mund të ketë kapur pa dashur tjetër, mund të ketë ndodhur çdo lloj gjëje. Ne për momentin, për dosjen kemi vetëm këtë me firmat e gjyqtarëve, prandaj ia bëmë me firma që të vejë të shikojë se në një dit gjyqtarët mbarojnë 20 dosje, goca padashje mund të ketë hapur dosje tjetër kur ka punuar në sistem. Vetëm dosja. Ne nuk e ndihmonim dot me dosje.

Gazetari – Sistemin kush e kontrollon këtu?

Sekretarja – Sistemet i hedhin sekretaret, sistemet janë të jashtme.

Gazetari – Sekretarja e seancës?

Sekretarja – E seancës!

Gazetari – E gjyqtares?

Sekretarja – E gjyqtares. Këtij duhet t’i bëj normalisht rekursin.

Gazetari – Mos i del ky tjetri në dosje?!

Sekretarja – Ta verifikojë në dosje.

Gazetari – Është me të njëjtin numër.

Sekretarja – E kuptoj, vendimet i shikoj.

Gazetari – E di ça më bëri përshtypje…

Sekretarja – E kuptoj, atë e pash dhe unë (më të njëjtin numër).

Gazetari – Me numër kaq!

Sekretarja – E pash dhe unë.

Gazetari – Nuk ishte gabim. Nëse do të ishte gafë, duhet të ishte me numër tjetër.

Sekretarja – Po, duhet të ishte … Atë i thashë dhe unë, kur e pash se ishte numër i njëjtë.

Gazetari – Numër i njëjtë, datë e njëjtë, gjykata të njëjta, shkalla e parë e njëjtë.

Sekretarja – Gjykata e njëjtë do jetë, se e njëjta gjyqtare e ka, sekretarja e kësaj gjyqtare e ka. Duhet parë, mund të jetë në pjesën tjetër ndryshim, pushim siç ka bërë në dispozitiv dhe në seancë. Mund të ketë punuar në të njëjtin vendim, e ka lënë në fuqi. Mund të ketë ndodhur çdo lloj gjëje. Vetëm me dosje.

Gazetari – Vetëm me dosje?

Sekretarja – Vetëm me dosje.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE

Aktualitet

Teuta i ‘rrëmben’ Kukësit Stivi Frashërin

Publikuar

-

Nga

Ende s’është bërë zyrtare, por Stivi Frashëri do të jetë largimi i radhës te skuadra e Kukësit. Burime të sigurta pranë futbollistit bëjnë me dije për newsport.al që titullari i portës verilindore nuk do të vijojë më bashkëpunimin me nënkampionët.

28-vjeçari korçar preferon të ndërrojë ambient në sezonin e ri dhe të njëjtat burime tregojnë se është arritur akordi me “Djemtë e Detit”. Pra, në edicionin e ri futbollistik ai do të mbrojë katërkëndëshin e skuadrës së Bledi Shkëmbit.

Kujtojmë që “gardiani” i njohur është prej dy vitesh pjesë e Kukësit. Paraqitjet e tij me verilindorët kanë qenë relativisht pozitive, por shpesh herë nuk ka mundur t’i shpëtojë edhe kritikave.

Ka një CV të pasur pasi ka kontribuar me skuadra me emër si Flamurtari, Tirana, ndërsa është formuar te ekipi i Bylisit. Tashmë pritet të shihet se si do të vijojë aventura e tij e re në portën e durrsakëve.

LEXO TE PLOTE
Lajme të Rekomanduara: