LEXO PA REKLAMA!

SHKARKO APP

Bushati ngre dyshime/ Filmi “Babalja” u gatua në Surrel

9 Tetor 2018, 17:26, Aktualitet CNA
Bushati ngre dyshime/ Filmi “Babalja” u gatua në Surrel

Pas publikimit të rezultateve nga ana e Prokurorisë, e cila e cilësoi audiopërgjimin Babale-Xhafaj një montazh, analisti Andi Bushati në një opinion të tijin ka shkruan se botimi i një pjese të ekspertizës angleze të ?JP French Associates?, nuk vërteton as prentendimet e PD-së dhe as të PS-së, ajo thjesht thekson se zëri i Agron Xhafajt nuk është i deshifrueshëm për shkak të cilësisë së dobët.

“Botimi i një pjese nga raporti i ekspertizës angleze të ?JP French Associates? nuk ka vërtetuar dot as që përgjimi i Babales ishte i besueshëm, as atë që pretendon Edi Rama, se ai ishte një lojë me aktorë, e luajtur në selinë e PD-së. Me pak fjalë, ai thotë se zëri i vëllait të ministrit të Brendshëm, Agron Xhafajt nuk është i deshifrueshëm për shkak të cilësisë së dobët. Por ai nuk mbështet dot as versionin e mbrojtur nga Prokuroria, Rilindja dhe gazetarët pranë tyre, se rolin e ka luajtur Fredi Alizoti, në këmbim të parave që i janë ofruar nga qarqe pranë PD.

Pra, ajo që na u premtua nga kryeministri me siguri të plotë, se prova shkencore ndërkombëtare që ai arriti ta marrë në më pak se 24 orë, rrezultoi një dështim.

E vërteta mbeti në mes. Socialistët sërish do të vazhdojnë të thonë se e gjitha ka qenë një montim dhe demokratët do i?a kthejnë se manipulimin e kanë bërë ata?,- shkruan Bushati.

Më tej analisti i është rikthyer çështjes së Prokurores së Përgjithshme të Përkohshme, e cila u zgjodh mes flakadanëve dhe tymit e u tha se do ta mbajë këtë detyrë për vetëm dy muaj. Ai ka theksuar se sot Arta Marku jo vetëm nuk ka rolin e një Prokuroreje të Përkohshme, por ka bërë edhe emërime e transferime.

?Në mungesë të një institucioni të besushëm ndërkombëtar për zbardhjen e ngjarjes, rolin e ndriçimit të saj do ta marrë sërish në dorë prokuroria shqiptare.

Po, për të kuptuar sa e aftë është ajo ta mbajë të veshur këtë kostum, filmin duhet ta kthjejmë një vit më parë.

Atëherë socialistët shpallën se, në kundërshtim me të gjitha ligjet dhe fryëmën e reformës në drejtësi, kryeprokuroren do ta zgjidhnin me votat e tyre. Opozita ia ktheu se këtë po e bënin për të mbylluar të gjitha çështjet që u digjnin.

Qeveria këmbënguli se kjo prokurore, do të qëndronte vetëm një apo dy muaj, nuk do të kishte të drejtë të bënte lëvizje, nuk do të gëzonte kompetenca tu hiqte dosje vartësve apo ti transferonte ata. Në fakt të gjitha këto ndodhën njëra pas tjetrës.

Dhe kësaj prokurorie i takon të zbardhë sot dosjen Babale -Agron Xhafaj.

Dhe është e lehtë të shikohet se ç?ka bërë.

E la menjëherë Agron Xhafajn të largohej nga vendi sepse nuk i interesonte të hetonte atë.  E përqëndroi të gjithë hetimin te pista që e shfajësonte Xhafajn, duke përforcuar versionin e një aktori me pagesë? Nuk u thellua në investigim se mos ky aktori me pagesë, ishte përpunuar nga ata që ishin të interesuar për ta daravitur skandalin që u plasi në derë. Nuk ngriti pikpyetje se si i bëhet që ekspertët britanikë të JP French Associates nuk japin garanci që ai të jetë zëri i Fredi Alizotit.

Pa përfillur asnjë nga këto dilema publikut shqiptar do i serviret gjella tashmë e njohur se avionët e drogës janë mushkonja, se Dritan Zagani është trafikant, se Saimir Tahiri nuk i njeh Habilajt, se Xhisiela vetëdigjej me cigare dhe se Taulant Balla nuk ka foto me trafikantë. Ata do të dëgjojnë se dikush ka paguar kunatin e Babales, Fredi Alizotin, që të bënte rrolin e vëllait të ministrit të Brendëshëm, në një plan të mirëmenduar për të rrëzuar qeverinë. Ata do të dëgjojnë se e gjitha ishte një montim. Ata do të dëgjojnë se filmi u luajt dhe u sponsorizua në zyrat e Shqupit?.

Në përfundim Bushati ngre dyshime nëse e gjithë jo është gatuar jo në zyrat e SHQUP-it, porn ë vilën e kryeministrit Rama në Surrel.

?Natyrisht të gjitha këto edhe mund të jenë të vërteta.

Por, kjo nuk i heq askujt të drejtën të llogjikojë nga e kundërta. Përse gjithçka nuk qenka gatuar në vilën e Surrelit? Pse Rama, kur paska qenë i ndërgjegjshëm se një aferë e tillë i rrëzoka qeverinë, të mos ketë manipuluar ai? Pse një njeri që u quajtka a i korruptaur sa të marë para nga njëra palë, mos i markërka ato edhe nga pala tjetër? Pse ta kenë paguar demokratët Alizotin dhe mos ta kenë paguar socialistët, që të luajë rrolin e një të dëshpëruari që nuk i kanë dhënë 100 mijë eurot e premtuara?

Pra pse duhet të besojmë se ateljeja e kinostudios qenkësh ngritur në Shqup dhe jo në Surrel?

Me sa duket të dyja këto variante do të vazhdojnë të bashkëjetojnë. Dhe për këtë ka vetm një përgjegjës. Ata që na premtuan një ekspertizë të besueshme ndërkombëtare dhe nuk na e sollën, ata që një vit më parë nuk nguruan ta lyejnë prokurorinë me ngjyrat e tyre?./ CNA.al

Lajmet e fundit nga