Connect with Us

Kancelarja Merkel nën presion/ Po humbet mbështetjen brenda partisë 

Aktualitet

Kancelarja Merkel nën presion/ Po humbet mbështetjen brenda partisë 

Publikuar

-

Vlerat e sondazheve të unionit konservator janë më të ulta se kurrë më parë. Kancelarja Merkel po humbet gjithnjë e më shumë mbështetës brenda partisë së saj, prandaj fjalimi para të rinjve konservatorë ishte me rëndësi.

Në fjalën para Unionit të të Rinjve Kristiandemokratë (JU), kancelarja Merkel bëri thirrje për unitet para zgjedhjeve të rëndësishme në Bavari dhe Hesen. Ajo kërkoi dhënien fund të grindjeve të vazhdueshme brendapartiake dhe apeloi ndaj CDU dhe CSU-së “që ne tani të kthehemi tek votuesit, dhe të mos merremi me matje forcash.” Merkeli në konferencën e Unionit të të Rinjve Kristiandemokratë (JU) premtoi, se do të punojë shumë që koalicioni me bazë të gjerë të kthehet tek puna faktike.

Koalicioni është bashkëpërgjegjës për vlerat e dobta në sondazhe në landet Hesen dhe Bavari, pranoi Merkel. “E di po ashtu, që ne përmes grindjeve tona, kemi kontribuar shumë që sondazhet të jenë ato që janë”, tha Merkel në Kiel. Votuesit nuk e vlerësojnë pozitivisht, kur ne grindemi me njëri-tjetrin, për gjëra që ata nuk i kuptojnë.

“Të tjerët nuk flenë”

Në të njëjtën kohë ajo i bëri thirrje Europës për të zhvilluar strategji të përbashkëta për sfidat më të rëndësishme aktuale. Nëse Gjermania do të luajë rol në radhët e para në një botë të globalizuar, atëherë kjo bëhet vetëm bashkë me Europën. “Të tjerët nuk flenë”. Merkel përmendi si fusha të përbashkëta të BE politikën e jashtme dhe të sigurisë, si edhe shkencën dhe zhvillimin. “Bëhet fjalë për “prezantimin e përbashkët si aktor global” për ballë Rusisë, Kinës apo Afrikës, tha Merkel. Me debatin e integrimit është shumë humbur shumë kohë që duhej vënë në dispozicion për zhvillimin e mëtejshëm të digjitalizimit dhe inteligjencës artificiale.

Kiel Deutschlandtag der Jungen Union | Angela Merkel (picture-alliance/dpa/C. Rehder)

Në fund Merkel kërkoi dhënien fund të grindjes brenda unionit për refugjatët. Në ta ardhmen emigrantët nga Afrika do të luajnë një rol edhe më të madh se refugjatët nga Siria apo Iraku, tha Merkel. “Për këtë ne si union duhet të reagojmë me një plan të përbashkët.” Afrika nuk duhet parë si kontinent problematik, por si shans, theksoi kancelarja gjermane. Nganjëherë diskutohet në union sikur jemi ende në verën e 2015-s. Ndoshta nuk janë zgjidhur të gjitha problemet por situata ka ndryshuar tërësisht, tha Merkel. “Nuk duhet të merremi vazhdimisht me të shkuarën.”

LEXO EDHE:  Merkel dhe Hollande për një politikë të përbashkët azilimi

Kritika nga kreu i JU

Kreu i të rinjve konservatorë, JU, Paul Zimiak u shpreh me kritika për kancelaren gjermane. Duke parë vlerat e rëna në sondazhe, ai u shpreh per rigjenerim. “Kush do të jetë kancelar i këtij vendi, duhet të jetë gjithmonë i gatshëm për të drejtuar këtë vend drejt së ardhmes”, tha Ziemiak.

Fjalimi i Merkelit shihet si test për kongresin e partisë konservatore në dhjetor. Merkel u shpreh skeptike lidhur me idenë e të rinjve konservatorë për kufizimin e mandatit të krerëve të qeverisë. Kjo është në kundërshtim me lirinë e mandatit të deputetëve të Bundestagut, tha ajo. Në kongresin e partisë CDU në dhjetor, Merkel kërkon të rizgjidhet si kryetare e partisë dhe ka theksuar se do të qëndrojë deri në fund të mandatit, në vitin 2021./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Merkel në Tiranë më 8 korrik, zbardhet axhenda e kancelares

LEXO EDHE:  Pse e shmangu Merkel Ilir Metën?

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Vizitë historike e Kancelares Merkel në Shqipëri/Konferenca e përbashkët për mediat

LEXO EDHE:  Merkel në Beograd: Be-ja mundëson paqen në Ballkanin Perëndimorë

 

LEXO TE PLOTE
Lajme të Rekomanduara: