Connect with Us

Kujdes! Këto janë gjërat që nuk duhet t’i postoni kurrë në rrjete sociale

Aktualitet

Kujdes! Këto janë gjërat që nuk duhet t’i postoni kurrë në rrjete sociale

Publikuar

-

Çdo ditë e më shumë, njerëzit e vendosin veten e tyre dhe familjarët në rrezik edhe pa e kuptuar fare. Mjafton një postim të cilit ju nuk i vendosni shumë rëndësi dhe menjëherë nga kjo nisin problemet. Rrjetet sociale janë krijuar për t’ju argëtuar dhe për t’ju lidhur me njerëzit, por jo për t’ju shkatërruar jetën. Mbajeni mend këtë! Jeni ju që i përdorni rrjetet sociale dhe jo rrjetet sociale t’ju përdorin juve. Ndaj kini kujdes në çdo postim që bëni.

Më poshtë do t’ju rendisim 9 gjëra për të cilat nuk duhet të postoni kurrë në rrjete sociale sepse siguria juaj do të vendoset në rrezik.

  1. Planet për pushime

E dimë të gjithë se është një dëshirë e jashtëzakonshme për të treguar se ku do të shkoni me pushime. Por mos e bëni! Nëse ju postoni 2 javë përpara destinacionin tuaj, do t’i lini kohë mjaftueshëm dikujt që ka dëshirë t’ju bëjë keq që të përgatitet mirë. Ju mund të postoni fotografi nga pushimet tuaja, ose idealja do të ishte t’i postonit pasi të ktheheshit, megjithatë kategorikisht jo përpara.

  1. Biletat fituese

Nëse ju jeni me fat dhe keni fituar ndonjë lotari apo bingo, mos e shpërndani këtë në rrjete sociale! Do t’ua bëni shumë të thjeshtë grabitësve t’ju gjejnë dhe t’ju vjedhin sapo të kenë mundësinë. Mos harroni se në rrjete sociale, asnjëherë nuk e dini saktësisht se sa sy jo shohin, kështu që bëni kujdes kur tregoni se keni fituar para apo ndonjë gjë tjetër, sepse ka njerëz të cilët me zor i presin këto raste për të bërë keq.

  1. Adresën e shtëpisë apo vendndodhjen e saktë

Ju mund të mendoni se nuk është aspak problem që të vendosni adresën e shtëpisë apo vendndodhjen tuaj të saktë, sepse thjesht po vendosni në dijeni miqtë tuaj. Por çfarë mendojnë grabitësit për këto gjëra? Ju thjesht po ua bëni atyre më të thjeshtë për t’ju vjedhur. Ju nuk e dini kurrë nëse jeni në fokusin e ndonjë grabitësi, ndaj bëni kujdes kur jepni të dhëna që mund të kthehen në rrezikun tuaj personal, por edhe të njerëzve që ju doni më shumë.

  1. Informacione për llogarinë tuaj bankare

Nëse ju keni ndonjë problem me kartën tuaj të bankës, nuk është mirë që këto probleme t’i ndani në rrjete sociale, aq më keq duke treguar edhe informacione të brendshme dhe personale. Nëse keni një problem, drejtojuni bankës sepse askush më mirë se personeli nuk do t’ju qartësojë, as miqtë tuaj virtualë! Në qoftë se ju postoni informacione nga llogaria bankare, mendoni se sa hakera me zor e presin këtë moment për të bërë disa blerje në emrin tuaj…

  1. Problemet dhe statusin e lidhjes tuaj

E dimë shumë mirë se ju me zor prisni të postoni një fotografi në çift sepse dukeni bukur dhe doni t’u tregoni të tjerëve për lumturinë tuaj. Mirëpo, sipas studimeve, rrjetet sociale kanë prishur rreth 48% të lidhjeve, në një mënyrë apo tjetër. Ne nuk po themi që t’i mbani partnerët tuaj sekret, por nuk është e nevojshme të shkruani gjithçka për ta. Lidhja juaj nuk duhet të jetë në syrin e të gjithë ndjekësve virtualë, ju asnjëherë nuk e dini se cilat janë interesat e të gjithë atyre.

  1. Jetesën e mirë dhe të shtrenjtë

Nëse personazhet publike e ekspozojnë jetën e tyre luksoze, e bëjnë sepse nga prapa kanë një industri të tërë që merret vetëm me sigurinë e tyre, kështu që mos merrni shembuj të tillë! Në rast se postoni sende apo gjëra që keni blerë dhe kanë një çmim të lartë, hajdutët virtualë do të jenë në ndjekjen tuaj. Kini kujdes!

  1. Fotografi nudo dhe materiale seksuale

Duhet ta dini se një nga shantazhet më të përhapura në ditët e sotshme janë ato me fotografitë nudo që ju keni ndarë në rrjete sociale. Jo vetëm në profilin tuaj por edhe në mesazhe private duhet të jeni shumë të kujdesshëm kur vendosni të ndani foto të tilla. Mos u besoni të panjohurve dhe tregohuni të zgjuar për të mos zbuluar asnjëherë fytyrën.

  1. Problemet familjare

Ashtu sikurse edhe në lidhjen tuaj, rrjetet sociale do të ngatërrojnë edhe më tepër problemet familjare që mund të keni. “Mamaja ime e urren punën që bën” mund të mjaftojë që mamaja juaj të shkarkohet nga puna ditën tjetër. Gjithashtu ju asnjëherë nuk e dini se sa njerëz duan të përfitojnë në jetën reale nga çështjet tuaja familjare, ndaj mos i ndani problemet virtualisht.

  1. Deklarata që mund t’ju përdoren kundër në të ardhmen

Ndryshe këto deklarata janë edhe antireklamë. Nëse ju sot shani një bankë apo një kompani tjetër, kujdes kur nesër të shkoni për  një intervistë pune pikërisht në ato kompani sepse mundësia që të pranoheni është shumë e ulët. Gjithashtu deklaratat politike apo fetare duhet t’i mendoni mirë përpara se t’i shpërndani pasi ato mbeten gjithnjë në “server”-at e rrjeteve sociale.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Makina përplas këmbësoren/ Në gjëndje të rëndë 47-vjeçarja

Publikuar

-

Nga

Një ngjarje e rëndë  ka ndodhur ditën e sotme  në “Patos fshat”.

Një mjet tip “Audi” ka përplasur këmbësoren A.M 47-vjeçe.

Drejtuesi i mjetit është larguar nga vendngjarja.

Mësohet se A.M ndodhet në gjëndje të rëndë në spital./CNA.al

LEXO TE PLOTE

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE