Connect with Us

Rikthim në kohë, skena dhe fituesit e “Kënga Magjike” në 19 vjet

Aktualitet

Rikthim në kohë, skena dhe fituesit e “Kënga Magjike” në 19 vjet

Publikuar

-

“Kënga Magjike” prej 20-vitesh tashmë njihet si një ndër festivalet më të suksesshmë në vendin tonë. Ajo ndër vite ka sjellë “këngë hit” të papërsëritsmshe duke bërë që të klikohen dhe të dëgjohen edhe pas përfundimit të spektaklit. Emra të njohur dhe artist të rinj kanë marrë pjesë dhe janë vlerësuar me çmime të rëndësishme. Çdo vit ky festival ka sjellë risi në mënyrën e organizimit por edhe në anën vizive.

Tashmë prej 3 vitesh këngët kane ardhur të kënduara “live” gjë e cila ka përcjellë një emocion të veçantë tek të pranishmit në sallë gjatë tre netëve finale por edhe nga teleshikuesit.

Nisur nga postimi i Ardit Gjebreas në profilin e tij në Instagram ku na zbuloi pak nga skena e 20-vjetorit, ne jemi rikthyer pas në kohë dhe së bashku do të kujtojmë dhe shohim si ka evoluar “Kënga Magjike” që në nisjen e saj në vitin 1999 e deri në ditët e sotme. Kujtojmë që ky është një vit i veçantë për festivalin sepse feston 20-vjetorin e tij dhe pjesëmarrës janë disa nga emrat më të suksesshëm të skenës shqiptare, të cilët kanë sjellë hitet e tyre dhe gara sa po vjen e bëhet më e fortë.

Vitit 1999 edicioni parë

Fituesja e vitit të parë të “Kënga Magjike” ishte Elsa Lila me këngën “Vetëm një fjalë. Ajo ishte në hapat e parë të karrierës dhe mori pjesë përballë artistëve me shumë emër por arriti të triumfonte. Siç mund të shihni edhe nga fotot skena ishte e veçantë dhe ishte risi për vitet 1999.

Viti 2000 edicioni dytë

Ky vit ishte i veçantë për “Kënga Magjike” pasi riktheu në skenë emra të njohur si Nexhmije Pagarusha dhe Justina Aliaj të cilat ndërthurën garën me spektaklin. Çmimi i parë shkoi për motrat Libohova, Irma dhe Eranda me këngën “Një mijë ëndrra” .

Viti 2001 edicioni 3-të

“Kënga Magjike” e këtij viti akoma sot mbetet e tillë. “Për një çast më ndali zemra” nga Rovena Dilo dhe Pirro Çako ishte fituesja e çmimit të parë. Kjo këngë u rikthye në hit dhe u këndua në disa versione edhe disa vite pas spektaklit.

Viti 2002 edicioni 4-tërt

Çdo vit tashmë ky festival sillte risi dhe surpriza për publikun e gjithashtu rritej numri i artistëve pjesëmarrës. Fituese e çmimit të parë ishte këngëtarja Mira Konçi me këngën “E pathëna fjalë”. Skena kishte një investim gjigand, kur flasim për vitet 2002.

Viti 2003 edicioni 5-stë

Ky ishte një edicion i veçantë për faktin se spektakli festonte 5-vjetorin e tij. Duke qenë se tashmë i kishte kaluar kufijtë shqiptarë dhe shikueshmëria ishte e lartë edhe në Kosovë, ky vit u organizua atje në auditorin 1 tetori. Albumet me këngët pjesëmarrëse shenuan një rekord shitjesh. Çmimi i parë shkoi për këngëtaren kosovare Ema Bytyçi me këngën “Ku je ti”. Edhe pse në në një tjetër ambient skena ishte ideuar me mjaft kujdes.

Viti 2004  edicioni 6-shtë

Në vitin 2004 audienca ishte e jashtëzakonshme edhe për faktin se festivali u vonua me 1 orë e gjysëm duke qenë se media të ndryshme transmetuan lajmin se kishte një bombë në pallatin e kongreseve. Lajmi ishte i rremë dhe spektakli shkoi shumë mirë. Kënga fituese ishte “Prapë tek ti do të vij” kënduar nga Irma Libohova. Skena e këtij viti kishte disa labirinte të krijuara me mjaft mjeshtëri.

Viti 2005 edicioni i 7-të

Ky vit mund të konsiderohet si viti i ndryshimeve në “Kënga Magjike” në përmbajtje por edhe në pasqyrimin e mediave ku u zgjeruan ata që transmetonin spektaklin. Fituese u shpall kënga ritmike “Nuk dua tjetër” nga Genta Ismaili e cila ngriti në këmbë Pallatin e Koncerteve me atmosferën e krijuar. Skena e vitit 2005-të kishte disa risi të cilat shoqëronin artistët gjatë përformancave.

Viti 2006 edicioni 8-të

Viti 2006 përfshiu përveç spektaklit edhe lojra të ndryshme gjatë prezantimit të këngëve.  Fituesi i këtij edicioni u shpall Armen Rexhepagiq më këngën “Kur dashura vdes”. Veçantia e skenës ishte kupa gjigande e vendosur në qendër të saj.

Viti 2007 edicioni 9-të

Ky vit bën bashkë shumë breza artistësh duke bërë që pjesëmarrës të jenë shumë emra të rinj. Kënga e cila u kthye në hit që në prezantimin e saj ishte “Hape veten” nga Aurela Gaçe e cila u shpall edhe fituese e atij viti. Skena kishte mjaft elmente të gurit të cilat e bënin të dukej një art i vërtetë.

Viti 2008 edicioni 10-të

Ky mund të konsiderohet si viti i evolucionit përsa i përket anës vizive. Skena për herë të parë vjen e realizuar nga mjeshtri i Rai-t Gaetano Castelli. Ai sjellë për herë të parë një stil krejt të veçantë në Shqipëri. Kënga fituese e këtij edicioni ishte “Njëri nga ata” kënduar nga Jonida Maliqi.

Viti 2009 edicioni 11-të

LEXO EDHE:  Patozi: Basha më ka kërkuar të rikthehem në PD/ Ja kur do të ndodhë

Viti 2009 përveç spektaklit që përcolli do të mbahet mend për  rikthimin në skenë  pas 10 vjetësh të këngëtares Adelina Ismaili. Këtë herë pas disa vitesh çmimin e parë e merr një bashkëpunim dhe bëhet fjalë për Eliza Hoxhën dhe Rosela Gjylbegun me këngën “Rruga e zemrës”. Skena u ideua përsëri nga Gaetano Castello e cila  shoqëronte këngët në mënyrë fantastike duke i bërë performancat  mjaft shpërthyese nga ndriçimi dhe efektet.

Viti 2010 edicioni 12-të

Ky vit solli performanca të jashtëzakonshme në skenën e “Kënga Magjike”me korografi të veçanta që kishin ndodhur për herë të parë në skenat shqiptare. Përsëri fitues u shpall një duet, Juliana Pasha dhe Luis Ejlli me “Sa i shite zemrën. Skena në qendër të saj kishte një kurorë gjigande shumëngjyrshme.

Viti 2011 edicioni 13-të

Finalja e viti 2011 u prit me padyrim nga të gjithë pasi bashkëprezantuese e Arditit ishte aktorja  turke Songül Öden e cila ishte personazhi më i dashur në atë kohë për publikun shqiptar e njohur si Gymysh. Fituese me votat e vetë artistëve u shpall kënga “Më lër të fle’ nga Redon Makashi. Skena ngjante me krahë gjigandë të një zogu të cilat merrnin ngjyra të ndryshme.

Viti 2012 edicioni 14-të

Ky mund të cilësohet si viti i këngës “Refuzoj” e cila u këndua në kor nga publiku natën e interpretimit nga Alban Skënderaj. Ishte pikërisht kjo fituesja e edicionit të 14-të nga votat e artistëve. Ky vit solli shumë këngë hit ku mund të përmendim edhe “Ngjyra e kuqe” e kënduar nga Floriani dhe Adrian Gaxha. Skena ishte gjigande e ndarë në ekrane të vogla me mjaft efekte.

