Connect with Us

Basha, opozitë apo shantazh me video ?!

Aktualitet

Basha, opozitë apo shantazh me video ?!

Publikuar

-

Kryetari i Partisë Demokratike, duket se është tashmë një profesionist në video-intervista apo edhe kamera të fshehta. Ndoshta do të duhej të ishte pjesë e stafit të Filip Çakulit në “Fiks Fare”, apo pjesë e “Stop”-it te Saimiri, të cilëve mund t’ju bëntë mirë për të rritur audiencën, sepse kështu është kthyer në fakt Lulzim Basha.

Opozita ka një mision, është gjysma e popullit, është shpresa dhe pjesa ku njerëzit kanë sytë, pasi shohin se qeveria e tyre nuk po bën detyrën siç duhet. Ka korrupsion, ka kriminalitet, por në Shqipëri njerëzit çuditërisht nuk i kanë sytë tek opozita, sepse në fakt është vetë Lulzim Basha ai që ka hequr vështrimin e njerëzve, duke u sjellë si një drejtues emisioni dhe duke bërë amatorin politik.

Gjatë këtij viti ka publikuar dy video-skandale. Së pari, “Babalen” i cili doli një blof, doli një audio-përgjim i montuar. “Babale” ka kërkuar strehim politik dhe është rrëfyer, ndërkohë që pretendohet se deputetët janë ata që e kanë manipuluar për një shumë të caktuar parash. Nga ana tjetër dhe një intervistë e nxjerrë tani e një oficeri policie, për një ngjarje të korrikut. Një intervistë në fakt e vonuar, e cila nga shumë gazetarë u debatua jo për pjesën e dhunës ndaj vajzës, për të cilën bashkohen dhe e dënojnë të gjithë, por për pjesën e reagimit të policisë dhe ngjarjen të cilën ai e rrëfeu pasi iku në Zvicër, ku ka kërkuar srehim politik.

Pra, janë ngritur aludime se intervista është përdorur për të siguruar qëndrimin në një shtet të Europës.

Pra, në të dy rastet, edhe në atë të vitit të kaluar ku PD-ja shpesh përpiqet të nxejrrë video, nuk ka mundur që të ngrejë kauza, nuk ka mundur të dalë në protestë, gjithmonë ka pasur dyshime, aludime, diçka ka dështuar.

LEXO EDHE:  “Kurrgjë nuk është bërë për Veriun”/ Rama publikon videon dhe u përgjigjet kritikëve

Kjo ndoshta nga paaftësia e Bashës apo dëshira për t’u sjellë si drejtues i emisionit, dhe PD-në nga një forcë poltike opozitare, po e kthen në një emsion me video dhe audio-përgjime, apo dhe video dhe auto-intervista. Atë që për PD-në e kanë bërë shumë mirë për qindra e qindra raste “Fiks Fare”, apo “Stop”. Që nga rasti i ministrit Ilir Beqja, që nga blerja e studentëve për vota në zgjedhjet e Korçës, e kështu me radhë. I ka bërë “Fiksi” dhe “Stopi” shumë herë më mirë sësa i ka bërë Lulzim Basha. Dhe për më tepër, kur Basha ka dalë në protestë pas qëndrimeve të tyre ka pasur më shumë qytetarë nga pas. Sepse ky ka qënë reagimi i vërtetë dhe ai që duhet dhe nuk është detyra e Lulzim Bashës të bëjë emisionin “Fiks Fare” apo emsionin “Stop”.

Detyra e tij është të bëjë opozitën, të shkojë në parlament, ta denoncojë, ndoshta të djegë dhe mandatet, t’i hedhë në kosh, t’i bëjë presion qeverisë, t’i kërkojë largimin, e kështu me radhë. Ky është misioni i opozitës, të ketë strategji, të shtrëngojë qeverinë, ta denoncojë atë, jo të kthehet fatkeqësisht në një emision “satiriko-investigativ”, siç janë “Stopi” dhe “Fiksi”, ku rolin e Filipit dhe të Saimirit, e ka marrë Lulzim Basha, por mesa duket ky treg nuk ka më vend për një të tretë. Prandaj dhe Lulzim Basha është shumë më dobët se dy emisionet e dy televizioneve kryesore në vend, prandaj dhe nuk e ndjek kush nga pas në opozitë./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Fatura që duhet paguar ndaj Becchetit/ Ish avokatja e shtetit: Fitore për qeverinë që është vetëm një

Publikuar

-

Nga

Fatura që qytetarët shqiptarët duhet ti paguajnë biznesmenit italian Francesco Becchetti, pasi u shpall fitues në Arbitrazh, ishte tema e diskutimit mbrëmjën e sotme në emisionin ‘Log’

Ish avokatja e shtetit e viteve 2010-2013, Ledina Mandija është shprehur se kjo është një çështje e ndërlikuar dhe se deri diku qeveria e ka cilësuar fitore gjyqin me sipërmarrësin pasi nga paditë e bëra ai pretendonte të merrte 1,2 miliardë euro.

“Ka ngritur dy padi dhe një nga ato që është në arbritrazhin e investimeve është pendig, ndërsa tjetra ka kaluar në pezullim. Nëse do të ishte e kujdesshme qeveria çështja dhe situata do të ishte ndryshe. Familjarët Beccheti kishin përqindje të konsiderueshme në televizion që është dhe çështja kryesore.

Beccheti ka filluar me ekzekutimin e vendimit kohë më parë ndërkohë që kishim një veprim të arbritrazhit, ka pas dhe veprime të tij ndaj shtetit shqiptar që gjithashtu shteti i është kundërpërgjigjur. Këtë vit është dhe kërkesa e anulimit të vendimit nga arbritrazhi, duke berë që tashmë vendimi duhet të pranohet nga qeveria.  Nga proceduarat që janë ndjekur dhe nga vendet e tjera të botës ta marrim në total të gjithë këtë kosto shifra shkon deri në 120 milionë euro.

