LEXO PA REKLAMA!

SHKARKO APP

Me vetëm $1,000, këta adoleshentë ngritën një biznes miliona dollarësh

21 Nëntor 2018, 15:40, Kuriozitete CNA
Me vetëm $1,000, këta adoleshentë ngritën një biznes

Thjesht duke punuar nga shtëpia, Adina dhe Mayer Kamkhatchi, motër dhe vëlla, me ndihmën e $1,000 dhe katër viteve ngritën një biznes bizhuterish që vlen miliona dollarë të quajtur Adina?s Jewels.

Në 2017-n, kompania kishte fituar $1 milion vetëm nga shitjet. Adina dhe Mayer nuk pranuan të tregonin fitimin e tanishëm të kompanisë, por thanë se Adina?s Jewels punëson me dhjetëra njerëz dhe po rritet me ritme të shpejta.

Adina është 23 vjeçe, ndërsa Mayer 20. Si ia doli dyshja të arrinte deri këtu?

Instagram.

?Ashtu e nisëm biznesin,? tha Mayer.

Mayer kujdeset për marketingun, ndërsa Adina dizenjon bizhuteritë.

Mayer tha se në fillim, ai dhe e motra nuk paguanin dot modele apo fotografë profesionistë, kështu që i bënin të gjitha fotot e produkteve vetë dhe përdornin anëtarë të familjes si modelë.

?Që ditën e parë, klientët i pëlqenin fotot e bëra mirë, edhe pse jo profesionalisht,? tha Adina. ?Kjo na dalloi nga të tjerët.?

Njerëz të shumtë në Instagram interesoheshin për çmmet e bizhuterive, kështu që Mayer dhe Adina e kthyen në një biznes të mirëfilltë.

?Asokohe, njerëzit s?e përdornin Instagramin si një treg,? tha Adina. ?Thjesht postonin foto të vetes, me kë po dilnin, shokët, etj. Ne thjesht e provuam.?

Pastaj, u ranë në sy të famshmëve. Ariana Grande, Bella Hadid e të tjerë fotografoheshin me bizhuteritë e Adina?s Jewels.

?Quhet marketing influencues,? thotë Mayer. ?Ne kemi shumë kontakte. Punojmë me agjentët e tyre, ua çojmë produktet në shtëpi.?

Mayer realizoi një sërë marrëveshjesh me njerëz të famshëm, disa prej tyre madje, i kërkuan komision.

Ndërsa Adina thotë se të gjithë dizajnerët frymëzohen nga njerëzit e famshëm dhe nga revistat e modës.

?Zgjedh detaje të vogla në trende të momentit dhe ndërton mbi to. Pastaj bëhet e dëshirueshme vetë,? tha Adina. ?Kur je një kompani e respektuar, sidomos në fushën e bizhuterive, njerëzit i besojnë shijes sate.?

Adina dhe Mayer jetojnë ende me prindërit, edhe pse kanë një zyrë. Në fillim, dizenjot e Adinës realizoheshin me dorë, ndërsa tani, prodhohen në fabrika jashtë Shteteve të Bashkuara.

?Punojmë me njerëz të ndryshëm që të kemi gjithnjë një derë të hapur,? tha Mayer. ?Nuk mbështetemi tërësisht në një fabrikë të vetme.

Adina?s Jewels prodhon bizhuteri për burra dhe gra, edhe pse theksi bie te bizhuteritë e grave. Shesin byrzylykë, unaza, varëse, vathë dhe chokers, me çmime nga $30 deri në $1.500. Mayer thotë se shumica e shitjeve vijnë nga produktet me çmime nga $50 deri në $200.

?Ne nxjerrim në treg dizenjo të reja shumë shpesh. Prandaj jemi të aftë të ndjekim trendet,? thotë Mayer. ?Sepse nxjerrim vazhdimisht produkte të reja.?

Kompania dërgon kudo në botë, ?nga Hollanda në Azerbaixhan,? thotë Mayer.

Gjithçka nisi kur Adina mbaroi gjimnazin dhe i nevojitej një punë. Nisi të bëjë bizhuteri vetë dhe i kërkoi të vëllait ta ndihmonte. ?Njerëzit blejnë shpesh bizhuteri,? thotë ajo. ?Bizhuteritë s?janë si frigoriferët.?

Dyshja ka disa mundësi për të ardhmen, por pa dyshim synojnë që kompania të rritet edhe më shumë. Nëse mendoni se gjithçka ndodhi sa hap e mbyll sytë, e vërteta nuk është kështu. U deshën shumë gabime që të arrinim këtu.

Lajmet e fundit nga