Connect with Us

Pse kemi prekur fundin?!

Aktualitet

Pse kemi prekur fundin?!

Publikuar

-

Nga Ilir Yzeiri

Shqipëria ka kaluar kohë më të vështira se këto që po kalon tani, e megjithatë ka qenë më dinjitoze. Nëse sheh shtypin apo dokumentet e kohës, shqiptarët kanë jetuar me dinjitet më së shumti dhe nuk shfaqen si qaramanë, grindavecë, sharlatanë, dallkaukë, idiotë dhe gojëndyrë siç shfaqen tani në ligjërimin publik.

Nëse e sheh modelin e shoqërisë shqiptare që paraqitet përmes medies apo përmes narrativës publike, e ke të vështirë të kuptosh se çfarë mendojnë shqiptarët, çfarë muzike ndjekin, çfarë shijesh kanë për artin, çfarë librash lexojnë, si sillen në jetën publike, sa të arsimuar janë, çfarë standardi jetese kanë e kështu me radhë.

Shqipëria e sotme i ka humbur të gjitha parametrat e një vendi normal. Nëse do të shohësh dhe do të analizosh narrativën e kësaj kohe, do të shohësh se heronjtë që mbushin këtë tekst janë kriminelët, hajdutët, trafikantët dhe politikanët që janë transformuar në banda që nuk punojnë për të mbrothësuar vendin e tyre, por që luftojnë për t’u pasuruar e ndeshur me kundërshtarin.

E them me plot gojën dhe me bindje të plotë, se autori i kësaj narrative të pështirë është bërë Sali Berisha. Është e paimagjinueshme sesi një profesor, një mjek, një intelektual, pa përmendur pastaj ofiqet që ka pasur si shtetar i këtij vendi, të transformohet në një njeri të pështirë që merret me të gjitha punët e pista që mund të merret një njeri. Si ka mundësi që ky njeri shpif dhe ndërton histori të ndyra për ata politikanë që nga mosha janë djemtë e tij, sajon historira në fb që nuk janë të denja as për ato forume që nuk kanë asnjë grimë dinjiteti e morali.

Si ka mundësi që ky njeri të transformohet në një plak të lig, llafazan, gojështhurur, shpifës si ato plakat e çmendura që kanë shkallmuar çdo vetëpërmbajtje në vetëdije. Paralel me këtë mostër vijnë pastaj edhe llojet e spektakleve e shfaqjeve televizive në të cilat lloj-lloj vanitozësh promovojnë jetën boshe dhe kultin e luksit e të parasë.

LEXO EDHE:  Edi Rama duhet të na tregojë moralin, jo kushtetutën

Femra që kanë vënë pasuri nga tallvatë apo nga dashnorët trafikantë, meshkuj që nuk dinë se çfarë është puna dhe përunjësia, pushtojnë mendjet e shqiptarëve nga mëngjesi në darkë aq sa të krijohet përshtypja se në këtë vend nuk jetojnë njerëz por kanibalë që janë gati të shqyejnë gjithçka vetëm e vetëm që të pasurohen e t’u mburren të tjerëve me luksin dhe me kokën bosh.

Edhe nëse bëhet ndonjë gjë që e paraqet këtë vend ndryshe, ato ngjarje janë diku në periferi dhe për ato nuk flet askush. Ne nuk e dimë fjala vjen se cili është libri që duhet të lexojmë, cilat janë tekstet që shkruhen dhe që tregojnë kohën ku jetojmë. Ne nuk jemi shoqëri që komunikojmë me njëri tjetrin me tinguj muzike, me fjalën e bukur apo me ide, ne jemi një shoqëri që komunikojmë me njëri-tjetrin me klithma sharjesh, shpifjesh e fyerjesh.

Kalon një vit dhe ne nuk kemi një këngë që ta këndojmë të gjithë që të bëhet hiti ynë, në vend të saj ne kemi histori këngëtaresh që bëhen shkak që të vriten njerëz, ne nuk kemi një libër që të bëhet objekti ynë i diskutimit dhe debatit, në vend të tij ne kemi një manual ku shahet me libër shtëpie kundërshtari politik, ne nuk kemi një film apo një serial ku të projektojmë apo të shohim veten tonë, ne vend të tij kemi filmat horror që na paraqesin ata që kanë zaptuar skenën publike të këtij vendi me një aktor të çmendur si Sali Berisha.

Kurrë më parë shqiptarët nuk kanë qenë kaq shumë të fragmentarizuar, të përçarë e të ndarë sa tani. Të gjithë kundër të gjithëve në një vend që nga viti në vit po tkurret e po plaket, shqiptarët po masakrojnë me mesazhe negative fëmijët e tyre, duke harruar se kështu, e ardhmja nuk dihet si mund të jetë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Raporti i Moody’s/ Denaj i përgjigjet opozitës: Qasjet destruktive nuk e ndihmojnë Shqipërinë

Publikuar

-

Nga

Raporti i Moody’s/ Denaj i përgjigjet opozitës: Qasjet destruktive nuk e ndihmojnë Shqipërinë

Ish deputetja e Partisë Demokratike, Jorida Tabaku publikpo dje raportin e agjencisë prestigjioze  Moody’s Investors Service ku analizon ekonominë e Shqipërisë.

Sipas Tabakut, në raport kritikohet mungesa e vullnetit të qeverisë për të luftuar krimin e organizuar, dhe se i kushtohet vëmendje edhe “borxhit të lartë.

Por ndryshe nga Partia Demokratike, duket se e sheh Ministria e Financave e cila thotë se pavarësisht dy goditjeve të njëpasnjëshme, ekonomia shqiptare vijon të vlerësohet qendrueshëm në tregjet ndërkombëtare.

“Raportet e mëparshme të kompanive ndërkombëtare kanë vlerësuar përmirësimin e profilit makroekonomik, progresin në reformat strukturore dhe institucionale, si dhe konsolidimin fiskal të arritur gjatë viteve të fundit. Plotësimi më i fundit, që Moody’s i bën vlerësimit të Shqipërisë, ruan të pandryshuar renditjen e Shqipërisë në B1, pas emetimit të suksesshëm të Eurobondit në muajin Qershor të këtij viti. Vlerësimi i qëndrueshëm, thekson me pozitivitet dhe me renditjen më të lartë ndër indikatorët, ecurinë e institucioneve dhe qeverisjen e vendit. Moody’s sjell në vëmendje të investitorëve veçanërisht angazhimin e vendit në rrugën drejt Bashkimit Evropian, angazhim i konfirmuar edhe nga Këshilli i Bashkimit Evropian në muajin Mars të këtij viti”, thuhet në njoftim.

Sipas ministrisë së Financave, përpjekjet e Qeverisë Shqiptare për të reduktuar borxhin publik dhe deficitin buxhetor do të vijojnë në koordinim me institucionet ndërkombëtare, për të siguruar konsolidmin fiskal tëfinancave publike shqiptare, menjëherë pas përballimit të situatës së pandemisë.

“Diversifikimi i ekonomisë dhe burimeve energjetike po vazhdon përmes projekteve novatore në sektor, duke reduktuar varësinë nga burimet ujore. Paketat e Qeverisë i kanë shërbyer lehtësimit të barrës së biznesit në vend dhe kanë mbështetur qytetarët në këto muaj të pandemisë. Nismat e fundit të Qeverisë do të lehtësojnë klimën e të bërit biznes dhe do të nxisin formalizimin e mëtejshëm të ekonomisë. Qeveria Shqiptare po angazhohet, të adresojë nevojat e qytetarëve për një rimëkëmbje të ekonomisë, përmes propozimeve në Aktin Normativ të Buxhetit të miratuar këtë javë, ndërkohë që Reforma në Drejtësi nuk ka rreshtuar së qënuri prioritet qeverisës”, sqaron ministria.

LEXO EDHE:  Ju tregoj krizën e RTSH-së/ Nga Ilir Yzeiri

LEXO EDHE:  Nga Ilir Yzeiri/ Memoriali i turpit

Ndërkaq, ministrja Anila Denaj, duke iu përgjigjur akuzave të PD-së, shkruan se: Qasjet destruktive të opozitës nuk e ndihmojnë Shqipërinë, shtyjnë larg investitorët, frenojnë hapjen e vendeve të reja të punës dhe ulin mundësitë për shqiptarët më në nevojë. Pavarësisht dy goditjeve të njëpasnjëshme, tërmetit dhe pandemisë, Shqipëria vlerësohet qëndrueshëm në Rishikimin Periodik të Moody’s. Në vitin 2019, investimet e huaja direkte ishin për të dytin vit radhazi mbi 1 Miliard Euro dhe deficiti buxhetor në raport me PBB ishte vetëm -1.9%. Në vitin 2020 mbyllëm me sukses daljen në tregjet ndërkombëtare të Eurobondit. Këtë vit, më shumë se cdo vit tjetër duhet të motivojmë sipërmarrjen të ecë përpara dhe të mos ndalemi në rrugën drejt një tregu të përbashkët me Bashkimin Evropian”.

LEXO TE PLOTE

Politikë

“Nuk mund të futemi në vjeshtë me këtë numër tamponësh”/ Panariti paralajmëron qeverinë: Do ta pësojmë shumë keq

Publikuar

-

Nga

“Nuk mund të futemi në vjeshtë me këtë numër tamponësh”/ Panariti paralajmëron qeverinë: Do ta pësojmë shumë keq

Ish ministri i Bujqësisë, Edmond Panariti, ka reaguar sërish lidhur me situatën e krijuar nga Covid-19 në vend.

Panariti shkruan se receta për sigurinë tonë vetjake “Anticovid” do të mbetet e pandryshuar për shumë kohë, ndaj duhet të bëjmë kujdes, të mbajmë maskat dhe të kujdesemi për higjienën deri  në kufijt  e paranojës.

Ndërsa ka dhe një mesazh për qeverinë. Për Panaritin nuk mund të futemi në vjeshtë me këtë numër tamponash dhe shtretërish reanimatorë, për ndryshe do ta pësojmë keq.

“Të mos kemi asnjë iluzion! Receta për sigurinë tonë vetjake “Anticovid” do të mbetet e pandryshuar për shumë kohë!

Distancim, maskë, higjienë… deri në kufijtë e paranojës për secilin..

Edhe për shumë muaj që do vijnë!

Ti thuhet fort dhe qartë ky rregull, kjo mënyrë jetese, mbarë opinionit tonë publik.

Tu thuhet njerëzve që kjo nuk ka lidhje fare me hapjen graduale të ekonomisë dhe të shoqërisë!

LEXO EDHE:  “Zoti Makron na bëri të kujtojmë Francën e shekullit që shkoi”

LEXO EDHE:  "Zoti Makron na bëri të kujtojmë Francën e shekullit që shkoi"

E cila do të vazhdojë sepse nuk mund të ketë kthim prapa..

Por hapja vlen për shoqërinë dhe ekonominë, ndërsa mbyllja me maskë dhe “izolimi” me distancim për secilin duhet të vazhdojë pavarësisht nga hapja graduale.

Nëse ne do ti ndajmë qartë këto të dyja, unë jam optimist se do ta përballojmë më lehtë dallgën e vjeshtës të koronavirusit.

Ndërkaq një mesazh për qeverinë!
Nuk mund të futemi në vjeshtë dhe dimër me këtë numër testesh dhe tamponash.
Përndryshe do ta pësojmë keq.
Sepse nuk ka mënyrë tjetër për kontrollin e infeksionit përveç testim, testim, testim, gjurmim dhe izolim i rasteve.

Nuk mund të futemi në vjeshtë me këtë numër tamponash dhe shtretërish reanimatorë…

Përndryshe do ta pësojmë keq!”/CNA.al

LEXO TE PLOTE

Aktualitet

Italia drejt rishikimit të masave/ Jo klube nate, maska me detyrim dhe ndalim fluturimi për 13 shtete

Publikuar

-

Nga

Italia drejt rishikimit të masave/ Jo klube nate, maska me detyrim dhe ndalim fluturimi për 13 shtete

Zgjatja e ndalimit të hyrjes për ata që shkojnë në Itali nga disa vende “në rrezik” dhe rregulla më të ashpra për të shmangur tubimet. Në funksion të Dpcm-it (dekretit të Kryeministrit italian Conte) i cili duhet të rinovojë masat në fuqi që skadojnë më 14 korrik, qeveria po studion disa rregulla të reja. Të martën, Ministri i Shëndetësisë Roberto Speranza do të shpalosë masat në Parlament. Në vend të kësaj do të nënshkruhet një rezolutë nga Këshilli i Ministrave për të shtyrë gjendjen e jashtëzakonshme në fund të vitit dhe për të legjitimuar “kufizimet e lirive personale” të parashikuara, siç kërkohet nga kreu i shtetit Sergio Mattarella.

Maskat

Mbetet detyrimi për të mbajtur maskën në vende të mbyllura, kur distancimi shoqëror nuk mund të garantohet, por jo dorezat, të cilat “mund të paraqesin një rrezik shtesë nëse nuk përoren sipas rregullave”. Në vende publike, qytetarët duhet  të lënë dhënat personale, të cilat do të mbahen për dy javë. Pastrimi dhe dezinfektimi i mjediseve është ende i nevojshëm, sikundër edhe matja e temperatures së trupit në zyra dhe qendrat tregtare.

Klubet e natës

Rihapja e klubeve të natës ishte planifikuar për të martën e ardhshme, por qeveria  italiane po mendon ta shtyjë këtë vendim deri në fund të muajit. “Nëse disa rajone vendosin ta bëjnë atë në mënyrë të pavarur, ato do të duhet të marrin përgjegjësinë dhe të vendosin rregulla strikte,” përsëriti Speranza gjatë takimeve të këtyre ditëve.

LEXO EDHE:  “Zoti Makron na bëri të kujtojmë Francën e shekullit që shkoi”

LEXO EDHE:  Ju tregoj krizën e RTSH-së/ Nga Ilir Yzeiri

Tubimet

Ndalimi i grumbullimeve mbetet në fuqi, sot më shumë se kurrë, pasi shpërthime të reja vazhdojnë të shfaqen në të gjithë vendin. Për këtë arsye do të vijojnë ta aplikohen edhe gjobat. Po ashtu nuk do të ndalen kontrollet në vendet e jetës së natës, në të gjitha rrethet e qytetit dhe vendet e festave, ku numri i njerëzve që mblidhen për darka është i madh. Shqetësim janë edhe plazhet ku, veçanërisht në ditët e fundit, institucionet kanë raportuar që nuk respektohen distancën midis çadrave. Për këtë arsye nuk përjashtohet mundësia që të lëshohet edhe një qarkore e re e Ministrisë së Brendshme.

Festivalet dhe panairet

Vijon diskutimi midis Shëndetësisë, ministrive të tjera dhe Komitetit Shkencor dhe Teknik për nevojën e forcimit të kontrolleve në festivale, panaire dhe ngjarje publike. Mendohet të ndalohen tubimet e mëdha, përveçse në rajonet, të cilat po japin dritën jeshile.

Ndalimi i fluturimeve

Ndalimi i hyrjes për ata që vijnë nga 13 vende do të zgjatet: Armenia, Bahreini, Bangladeshi, Kuvajti, Omani, Bosnje Hercegovina, Maqedonia e Veriut, Moldavia, Brazili, Kili, Panamaja, Peruja dhe Republika Dominikane. Italianët, të cilët jetojnë ose kanë kaluar nëpër njërën nga këto shtete, mund të kthehen, por duhet të qëndrojnë në karantinë. Izolimi për 14 ditë përfshin edhe ata që udhëtojnë nga Shtetet e Bashkuara./CNA.al

LEXO TE PLOTE