Kur Becchetit fitoi gjyqin ai deklaroi fitoren para publikimit zyrtar dhe pse akoma nuk kemi një vendim të publikuar të arbitrazhit pasi pala shqiptare nuk ka rënë dakord për ta bërë një gjë të tillë. Nga paditë që ai ka mund të pretendonte të merrte 1.2 miliardë euro dhe mund të quhet fitore nga qeveria që është vetëm një faturë për tu paguar . Që në 2015 ka filluar beteja ligjore me Becchetit, është e rëndësishme që të bëhet një analizë mbi studiot shqiptare që kanë fituar. Në të gjithë këtë betejë qoftë dhe me lidhjet penale duhet të ishin të kujdesshëm dhe të punohej në grup”, ka thënë ajo.

LEXO TE PLOTE

Politikë

Raporti final i OSBE për zgjedhjet e 25 prillit/ Balla: Shqipëria merr raportin më të mirë në këto 30 vite

Publikuar

-

Nga

Raporti final i OSBE/ODIHR për Zgjedhjet e 25 Prillit/ Balla: Shqipëria merr raportin më të mirë në këto 30 vite

Sekretari i Përgjithshëm i Partisë Socialiste Taulant Balla ka reaguar pas publikimit të raportit final të OSBE/ODIHR për zgjedhjet e 25 prillit.

Balla deklaron se OSBE/ODIHR konfirmoi se zgjedhjet e 25 prillit ishin shprehje kuptimplotë e demokracisë dhe e respektimit të lirisë së zgjedhësve.

Sipas Ballës, Shqipëria merr raportin më të mirë për zgjedhjet në këto 30 vite dhe kjo është një meritë e madhe, mbi të gjithë, e qytetarëve shqiptarë, të cilët ushtruan në shumicë të drejtën e tyre të votës.

Postimi i plote i Taulant Ballës:

LEXO EDHE:  “SPAK e ka zgjidhjen për të gjithë”/ Ngjela godet ashpër Ramën: Po s’ngjallët besim në popull largohuni

LEXO EDHE:  Tryeza për Reformën Zgjedhore/ PD publikon qëndrimin e mbajtur në Këshillin Politik

OSBE/ODIHR konfirmon gjetjet e raportit paraprak duke konfirmuar se Zgjedhjet e 25 Prillit ishin shprehje kuptimplotë e demokracisë dhe e respektimit të lirisë së zgjedhësve. Shqipëria merr raportin më të mirë për zgjedhjet në këto 30 vite dhe kjo është një meritë e madhe, mbi të gjithë, e qytetarëve shqiptarë, të cilët ushtruan në shumicë të drejtën e tyre të votës në zgjedhjet parlamentare të 25 Prillit. Përgëzime KQZ për vlerësimin e marrë në këtë Raport.

LEXO TE PLOTE

Politikë

Raporti final i OSBE/ Reagon Basha: Masakër Zgjedhore! Më 25 prill u tjetërsua vullneti i shqiptarëve

Publikuar

-

Nga

Raporti final i OSBE/ Reagon Basha: Masakër Zgjedhore! Më 25 prill u tjetërsua vullneti i shqiptarëve

Kreu i Partisë Demokratike Lulzim Basha ka reaguar për publikimin e raportit final nga OSBE/ODIHR.

Sipas Bashës e gjitha mund të përmblidhet si ”Masakër Zgjedhore”.

Dhe me këtë raport konfirmohet se më 25 prill u tjetërsua vullneti i shqiptarëve dhe ato zgjedhje nuk kishin lidhje me demokracinë dhe zgjedhjet e lira dhe të ndershme.

STATUSI NGA LULZIM BASHA

Raporti përfundimtar i OSBE/ODIHR konfirmon se me 25 prill u tjetërsua vullneti i shqiptarëve.

Këto janë disa nga konkluzionet e raportit përfundimtar të OSBE/ODIHR mbi 25 prillin:

– Blerja masive e votave.

– Presioni ndaj votuesve.

– Shkrirja në një e partisë në pushtet me shtetin.

– Keqpërdorimi i aseteve publike në avantazh të partisë në pushtet.

– Abuzimi me pushtetin dhe funksionet publike.

– Rritje e punësimit në administratën publike me qëllime elektorale.

LEXO EDHE:  Tryeza për Reformën Zgjedhore/ PD publikon qëndrimin e mbajtur në Këshillin Politik

LEXO EDHE:  PD dorëzon në KQZ listën përfundimtare të kandidatëve

– Presion mbi administratën publike për të votuar partinë në pushtet.

– Përdorimi i fondeve të rindërtimit për të orientuar votën.

– Legalizime në këmbim të votës.

– Vjedhja e të dhënave private dhe personale të shqiptarëve nga partia në pushtet dhe ngritja e sistemit kriminal të patronazhistëve duke ushtruar përmes këtij sistemi presione dhe shantazhe ndaj qytetarëve.

– Përdorimi i grupeve kriminale për të ushtruar presion ndaj zgjedhësve.

– Ndryshimet kushtetuese të njëanshme, në kundërshtim me rekomandimet e Komisionit të Venecias.

E përmbledhur me dy fjalë: MASAKËR ZGJEDHORE!

Raporti konfirmon atë që të gjithë shqiptarët e dinë tashmë: 25 prilli nuk kishte lidhje me demokracinë dhe zgjedhjet e lira e të ndershme.

 

LEXO TE PLOTE