Meta kthen në Kuvend ligjin për Teatrin – CNA
Connect with us

Aktualitet

Meta kthen në Kuvend ligjin për Teatrin

Publikuar

-

Presidenti i Republikës Ilir Meta ka rikthyer sërish në Kuvend për rishqyrtim, ligjin për Teatrin Kombëtar.

Arsyet e kthimit të ligjit nr. 37/2018, datë 20.09.2018

“Për përcaktimin e procedurës së veçantë për vlerësimin, negocimin dhe lidhjen e kontratës me objekt `Projektimi dhe realizimi i projektit urban dhe godinës së re të Teatrit Kombëtar`”.

Të nderuar deputetë,

Kuvendi i Republikës së Shqipërisë, në seancën plenare të datës 20 shtator 2018, me Vendimin nr. 96/2018, ka vendosur për: “Miratimin e dekretit nr. 10849, datë 27.07.2018, të Presidentit të Republikës “Për kthimin e ligjit nr.37/2018 (të datës 05.07.2018) “Për përcaktimin e procedurës së veçantë për negocimin dhe lidhjen e kontratës me objekt “Projektimi dhe realizimi i projektit urban dhe godinës së re të Teatrit Kombëtar”. Në të njëjtën seancë plenare Kuvendi ka miratuar, gjithashtu, ligjin nr.37/2018, datë 20.09.2018 “Për përcaktimin e procedurës së veçantë për vlerësimin, negocimin dhe lidhjen e kontratës me objekt `Projektimi dhe realizimi i projektit urban dhe godinës së re të Teatrit Kombëtar`”.

Me shkresën e Kuvendit nr. prot 2288/3 datë 24.09.2018, të dy këto akte i janë përcjellë Presidentit të Republikës duke i kërkuar shprehjen me dekret për shpalljen e ligjit nr.37/2018, datë 20.09.2018, si dhe njohjen me vendimin nr.96/2018 të Kuvendit, me të cilin është pranuar dekreti i Presidentit nr. 10849, datë 27.07.2018.

Pas vlerësimit dhe shqyrtimit të kësaj praktike parlamentare, Presidenti ka arritur në bindjen se, ligji nr. 37/2018, datë 20.09.2018 “Për përcaktimin e procedurës së veçantë për vlerësimin, negocimin dhe lidhjen e kontratës me objekt `Projektimi dhe realizimi i projektit urban dhe godinës së re të Teatrit Kombëtar”, i paraqitur për dekretim është një ligj i ri, dhe për këtë arsye kërkesa e Kuvendit duhet të pranohet për shqyrtim nga Presidenti i Republikës, në zbatim të kompetencave kushtetuese të parashikuara në nenet 84, 85 të saj.

Në rastin konkret ndërmjet dy akteve të miratuara nga Kuvendi, ligjit me nr.37 të miratuar më datë 05 korrik 2018 dhe ligjit nr.37 të miratuar në datë 20.09.2018, megjithëse numri i ligjit ka qëndruar i njëjtë, konstatohen ndryshime, qoftë në parashikimet e qëllimit dhe objektit, por dhe në procedurat e mjetet e parashikuara në secilin prej tyre. Nga një vështrim krahasues i të dy normave ligjore të miratuara nga Kuvendi, rezulton se ka ndryshime, në titullin e ligjit, si dhe në shumë nene të tjera të tij. Një ligj përveç elementëve identifikues të tij si numri, data, titulli, parashikon në përmbajtjen e tij objektin, qëllimin, procedurat dhe mjetet për zbatimin e tij.

Ligji nr.37/2018 (dt 05.07.2018), kishte për objekt dhe qëllim përcaktimin e procedurës së veçantë për negociimin dhe lidhjen e kontratës me objekt realizimin e projektit për zhvillimin e një zone urbane në qytetin e Tiranës, duke përfshirë projektimin, ndërtimin dhe dorëzimin e godinës së re të Teatrit Kombëtar, pa procedura konkurimi, me një partner privat të përzgjedhur drejtpërdrejtë me ligj (shoqërinë Fusha shp.k), ndërsa ligji i ri nr.37/2018 (dt 20.09.2018), parashikon dhe procesin e vlerësimit të çdo propozimi që mund të paraqitet nga palët private, si rezultat i zbatimit të procedurës së konkurimit. Pra praktikisht jemi përpara një ligj të ri, i cili përcakton mjete dhe procedura të reja për realizimin e objektit dhe qëllimit të tij.

Këto gjetje, besojmë se kanë qenë dhe arsyet që kanë bindur Kuvendin që me shkresën nr. prot 2288/3 datë 24.09.2018, të kërkojë sërish shprehjen e vullnetit të Presidentit për dekretimin dhe shpalljen e ligjit të ri të miratuar më datë 20.09.2018.

Në shqyrtim të kërkesës së Kuvendit, Presidenti i Republikës, në mbështetje të neneve 84 e 85 të Kushtetutës vlerësoi përputhshmërinë e këtij ligji të ri në raport me Kushtetutën e vendit, interesin publik, ruajtjen e vlerave historike të trashëgimisë kulturore dhe identitetit kombëtar, krahasuar dhe në raport edhe me arsyet e dhëna nga Presidenti i Republikës në dekretin nr. 10 849, datë 27.07.2018 dhe të pranuara nga Kuvendi.

Në përfundim të shqyrtimit të ligjit nr. 37/2018, të miratuar nga Kuvendi më datë 20.09.2018, Presidenti i Republikës, ka arritur në konkluzionin se, ky ligj nuk ka arritur të zgjidhë në thelb asnjë prej 9 (nëntë) çështjeve dhe problematikave kushtetuese dhe ligjore të evidentuara në dekretin e Presidentit të Republikës nr. 10849, datë 27.07.2018, edhe pse ky dekret rezulton të jetë miratuar në tërësi nga Kuvendi.

Kuvendi megjithëse është përpjekur që të plotësojë vetëm 1 (një) prej konstatimeve kushtetuese të Presidentit të Republikës dhe që kishte të bënte me trajtimin preferencial dhe jo të barabartë të një subjekti privat, sërish edhe me ligjin e ri të miratuar, Kuvendi rezulton se nuk ka arritur ta zgjidhë edhe këtë çështje.

Ligji i ri nr. 37, dt 20.09.2018, paraqet sërish probleme kushtetuese, pasi edhe pse në pamje të parë ai duket sikur ka zgjidhur problematikën e konstatuar, në thelb dispozitat e tij përmbajnë kritere diskriminuese që nuk garantojnë konkurencën e lirë, por përkundrazi, sërish konstatohet një trajtim preferencial që kufizon pjesëmarrjen në garë.

Këto konstatime e bëjnë këtë ligj të bjerë sërish ndesh me zbatimin e parimeve kushtetuese të “barazisë përpara ligjit” dhe “lirisë së veprimtarisë ekonomike të shtetasve”, duke cenuar funksionimin e vet shtetit të së drejtës.

Në këtë mënyrë në tërësi ligji i ri nr.37, datë 20.09.2018, paraqet të njëjtat probleme kushtetuese të evidentuara nga Presidenti i Republikës në dekretin e tij, duke e bërë atë të padekretueshëm për shpallje.

  1. Së pari, veprimtaria parlamentare e zhvilluar për miratimin e ligjit të ri nr.37, datë 20.09.2018, ka shmangur sërish zbatimin e parimeve kushtetuese. Kuvendi nuk ka shqyrtuar 8 (tetë) nga 9 arsyet e dhëna nga Presidenti i Republikës në dekretin nr. 10 849, dt 27.07.2018, duke shmagur kështu zgjidhjen e çështjes dhe duke krijuar sërish një normë të re ligjore antikushtetuese.

Presidenti i Republikës, pas vlerësimit të ligjit nr.37/2018 (datë 05.07.2018), konstatoi se ky ligj ishte në kundërshtim me; parimet dhe dispozitat kushtetuese; aktet ndërkombëtare që Republika e Shqipërisë ka ratifikuar; gjithashtu fryma e këtij ligji shkonte në kundërshtim me sistemin ligjor aktual, mbi të cilin zhvillohet shoqëria shqiptare.

Bazuar në këto konstatime Presidenti i Republikës, në mbështetje të nenit 85 pika 1, dhe 93 të Kushtetutës me dekretin nr.10 849, datë 27.07.2018, vendosi; “Kthimin për rishqyrtim në Kuvend të ligjit nr.37/2018 “Për përcaktimin e procedurës së veçantë për negocimin dhe lidhjen e kontratës me objekt `Projektimi dhe realizimi i projektit urban dhe godinës së re të Teatrit Kombëtar`”, duke e shoqëruar këtë dekret me një raport shterues të arsyeve mbi të cilat u mbështet kjo vendimarrje e Presidentit. Arsyet mbi të cilat Presidenti i Republikës, e ktheu për rishqyrtim ligjin nr.37/2018, po i citojmë në mënyrë të përmbledhur si më poshtë:

  1. Ligji shkel parimet e “barazisë përpara ligjit” dhe “lirisë së veprimtarisë ekonomike të shtetasve”, parime këto që gëzojnë një mbrojtje të veçantë nga Kushtetuta;
  2. Ligji nr.37/2018 (dt. 05.07.2018) nuk është në harmoni me parimet themelore kushtetuese të identitetit kombëtar dhe trashëgimisë kombëtare, mbi të cilat qytetarët e Republikës së Shqipërisë kanë vendosur të ngrenë dhe zhvillojnë shtetin e tyre;
  3. Ligji nr. 37/2018 (dt. 05.07.2018) bie ndesh me parimet e Konventës Evropiane të Trashëgimisë Kulturore Jomateriale, miratuar në Paris në vitin 2003, duke bërë kështu që veprimtaria legjislative të bjerë ndesh edhe me të drejtën ndërkombëtare të detyrueshme për zbatim;
  4. Ligji nr.37/2018 (dt. 05.07.2018) cenon rëndë parimet kushtetuese të ndërtimit dhe funksionimit të organeve të pushtetit vendor të “decentralizimit” dhe “autonomisë vendore”, duke rënë ndesh, njëkohësisht, edhe me parimin e ndarjes dhe balancimit të pushteteve;
  5. Ligji nr.37/2018 (dt. 05.07.2018) vjen në kundërshtim me standardet dhe vlerat e Bashkimit Evropian dhe parashikimet e Marrëveshjes së Stabilizim-Asociimit (MSA), plotësimi i të cilave është detyrim parësor për Republikën e Shqipërisë;
  6. Propozimi i projektligjit, por edhe vetë ligji i miratuar nr. 37/2018 (dt. 05.07.2018), nuk mbështetet në një vlerësim gjithëpërfshirës dhe të plotë për tjetërsimin e pronës publike, krahasuar me përfitimet ekonomike të shtetit shqiptar dhe interesin publik;
  7. Ligji nr. 37/2018 (dt. 05.07.2018), nuk është në harmoni me parimet dhe standardet e vendosura tashmë në legjislacionin në fuqi në Republikën e Shqipërisë;
  8. Miratimi i ligjit nr. 37/2018 (dt. 05.07.2018), nuk është bazuar në një verifikim dhe vlerësim të thelluar të statusit të pasurive të paluajtshme që përfshihen në këtë projekt, si dhe dispozitat e këtij ligji krijojnë pasiguri juridike në ushtrimin e të drejtave pronësore qoftë për pasurinë publike, por dhe mbi të drejtat private të pronësisë;
  9. Në kushtet aktuale, kur Gjykata Kushtetuese e Republikës së Shqipërisë nuk është funksionale për të verifikuar këto konstatime apo për të zgjidhur çdo mosmarrëveshje kushtetuese që mund të prodhojë hyrja në fuqi e kësaj norme të veçantë ligjore, ftoj Kuvendin e Shqipërisë, të rishqyrtojë në tërësi ligjin nr.37/2018 (dt.05.07.2018) “Për përcaktimin e procedurës së veçantë për negocimin dhe lidhjen e kontratës me objekt: Projektimi dhe realizimi i projektit urban dhe godinës së re të Teatrit Kombëtar”.

Nga shqyrtimi i praktikës parlamentare, rezulton se Kuvendi nuk ka argumentuar ndonjë pretendim kundër dekretit të Presidentit, si dhe nuk ka rrëzuar asnjë prej arsyeve të mësipërme, por në seancën plenare të datës 20 shtator 2018, me Vendim nr. 96/2018”, ka vendosur për: “Miratimin e dekretit nr.10849, datë 27.07.2018, të Presidentit të Republikës `Për kthimin e ligjit nr.37/2018 (të datës 05.07.2018) `Për përcaktimin e procedurës së veçantë për negocimin dhe lidhjen e kontratës me objekt `Projektimi dhe realizimi i projektit urban dhe godinës së re të Teatrit Kombëtar`”.

Në të njëjtën seancë plenare Kuvendi ka miratuar, një ligj të ri, i cili është numërtuar sërish me nr.37, por me datë 20.09.2018 dhe me titull “Për përcaktimin e procedurës së veçantë për vlerësimin, negocimin dhe lidhjen e kontratës me objekt `Projektimi dhe realizimi i projektit urban dhe godinës së re të Teatrit Kombëtar`”, duke pretenduar se tashmë me këtë ligj të ri gjejnë zgjidhje çështjet e ngritura nga Presidenti i Republikës në dekretin e tij.

