Connect with Us

Protesta që i duhet Doktor Berishës!

Aktualitet

Protesta që i duhet Doktor Berishës!

Publikuar

-

ish-kryeministri sali berisha dhe kryetari i partise demokratike lulzim basha

Ka një javë që Lulzim Basha është zhdukur. Ashtu siç ka qejf ai pa lënë adresë duke gënjyer, një herë në Edinburg, Londër ndoshta në Holandë e kudo ku ka shkuar, por kjo ka pak rëndësi.

E ndërkohë që në Shqipëri vlojnë tensionet politike, kryetari i Opozitës ka zgjedhur që nëpërmjet studios së kunatit të prodhojë disa video montazhe dhe këtë ta quajë opozitarizëm ndaj Qeverisë.  Gjithsesi kjo është zgjidhja e tij, por është dhe një pasojë e madhe për demokratët dhe shqiptarët.

Sepse janë të parët shqiptarët, që kanë nevojë për një Opozitë të fortë dhe të ashpër kundër Edi Ramës, por dhe demokratët, të cilët kanë nevojë që partia e tyre të jetë e organizuar, e fortë dhe e bashkuar për të bërë qëndresë kundër Qeverisë.

Sepse një Opozitë e fortë jo vetëm e rrëzon qeverinë, por e bën Qeverinë dhe më të mirë dhe i shërben dhe më shumë qytetarëve, ndryshe nga Opozita e Lulzim Bashës, e cila i ka shërbyer thjesht dhe vetëm xhepit të tij, karrierës së tij dhe familjarëve të tij. Kjo është treguar me milionat e eurove të fituara nga vjehrri, kunati dhe familjarët e tij nëpër biznese dhe të tjera si këto.

Por tani mjafton të shohësh në rrjetet sociale, tek shumë e shumë demokratë shikon një kërkesë.

Një kërkesë drejtuar Sali Berishës, e përmendur shpesh, që të kthehej të merrte drejtimin e PD-së dhe ta bashkonte partinë. Këtë hërë nga demokratët  është “Të hedhim Lulin në Lanë, bashkë me të edhe Ramën”. Berisha e kupton mjaft mirë pse i kërkojnë rikthim dhe ai thotë jo dhe pse nuk beson më askush as vetë ai tek Lulzim Basha.

Në intervistën e fundit, me Artur Zhejin ai u tregua i vendosur dhe përjashtoi çdo mundësi rikthimi. E në fakt, verdikti i tij është zgjedhje personale dhe askush nuk mund ta diskutojë.

Por, Sali Berisha ju ka një borxh demokratëve, në fakt dy herë për Lulin në krye të PD-së.

Ka borxh që e zgjodhi dhe mbështeti Lulzim Bashën në 2013, u ka borxh demokratëve dhe shqiptarëve që i doli në krah Lulzim Bashës në vitin 2017, kur ai u rikonfirmua kryetari i PD-së pas një ngrirje shkrirje dhe mbështetje që i dha Sali Berisha.

Prandaj pas gati 5 vitesh të Lulzim Bashës me një opozitë, skandalesh, gafash, pasurimesh të familjarëve, shitje tek  Edi Rama, Doktor Berisha i ka një borxh shqiptarëve, i ka një borxh demokratëve.  Ka protestën e tij të munguar ndaj Lulit.

Doktori duhet të dalë në krye të një proteste. Një proteste të vërtetë. Atë që kërkohet shpesh në rrjetet sociale nga demokratët, në krye të protestës për të hedhur Lulzim Bashën në Lanë, se pastaj kollaj rrëzohet dhe Edi Rama.

Sali Berisha duhet të jetë në krye të protestës, jo formalisht për të treguar se ai nuk pranon korrupsionin dhe lidhjet e Lulzim Bashës me Edi Ramën, trafikun e influencave që ai bën, akuzat e ngritura dhe çështjet e tradhëtuara nga Lulzim Basha, mashtrimet publike të Lulzim Bashës, pazaret e fëlliqura për para, të cilat shpesh thuhen rëndomë nga biznesmenë. Kështu do dëshmonte të paktën se nuk ishte pjesë apo nuk kishte dijeni për to.

LEXO EDHE:  Shokon Edi Rama/ Djali im kuiste si qen, kur dëgjoi se ishte...

Sali Berisha duhet të dalë në krye të protestës për të nxjerrë me shqelma Lulzim Bashën nga selia e PD-së, ashtu siç e futi nga dritarja e saj.

Tani ka ardhur koha që ta largojë, dhe të udhëheqë protestën. Megjithse s’ka siguri për forcën e tij në PD tashmë ndaj Lulit.

E në rast se nuk e bën dot vetë, për të mos shkelur mbi atë që ka bërë vite më parë, të paktën duhet të heshtë dhe të miratojë dhe të mbështesë në heshtje, demokratët që po kërkojnë që ta shporrin Lulin dhe më pas të rrëzojnë Edi Ramën, sepse me Bashën janë të bindur se Rama nuk bie kurrë nga pushteti.

Sepse Lulzim Basha, edhe pse ndoshta Berishës nuk i pëlqen, është lideri që ka tradhëtuar demokratët, është kryetari i PD-së, i cili ka bërë pazaret me Edi Ramën. Është kryetari i PD-së që ka futur në gjirin e saj dy parti korruptive dhe kriminale, të Edi Ramës, si LSI-ja dhe PDIU-ja, që gjatë qeverisjes me Rilindjen, masakruan çdo demokrat që gjetën në administratë.

Lulzim Basha është kryetari i vendosur nga Berisha dhe i mbështetur prej tij, që shiti kauzat e demokratëve, jo vetëm çadrën, jo për 16 milionët e vjehrrit, as për 2 miliardët e xhiros së kunatit, por me të në krye çdo kauzë e ngritur shkatërrohet.

“Babalja” është një shpullë, apo grusht në fytyrën e Lulzim Bashës, pa folur për shkatërrimin e kauzave të tjera, braktisjen e tyre dhe veprimin si një i paaftë, jo i paqëllimshëm, që gjithçka e bën për të qëndruar në krye të PD-së dhe ta përdorë atë parti si plaçkë, në shërbim të interesave të tij.

Prandaj Doktorit po i luten në rrjetet sociale për të marrë dhe për të hedhur Lulzim Bashën në Lanë, kështu do të shpëtonte Partia Demokratike, do të shpëtonte Shqipëria, demokratët, do të shpëtonte edhe Edi Rama, nga pazaret e tij me Lulin, dhe vendi do kishte opozitë.

Por në fund do të shpëtonte dhe vetë Doktor Berisha, nga sikleti dhe halli i madh që ka për ta mbrojtur dhe justifikuar Lulin në çdo gafë dhe budallallëk që bën përditë. Duhet ti plotësojë dhe kohën boshe në media, opozitarizmin e perçudnuar, ti justifikojë mungesat pa arsye kur ikën me pushime apo kur fle gjumë.

Kjo është protesta e vetme që i mungon Berishës, ajo kundër Lulit, që e zgjodhi vetë dhe e turpëroi edhe dje, edhe sot./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Skandal/ Drejtori i Ramës terrorizon bizneset

LEXO EDHE:  Rama justifikon dështimin e reformës/ Zgjidhja që ofron për tarifat e larta

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Çfarë pritet të ndodhë në PD?

LEXO EDHE:  Berisha i përgjigjet Fleckenstein për Sorosin/ Hetoni, ja arsyet pse është deklaratë e pabazë

 

LEXO TE PLOTE
Lajme të Rekomanduara: