Aktualitet
Breshëri plumbash në Tiranë/ Mbi 50 të shoqëruar, zbardhet skena e krimit
Atentati i mbrëmshëm, ku mbeti i vrarë një person dhe të plagosur dy të tjerë ka tronditur mbarë opinionin publik,dhe dëshmitarë që e kanë përjetuar krimin e rëndë.
Pas breshërisë së plumbave të ndodhur mbrëmë një prej kamarjereve që shërbente në lokal kur ka parë gjak kudo dhe skenën e rëndë ka humbur ndjenjat. Është dashur ndihma e personave të tjerë të pranishëm që kamerierja të përmendej.
Rigers Gaxha mbeti i vrarë gjatë atentatit pasi kishte dalë për të mbrojtur Ervis Martinaj, i cili mbeti i plagosur me shokun e tij Laert Hasa.
Ngjarja ka ndodhur në një nga zonat më të populluara të kryeqytetit dhe për pasojë në momentin kur ka ndodhur atentati ka pasur persona të shumtë që janë terrorizuar nga konflikti i armatosur, ndërsa dëshmitë flasin për një breshëri plumbash.
Burimet bëjnë të ditur se pas kësaj ngjarje të rëndë rreth 50 persona që mund të kenë dijeni për ngjarjen janë shoqëruar në polici.
Dyshohet se viktima Rigers Gaxha ka qëlluar ndaj autorit me të cilin kishte nisur një konflikt fillimisht verbale e më pas fizike e deri tek armët.
Ekspertët kriminalistë kanë mbërritur në vendin e ngjarjes dhe po bëjnë këqyrjen e skenës së krimit për të mbledhur prova shkencore si gjurmë gjaku, shenja gishtash, flokë etj. Ndërsa hapja e kamerave të sigurisë, pritet të hedhë dritë mbi autorët e ngjarjes./ CNA.al
Aktualitet
“Pikë e zezë”/ Artan Hoxha sulmon Top Channel: More këta janë specialista, s’ke ç’u thua…
Gazetari Artan Hoxha ka ironizuar Top Channel, lidhur me programin që ka transmetuar mbrëmjen e sotme.
Hoxha është tallur me emisionin “Përputhen” ku njihen të rinjtë, pasi është publikuar një video ku dy prej konkurentëve zihen me njëri-tjetrin.
Ai thotë se qytetarët janë duke pritur Top Channel që të publikojë përgjime për Ndraghetën, ndërsa televizioni ka publikuar sherrin e “Përputhen”.
“More këta janë specialista, s’ke ç’u thua…
Mileti pret ndonjë përgjim për Ndraghetën, ata i shfaqin video-boksin e Përputhen….
Pikë e zezë, thuaj…
Meqënëse këtë javë, produksioni nuk ka sajuar dot ndonjë ndeshje boksi, do japim ritransmetim videon e boksit, të javës së kaluar.
Ububuja…”, shkruan gazetari në rrjetet sociale./ CNA.al
Kronika
Aksident i rëndë në Pogradec/ Makina përplas për vdekje këmbësorin
Një aksident ka ndodhur në aksin nacional Pogradec-Korcë, në afërsi të fshatit Buçimas.
Mësohet se një makinë ka përplasur një këmbësor me iniciale P.Gj., i cili ka gjetur vdekjen e menjëhershme.
Nga informacionet paraprake, dyshohet se shkak i aksidentit ka qenë moti i keq.
“Më datë 24.01.2021, rreth orës 21:40, në aksin rrugor Korçë-Pogradec, në afërsi të fshatit Buçimas, Pogradec, një automjet dyshohet se ka aksidentuar këmbësorin shtetasin P. Gj., rreth 48 vjeç, banues në Pogradec, i cili për pasojë ka gjetur vdekjen.
Nga ana e Policisë, po punohet për identifikimin dhe kapjen e drejtuesit të mjetit, i cili është larguar nga vendi i ngjarjes. Grupi hetimor po punon për dokumentimin e ngjarjes dhe zbardhjen e rrethanave të saj“, thuhet në njoftimin e policisë.
Ndërkohë, policia ka shkuar në vendngjarje dhe ka hapur hetimet për të zbardhur shkaqet e aksidentit./ CNA.al
Kronika
Tjetër aksident/ Makina përplas një kalimtare në Vlorë
Mësohet se një automjet ka përplasur një kalimtare tek Rruga Transballkanike në Vlorë.
Kalimtarja është dërguar në gjendje të rëndë me urgjencë në spital teksa ndodhet në sallën e operacionit.
Vlorë/Informacion paraprak
Më datë 24.01.2021, rreth orës 21:00, në rrugën Transballkanike, në afërsi të Gjykatës së Apelit, një automjet me drejtues ende të paidentifikuar ka aksidentuar duke u larguar nga vendngjarja shtetasen M. Ll, e cila ndodhet në spital, nën kujdesin e mjekëve në gjëndje të rëndë shëndetsore.
Grupi hetimor dhe sherbimet e Policisë ndodhen në vendngjarje dhe vijon punën për identifikimin dhe kapjen e drejtuesit të mjetit si dhe sqarimin e plotë e rrethanave të aksidentit.
Lajme të Rekomanduara:
Fantastike/ Çfarë mund ti zbulosh shkollimit të Bashës?!
Kryetari i Republikes së Re dhe opozitës pjesërisht të bashkuar, Lulzim Basha sot sërish ka vazhduar me ëndrën e tij kryeministrore të cilën e ka...
Meta dhe Veliaj në përgjimet e ‘Ndrangheta-s’/ Artan Hoxha nxjerr fotot: Kush duket si boos-i këtu?
Gazetari Artan Hoxha, ka reaguar sërish në lidhje me daljen e emrit të presidentit Ilir Meta dhe kryebashkiakut Erion Veliaj në përgjimet e antimafias italiane...
