Connect with Us

Ervin Babalet e Lulzim Bashës

Aktualitet

Ervin Babalet e Lulzim Bashës

Publikuar

-

Prokuroria ka kërkuar arrest me burg për “Babalen”, e quajtur Albert Veliu dhe mikun e tij të ngushtë Fredi Alizoti, të cilët rreth 5 muaj më parë u bënë pjesë e vëmendjes së opinionit publik, pas denoncimit të bërë nga Partia Demokratike të një audio-përgjimi të pretenduar mes Babales dhe vëllait të ministrit të Brendshëm, Fatmir Xhafaj. Në një bisedë, e cila u prezantua në atë kohë edhe nga vet Lulzim Basha, por fillimisht gjithçka u bë publike nga deputeti i kësaj partie Ervin Salianji.

Më pas plasi skandali, u kërkua dorëheqja e Ministrit. Lulzim Basha vuri trupin e tij përpara Fatmir Xhafajt, por në fakt nuk ndodhi asgjë. Ky i fundit e mohoi audio-përgjimin dhe tha që ishte një montim. U bë ekspertiza, prokurorët shkuan në Itali, në Angli dhe gjithçka doli që ishte e montuar. “Babalja” u arratis në Kosovë ku kërkoi dhe strehim politik. Atje u rrëfye dhe gjithçka duket se ka qenë një montazh. Mendja djallëzore e vetë “Babales”, apo mendja e mësuar nga deputetë të PD-së, apo vetë gazetari, kjo është diçka tjetër.

Në emisionin “Opinion” në TV Klan, gazetari Jetmir Olldashi mori përsipër autorësinë e videos menjëherë pasi atë e denoncoi Partia Demokratike, i cili në fakt është një gazetar i lidhur me PD-në, pjesë e strukturave të saj. Olldashi ka qenë një nga drejtuesit e Forumit Rinor dhe pjesë aktive e politikës. Njihet si një mbështetës i fortë i Lulzim Bashës dhe i njerëzve të tij.

Olldashi doli në “Opinion” dhe tha se ai e kishte bërë investigimin e audio-përgjimit, por nuk kishte qenë kur “Babalja” kishte shkuar të fliste me vëllain e pretenduar të Xhafajt, Agron Xhafajn. Pra duke shmangur pak, ose ndoshta duke gjetur një rrugë kalim për të shfajësuar veten që në rast se “Babalja” do të fliste që gjithçka ishte një montazh, ai të dilte pa lagur nga ky investigim. Gjithsesi përtej mungesës së profesionalizmit dhe dorëzimit të gazetarisë tek “Babalja”, nga gazetari Olldashi ka një aspekt tjetër, ai politik i çështjes.

Gazetari tha se ia dha audio-përgjimin, takoi dhe komunikoi me Ervin Salianjin, i cili më pas, ndoshta pasi është konsultuar me Lulzim Bashën e nxori dhe në publik. Por edhe këtu qëndron një problem tjetër. E në rast se gazetari nuk bëri verifikimet e duhura, nuk e konfirmoi që ishte apo jo Agron Xhafaj, në audio përgjimin e “Babales”, e njëjta situatë ndodh edhe me politikën.

Një “Babale” i vogël, përveç atij të audio-përgjimit dhe montimit ishte në PD. Asnjë verifikim, asnjë konsultim mesa duket, asnjë seriozitet në trajtimin e çështjes. Merret një audio e montuar, pa u verifikuar montohet, bëhet zhurmë dhe deputeti Ervin Salianji me grushtin në dorë i binte gjoksit për meritat e mëdha të tij.

Por tani që ka rezultuar se është një përgjim i montuar dhe se nuk ka asgjë të vërtetë duket se gjërat kanë ndryshuar. Por thelbi qëndron tek aksioni politik i opozitës, te Ervin Babalet e Lulzim Bashës. Sepse nëse kemi një “Babale”, i cili stisi një audio, kemi dhe “Babalen” tjetër që është deputeti i PD-së. Ky nuk bëri asnjë verifikim, por hodhi një shashkë duke i dhënë një kosto jo të vogël Partisë Demokratike.

PD-ja menjëherë sulmoi, Lulzim Basha filloi akuzat, por më pas u tërhoq. Këtë e bëri edhe në emisionin “Opinion” kur tha se “Babalja” duhet të ishte në burg, duke e shitur menjëherë dëshmitarin X. Por gjithçka ndodhi pasi ndoshta Basha e kuptoi se kishte rënë në një kurth. Në kurthin e “Babales” së Vlorës, apo “Babales” së tij si deputet, apo gazetar Babaleve që janë në qarkullim, kjo nuk ka shumë rëndësi.

Sot në mënyrë të turpshme Basha sulmoi prokurorët e çështjes dhe e politizoi në ekstrem qëndrimin e Prokurorisë. Megjithse në këtë rast ka bërë sërish një autogol. Një babalizëm tjetër të radhës. E në qoftë se herën e parë ia bënë deputetët apo Babalja vetë, këtë herë e bëri me dorën e tij.

Sot Lulzim Basha sulmoi prokurorët duke thënë se kishin mbajtur qëndrime poltike dhe se kjo ishte një çështje e planifikuar nga Edi Rama. Një broçkull që nuk e beson më askush, pasi prokurori që ka firmosur arrestimin e “Babales”, bashkëpunëtorit të tij dhe ka kërkuar detyrim paraqitjeje për Jetmir Olldashin, ka qenë prokuror i grupit të hetimit dhe ka firmosur arrestimin e ish-ministrit të Brendshëm, Saimir Tahiri, ish-ministrit të Ramës. Prandaj broçkulla ngelet broçkull  dhe i del tymi shpejt asaj flake që i hidhet benzinë, në mënyrë të gabuar.

LEXO EDHE:  Lulzim Basha gënjen Mustafa Nanon

Por çfarë ndodhi?

Basha sulmoi prokurorët për të shpëtuar “Babalen” që e kishte shitur, apo gazetarin dhe deputetët e tij që duket se janë në hall. Deputeti tjetër Enkelejd Alibeaj, por edhe këshillatri për ligjet në grupin e PD-së, Gazmend Bardhi, ish-ministri i Drejtësisë, në Prokurori duket se kanë dalë dhe janë spostuar menjë anë lidhur me çështjen. Ata kanë thënë se nuk kanë marrë pjesë në investigim dhe gjatë daljeve të tyre publike kanë qenë pjesë vetëm e denoncimit që kishte të bënte me dënimin që kishte marrë vëllai i Ministrit të Brendshëm, në Itali.

Por dje në Prokurori ka qenë Ervin Salianji, deputeti i Partisë Demokratike, i cili mori përsipër, apo siç u tha dhe nga gazetari Olldashi ishte vetë ai që e çoi audio-përgjimin në PD  dhe më pas shpërtheu “bomba” politike e disa muajve më parë. Tani kemi kërkesën e Prokurorisë për arrestimin e dy personave, “arrest me burg” dhe thellimin e investigimit. Kemi detyrim paraqitje për gazetarin Olldashi, Salianjin që ka folur dhe dy deputetë që i janë shmangur përgjegjësisë së tyre ligjore.

Në fakt ne sot e kemi të vërtetuar që kemi Ervin Babale të opozitës, të cilët marrin audio-përgjime, bëjnë skandale dhe vazhdojnë të qetë, por kjo nuk duhet të ndodhë më në politikë. Nuk duhet të ndodhë më në Partinë Demokratike, nuk duhet të kemi më Ervin Babale, të cilët hedhin shashka dhe i faturojnë një kosto të madhe opozitës. Një betejë të nisur drejtë prej saj për vëllain e Ministrit të Brendshëm, e kthyen në një flluskë sapuni duke u përpjekur që të ngrinin një re të madhe tymi, po në fakt nuk bënë gjë tjetër veçse i shpërndanë retë.

Këtë bënë Ervin Babalet e Lulzim Bashës të vendosur në lista pa asnjë vlerë dhe kontribut politik. Ata janë thjeshtë “Babalet” e radhës, të cilët Lulzim Basha i do nga pas si mercenarë, por që në realitet japin këto kosto që ka sot PD-ja dhe që Basha i di, i pranon, por i ka zgjidhje për mbijetesën e tij. Sepse vetëm me Ervin Babalet, Lulzim Basha mund të mbijetojë në krye të Partisë Demokratike.

Sot shqiptarët e panë të gjithë, demokratët e provuan se PD-ja minimalisht ra në kurthin “e pretenduar” se ka ngritur “Babalja”, maksimalisht janë të gjitha dyshimet të jetë një kurth i ngritur nga Ervin Babalet në selinë e PD-së, por kjo ngelet për tu hetuar dhe verifikuar nga Prokuroria.

Kush janë përgjegjësit e atij shantazhi e atij manipulimi tani ngelet vetëm  të presim që drejtësia t’i vendosë me shpatulla pas murit. Qofshin gazetarë, qofshin deputetë ata duhet të mbajnë përgjegjësi për atë tym që ngritën. Qoftë Ervin Babalja apo “Babalja” i vërtetë manipulatori i asaj që ndodhi./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Rishqyrtimi i hetimit mbi Rusinë/ Ish-avokati i FBI-së pritet të pranojë fajësinë

Publikuar

-

Nga

Rishqyrtimi i hetimit mbi Rusinë/ Ish-avokati i FBI-së pritet të pranojë fajësinë

Një ish-jurist i FBI-së pritet të pranojë fajësinë për deklaratë të rreme në çështjen e parë penale që lindi nga një shqyrtim që po i bën prokurori John Durham hetimeve mbi dyshimet për lidhje mes zyrtarëve të fushatës presidenciale të zotit Trump në 2016, me Rusinë. Lajmi u njoftua nga avokati i tij të premten.

Kevin Clinesmith pritet të pranojë fajësinë mbi akuzën për deklaratë të rreme lidhur me ndryshimin e një emaili qeveritar që i referohej një ish-këshilltari të fushatës së zotit Trump, i cili ishte objekt i përgjimeve të FBI-së, tha avokati Justin Shur për agjencinë e lajmeve “Associated Press”. Çështja kundër zotit Clinesmith ka të ngjarë të mirëpritet nga Presidenti Donald Trump dhe përkrahësit e tij, ndërsa ata shikojnë tek hetimi i zotit Durham mundësinë për të ekspozuar atë që ata thonë se ishte një veprim i paligjshëm duke iu referuar fillimit të hetimit nga FBI-ja nëse fushata e zotit Trump në koordinim me Kremlinin u përpoq të ndikojë tek rezultati i zgjedhjeve të vitit 2016.

Hetimi i zotit Durham, i cili po shqyrton gjithashtu analizën e komunitetit amerikan të zbulimit mbi ndërhyrjen në zgjedhje të Rusisë, ka shkaktuar shqetësim të thellë mes demokratëve, të cilët e shohin atë si një masë politike, që synon t’i kundërvihet një hetimi tashmë të mbyllur. Demokratët druhen se akuzat penale ose raportet publike të lëshuara pranë zgjedhjeve të vitit 2020 mund të ndikojnë votimet e nëntorit.



Hetimi ka vazhduar së bashku me një përpjekje paralele nga Senati i drejtuar nga republikanët për të diskredituar të hetimin mbi ndërhyrjet ruse dhe ndërsa Prokurori i Përgjithshëm William Barr ka përshkallëzuar kritikat e tij mbi hetimin e kryer nga FBI-ja. Zoti Barr parashikoi veprimin juridik në një intervistë për “Fox News” të enjten në mbrëmje, ku tha se do të kishte një zhvillim të premten që nuk “do të ishte tronditës”, por një tregues se hetimi po ecte përpara.

LEXO EDHE:  Marrëveshja e 17 Majit/ Rama: Basha si fëmijë i kopshtit pa drekë

LEXO EDHE:  Nga Lorenc Vangjeli/ Rama e Meta me Bashën në sfond, dashuri e re mbi urrejtjet e vjetra apo fabula e vjetër e hallit të ri

Zoti Durham, prokurori i Konektikatit, nuk bëri asnjë koment sipas një zëdhënësi. Mbetet e paqartë nëse do të ketë akuza shtesë që mund të paraqesë zoti Durham ose deri në çfarë mase procesi i tij do të vërtetojë pohimet e zoti Trump se hetimi i FBI-së u njollos nga paragjykimet politike, pretendime për të cilat mbikëqyrësi i Departamentit të Drejtësisë nuk gjeti prova.

Sipas rregullore të Departamentit të Drejtësisë prokurorët nuk duhet të ndërmarrin hapa për të hetuar me qëllim ndikimin në zgjedhje. Rregulloret këshillojnë të mos merren veprime publike disa javë para zgjedhjeve. Por zoti Barr ka thënë se ai nuk ndjehet i shtrënguar nga kjo lloj politike pjesërisht sepse siç tha, ai që pritet të jetë kandidati zyrtar i demokratëve për garën presidenciale, Joe Biden, nuk është objekt i hetimit të zotit Durham. Ndërkohë zoti Barr ka sinjalizuar se do të shohë mundësinë t’i bëjë publike gjetjet e zotit Durham para zgjedhjeve. Zoti Clinesmith u referua për ndjekje të mundshme penale nga zyra e Inspektorit të Përgjithshëm të Departamentit të Drejtësisë, që kreu një proces rishikimi mbi hetimin ndaj Rusisë. Ai dha dorëheqjen nga FBI-ja vitin e kaluar./ VOA

LEXO TE PLOTE

Sociale

“Kur të vijnë të marrin votën, do i jap atë të madhen”/ Qytetarët e revoltuar “shpërthejnë” në fyerje ndaj qeverisë

Publikuar

-

Nga

“Kur të vijnë të marrin votën, do i jap atë të madhen”/ Qytetarët e revoltuar “shpërthejnë” në fyerje ndaj qeverisë

Vijon të mbetet problematike situata në Kakavijë, ndërsa qytetarët shqiptarë do të duhet të kalojnë natën edhe sonte më makina, pasi pala greke ka mbyllur punën për të rifilluar sërish nesër në orën 6:00 të mëngjesit.

Gra, fëmijë dhe të moshuar kanë shfaqur probleme shëndetësore herë pas here, ndërsa Forcat e Armatosura kanë nisur dhe shpërndarjen e ushqimeve.

Të revoltuar disa prej tyre kanë folur dhe për mediat ku nuk i kanë kursyer dhe fyerjet ndaj qeverisë, që duket se i ka braktisur, pa gjetur ende një zgjidhje.

Një prej tyre, me ironi u shpreh se dhe sonte do e kalojnë natën në hotelin me 5 yje që shteti i ka rezervuar, ndërsa shtoi se hesapet do lahen në kohën e zgjedhjeve.

“Do fleme në hotelin me 5 yje dhe sonte. Kur të vijne të marrin votat, do i jap 3, dhe atë të madhen”, u shpreh një prej tyrë.

LEXO EDHE:  Manja vlerëson Komisionin e Venecias/ Thumbon Bashën



Ndërsa një tjetër ngriti shqetësimin se shumë prej personave kanë shfaqur probleme shëndetësore.

LEXO EDHE:  Gert Bogdani braktis Bashën

“Ambulaca është, nuk themi që nuk ka, por ka gra, fëmijë, pleq të sëmurë që kanë shfaqur probleme. U ktheva në Shqipëri për të bërë rinovimin e pashaportës, se kishim parashikuar që duhet të kalonim dhe këtë”.

Kjo situatë u krijuar për shkak se shumë qytetarë që jetojnë dhe punojnë në Greqi, u nisën drejt shtetit helen në kohën kur ky i fundit vendosi të caktojë karantinë të detyruar për ata që hyjnë në vend nga data 17 deri në 31 gusht./CNA.al

 

 

LEXO TE PLOTE

Sociale

Situata mbetet kaotike/ Pala greke mbyll punën në Kakavijë, qytetarët kalojnë natën jashtë

Publikuar

-

Nga

Situata mbetet kaotike/ Pala greke mbyll punën në Kakavijë, qytetarët kalojnë natën jashtë

Pala greke ka mbyllur pak minuta më parë orarin zyrtar të punës në pikën e kalimit kufitar të Kakavijës, ku janë regjistruar radhë kilometrike.

Mësohet se ndonëse është mbyllur pika kufitare, automjetet vijojnë të kenë radhë të gjata.



Qytetarëve i duhet të qëndrojnë gjatë gjithë natës jashtë për të mbajtur radhën dhe për të pritur që të rifillojë edhe njëherë puna.

LEXO EDHE:  Nga Lorenc Vangjeli/ Rama e Meta me Bashën në sfond, dashuri e re mbi urrejtjet e vjetra apo fabula e vjetër e hallit të ri

LEXO EDHE:  Komenton videon e Ramës/ Basha shpërndan lule në studion e Çanit

Ndërkohë, raportohet se puna për kontrollin e qytetarëve që duan të kalojnë drejt Greqisë do të fillojë në orën 6 të mëngjesit të ditës së nesërme./ CNA.al

LEXO TE PLOTE