Të rinjtë kundër Braces për ndalimin e pijeve energjike e freskuese – CNA
Connect with us

Aktualitet

Të rinjtë kundër Braces për ndalimin e pijeve energjike e freskuese

Publikuar

-

“Është absurde, masë drastike, kjo qeveri çfarë nuk po ndalon…”

Janë reagimet e të rinjve kur informohen se, me një vendim absurd të marrë në fshehtësi, parlamenti u ka ndaluar të blejnë pije energjike apo edhe ato freskuese, si Coca Cola, Fanta, Sprite, Pepsi, çaji i ftohtë e të tjera.

Sipas ligjit, të iniciuar nga deputeti Erion Braçe, do të duhet të mbushin 18 vjeç për ta provuar edhe njëherë tjetër shijen e këtyre pijeve.

Ose në të kundërt, do të duhet ta pijnë fshehtas ndonjë polici, që edhe mund t’i gjobisë, nëse ligji absurd, që e barazon Shqipërinë me Korenë e Veriut, do të dekretohet nga presidenti i Republikës.

Deputetët që e mbështeten ligjin u bazuan në një studim të Institutit të Shëndetit Publik që thotë se pijet energjike dhe freskuese me sheqer të shtuar shkaktojnë obezitet, si pasojë e kafeinës që përmbajnë.

I njëjti studim thotë se të njëjtin efekt negativ kanë edhe Fast – Food-et, siç pohohet edhe nga dietologet.

Nëse ligji do të ishte realisht për të mbrojtur shëndetin e personave nën 18 –vjeç, i njëjti grup deputetësh do të duhej të kishte shtuar aty edhe ndalimin e konsumimit të të gjitha llojeve të Fast – Food-eve, si panine, hamburger, sufllaqe, qofte e të tjera.

LEXO EDHE:  Çfarë pritet të ndodhë pas shtatorit? / Dashamir Shehi këshilla Bashës

Juristë që janë njohur me detaje të ligjit, pasi ai kaloi në Kuvend, thonë se masat e marra nuk i shërbejnë qëllimit për të cilin thuhet se u hartua dhe u miratua në fshehtësi të plotë ligji, pasi adoleshentët e marrin kafeinën edhe nëpërmjet ushqimeve të tjera dhe për këtë arsye, për t’i mbrojtur ata nga kafeina e pijeve energjike e freskuese, mjafton që këto pije të shoqëroheshin me një etiketë të posaçme që tregon përbërësit e tyre.

Ligji, thonë juristët, shkel lirinë e veprimtarisë ekonomike të tregtareve apo subjekteve të tjera, pasi ndalon edhe reklamat për pijet energjike e freskuese, si dhe shkel marrëveshjen e Asocim Stabilizimit, që i kërkon Shqipërisë t’i përafrojë ligjet me ato europiane.

Deri tani asnjë vend në Europë nuk e ka një ligj të tillë dhe juristët shpresojnë në një kthim të tij nga Presidenti i Republikës./KLAN

Aktualitet

“Lufta” Qeveri-Presidencë/ Zbardhet roli i Metës në shkatërrimin e Kushtetueses

Publikuar

-

By

“Mungesa e Gjykatës Kushtetuese vjen si pasojë e mos kryerjes së detyrës së presidentit Ilir Meta, në kohën kur duhet të shpallte vakancën, në vitin 2016”.

Kështu është shprehur ministrja e Drejtësisë Etilda Gjonaj, e ftuar në emisionin “Tempora”, duke iu kundërpërgjigjur Presidentit Ilir Meta, i cili ankohet për mungesën e Gjykatës Kushtetuese.

Meta, reformën në drejtësi e ka quajtur ramaforma në drejtësi.

Por, sipas Gjonajt, nëse Presidenti do të ishte i shqetësuar për ngritjen dhe funksionimin e Gjykatës Kushtetuese do duhej të kishte hedhur shortin e KED, si në 2017, ashtu edhe në 2018.

LEXO EDHE:  Meta tregon sërish “dhëmbët”/ Kthen ligjin e dytë  

“Nëse Presidenti do ishte i shqetësuar për ngritjen e Gjykatës Kushtetuese do duhej të kishte shpallur vakancën e parë kur është njoftuar që në 2016, për dorëheqjen e një anëtari të saj. Por në fakt e ka shpallur dy vite më vonë gati në shkurt të vitit 2018. Të gjitha këto vonesa nuk janë për shkak të qeverisë. Qeveria i ka bërë të gjitha detyrat e saj dhe Ministria e Drejtësisë ka ushtruar të gjithë funksionin kushtetues dhe ligjor”, ka thënë Gjonaj./CNA.al

 

LEXO TE PLOTE

Aktualitet

Reforma në drejtësi/ Ministrja Gjonaj kapet duke gënjyer

Publikuar

-

By

Ministrja e Drejtësisë Etilda Gjonaj, nuk shkëputet dot nga linja e gënjeshtrave të Qeverisë.

Madje ajo guxon të gënjejë, hapur teksa deklaron se reforma në drejtësi sot nuk pengohet nga politika.

“Nëse më përpara edhe pas miratimit, kishte rrezikshmëri që të pengohej nga politika, sot nuk ka asnjë pengesë nga politika. Sot merr kohën e saj që do ti duhet çdo sistemi që ndryshon nga fillimi, me një arkitekturë dhe institucione të reja të marri periudhën e saj tranzitore që i duhet për të ringritur sistemin e ri”, ka thënë Gjonaj në emisionin”Tempora”.

LEXO EDHE:  Meta tregon sërish “dhëmbët”/ Kthen ligjin e dytë  

Faktet se politika i ka duart në drejtësi janë të shumta, duke nisur që nga emërimi i prokurores së përgjithshme të përkohshme Arta Marku, tek skandali që vitin e kaluar përfshiu Krimet e Rënda apo së fundi tek përzgjedhja e disa prokurorëve skandaloz për në SPAK./CNA.al

 

LEXO TE PLOTE

Aktualitet

“Kërcënoi Arben Malajn”/ Taulant Balla pranon fajin

Publikuar

-

By

Partia Sociale që mbrëmë ka njoftuar se do të kërkonte shkarkimin e Arben Malajt nga bordi i Bankës së Shqipërisë.

Sot, gjatë ditës, Malaj reagoi, duke thënë se ka marrë edhe mesazhe kërcënuese nga kolegët e tij dhe drejtori gishtin ndaj kreut të grupit parlamentar të PS, Taulant Balla.

Ky i fundit i ftuar në emisionin “Përballë” të gazetarit Lutfi Dërvishi ka mohuar të ketë kërcënuar Malajn.

“Nuk do doja të bëja asnjë koment. Do të jenë kolegët e Grupit Parlamentar që kanë kerkuar marrjen e kësaj mase disiplonore që do të flasin. Në asnjë Bankë Kombëtare në botë, asnjë anëtar që paguhet nga buxheti i shtetit, nuk bëhet pjesë e aktiviteteve publike”, është shprehur Balla.

LEXO EDHE:  Meta tregon sërish “dhëmbët”/ Kthen ligjin e dytë  

Më tej ai ka pranuar se ka faj, por e ka lidhur me propozimin që ai ka bërë për emërimin e zotit Malaj në bordin e BSH-së.

“Unë di vetëm që kam fajin dhe përgjegjësinë që kam propozuar zotin Malaj që të bëhet anëtar i bordit të Bankës së Shqipërisë. Me ne, nëse shkel ligjin shkarkohesh, është një shkelje flagrante e ligjit nga Malaj. Une mbaj pergjegjësi që kam ngulmuar të ishte edhe ish-ministri i Financave, Arben Malaj”, është shprehur Balla./CNA.al

 

 

LEXO TE PLOTE
Reklama
Reklama

Trending