Në përfundim të shqyrtimit të këtyre dispozitave të reja rezulton se, Kuvendi i Shqipërisë me ligjin e ri nr. 37/2018, datë 20.09.2018, nuk ka trajtuar dhe vlerësuar 8 (tetë) nga 9 (nëntë) arsyet dhe konstatimet e Presidentit të Republikës. Në thelb ky ligj i ri nuk ka arritur të zgjidhë asnjë prej çështjeve dhe problematikave kushtetuese dhe ligjore të evidentuara nga Presidenti në dekretin nr. 10849, datë 27.07.2018, edhe pse ky dekret rezulton të jetë miratuar në tërësi nga Kuvendi.

Praktika e shqyrtimit parlamentar të këtij ligji të ri, evidenton faktin se Kuvendi nuk ka kryer ndonjë studim, shqyrtim apo vlerësim krahasues dhe të thelluar midis, dispozitave të reja ligjore që po shqyrtonte për miratim, me arsyet e dekretit të Presidentit nr. 10849, datë 27.7.2018, që tashmë po vetë Kuvendi kishte votuar për pranimin e tij.

Në këtë mënyrë rezulton se, veprimtaria e Kuvendit, është e pambështetur në ndonjë vlerësim tekniko-ligjor, për çështjet e ngritura nga Presidenti i Republikës në dekretin e tij.

Kuvendi ka votuar sërish një projekt të ri ligjor, të pajustifikuar dhe që në realitet nuk ofron asnjë zgjidhje për problematikat kushtetuese të konstatuara nga Presidenti i Republikës në dekretin e tij.

LEXO EDHE:  Deklaratat për dorëheqje/ Artan Hoxha nxjerr zbuluar Ilir Metën

Kuvendi, me miratimin e dekretit të Presidentit të Republikës, ka pranuar të gjitha arsyet që e shoqërojnë atë. Në këto kushte, do të duhej që Kuvendi ta rishqyrtonte në themel çdo çështje në mënyrë që, të gjitha konstatimet e Presidentit të gjenin zgjidhje kushtetuese, në funksion të interesit publik.

Vendimmarrja e Kuvendit, ka shmangur shqyrtimin e 8 (tetë) prej çështjeve të ngritura në dekretin e Presidentit, me qëllim miratimin e një norme të re ligjore, e cila në thelb paraqet të njëjtat problematika kushtetuese si ligji i mëparshëm.

  1. Së dyti, edhe ligji i ri nr.37/2018, datë 20.09.2018, sërish nuk garanton zbatimin e parimeve të “barazisë përpara ligjit” dhe “lirisë së veprimtarisë ekonomike të shtetasve”, parime këto të cilat gëzojnë një mbrojtje të veçantë nga Kushtetuta.

Edhe pse kjo është e vetmja çështje e shqyrtuar nga Kuvendi, sërish parashikimet e reja ligjore nuk e kanë zgjidhur situatën antikushtetuese të konstatuar nga Presidenti i Republikës në dekretin e tij të mëparshëm.

Kuvendi në ligjin e miratuar në 5 korrik 2018 kishte përcaktuar një trajtim preferencial të kompaninë private “Fusha” sh.p.k, ku kërkesa për shprehje interesi, e paraqitur nga kjo kompani, ishte vlerësuar “a priori” si propozimi më i mirë, duke bërë kështu dhe pranimin automatik të faktit të kryer, pa asnjë procedurë konkurrimi të hapur dhe transparente.

Pikërisht shkelja e parimeve kushtetuese të barazisë përpara ligjit dhe lirisë së veprimtarisë ekonomike të shtetasve, ishte një nga arsyet, por jo e vetmja, që Presidenti i Republikës, me dekretin nr.10 849, datë 27.07.2018, vendosi ta kthente ligjin për rishqyrtim në Kuvend.

Kuvendi me ligjin e ri të paraqitur për shpallje është përpjekur të përcaktojë se për realizimin e këtij projekti, do të kemi tashmë një garë të hapur ku do të mund të përzgjidhet personi fizik apo juridik, me të cilin shteti do të negociojë për nënshkrimin e një kontrate bashkëpunimi. Konkretisht në nenin 3, pika 4, 5, 11 të ligjit parashikohet: “4.“Palë private” është çdo subjekt privat që paraqet një propozim për zhvillimin e projektit të zhvillimit të zonës së Teatrit Kombëtar, duke përfshirë̈ projektimin, ndërtimin dhe dorëzimin e godinës së re të Teatrit Kombëtar. 5.“Palë private e përzgjedhur” është pala private, propozimi i së cilës ka rezultuar në përputhje me kërkesat e këtij ligji, më i favorshmi në raport të interesit publik, si dhe është klasifikuar e para nga komisioni. 11.“Thirrje e hapur” është ftesa e hartuar nga komisioni për palët private që janë të interesuara për të paraqitur një propozim për realizimin e projektit të zhvillimit të zonës së Teatrit Kombëtar, duke përfshirë̈ projektimin, ndërtimin dhe dorëzimin e godinës së re të Teatrit Kombëtar, sipas kushteve dhe kritereve të përcaktuara në këtë ligj.

 

Në pamje të parë, duket sikur tashmë do të kemi një procedurë konkurrimi të lirë dhe që respekton kërkesat kushtetuese për veprimtari të lirë ekonomike dhe trajtim të barabartë, por nëse shqyrtojmë dispozitat e mëtejshme ku përcaktohen kërkesat, mjetet dhe kriteret sesi kjo garë realizohet, arrijmë në konkluzionin logjik se sërish edhe kjo normë ligjore paraqet elementë që cenojnë drejtpërdrejt konkurrencën e lirë, trajtimin e barabartë dhe nuk garanton që procesi do të jetë objektiv dhe i ndershëm.

Konkretisht në pikën 3, të nenit 6, të ligjit parashikohet se: “3. Me marrjen e propozimeve, komisioni verifikon paraprakisht statusin e të gjitha pronave mbi të cilat do të zhvillohet projekti, sipas përcaktimeve të pikës 4, të nenit 3, të këtij ligji. Komisioni verifikon dhe marrëveshjet e arritura dhe të nënshkruara me pronarët privatë që posedojnë pasuritë në zonën e zhvillimit të projektit.”

Pikërisht ky parashikim, përcakton se çdo palë private që dëshiron të marrë pjesë në konkurrim duhet që propozimin e tij për zhvillimin e projektit të zhvillimit të zonës së Teatrit Kombëtar, duhet ta shoqërojë dhe me marrëveshjet që duhet të ketë arritur, me pronarët e pasurive private që ndodhen në zonën objekt zhvillimi dhe që përfshihen në këtë projekt. Pra në thelb vendosja e këtij parashikimi ligjor përbën një kusht parakualifikues për të marrë pjesë në garë, duke e bërë kështu një proces selektiv konkurrimi. Për këtë është me rëndësi të evidentohet se:

Është fakt që, Kuvendi i Shqipërisë, me propozimin e Kryetarit të Bashkisë Tiranë dhe më pas të qeverisë, u investua me procedurë të përshpejtuar në shqyrtimin e propozimit dhe miratimin e ligjit nr. 37, datë 05.07.2018, duke përzgjedhur me ligj bashkëpunimin me shoqërinë propozuese “Fusha” sh.p.k, si një nga pronarët e pasurive prone private në këtë zonë.

Gjithashtu është fakt i bërë publik, që në zonën e përcaktuar për realizimin e këtij projekti ndërmjet rrugëve “Abdi Toptani” dhe “Murat Toptani”, shoqëria propozuese “Fusha” sh.p.k. ka në pronësi pasuri të paluajtshme truall dhe ndërtesa.

Në këtë situatë faktike, ku shoqëria “Fusha”, shpk, rezulton pronare në zonën objekt zhvillimi, vendosja e këtij kushti nëpërmjet ligjit dhe mosparashikimi në ligj i rolit të shtetit si garant për një proces të hapur dhe transparent konkurimi, sjell si rezultat të vetëm realizimin e një procesi selektiv konkurimi në kushte aspak të barabarta.

Kjo sepse ligji i ri në fakt parashikon se çdo subjekt që dëshiron të konkurojë, është i detyruar që të lidhë, apo të ketë lidhur marrëveshje me pronarët e truallit, ku një prej tyre rezulton të jetë propozuesi i parë i këtij projekti, me të cilin Kuvendi me procedurë të përshpejtuar kishte përcaktuar për të bashkëpunuar me të, me trajtim preferencial nëpërmjet një ligji të veçantë, tashmë të rrëzuar.

Kuvendi nuk ka parashikuar asnjë zgjidhje për rolin garantues të shtetit në kushtet kur të drejtat e pronësisë private të një, apo disa pronarëve mund të diktojnë pjesëmarrjen në konkurim.

Konkretisht nuk është parashikuar në ligj, zgjidhja e një situate ku një palë private paraqet një propozim, shumë herë më të lartë për nga interesi ekonomik për shtetin dhe interesin publik, por nuk ka mundur të realizojë plotësisht apo pjesërisht marrëveshje bashkëpunimi me pronarët privatë të pasurive të paluajtshme që ndodhen në këtë zonë objekt zhvillimi.

Në këtë mënyrë edhe kjo normë e re ligjore me kriteret e vendosura dhe me paqartësinë e saj, nuk e ka zgjidhur problemin kushtetues që ekzistonte në lidhje me këtë çështje, pasi sërish nëpërmjet kritereve të tilla vlerësuese të vendosura në ligj, kufizohet pjesëmarrja në konkurim, duke bërë të mundur kështu që në praktikë të ekzistojë trajtimi preferencial dhe i favorizuar i një ose disa subjekteve të caktuar, gjë e cila sjell si rezultat paracaktimin e fituesit në këtë proces.

Për rrjedhojë, arrihet në bindjen se edhe kjo procedurë e re ligjore krijon pabarazi dhe cenim të veprimtarisë së lirë ekonomike dhe barazisë përpara ligjit.

Në këtë mënyrë edhe kjo normë e re ligjore nuk mund të dekretohet me shpallje nga Presidenti i Republikës.

Të nderuar deputetë të Kuvendit të Shqipërisë,

Referuar gjithë sa u parashtrua më sipër, duke vlerësuar me shqetësim situatën e krijuar dhe në kushtet kur;

– Kuvendi ka miratuar një ligj të ri nr. 37, datë 20.09.2018, i cili në thelb paraqet të njëjtat problematika kushtetuese dhe nuk ka reflektuar dhe korrigjuar problematikat e konstatuar në ligjin e  mëparshëm;

– Dekreti i Presidenti nr.10849, datë 27.07.2018, është miratuar nga Kuvendi dhe nuk e ka humbur kështu fuqinë e tij;

– Gjykata Kushtetuese e Republikës së Shqipërisë, nuk është funksionale për tu shprehur përfundimisht mbi këtë çështje;

– Si dhe në respekt të parimeve kushtetuese që garantojnë identitetin kombëtar dhe trashëgiminë kulturore, me vullnetin që interesi publik të mos cenohet nga tjetërsimi jo objektiv i pasurisë publike, si dhe për të garantuar që rendi juridik i normave të legjislacionit shqiptar është i njëjtë dhe i barabartë për të gjithë;

Presidenti i Republikës, në bindje të Kushtetutës së Shqipërisë, dhe në ushtrim të së drejtës të parashikuar në nenin 84 dhe 85 pika 1 të saj, ka vendosur kthimin për rishqyrtim në Kuvend të ligjit të ri nr.37/2018, datë 20.09.2018 “Për përcaktimin e procedurës së veçantë për vlerësimin, negocimin dhe lidhjen e kontratës me objekt `Projektimi dhe realizimi i projektit urban dhe godinës së re të Teatrit Kombëtar`”, pasi të gjitha argumentet që shoqëronin dekretin e Presidentit nr. 10849, datë 27.07.2018, nuk janë shqyrtuar objektivisht nga Kuvendi, dhe konstatimet në lidhje me pozitën antikushtetuese të këtij ligji ngelen sërish të njëjta, si në ligjin e mëparshëm.

Presidenti i Republikës, bazuar në nenin 85 pika 1, 86 pika 1, 92/a, 93, të Kushtetutës, i përcjellë Kuvendit rekomandimin që kjo çështje duhet të marrë kohën dhe vëmendjen e duhur, në mënyrë që ligji nr.37/2018, datë 20.09.2018 “Për përcaktimin e procedurës së veçantë për vlerësimin, negocimin dhe lidhjen e kontratës me objekt ‘Projektimi dhe realizimi i projektit urban dhe godinës së re të Teatrit Kombëtar ‘”, të rishqyrtohet, bazuar në argumentat mësipërme dhe atyre të dhëna në dekretin nr. 10849, datë 27.07.2018, që paraqiten, si më poshtë :

  1. Ligji shkel parimet e “barazisë përpara ligjit” dhe “lirisë së veprimtarisë ekonomike të shtetasve”, parime këto që gëzojnë një mbrojtje të veçantë nga Kushtetuta;
  2. Ligji nr.37/2018 nuk është në harmoni me parimet themelore kushtetuese të identitetit kombëtar dhe trashëgimisë kombëtare, mbi të cilat qytetarët e Republikës së Shqipërisë kanë vendosur të ngrenë dhe zhvillojnë shtetin e tyre;
  3. Ligji nr. 37/2018 bie ndesh me parimet e Konventës Evropiane të Trashëgimisë Kulturore Jomateriale, miratuar në Paris në vitin 2003, duke bërë kështu që veprimtaria legjislative të bjerë ndesh edhe me të drejtën ndërkombëtare të detyrueshme për zbatim;
  4. Ligji nr.37/2018 cenon rëndë parimet kushtetuese të ndërtimit dhe funksionimit të organeve të pushtetit vendor të “decentralizimit” dhe “autonomisë vendore”, duke rënë ndesh, njëkohësisht, edhe me parimin e ndarjes dhe balancimit të pushteteve;
  5. Ligji nr.37/2018 vjen në kundërshtim me standardet dhe vlerat e Bashkimit Evropian dhe parashikimet e Marrëveshjes së Stabilizim-Asociimit (MSA), plotësimi i të cilave është detyrim parësor për Republikën e Shqipërisë;
  6. Propozimi i projektligjit, por edhe vetë ligji i miratuar nr. 37/2018, nuk mbështetet në një vlerësim gjithëpërfshirës dhe të plotë për tjetërsimin e pronës publike, krahasuar me përfitimet ekonomike të shtetit shqiptar dhe interesin publik;
  7. Ligji nr. 37/2018, nuk është në harmoni me parimet dhe standardet e vendosura tashmë në legjislacionin në fuqi në Republikën e Shqipërisë;
  8. Miratimi i ligjit nr. 37/2018, nuk është bazuar në një verifikim dhe vlerësim të thelluar të statusit të pasurive të paluajtshme që përfshihen në këtë projekt, si dhe dispozitat e këtij ligji krijojnë pasiguri juridike në ushtrimin e të drejtave pronësore qoftë për pasurinë publike, por dhe mbi të drejtat private të pronësisë;
  9. Në kushtet aktuale, kur Gjykata Kushtetuese e Republikës së Shqipërisë nuk është funksionale për të verifikuar këto konstatime apo për të zgjidhur çdo mosmarrëveshje kushtetuese që mund të prodhojë hyrja në fuqi e kësaj norme të veçantë ligjore, ftoj Kuvendin e Shqipërisë, të rishqyrtojë në tërësi ligjin nr.37/2018 “Për përcaktimin e procedurës së veçantë për negocimin dhe lidhjen e kontratës me objekt: Projektimi dhe realizimi i projektit urban dhe godinës së re të Teatrit Kombëtar”.

Aktualitet

Duka thumbon keq Durmishajn, tregon edhe kur do jetë gati stadiumi i ri

Publikuar

-

By

Presidenti i FSHF-së, Armand Duka, në një intervistë për “RTSH Sport”, bën një analizë në 360 gradë për temat aktuale të futbollit shqiptar.

NOTA PËR SEZONIN – Ky vit shënon një hap pozitiv nga viti i kaluar. Këtë vit mund të flasim edhe me shifra për gjërat më të mira që ka pasur ky sezon, jo vetëm për Superioren, por për të gjitha aktivitetet e organizuara. Numri i njerëzve që luajnë futboll, në strategjinë tonë, është tek fëmijët që sjellim te futbolli, dhe projektet e ndërmarra janë shtuar ata që luajnë futboll. Edhe në Superiore dhe në nivelet e tjera, ka pasur garë, për nivelin që ka Shqipëria. Garat kanë qenë kompetitive, më të besuara.

LICENCIMET – Kjo strategji nuk u vu sot, ka qenë gjithmonë. Por, niveli i licencimeve ndryshon çdo vit, dhe duhet të jetë në ndryshim nga mundësitë që ka vendi. Steka e licencimit ndryshon çdo vit, dhe Komisioni i Licencimit nuk ka në fakt asnjë të drejtë ligjore të tolerojë klubet. Nuk duhet të jetë më në kulturën e vetë klubeve, që një ditë para kampionatit, të çosh një listë me emra, futi nja dy furçë gëlqere dhe të luash futboll. Që në maj e qershor, të licencohet ambjentet, dhe të komunikohen çdo detyrë për klubet. I kemi mbështetur edhe financiarisht me një pjesë investimet. Kush do i plotësojë, do luajë. Nëse jo, klubi nuk do luajë.

PARTIZANI KAMPION – Ndoshta Partizani ka bllokuar burimin e thashethemeve, se nuk ka pasur ndonjë gjë për t’u mos u përfolur(qesh). Ka qenë një kampionat i merituar nga Partizani, ka pasur pak konkurrencë. Fakti që e ka siguruar disa javë, bashkë me diferencën 10-12 pikë, tregon se ka pasur pak konkurrencë, ka qenë bindës që nga java e parë. Ka qenë klub i mbështetur në Shqipëri. Më vjen mirë që titulli kthehet në kryeqytet. Gjithë ndikohemi nga opinionet që dëgjojmë, edhe publiku thotë se Partizani nuk kishte ekip të mirë, por doli kampion. Besoj se Partizani ka pasur ekipin më të mirë këtë vit, nga vitet e fundit. Nuk besoj se janë rritur konkurrentët, por është rritur Partizani.

TIRANA – Kampionati është me 10 ekipe, dhe 2 bien. Pavarëissht se kush bie, sa e madhe është ekipi, normale është e dhimbshme. Kjo është loja, duhet të fitosh në fushë. Asnjë skuadre nuk i uroj të bijë. Siç është e dhimbshme të bijë Tirana, ashtu ishte për Vllazninë, apo për vetë ata para 2 vitesh. Nuk ia uroj kurrë Tiranës të bie.

PAK TIFOZË – Nuk kam statistika në këtë moment, por për tifozët duhet të bëjmë të gjithë më shumë. Është organizimi i vetë klubeve me tifozët. Në fund, është një produkt sportiv, ta promovosh dhe ta marketosh, siç promovon produktet e tjera. Krijimi i kushteve më të mira në stadiume. Federata, por kryesisht klubet, duhet të ndërtojnë një komunikim më të mirë. Ka dhe faktorë të tjerë që e pengojnë mbushjen e stadiumeve, por ne duhet të bëjmë ato maksimumet.

A KA TOLERIME? – Tolerimi, për fat të keq, është i dëmshëm, por ka ekzistuar që kur ka lindur loja. Uroj që të eliminohet përfundimisht, por nuk e besoj këtë. Duhet të luftosh në fushë, por që të motivohesh edhe pse nuk të duhen pikët, janë shumë faktorë. Kemi pasur një fenomen të tolerimit, jo vetëm për interesa sportive, por edhe financiare. Besoj se është hequr këtë edicion, dhe pothuajse të gjitha ndeshjet janë rezultat i asaj që japin ekipet në fushë. Nëse do marr ndeshjen e Partizanit në Durrës, ku ata kanë siguruar titullin, nuk është e thjeshtë të marrësh grintën e lojtarëve në fushë. Nëse do i duheshin pikët, do kishte një motivim tjetër. Nuk është se është rezultat i paracaktuar.

DHUNA – Nuk është vetëm rendi, janë shumë gjëra. Nuk mendoj se fenomeni i dhunës është më i rënduar se në kampionatet e tjera, por duhet ta minimizojmë. Duhet bashkëpunim, se ka emocione kjo lojë. Organet e rendit, Federata, institucionet të drejtësisë, të gjithë nëse kemi objektiv, mund ta minimizojmë, ta çojmë drejt zeros.

DOSJE NË PROKURORI – I përkasin të shkuarës, nuk kemi akuzuar kurrë, por të dyshuara si të trukuar. E vetmja indicie që kemi, janë informacionet nga UEFA, nga monitorimi i kompanive të basteve. Kjo është një indicie, por jo një provë. Kur vjen në Federatë, e kallëzojmë në Prokurori. Ne nuk bëjmë dot hetim për të provuar nëse ka ndodhur diçka e tillë.

FORMULAT E KAMPIONATEVE – Skema e Superiores mendoj se është e përshtatshme, ideale nuk është kurrë. Realizon një numër optimal të ndeshjeve të jetë i përgatitur, skemë që siguro të ardhur normale për klubin. Të lejon shumë pak mundësi tolerimi. Në kategorinë e Parë, janë bërë eksperimente që të ketë garë. As më parë, dhe as tani që ekipet ndahen në dy grupe. Ka qenë një që ka luftuar, dhe të tjerat shumë pak. I kam kërkuar sektorit të garave të ulen të gjithë aktorët, që të gjejmë skema të tjera që të mos pezullojë garën. Kam dëgjuar në vende të tjera, që vendosin stimuj për pozicione të ndryshme. Të gjesh një mundësi që gara të jetojë, dhe të mos ketë shumë mundësi tolerimi.

TRYEZA ME KRYEMINISTRIN – Një punë e filluar, e iniciuar nga FSHF. Nuk është fjala për të ndryshuar ligjin e sportit. Në këtë paketë ligjore, përfshihen shumë gjëra, një ndër to ishte dhe ndryshimet në kodin penal. Kjo është një gjë e lehtë pa impakt në buxhet. Drafti është gati për t’u miratuar. Gjërat e tjera kanë hasur vështirësia.

Sportet e tjera janë në kushtet, më pak se mbijetesë. Futbolli është e pamundur të zhvillohet vetëm me investimet e FSHF-së në nivelet që ne e kërkojmë. Nëse këto nuk miratohen, futbolli do ketë shumë vështirësi. Ne kemi propozuar një ndryshim në paketën fiskale. Kemi propozuar edhe modelin e Kosovës dhe Hungarisë.

LEXO EDHE:  Shënim/ Bujar Leskaj si pazari i parë i Ramës, Bashës dhe Metës

Një nga vendet që ka ndihmuar sportin nëpërmjet sisteme fiskale. Sipas ligjit hungarez, çdo biznes ka të drejtë të financojë në sport deri në 80 % të taksës. Mbulohen 100 % të projekteve të miratuar nga FSHF dhe shtetit. Nuk propozojmë ndryshime ligjore që varfërojnë buxhetin e shtetit. Sot shteti nuk arkëton asgjë nga tatimi për të ardhurat e futbollistëve. Nëse çdo industri nuk formatizohet, nuk ecet përpara.

Zhvillimet e deritanishme nuk besoj se do na çojnë në plotësimin e atyre kërkesave. Nuk po shoh ndonjë produkt real. Le të shpresojmë se do të arrihen”.

ARBITRAZHI SPORTIV- Për mua çdo vend duhet të ketë arbitrazhin sportiv. Palët kërkojnë të gjykohen nga një gjykatë e besueshme. Për sa kohë që në Shqipëri nuk ekziston, nuk mund të lemë palët pa drejtësi.

ARENA KOMBËTARE- Punët vazhdojmë me rritmë të kënaqme. Kompania pavarësisht se ka bërë një punë me kualitet nuk ka arritur të kap kohën. Uroj shumë që vërtet të përfundojë në shtator. Na është refuzuar rimbursimi i TVSH-së. Kemi bërë proces gjyqësor, e kemi fituar në shkallën e parë. Presim apelim që vendimi të marrë formën e prerë. Shpresojmë që brenda 2019-të të inaugurojmë atë kompleks.

ASAMBLEJA E PËRGJITHSHME –  Para se të propozohen, të gjitha kanë qenë pjesë e diskutimit. Ai takimi është thjesht çështje plenare.

LIGA PROFESIONISTE – FSHF ka të drejtën e organizimit të futbollit sipas ligjit. Liga është një formë organizimi brenda Federatës. Për të pasur një organizim më të mirë të një grupi interesi më të mirë.

LARGIMI I PANUÇIT – Një lloj reflektimi e kemi bërë. Kur u emëruar Panuçi, u mendua si një trajner me emër të madh, me staturë të madhe, që në gjuhën sportive, do e ulte me këmbë në tokë ekipin, dhe do kishte grintën për ta motivuar. Ky ishte perceptimi fillestar, dhe nuk rezultoi. Ekipi nuk bëri progres, ambienti nuk ishte i mirë. E vetmja mënyrë, për një ekip të vogël si Shqipëria, është atmosfera pozitive, dhe bashkimi i të gjithëve. Panuçi nuk e bëri këtë. Median, tifozët, administratën, futbollistët, nuk i bashkoi dot të ndiheshin bashkë. Ne nuk jemi Gjermania, apo vendi i talenteve të mëdha. Për sa kohë nuk arriti ta bëjë, mund të quhet një një histori pa suksesshme.

EDI REJA – Tani me Rejan, gjërat sikur po ndryshojnë. Ai është një ekspert në këtë fushë, por e presin dy ndeshje të vështira. Transferta në Islandë është e vështirë, por mund të ndryshojë orientimin e ekipit për të ardhmen. Nëse do kemi një rezultat pozitiv, do jemi pretendentë për në Europian. Nëse jo, nuk besoj se do kemi shumë mundësi. Tani është bërë një grumbullim 3 javë para. I gjithë ekipi do jetë në dispozicion nga data 1 qershor. Do jetë grumbullimi në Gjermani, dhe uroj për rezultat pozitiv. Të gjitha zgjedhjet janë kombinim, financiar dhe sportiv. Mendoj se është trajneri i duhur që mund ta ndihmojë ekipin.

BESONI NË KUALIFIKIM? – Kam besuar gjithmonë, nëse nuk do besonin futbollistët, nuk do shkonim kurrë në Europian. Duhet të besosh, që të arrish.

SHPRESAT – Ndryshimet janë bërë vazhdimisht, nuk është viti parë. Gjithë trajnerëve iu është dhënë shansi të bëjnë më shumë se një kompeticion. Ndonjëherë nuk bëhet vlerësimi vetëm për rezultatet, por edhe për lojtarët që sjellë për më sipër. Tek U-21, ka shumë lojtarë të gatshëm për ekipin e parë.

RASTI DURMISHAJ – Është zgjedhje individuale, federata nuk ka çfarë strategjie të ndryshojë, i ka hapur dyert. Durmishaj ka qenë edhe te U-19 dhe U-21. Një ditë të bukur, hoqi fotot me bluzën e Shqipërisë, dhe vuri atë të Greqisë. I uroj çdo futbollisti sukses, por kur vendimet janë të gabuara…Po kur Greqisë i mungojnë 4 sulmuesa dhe ai nuk luan… ç’të thuash…

KOSOVA – Kosova ka bërë mirë në Ligën e Kombeve. Ka filluar mirë eliminatoret, edhe pse nuk pati fat me Bullgarinë. Do jetë surprizë e atij grupi. Ka një atmosferë të mirë, organizim dhe ka atë klimën, që ne nuk e kishim në vitin e kaluar. Mbetet një ekip modest, si ne, por atmosferën e ka më mirë se ne. Nuk besoj se bën kërcënim, nëse je në fushë me Kosovën, të gjithë do luajnë për fanellën që mban veshur.

KOMITETI EKZEKUTIV NË UEFA – Është një garë e vështirë të jesh anëtarë, duke qenë përfaqësues i një vendi modest si Shqipëria, jo me ndonjë opinion fantastik. Kjo e bën më të vështirë. Sa më shumë i përfaqësuar të jesh, aq më mirë. Më i përfaqësuar në nivelet e administrimit të UEFA, aq më mirë. Qoftë, edhe për një asistencë më shumë.

SUPERKUPA EUROPIANE  NË SHQIPËRI – Lobim është ai, fakti që jam unë atje, mund të jetë diçka e mirë. Me votë vendoset ajo.

VENDIMI I KAS-IT PËR SKËNDRBEUN – E vetmja gjë që kemi në dorë është një përmbledhja e Sport Radar. Me të njëjtën provë është akuzuar dhe Skënderbeun. Nëse kjo do të konsiderohet kjo provë nga KAS-i, të gjithë klubet në Europë duhet të dënohet sipas kësaj prove që është informacioni i kompanive të basteve.

LICENCIMI I KLUBEVE SHQIPTARE – UEFA është organizmi që licencon të gjithë pjesëmarrësit në garat Europian. FSHF nuk e ka autorizimit të bëjë licencimin. Këtë të drejtë e ka UEFA. Nëse t’i i shkel këto rregulla, UEFA ta heq të drejtën e licencimit. Komisioni i Licencimit e ka vënë në pikëpyetje këtë gjë me vendimin para 2 vitesh. Për këtë gabim UEFA vazhdon të na monitorojë

LEXO TE PLOTE

Aktualitet

Duka: Me provat që akuzohet Skënderbeu, duhet të dënohen të gjitha ekipet europiane

Publikuar

-

By

Presidenti i FSHF-së, Armand Duka, në një intervistë për “RTSH Sport”, bën një analizë në 360 gradë për temat aktuale të futbollit shqiptar.

Mes tyre preku edhe vendimin e CAS qe pritet të japër për Skënderbeun.

Duka u shpreh:

“E vetmja gjë që kemi në dorë është një përmbledhja e Sport Radar. Me të njëjtën provë është akuzuar dhe Skënderbeun. Nëse kjo do të konsiderohet kjo provë nga KAS-i, të gjithë klubet në Europë duhet të dënohet sipas kësaj prove që është informacioni i kompanive të basteve.”

LEXO TE PLOTE

Aktualitet

Gjinushi në krye të ASH/ Strazimiri: “Kryerrugaçi plak u bë “kryeshkëncëtar”

Publikuar

-

Zgjedhja  e Skënder Gjinushit në krye të Akademisë së Shkencave, ka shkatuar reagime të shumta.

I fundit në radhë është ish deputeti i Partisë Demokratike Gent Strazimiri, i cili përmes një postimi në rrjetet sociale e quan Gjinushin kryerrugaç plak.

Postimi i plotë

“Ja dhe shkenca hyri në rrugë të mbarë “Rilindi”!!! E mos bëni sikur skandalizoheni që keni një kryerrugaç plak për “kryeshkencëtar”, se keni 6 vjet kryehorrin për Kryeministër! #25_maj_ora_19 #dehorrizim_derrugaçëzim”, shkruan Strazimiri në postimin e tij.

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet20:34 - 24 Maj, 2019

Profecia e Presidentit serb: “Shqiptarët do të përballen me probleme të shumta”

Aleksandër Vuçiç, presidenti në detyrë i Serbisë ka thënë sot gjatë një konference shtypi se është i gatshëm të nëshkruajë...

Aktualitet19:51 - 24 Maj, 2019

Senati i SHBA konfirmon emërimin e Ambasadores së re në Shkup

Senati i SHBA-së votoi mbrëmë emërimin e Kejt Mari Bërns si ambasadore e re në Maqedoninë e Veriut. Kandidatura e...

kryeprokurorja arta marku kryeprokurorja arta marku
Aktualitet19:44 - 24 Maj, 2019

Siguria në burgje/ Arta Marku firmos zbatimin e regjimit 41/bis

Në burgjet shqiptare do të fillojë të zbatohet regjimi 41-biz, i cili i ndalon të denuarit të komunikojnë me persona...

Aktualitet18:35 - 24 Maj, 2019

Njëzet akuza të reja në rastin “veteranët” në Kosovë

Prokuroria Themelore në qytetin e Pejës në Kosovën perëndimore, tha të premten se ka ngritur 20 aktakuza ndaj 21 personave...

Aktualitet15:54 - 24 Maj, 2019

Protesta e nesërme/ Ambasada e SHBA paralajmëron qytetarët

Ambasada e Shteteve të Bashkuara të Amerikës i ka bërë thirrje qytetarëve të saj të distancohen nga protesta e nesërme...

Aktualitet19:17 - 23 Maj, 2019

Kryetari i Parlamentit të Kosovës mohon çdo përfshirje në veprime kriminale

Kryetari i parlamentit të Kosovës, Kadri Veseli, hodhi poshtë të enjten çdo mundësi për përfshirje të tij në ndonjë rast...

Aktualitet20:57 - 22 Maj, 2019

Kosova kërcënon edhe Shqipërinë me taksë 100%

Ndërkohë që prej muajsh Kosova ka vendosur taksën 100 % për mallrat serbe, duke sjellë kështu një goditje në të...

policia e shtetit policia e shtetit
Aktualitet20:22 - 22 Maj, 2019

Foto/ “Aksioni” i çuditshëm kundër Policisë së Shtetit

Shpeshherë jemi mësuar të shohim aksione të Policisë së Shtetit në kapjen e personave të shpallur në kërkim. Në njoftimet...

Aktualitet19:42 - 22 Maj, 2019

Beogradi rol kyç në zgjedhjet në Veri të Kosovës

Beogradi ka luajtur rol vendimtar në zgjedhjet lokale në Veri të Kosovës. Por a ka gjasa për dorëheqje të reja?...

Aktualitet19:37 - 22 Maj, 2019

LDK dhe Vetëvendosje, bashkërendohen për të rrëzuar qeverinë Haradinaj

Lidhja Demokratike e Kosovës dhe lëvizja Vetëvendosje paralajmëruan të mërkurën se kanë filluar përgatitjet për një mocion mosbesimi ndaj qeverisë...

Aktualitet08:53 - 22 Maj, 2019

Zgjedhjet europiane/ Nervozitet në Berlin

Partitë në pushtet në Gjermani i ka zënë nervoziteti. Në zgjedhjet europiane ato do të humbasin. E qartë është kush...

Aktualitet19:44 - 21 Maj, 2019

Skandali i videos në”Ibiza”/ Kancelari i Austrisë përballë votës së mosbesimit

Kancelari Sebastian Kurz është duke u përgatitur për një votë mosbesimi. Oferta e tij për të shkarkuar ministrin e Brendshëm...

Aktualitet19:26 - 21 Maj, 2019

QUINT: Zgjedhjet në veri të Kosovës të qeta, por me problemet e së kaluarës

QUINT-i, ku bëjnë pjesë Franca, Gjermania, Italia, Britania e Madhe e SHBA thotë se në komunat me shumicë serbe shqetësues...

Aktualitet19:02 - 21 Maj, 2019

Presidenti Trump kërcënon Iranin me asgjësim

Për shkak të konfliktit mes Uashingtonit dhe Teheranit, situata në rajonin e Gjirit aktualisht është shumë e tensionuar. Tani Presidenti...

Aktualitet18:55 - 21 Maj, 2019

Kongresi nderon familjen e shqiptaro-amerikanit Harry Bajraktari

Një flamur që valoi një ditë mbi kupolën e Kongresit amerikan, iu dhurua veprimtarit shqiptaro-amerikan, Harry Bajraktari. Kjo ishte pjesë...

Aktualitet15:27 - 21 Maj, 2019

Shqipëria nuk duhet të ketë Akademi Shkencore

Profesor dr. Dritan Spahiu ka reaguar sot me një shkrim lidhur me çështjen e Akademisë së Shkencave në Shqipëri. Spahiu...

Aktualitet15:20 - 21 Maj, 2019

Skandali i Ibiza-s në Austri/ Sebastian Kurz përballet me votëbesim

Kancelari Sebastian Kurz është duke u përgatitur për një votëbesimi. Oferta e tij për të shkarkuar ministrin e Brendshëm ekstremist...

Aktualitet14:26 - 21 Maj, 2019

Frika nga një luftë e padëshiruar

Presidenti amerikan, Trump e kërcënon Iranin me asgjësim. Njerëzit në Iran kanë frikë nga shpërthimi i një lufte aksidentalisht. Atmosfera...

Aktualitet12:22 - 21 Maj, 2019

Integrimi drejt BE-së/ Hahn: Maqedonia e Veriut duhet të shpërblehet

Komisioneri për Zgjerimin në BE, Johannes Hahn në konferencën e bisedimeve ekonomike të Vienës, “Perspektiva e re për Maqedoninë e...

Aktualitet22:30 - 20 Maj, 2019

Korrigjimi i kufijve/ Thaçi: Nuk do të lejojmë të preket territori i Kosovës

Presidenti i Kosovës Hashim Thaçi ka sqaruar idenë e tij për korrigjimin e kufijve. Në studion e emisionit “Open” ai...

Aktualitet18:43 - 20 Maj, 2019

Humbën mbrëmë në Theth/ Gjenden turistët e huaj

Janë gjetur sot, tre turistët anglez, të humbur mbrëmjen e djeshmë në Theth. Ata ishin duke eksploruar zonat turistike malore...

Aktualitet16:55 - 20 Maj, 2019

Bllokohet 2.3 ton qumësht pluhur në Divjakë

Autoriteti Kombëtar i Ushqimit ka bllokuar 2.3 ton qumësht pluhur dhe 21 ton vaj palme në Divjakë. Sipas njoftimit të...

Aktualitet16:31 - 20 Maj, 2019

Anullohen fluturimet ajrore drejt Italisë, ja shkaku

Të gjithë pasagjerët të cilët kanë prerë biletat për të udhëtuar nesër drejt Italisë, duhet ta shtyjnë fluturimin e tyre...

Aktualitet15:40 - 20 Maj, 2019

“Linda 4 fëmijë, burri s’më donte se nuk bëja djalë”/25-vjeçarja rrëqeth me historinë e saj

Edhe pse është vetëm 25 vjeçe, ajo është nëna e katër fëmijëve, tre vajzave dhe një djalë. Vajza nga Tirana...

Aktualitet21:28 - 19 Maj, 2019

Përfunduan zgjedhjet e jashtëzakonshme në veriun e Kosovës

Rreth 24 mijë e 600 votues nga rreth 58 mijë të regjistruar, apo 4 apo mbi 42 për qind e...

Aktualitet18:15 - 19 Maj, 2019

Amerikanët dhe talebanët shkëmbejnë akuza për situatën në Afganistan

Talibanët dhe zyrtarët ushtarakë amerikanë kanë akuzuar njëri-tjetrin në median sociale, për veprime kundër vendosjes së paqes në Afganistanin e...

Aktualitet14:37 - 19 Maj, 2019

Danas: Pushteti aktual i Serbisë do ta njohë Kosovën

Gazeta e Beogradit “danas” përmes një ankete të zhvilluar me qytetarë në Serbi, ka ardhur në përfundim se pushteti aktual...

presidenti i shba, donald trump presidenti i shba, donald trump
Aktualitet12:42 - 19 Maj, 2019

Alabama ndalon me ligj abortin/ Trump: Jam pro jetës

President i ShBA-së, Donald Trump ka reagaur gjithashtu lidhur me ndalimin e abortit që është bërë në shtetitn e Alabamës,...

Trending

Read previous post:
Ribotohet revista “Dituria” e dijetarit Lumo Skëndo

Bibliotekat Kombëtare të Shqipërisë e të Kosovës si dhe Fondacioni Kulturor ALSAR publikuan sot ribotimin e koleksionit të revistës së...

Close