Viti 2013 edicioni 15-të

Veçantia e këtij viti ishin prezantueset të cilat u zgjodhen me anë të audicioneve në rrugët e Tiranës. Fituese u shpall kënga e Besa Kokdhimës “Tatuazhë ne zemër” e cila u kërcye dhe u këndua edhe nga publiku në Pallatin e Koncerteve. Skenografia e këtij viti ishte një investim i madh për shkak të ekraneve gjigande të cilat i jepnin performancave efekte që ngjanin shumë afër realitetit.

Viti 2014 edicioni 16-të

Viti 2014-të solli hite në “Kënga Magjike” dhe e tillë ishte edhe kënga fituese e cila elektrizoi publikun në sallë. Bëhet fjalë për “Pa kontroll” e Aurela Gaçes dhe Young Zerkës.  Skena këtë vit ngjante me një hapësire kozmike, dhe i gjithë spektakli ishte menduar në këtë formë nga prezantimi dhe performancat.

Viti 2015 edicioni 17-të

Edicioni i 17-të solli për herë të parë risinë e të kënduarit “Live”.  Kjo solli mjaft emocione gjatë performancave si për publikun edhe për vetë këngëtarët. Për të tretin vit fituese shpallet këngëtarja Aurela Gaçe me baladën “Akoma jo”. Ajo mori shumicën e votave të kolegëve. Skena ishte sjellë përsëri me mjeshtëri nga Gaetano Castelli.

Viti 2016 edicioni 18-të

Edicioni i 18-të mbante madhështinë e tij për skenën dhe investimin që ishte bërë. Përveç kësaj solli këngë të cilat kanë arritur të kalojnë kufijtë shqiptarë siç ishte “Nëntori” nga Arilena Ara. Poashtu edhe kënga fituese “Ma thuja ti” nga Rozana Radi  përcolli një mesazh mjaft prekës për dhunën në familje.

Viti 2017 edicioni 19-të

Edicioni i 19-të kishte të përfshirë magjinë e skenës, magjinë e këngëve të ndërthura më show, humor dhe batuta. Erion Isai dhe Bes Kallaku i dhanë veçanti këtij viti me kiminë e tyre dhe batutat. Fituese u shpall balada shpërthyese e Anxhela Peristerit “E çmendur” e cila “Live” na emocionoi të gjithëve.

Viti 2018 edicioni 20-të

Tashmë po presim të gjithë sy e vesh edicionin më të veçnatë të festivalit “Kënga Magjike”, edicionin e 20-të. Ky vit ka mbledhur artistët me të njohur shqiptarë si Aurela Gaçe, Eli Fara, Ronela Hajati, Kastro Zizo, Era Rusi, Bruno, Artiola Toska etj,dhe thuhet se konkurent do të jetë edhe kantautori i njohur Flori Mumajesi. Pak nga skena e këtij viti na ka zbuluar vetë  Ardit Gjebrea i cili për kaq vite i ka dhuruar publikut shqiptar një spektakël fantastik. Ai shkruan se këtë vit nuk imagjinohet se çfarë do të ndodhë e surprizat pritet të jenë madhështore. Nga videoja duket se skena do të arrijë përmasa të mëdha që nuk kanë janë parë asnjëherë në “Kënga Magjike”. Mezi po presim!

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Anjeza Maja “braktis” Edi Ramën?/ Moderatorja rikthehet sërish në programin e famshëm

LEXO EDHE:  Skandali i Këngës Magjike, reagon Ardit Gjebrea

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Patozi: Basha më ka kërkuar të rikthehem në PD/ Ja kur do të ndodhë

LEXO EDHE:  Skandali i Këngës Magjike, reagon Ardit Gjebrea

 

LEXO TE PLOTE
Lajme të Rekomanduara: