LEXO PA REKLAMA!

SHKARKO APP

Masakra në Mat/ Identifikohet autori 

11 Tetor 2018, 13:45, Aktualitet CNA
Masakra në Mat/ Identifikohet autori 

Autori i ngjarjes së rëndë, ku mbetën të vrarë dy persona  në fshatin Shelli të Matit, është identifikuar.

Sipas informacioneve nga policia autori i dyshuar është shtetasi Kujtim Koxha.

Mësohet se ai shpallur në kërkim dhe forcat e policisë i janë vënë tashmë nga pas për ta kapur dhe arrestuar.

Kujtojmë, këtu se më herët policia njoftoi se dy personat që humbën jetën dyshohet se ishin shoferët e Bashkisë së Matit,  të cilët kishin shkuar për të hapur një rrugë kalimi në fshat.

Njoftimi i plotë

Burrel
Policia identifikon autorin e ngjarjes në fshatin Shëlli, Mat

Forca te shumta policore në ndjekje të tij

Rreth orës14:00, Policia e Komisariatit Mat u informua se në fshatin Shëlli, njësia administrative Macukull janë dëgjuar të shtëna arme.

Menjëherë shërbime të shumta policore kanë shkuar në vendin e ngjarjes.

Paraprakisht dyshohet se shtetasi K.K. 51 vjeç, pas një konflikti për motive të dobëta ka qëlluar me armë zjarri drejt disa personave, në një lokal.

Për pasojë ka humbur jetën shtetasit M.H, si dhe kanë mbetur të plagosur shtetasit A.H, E.A. dhe H.B.

Shtetasit E.A. dhe H.B. janë dërguar në drejtim të Tiranës për ndihmë më të specializuar.

Nga veprimet paraprake rezulton se këta persona po punonin për hapjen e një rruge në këtë fshat.

Dyshohet se autori është konfliktuar më parë me punonjësit e Bashkisë dhe më pas është larguar e ka marrë armën automatik dhe ka qelluar në drejtim të tyre, në një lokal.

Në vendngjarje është sekuestruar arma e zjarrit.

Është ngritur një grup i posaçëm hetimi me ekspert të Policisë nga Drejtoria Vendore e Policisë Dibër, të cilët po hetojnë këtë ngjarje.

Grupi hetimor gjithashtu ndodhet në vendin e ngjarjes si dhe po sekuestron çdo provë që lidhet me këtë ngjarje.

Forca të shumta policore janë në ndjekje të autorit./ CNA.al

Lajmet e fundit nga