Connect with Us

Protesta e “Astirit” vlen sa çuni i Faros

Aktualitet

Protesta e “Astirit” vlen sa çuni i Faros

Publikuar

-

Prej disa ditësh banorët e zonës së “Astirit” në Tiranë po vijojnë protestën, duke kërkuar dëmshpërblim në vlerën reale të tregut për banesat pa leje, të cilat pritet të shemben në kuadër të zgjerimit dhe rehabilitimit të plotë të Unazës së re.

Por, protesta ka dhe simbolin e saj dhe qe është çuni i Fahri Balliut, deputeti i Lulit dhe Likes, Klevis Balliu.

Çuni i Fahriut është një deputet i ri, i futur në listë nga Lulzim Basha. Pa dashur ta fyejmë, por ky është deputet më kot për shkak se është një njeri pa peshë politike dhe nuk përfaqëson asgjë. Thjeshtë nëse përfaqëson Fahriun si batakçi, të cilin të gjithë shqiptarët e njohin dhe e dinë shumë mirë se kush është.

Por ne tani po merremi me protestën dhe peshën që i jep asaj Lulzim Basha. Ndërkohë që dje protestuesit shkuan tek parlamenti dhe u përplasen, disa prej tyre tani janë të arrrestuar, por Lulzim Basha shkoi dhe u mbyll në një sallë, gjoja për të bërë oponencën e buxhetit të vitit të ardhshëm, duke ju lënë atyre (protestuesve) çunin e Fahriut, Myslim Murrizin dhe disa deputetë të tjerë.

Edhe në mbrëmje nëpër televizione, peshën kryesore si “avokat” i banorëve të zonës së “Astirit” e zuri çuni i Fahriut, i cili doli në News 24 në emisionin e Ylli Rakipit, por nuk dinte si ti mbronte kauzat e banorëve dhe problematikat e tyre.

Ajo që në fakt po bën Lulzim Basha me protestën e këtyre banorëve është një keqpërdorim, dhe thjeshtë dhe vetëm po e prish atë aksion qytetar, e cila me qëndresë mund t’ju japë një zgjidhje në favor të tyre, por duke shkuar Luli aty dhe duke sulmuar Lali Erin, dhe duke hequr vëmendjen nga problemi, duke shkuar më pas Monika dhe duke sulmuar jo qeverinë, por biznesin, duket qartë sesa e vlerëson opozita realisht hallin dhe protestën e banorëve të “Astirit”. Dhe qershia mbi tortë, është çuni i Fahriut si avokat i kësaj proteste dhe angazhimi nga PD-ja.

Por, a mundet të fitojë një kauzë banorët e asaj zone duke ju çuar Çunin e Fahriut?

Në fakt lënia e tij në krye të aksionit nga ana e PD-së nuk tregon gjë tjetër veçse sa Lulzim Basha e vlerëson këtë protestë.

Përtej faktit si aksion politik apo qytetar, ai e shikon si instrument politik për ta përdorur për interesat e tij personale dhe politike, pasi nuk kishte kauzë deri në Kuvendin Kombëtar të PD dhe gjeti protestën e këtyre banorëve për të shtyrë dhe disa javë si kryetar që kauzat dhe protestat e qytetarëve po i vlerëson sa çuni i Fahriut.

Ndërkohë që nga Lulzim Basha dhe nga PD-ja zyrtare nuk ka asnjë nismë apo projektligj të veçantë që ta pengojë këtë,  nuk ka asnjë akt për ta çuar në gjykatë. Juristët e PD nuk thonë asgjë, por me urdhër të Lulit mjafton që kanë lënë çunin e Fahriut në krye të aksionit./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Makina përplas këmbësoren/ Në gjëndje të rëndë 47-vjeçarja

Publikuar

-

Nga

Një ngjarje e rëndë  ka ndodhur ditën e sotme  në “Patos fshat”.

Një mjet tip “Audi” ka përplasur këmbësoren A.M 47-vjeçe.

Drejtuesi i mjetit është larguar nga vendngjarja.

Mësohet se A.M ndodhet në gjëndje të rëndë në spital./CNA.al

LEXO TE PLOTE

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE