LEXO PA REKLAMA!

SHKARKO APP

Prova të reja në prokurori/ “Fundoset” Xhafaj?

5 Tetor 2018, 10:05, Aktualitet CNA
Prova të reja në prokurori/ “Fundoset” Xhafaj?

Deputeti i Partisë Demokratike Ervin Salianji, ka qënë i pranishëm ditën e sotme në Prokurorinë e Krimeve të Rënda për rreth 120 minuta, ku ka dorëzuar një material në lidhje me personat që janë në dijeni për çështjen e tij ndaj ministrit Fatmir Xhafaj, pas audio-përgjimit të Albert Veliut, njohur ndryshe si dosja Babale.

Salianji tregon se Fatmir Xhafaj po drejton hetimet për vëllain e tij, të kapur në trafik dhe bashkë me Ramën po punojnë për të varrosur çështjen.

Më tej deputeti i PD-së shprehet se nuk ka më besim te prokuroria, pasi u bënë muaj që po zvarritet çështja.

?Pa diskutim që në kuptimin e provës që dorëzova me procesverbal për prokurorinë ka qenë një material për personat që kanë dijeni për rrethanat e çështjes dhe unë me këtë cilësi isha në prokurori qëndrova gjatë për të dhënë çdo përgjigje dhe për të thënë çdo gjë që di.

Fatmir Xhafaj nuk mund ta hetojë dot veten. Sot ai drejton hetimet për vëllain e vet të kapur në trafik. Bashkë me Ramën por punojnë për të varrosur çështjen. Për këtë arsyee nuk kam besim tek prokuroria. Ka dy muaj që zvarritet çështja për t?i lënë mundësi Xhafaj e Ramës për të fshirë provat.

Prokuroria dhe qeveria lejuan që Agron Xhafaj të ikte për të mos u dënuar për veprën penale të re. Prokuroria nuk ka thërritur si persona që kanë dijeni për çështjen kryeministrin Edi Rama.

Prokuroria thotë që ekspertiza nga Britania e Madhe rrëzon versionin e PD.

Janë broçkulla të cilat i broçkullit kryeministri dhe i pompojnë mediat. Nuk janë thërritur si persona që kanë dijeni për çështjen, Rama, Xhafaj e Balla.

Kemi paraqitur provat konkrete. Kam çmontuar për dy orë provat e pavërteta. Kam prova për personat që kanë dijeni për këtë çështje për të treguar dy standarde që ka Ministria e Brendshme?, deklaroi Salianji./CNA.al

Lajmet e fundit nga