Connect with Us

Shënim/ Protestat e munguara dhe çfarë nuk na tha Luli

Aktualitet

Shënim/ Protestat e munguara dhe çfarë nuk na tha Luli

Publikuar

-

Kryetari i Partisë Demokratike, Lulzim Basha ishte i ftuar mbrëmjen e djeshme në emisionin “Të Paekspozuarit” e Ylli Rakipit, ku mund të themi se ishte emisioni më komik në historinë e tij politike. Jo vetëm nga budallallëqet që artikulonte, por edhe nga sjellja e vetë gazetarëve të cilët shpesh e qeshnin. Andi Bushati, Ylli Rakipi, apo Fatos Lubonja nuk ndaleshin dot së gajasuri, gati sa e ofendonin Lulzim Bashën me broçkullat që ai fliste në emision.

Për shembull, Lulzim Basha i drejtohej Bushatit duke i thënë “Dil ti në revolucion, sepse po nuk dole ti qeveria nuk bie” . Pra, Andi Bushati, nipi i Hysni Kapos, një kundërshtar i fortë i së djathtës dhe Partisë Demokratike, të dalë në protestë në krah të Lulit, që ky i fundit të bëhet kryeministër. Dhe këtë lloj marrie apo çmendurie e kërkonte Lulzim Basha. Por, “Che Guevara idhulli i ekstremit të majtë ishte idhulli i “super të djathtit”  Lul… Këtu nuk gënjeu, tregoi çfarë idealesh revolucionare ka, megjithëse ka frikë të bëjë revolucion.

Por, përtej kësaj, Basha dukej i dorëzuar. Ai thoshte se edhe po të dilte në protestë para Kryeministrisë dhe po të hidhte hapin për revolucion apo të rrethonte Kryeministrinë me 10 mijë veta, ai nuk do të mund ta merrte pushtetin, pasi Rama nuk do të ikte. Dhe gjatë kohës që ai do të qëndronte në institucion, duke rrethuar Kryeministrinë do të ishin Trump dhe Merkel që do ta merrnin në telefon që të largohej.

Pra, Lulzim Basha pa dashje tregoi dje se askush nga ndërkombëtarët nuk e mbështet, nuk e njeh dhe nuk i jep të paktën një dritë jeshile, që Ramën ta rrëzojë qoftë edhe me revolucion.

Së treti, një rast tjetër ku Basha u bë thuajse gati qesharak ishte edhe momenti kur ai shprehej se në parti kishte bërë lista të hapura dhe kishte një grup cilësor parlamentar, ndërkohë që analistët i thanë që është një grup qesharak dhe i turpshëm. Megjithë pretendimet e Bashës se grupi kishte intelektualë dhe jo njerëz të inkriminuar, ai përmendi Valentina Dukën, në vend të Agron Gjekmarkajt. Por, të krahasosh këta dy personazhe, për Partinë Demokratike është krejt e pavlerë të shprehesh më tej, kush është Valentina Duka, nga vjen e çfarë përfaqëson dhe kush është Agron Gjekmarkaj. Por, gjithësesi kjo i përket Lulzim Bashës.

Përtej akuzave që i bënë vetë analistët për deputetë të futur me para në listat e kandidatëve apo edhe atyre që sot janë pjesë e grupit parlamentar të PD-së, më pas ajo që mund të quhet organizim i Partisë Demokratike, ku Basha fliste për një anëtar, një votë, zgjedhje në strukturat e PD-së, ndërkohë që ka pesë vjet që nuk zhvillon dot zgjedhje. Ka gati dy vjet që nuk zhvillon dot riorganizimin e Partisë Demokratike. Ka degë që ende nuk kanë zhvilluar fare zgjedhje, fare. Pra, nuk ka struktura, nuk funksionojnë, ka kryetar të larguar, ka degë që drejtohen me telekomandë nga Tirana. Pra, ka kryetar që jetojnë në Tiranë, ndërkohë që janë në drejtimin e partisë në qytetet e tyre, e të tjera si këto.

LEXO EDHE:  Basha bën paralajmërimin e frikshëm/ Vendi rrezikon destabilizmin

Basha në fakt, dje nuk bëri gjë tjetër, thjeshtë gënjeu Live. Gënjeu edhe kur tha se ishte Edi Rama që sulmonte kunatin, por në fakt është kunati, i cili është problemi. Me rreth 2 miliardë lekë xhiro biznesi në vit dhe me vetëm 45 milion lekë fitim të deklaruar, për të cilin Lulzim Basha tha se ishte një biznes ashtu si ato mijëra të tjerat që nuk kishin ecur mirë, por kishin pasur problematika gjatë viteve të qeverisjes së Ramës.

Në fakt, Luli gënjeu për këtë detaj sepse edhe gjatë qeverisjes së Ramës, biznesi i kunatit të kryetarit të PD-së është 3-fishuar në xhiro, apo 4-fishuar. Nga disa qindra milionë, ka shkuar në disa miliardë. Dhe në fund tha ai se nuk kishte fituar asnjë tender familjari i tij dhe nuk kishte marrë fonde nga para publike.

CNA.al e tregoi sot me një dokument publik, që mund të gjendet tek “Open Spending Data”, e cila është një pagesë e kryer nga AKSHI për “Landmark Communication”, kompaninë e kunatit të tij.

Pagesa e kryer nga AKSHI

Pra, gjithçka ai tha dje ishte qesharake. Gjithçka tha dje Lulzim Basha ishte një gënjeshtër. U kthye në fasadë duke luajtur edhe me kritikët, duke thënë se shumë prej tyre po kontribuojnë, shumë prej tyre janë në krah të tij. Përmendi Besnik Mustafajn, përmendi Genc Rulin, etj.

Në fakt mjafton ti pyesësh Genc Rulin dhe Besnik Mustafajn e kupton lehtë se cili është mendimi i tyre për Lulzim Bashën. Dhe ky i fundit ka zgjedhur të qëndrojë me forcë, me dhunë në krye të PD-së, duke shpresuar se në fund të gjithë do t’i shkojnë nga pas për të rrëzuar Edi Ramën.

Por, ende Lulzim Basha nuk e ka kuptuar se askush nuk shkon pas tij për të rrëzuar Edi Ramën sepse Lulzim Basha është vetë Edi Rama. Lulzim Basha është njësoj, nuk ka asnjë ndryshim nga Edi Rama. Ai është një ushtar i vogël i Sorosit në shërbim të Edi Ramës dhe qëndron në krye të Partisë Demokratike vetëm e vetëm që Edi Rama të jetë kryeministër i Shqipërisë, sipas porozive dhe udhëzimeve të dhëna nga Sorosi.

Këto tashmë dihen nga të gjithë. Ato që thamë më lart janë përsëritje të shumë e shumë detajeve të mëparshme. Por, sa qesharak dhe komik, Lulzim Basha nuk di të ndalet. Nuk di të ndalet për të shpëtuar veten e tij, për të qëndruar në karrierë politike, por që nga ana tjetër po shkatërron, po rrënon dhe po dëmton pafundësisht Partinë Demokratike./Elvi Fundo-CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Hapja e listave dhe ndalimi i koalicioneve/ Opozita e bashkuar: S’i bindemi Edi Ramës!

Publikuar

-

Nga

Opozita ka reaguar pas miratimit në Komisionin e Ligjeve për ndyshimet kushtetuese.

Opozita e bashkuar e konsideron votimin një akt që minon procesin e integrimit, ndërsa thekson se Kushtetutën dhe sistemin zgjedhor, e vendosin vetëm qytetarët me referendum popullor.

Në reagimin e opozitës thuhet se cdo lojë e pisët për të ndryshuar në mënyrë të fshehtë dhe të njënashme Kushtetutën nga njeriu që është i tmerruar nga zgjedhjet dhe vullneti i qytetarëve

“Tentativa për prishjen e Dakordësisë së 5 Qershorit, të arritur me mbështetjen dhe ndërmjetësimin e plotë të partnerëve strategjikë SHBA – BE, është përgjegjësi VETEM e Edi Ramës. Ky akt minon procesin e integrimit europian të vendit dhe dëshmon përpara opinionit publik, se Edi Rama për pushtetin e tij personal është në gjendje të hedh në erë të ardhmen europiane të Shqipërisë.

Çdo lojë e pisët për të ndryshuar në mënyrë të fshehtë dhe të njënashme Kushtetutën nga njeriu që është i tmerruar nga zgjedhjet dhe vullneti i qytetarëve, është dëshmi e fundit të tij të pashmangshëm. Ky akt rikonfirmon se Edi Rama është një mashtrues tinzar që, për pushtetin e tij, shet interesat e vendit dhe të shqiptarëve, rrënon procesin e integrimit europian dhe izolon Shqipërinë, duke kërcënuar rëndë stabilitetin politik dhe shoqëror të vendit.

LEXO EDHE:  Pse Lulzim Basha e çon debatin tek Venecia dhe Presidenti

LEXO EDHE:  “Kjo është e lavdërueshme”/ Dashamir Shehi vlerëson Fatos Nanon, Rama si Don Kishoti

Kushtetutën dhe sistemin zgjedhor e vendosin vetëm qytetarët me referendum popullor. Opozita e Bashkuar i bindet vetëm vendimeve që marrin qytetarët dhe jo interesave kriminale të pushtetit personal të Edi Ramës.

Opozita e Bashkuar është e vendosur t’i shërbejë vetëm interesit të qytetarëve. Opozita e Bashkuar mbështet plotësisht qëndimet e qarta të Sekretarit amerikan të Shtetit, Mike Pompeo, Përfaqësuesit të Lartë të Bashkimit Europian, Joseph Borrel dhe Komisionerit për Zgjerimin, Oliver Varhelyi dhe rikonfirmon se i qëndron plotësisht kodifikimit pa asnjë ndryshim të Dakordësisë së 5 Qershorit, si baza minimale për krijimin e një klime normale për zgjedhjet në Shqipëri”, thuhet në reagim./CNA.al

LEXO TE PLOTE

Kosova & Rajoni

Foshnja e parë e prekur me Covid në Kosovë/ Si është gjendja e të porsalindurit

Publikuar

-

Nga

Foshnja, e cila ishte e para e infektuar me Covid-19 në Kosovë, ka dalë nga Klinika e Neonatologjisë. Mësohet se gjendja shëndetësore e foshnjes është e mirë

Lajmin e ka konfirmuar drejtori i klinikës dr. Xhevdet Gojnovci. Ai ka thënë se foshnja është në gjendje të mirë shëndetësore.

“Po mund t’ju konfirmoj se foshnja është në gjendje të mirë shëndetësore dhe është dërguar në shtëpi”, ka deklaruar Gojnovci për Express.

LEXO EDHE:  “Kjo është e lavdërueshme”/ Dashamir Shehi vlerëson Fatos Nanon, Rama si Don Kishoti

LEXO EDHE:  Pse Lulzim Basha e çon debatin tek Venecia dhe Presidenti

I porsalinduri ishte foshnja e parë e konfirmuar pozitive me Covid-19. Foshnja u trajtua për më shumë se 1 javë në klinikën e Neonatologjisë dhe tani është bashkuar me prindërit e saj./CNA.al

LEXO TE PLOTE

Politikë

Edi Rama, si inceneratori i prishur i Mirel Mërtirit

Publikuar

-

Nga

Edi Rama, si inceneratori i prishur i Mirel Mërtirit

CNA.al për disa muaj ka denoncuar një dosje të plotë investigative në lidhje me inceneratorët në Shqipëri, ku fillimisht zbuluam ortakërinë e drejtuesve të medias, blerje aksionesh në kompani që kanë të njëjtët aksionerë me Top Channel.  (Lexo këtu)

Ne gjithashtu kemi publikuar fakte që lidhen drejtpërdrejt me kryeministrin, ministrat e tij por edhe kryebashkiakun e Tiranës.

CNA.al ka kryer një investigim të plotë në lidhje me koncesionin e inceneratorëve, ku rrugës na dolën edhe ortakëri me politikanë, personazhe që sot drejtojnë media, të fshehura në Bullgari, Hollandë e gjetkë.

Mirel Mertiri është një ndër personat, apo ortakët e përfshirë në skemën e inceneratorëve në Shqipëri, emri i të cilit shfaqet pothuajse kudo ku del Klodian Zoto.

Mirel Mërtiri është një ndër ortakët e Em Capital Group, një kompani e themeluar në Bullgari dhe ku aksionerë janë Klodian Zoto, Mirel Mërtiri dhe Eva Blushi, bashkëshortja e Ben Blushit. (Lexo këtu)   

Më pas emri i Mirel Mërtirit del edhe tek koncesionet miliona euro në Shqipëri, që nga koncesioni 22 milion euro i Fierit, tek koncesioni 28 milion euro në Elbasani e deri edhe në Tiranë, ku shtohet “oreksi” në 128 milionë euro.

CNA.al ka treguar me dokumente zyrtare sesi, kompania e Stela Gugallës, Albtek Energy, e cila është kompania  fituese tek inceneratori i Elbasanit, pra, një kompani që nuk ka asnjë lek merr nga qeveria një koncesion 22 milion euro, firmos një kontratë me një firmë italiane, shkon në një bankë e siguron këtë kontratë bashkë me kontratën koncesionare të qeverisë, që të fillojë një investim. ( Lexo këtu).

Dhe “rastësisht” Stela Gugallja është bashkëjetuesja e Mirel Mërtirit.

Duke thelluar më tej investigimin tonë, mësuam se në 3 maj të vitit 2016, sipas datës së regjistrimit në QKR, lind kompania Energy Recuperator, e cila e ka themelimin dhe regjistrimin në Shqipëri në 19 prill dhe bërë regjistrimi në QKR në datën 3 maj, vjen si degë e një kompanie të huaj me përfaqësues ligjorë dy shtetas italianë. Kjo kompani më vonë siguron edhe kontratën për inceneratorin e Fierit, të Klodian Zotos.

LEXO EDHE:  Befason ish-ministri i Metës/PS fituese, PD-LSI ende në kaos

LEXO EDHE:  Përplasjet me Metën/ Basha: Ju qëndrojmë kushteve tona

Ndërkohë, disa ditë më pas, thuajse në të njëjtën kohë është themeluar ER One Albania, pra Energy Recuperator,  ka një “bijë”, këtu hyn në ortakëri Stela Gugallja e inceneratorit të Elbasanit dhe administrimin e merr bashkëjetuesi i saj, Mirel Mërtiri.

Por, për këto fakte nuk është thënë asnjëherë dhe në asnjë rast asnjë fjalë nga kryeministri Edi Rama dhe as kryebashkiaku i Tiranës, Erion Veliaj. Janë qindra milionë euro të taksapaguesve shqiptarët, të bëra rrush e kumbulla, por askush nuk flet.

Ndërsa së fundi Mirel Mërtiri është shqetësuar shumë për një foto të publikuar nga mediat në Zimbabve, në të cilën i është vënë emri Ilir Dedja.

Në fakt kjo është nxjerrë nga mediat afrikane, por duke qënë se mesa duket ai nuk shkon dot të padisë mediat në Zimbabve, ka paditur mediat shqiptare, që kanë treguar të vërtetën, që kanë thënë kush është ky personazh i cili është përfshirë në skema inceneratorësh, me qeverinë.

Skandali në Zimbabve është hiç përpara asaj që po ndodh me inceneratorët në Shqipëri. Por të paktën një Zimbabve një ministër është arrestuar, ndërsa këtu ndoshta ne duhet të marrim dosjen në dorë dhe ta çojmë SPAK, për të treguar si funksion Edi Rama, si inceneratori i prishur i Mirel Mërtirit./ CNA.al

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Kush është Mirel Mërtiri, njeriu i inceneratorëve, ortaku i Ben Blushit, i dënuar nga gjykatat

LEXO TE PLOTE