Aktualitet
Në PD-në e Shkodrës ndodh çudia/ Namiku mund Ramizin
Pas farsës zgjedhore që PD ka zhvilluar në disa degë të saj në rrethe, sot janë mbyllur zgjedhjet edhe për kreun e degës së PD në Shkodër.
Lulzim Basha për të mbrojtur Ramiz Çobajn, ndërkohë që kishte disa kandidatë me potenciale të mëdha politike, i vuri përballë një “Namik”, ashtu si kundër në vitet ’90 Ramiz Alia gjeti Namik Doklen, si rival për president Republike.
Megjithëse nga dega e PD-së në Shkodër ishin shumë emra, mes tyre potenciale të vlefshme për PD-në, ata janë hequr dhe Ramiz Çobajt i është lënë gara e hapur për t’i vënë një rival që ai mund ta mundëte lehtësisht. Kandidati përballë Ramiz Çobajt është vënë Xhevdet Amuli.
Por mesa duket Bashës i ka dalë situata jashtë kontrollit dhe në Shkodër ka ndodhur çudia. Të gjithë faktorët politikë të degës janë bërë kundër tij.
Çdo kandidat që ka qënë në garë dhe i është hequr emri padrejtësisht, por edhe faktorë të tjerë brenda strukturave, duke parë qëndrimin e Lulzim Bashës dhe duke ju ardhur në majë të hundës me Ramiz Çobajn, të cilin e njihnin se kush ishte në të vërtetë, kanë shkuar sot në Kuvendin e degës dhe kanë votuar kundër tij. Dhe Xhevdet Amuli e ka mundur Ramiz Çobajn me 2 vota plus dhe tashmë është kryetar i degës së PD në Shkodër./ CNA.al
Ramizi i Lulit, oficeri i diktaturës në shërbim të Ramiz Alisë
Politikë
Rama nxjerr gjirokastritët në shi dhe u kërkon votat/ “Na duhet çdo shqiptar për të arritur majën”
Kryeministri Edi Rama në vijim të fushatës elektorale, është ndalur pasditen e sotme në Gjirokastër.
Rama u ka kërkuar votat socialistëve, ndërsa reshjet e shiut që po bien aktualisht i krahasoi me votat e 25 prillit.
“Na duhet çdo shqiptar për tu ngritur në majë. Ne nuk na gjunjëzojë virusi, tërmeti, nuk ka gjë që mund të na pengojë për të arritur majën.
Sot dielli nuk duket, por i ngjan paralajmërimit për brezhërin te votave të partisë socialiste.
Të këtij shiu paralajmërues, të këtij dielli që kanë mundësi ta bëjnë të ngrohtë çdo shtëpi shqiptari”, tha Rama./CNA.al
Politikë
“Ekipi im bën diferencën”/ Topalli: Janë garancia e ndryshimit të ndershëm
Drejtuesja e Lëvizjes për Ndryshim, Jozefina Topalli, ka realizuar një takim me ekipin e saj në Rrëshen. Topalli shprehet se Lëvizja për Ndryshim ka një ekip me profesionistë të mirënjohur në fushat e tyre, intelektualë të ndershëm e me integritet.
Më tej, në një postim në Facebook, ajo thekson se, ekipi i saj bën diferencën me forcat e tjera politike dhe janë garancia e një ndryshimi dhe e një politikberje të ndershme të sinqertë për qytetarët.
“Në Rrëshen e Lac! Nuk ka ndryshim me tre kryetarët e korruptuar. Lëvizja për Ndryshim ka një ekip me profesionistë të mirënjohur në fushat e tyre, intelektualë të ndershëm e me integritet, të rinj me shkollim e mentalitet evropian të cilët pavarësisht se nuk i jepet hapësirë në media bëjnë diferencën me forcat e tjera politike dhe janë garancia e një ndryshimi dhe e një politikberje të ndershme të sinqertë për qytetarët”, shkruan Jozefina Topalli./ CNA.al
Politikë
“Nuk ka shans të ndalë vullnetin e qytetarëve”/Basha: Pas 25 prillit i pret burgu
Kreu i PD, Lulzim Basha ka realizuar në Shijak takimin elektoral të radhës. Basha është shprehur se, nuk ka më asnjë shans të ndalin vullnetin e rinisë dhe qytetarëve të Shijakut.
Më tej kreu i PD ka thënë se, pas 25 prillit, ata që sipas tij kanë abuzuar me fondet e rindërtimit i pret burgu dhe drejtësia.
“Në ditën më të vështirë i braktisi ata më në nevojë. Këtu në Shijak njësoj si në Durrrës, dhe në zonat e goditura nga tërmeti është bërë abuzimi më i madh me fondet e rindërtimit në kurriz të familjeve të goditura nga tërmeti. Sot kanë guximin të shantazhojnë me fondet e tërmetit qytetarët për vota.
Mesazhi im nga Shijaku ju drejtohet atyre skthueve dhe hijeve që vërtiten qosheve natën, nuk keni asnjë shans ta ndalni vullnetin e rinisë dhe qytetarëve të Shijakut.
Pas 25 prillit i pret drejtësia i pret burgu. Pas 8 vjet dështimesh ai gjen guximin të kërkojë me lugën bosh përrallat që s’ja pranon askush. Shijaksit dhe durrsakët do t’i japin ujë në bisht të lugës. Edhe 4 vjet të tjera do të ishin rrënim”, është shprehur Basha./ CNA.al
