Protestës së studentëve para Ministrisë së Arsimit ditën e sotme i janë bashkuar edhe të moshuarit.

Duke mbajtur pankarta në duar, ata kërkojnë plotësimin e kërkesave të studentëve dhe ndryshimin e ligjit për arsimin e lartë. Në një nga pankartat e tyre shkruhet: “Edhe ne gjyshërit jemi me studentët”.

Ndërkohë të tjerë të moshuar i kanë përshëndetur të rinjtë nga ballkonet e shtëpive, duke i dhënë përkrahje./CNA.al

Krahas studentëve në Tiranë, protesta janë zhvilluar edhe në rrethe. Paraditen e sotme, të rinjtë e qytetit të Shkodrës mbushën rrugët, duke kërkuar plotësimin e kërkesave të tyre.

Ndërkohë ka reaguar Universiteti i Shkodrës, i cili ka plotësuar tre kërkesat kryesore të studentëve, të cilët disa ditë më parë i ishin drejtuar Universitetit më një shkresë.

Janë 3 kërkesa në total nga studentët e Shkodrës, ku e para është ulja e notes mesatare nga 9 ne 7 për studimet ne master dhe doktoratur si dhe të mundësohet liria e zgjedhjes mes provimit dhe temës së diplomës.

Kërkesa e dytë ka të bejë me rimbursimet për ekspeditat që bëjnë studentet duke kërkuar që tërhiqen dhe të jene pjesë e buxhetit të universitetit.

Kërkesa e trete është vënia në funksion e godinës se re të universitetit të Shkodrës brenda janarit të vitit të ardhshëm.

Por pavarësisht se kërkesat e tyre kryesore janë plotësuar, studentët e Shkodrës shprehen se ata do të sensibilizohen me studentët në Tiranë në rast se nuk plotësohen kërkesat e këtyre të fundit, por edhe të tyre për tarifat.

Studentët e Shkodrës thonë se do udhëtojnë për në Tiranë në mbështetje të moshatarëve të tyre në kryeqytet.

Ish-kryeministri Sali Berisha ka nderuar studentët që sot ndodhen para Ministrisë së Arsimit, duke protestuar kundër ligjit për Arsimin e Lartë.

Në një postim në rrjetet sociale, Berisha shkruan se sot në vend vërshojnë lumenj revolte dhe pakënaqësie.

“Lumenj revolte dhe pakenaqesie ndaj Kakistokracise ne grahmat e fundit ne mbeshtetje te studenteve vershojne sot ne mbare Shqiperine. Nderim studenteve dhe revolucionit te tyre per drejtesi sociale.”-shkruan ish-kryeministri./CNA.al