Connect with Us

Të gjithë shpifësat pa pagesë të Rilindjes që duhen dënuar

Aktualitet

Të gjithë shpifësat pa pagesë të Rilindjes që duhen dënuar

Publikuar

-

ironia e gazetarit armir shkurti

Edhe pse vendi është përgjakur nga krimi dhe jetë njerëzish po humbin çdo ditë, ku vetëm në 24 orë u ekzekutuan 5 persona, për kryeministrin tonë halli më i madh për të cilin duhet gjetur zgjidhja është shpifja.

Për këtë Rama ka dalë dhe ka propozuar një paketë anti-shpifje. Kreu i qeverisë kërkon që të miratojë ligjin anti-shpifje dhe të dënojë ata që shpifin, qofshin këta gazetarë, policë apo qytetarë të thjeshtë.

Jemi dakort që të regjistrohen portalet, për këtë ka shumë të drejtë. Jemi dakort edhe më këtë pjesën e shpifjes, që dalin shpifin e gënjejnë, por për këtë ka një nen, ka një ligj i cili është fuqi dhe e dënon shpifjen.

Në lidhje me shpifjen, Kodi Penal, Neni 120  thotë se “Përhapja e qëllimshme e thënieve, si dhe çdo informacion tjetër, duke e ditur se janë të rreme, që cenojnë nderin dhe dinjitetin e personit, përbën kundërvajtje penale dhe dënohet me gjobë nga pesëdhjetë mijë gjer në një milion e pesëqind mijë lekë.
Po kjo vepër, kur kryhet botërisht, në dëm të disa personave ose më shumë se një herë, përbën kundërvajtje penale dhe dënohet me gjobë nga pesëdhjetë mijë gjer në tre milionë lekë.”.

Në bazë të këtij kodi, ajo që ka nxjerrë Edi Rama duhet të dënohet. Madje me burg. Të gjithë i dimë shpifjet që ka bërë Edi Rama, jo vetëm ndaj opozitës, por edhe ndaj individëve të ndryshëm. Edi Rama vetëm ka shpifur.

Nuk po flasim për gënjeshtrat, të cilat tashmë janë bërë fjalor i përditshëm i politikës shqiptare, janë bërë lumë e derdhen në det, e tashmë shqiptarët janë mësuar. Por, Rama për çfarë nuk ka shpifur derisa erdhi në pushtet. Instrumenti më i mirë i Ramës kur ishte në pushtet ishte shpifja dhe propaganda. Ai vetëm shpifte dhe bënte propagandë për të ardhur në pushtet.

Erdhi në pushtet nëpërmjet shpifjes dhe tani kërkon që të shpëtojë sepse ka hall të ruajë pushtetin. Por, nuk mund të quhet kurrë shpifje të thuash se kryeministri është hajdut, dhe çdo kush do të shkonte të përballej me drejtësinë, kur ka një qëndrim të kundërt me politikat korruptive konçesionare të qeverisë. Mjafton të shohim rastin e ligjit për Teatrin Kombëtar, për të cilin një pjesë e aktorëve janë kundër dhe presidenti e ka kthyer dy herë në parlament, edhe Europa ka pasur një qëndrim ndryshe, askush nuk ka shpifur kur ka thënë se Edi Rama po vjedh pronën publike, bashkë me kryebashkiakun e Tiranës. Ky është një shembull për të mos e zgjatur më tej.

LEXO EDHE:  Dokumenti/ Pas Valdrin Pjetrit, Ramës i ikën një tjetër kryebashkiak?

Së dyti, Erjon Veliaj është shpifës tjetër pa pagesë. Është një nga shpifësat më ordinerë të Rilindjes. Kujtojmë këtu rastin e Kavajës, të Griseldës, bashkëshortes së Elvis Roshit, për të cilën Veliaj vuri alarmin se ishte përdhunuar. Gënjeu, shpifi, mashtroi. Çfarë nuk u tha në lidhje me këtë rast, u përdhunua, e bënë demokratët, e bënë bandat e Saliut…etj.

Gënjyen e shpifën publikisht. Çfarë nuk thanë dhe nuk i ka dënuar kush. A do mbajnë ata përgjegjësi për shpifjet që bëjnë çdo ditë?

Këdo që të marrim më tej, të gjithë ministrat e kabinetit të Ramës, e gjithë qeveria ka bërë shpifje.

Le të shohim foltoren e parlamentit. Ditë e natë, socialistët shpifin. E gjithë struktura e Rilindjes është shpifja.

Në qoftë se Edi Rama këtë e bën që të drejtën e shpifjes ta ketë vetëm politika, dmth vetëm Rilindasit e tij dhe më tej të godasë median, sepse ka 13 vjet në krye të PS-së dhe vetëm me shpifje u bë kryeministër dhe qëndroi në pushtet, ndërsa tani kërkon ta heqë këtë pjesë.

Së pari, ligji duhet bërë. Duhet rregulluar çështja e portaleve dhe mediave online dhe askush nuk ka kundërshtim për këtë pjesë, por për çështjen e shpifjes nuk pse të ketë një ligj të ri, sepse ligji është në fuqi.

Çështja e shpifjes, së pari duhet të heqë dorë kasta politike, duke filluar nga Edi Rama i pari dhe më pas gjithë ministrat apo ata që e ndjekin nga pas, për të vazhduar  më tej te opozita dhe të gjithë ata që do kryeministri ynë.

Nuk mund të jesh 13 vjet shpifës dhe mëkatar, për të mos thënë 20 vjet shpifës dhe mëkatar dhe pastaj një ditë të kthehesh në “shënjtor” sepse shikon që mediat po të sulmojnë ashpër.

Jemi dakort që tek tuk diku mund të ketë edhe teprim, shpifje. Opozita edhe ka gabuar, kjo nuk ka asnjë diskutim, por kurrësesi nuk mund të jetë simbol shpifja dhe tani të kthehet në një çështje, kur ligji ekziston dhe kur për 20 vjet e ke bërë vetë. Vetëpastrohu me veten tënde, mbaj vetë qëndrime publike dhe më pas bëj një proçes të drejtë./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Ngjarja e rëndë në çerdhe/ Deputetja jep alarmin: Veliaj nuk kursen as fëmijët

LEXO EDHE:  Ekskluzive-Detaji/Rama i ofroi Bashës zëvendës kryeministër

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Dokumenti/ Pas Valdrin Pjetrit, Ramës i ikën një tjetër kryebashkiak?

LEXO EDHE:  Ngjarja e rëndë në çerdhe/ Deputetja jep alarmin: Veliaj nuk kursen as fëmijët

 

LEXO TE PLOTE
Lajme të Rekomanduara: