Connect with Us

Për revolucionin: Mos e merrni Lul Bashën në telefon/ Një lutje presidentit Trump dhe kancelares Merkel

Aktualitet

Për revolucionin: Mos e merrni Lul Bashën në telefon/ Një lutje presidentit Trump dhe kancelares Merkel

Publikuar

-

Ndoshta nuk do ta lexoni, ndoshta nuk do ta kuptoni, ndoshta do të çuditeni, por të paktën ta marrin këta zyrtarët tuaj këtë letrën tonë të sinqertë drejtuar ju shkelqësi të nderuar Zoti President, Donald Trump dhe Zonja Kancelare, Angela Merkel.

Ju lutemi, në emër të demokratëve, në emër të shqiptarëve të paktën ta shikonim një herë të bëhet burrë, se një e dy e thotë se kush kalon mbi trupin tim, po e kalojnë të gjithë me radhë. Del e thotë rezolucion s’bëj dot. Doktori thotë për revolucion, ky del e thotë mund të quhet grusht shteti se më merr Merkeli me Trumpin në telefon.

Lulzim Basha, i ftuar mbrëmjen e djeshme në emisionin “Të Paekspozuarit” e Ylli Rakipit në Neës 24, ka është shprehur se nuk bën dot revolucion se i thonë Merek dhe Trum që e mori pushtetin me dhunë.

“Po të bëj thirrje për të rrëzuar Ramën me dhunë është grusht shteti. Po të dalë populli atje, është forca e sovranit. Unë se kam problem që të thërras që nesër 10 mijë militantë dhe e rrëzoj Ramën por çfarë ndodh. Del Trumpi, Merkeli dhe thonë që Basha e mori pushtetin me dhunë”-tha mbrëmjen e djeshme Basha.

Prandaj, aman ju lutemi, në emër të demokratëve, në emër të gjithë shqiptarëve, po ju lutemi të mos e merrni në telefon. Po këta zyrtarët këtu të Ambasadës, po mos e merrni dreqi e mori. Na e bëni këtë nder, lëreni të bëjë revolucion aman. Edhe ky të paktën piqet, edhe ta bëjmë içik shqiptarçe. Edhe mishi të piqet, edhe helli mos të digjet, se ja ky do vejë, do bëjë sikur do bëjë revolucion dhe prap do ikë. Dhe prandaj ju lutemi, si t’jua shprehim, si t’jua kërkojmë, se ky tani ka frikë se mos e marrin në telefon, prandaj nuk shkon të bëjë revolucion.

LEXO EDHE:  Neritan Liçaj thirrje nga protesta/ “Mos dilni vetëm te pragu i shtëpisë, reagoni”

E ka nga frika, e ka nga paaftësia, a e ka se nuk i vete njeri prapa dhe këtë ai e di, kjo është tjetër punë. Por, juve të paktën dilni e thoni nuk e marrim në telefon mo fare! Do ta lëmë të bëjë revolucion!

Ta shohim ta bëjë pa, dreqi ta marrë pastaj, të dali ku të dali. Dhe ti popull dil e rrëzo Ramën se të vjen Luli pas, vetëm i pari s’del dot./CNA.al

Rrëzimi me dhunë i Ramës?/ Basha zbulon arsyen pse nuk i mbledh qytetarët

Nuk mbajnë dot të qeshurën/ Analistët tallen me Bashën

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Debati Trump – Biden/ Palët ndahen për masat ndaj covid, pas një jave del vaksina

Publikuar

-

Nga

A ka frikë Xho Bajden të debatojë sërish me Donald Trumpin?

Debati presidencial ne SHBA ka filluar me qendrimet e paleve per situaten ndaj Covid 19.

Presidenti Donald Trump ka theksuar se vendi duhet te hapet, sepse ekonomia po shkaterrohet dhe vendi i mbyllur nuk eshte pergjigja e duhur.

Trump theksoi se shume brenda nje jave do kemi vaksinen dhe shume shpejt do kete nje sasi prej 100 milione per popullaten.

LEXO EDHE:  Neritan Liçaj thirrje nga protesta/ “Mos dilni vetëm te pragu i shtëpisë, reagoni”

LEXO EDHE:  Kryeministri i ri britanik përshpejton Brexit/ Merkel: BE do të ketë një konkurrent të fortë

Kandidati Joe Biden ne qendrimin e tij theksoi se SHBA duhet te marre me shume masa dhe te vendosen maska, te kete distancim social dhe mbyllje nese eshte e nevojshme./CNA.al

LEXO TE PLOTE

Politikë

“Zbehet” roli i Rinasit/ Belinda Balluku: Aeroporti i Vlorës do jetë kryesori

Publikuar

-

Nga

“Zbehet” roli i Rinasit/ Belinda Balluku: Aeroporti i Vlorës do jetë kryesori

Ministrja e Infrastrukturës dhe Energjisë, Belinda Balluku, e pranishme në studion e “Ilva Now”, komentoi projektet ndërtuese për aeroportet e vendit. Ajo theksoi se qeveria shqiptare synon ta kthejë Aeroportin e Vlorës në aeroportin kryesor të Shqipërisë.

“Në Vlorën synojmë ta kthejmë në aeroportin kryesor të Republikës së Shqipërisë. Vlora do të ndërtohet me gjatësi tjetër piste. Tirana dhe Vlora do të jenë në garë me tyre, dhe kjo do të sjellë shërbime më të mira. Padyshim të gjitha këto që shkojnë në benefit të qytetarëve”, tha ajo.

Ajo gjithashtu u ndal edhe tek aeroporti i Kukësit, që sipas Ballukut është konceptuar që të shërbejë si aeroport rajonal, përfitues i të cilit do jenë jo vetëm kuksianët që ndodhen në emigracion, por edhe qytetarët nga Kosova. Më tej, znj, Balluku shtoi se aeroporti i Sarandës është menduar të jetë një aeroport sezonal, që në thelb do ti shërbejë sektorit të turizmit.

“Aeroporti i Kukësit është aeroport rajonal, nuk ndërtohet vetëm për Shqipërinë, por edhe për Kosovën, sepse me të vërtetë është Prishtina, por banorët e Ferizajt kanë më afër Kukësin.Është një aeroport për nevojat e asaj zone. Nëse ajo zonë ka emigracion, ato destinacione do të mbulojë. Aeroporti i Sarandës është aeroport sezonal që do të akomodojë nevojat e fluturimeve të posaçme, dhe flurimet do të jenë nga Prilli deri në tetor. Janë bërë të gjitha me studime”,  shtoi ajo.

LEXO EDHE:  Kryeministri i ri britanik përshpejton Brexit/ Merkel: BE do të ketë një konkurrent të fortë

LEXO EDHE:  Ndalimi i Tik Tok në SHBA/ Shefi ekzekutiv i aplikacionit zbulon qëllimin e vërtetë të Trump

Gazetari Neritan Sejamini u shpreh i bindur se aeroporti i Vlorës nuk ka për t’u ndërtuar kurrë.

“Aeroporti i Vlorës nuk ka për t’u bërë kurrë”, tha ai.

LEXO TE PLOTE

Bota

SHBA/ Trump-Biden përballë njëri-tjetrit në debatin e fundit

Publikuar

-

Nga

Presidenti republikan Donald Trump dhe rivali i tij demokrat, ish nënpresidenti Joe Biden, debatojnë të enjten në mbrëmje (të premten ora 03.00 me orën e Shqipërisë), hera e fundit përpara zgjedhjeve presidenciale të 3 nëntorit që gjenden ballë për ballë.

Kandidatët, të dy në të 70-at, ndërprenë vazhdimisht njëri-tjetrin, megjithëse zoti Trump më shpesh se zoti Biden, në debatin e tyre prej mbi 90 minutash në fund të shtatorit, një përplasje që disa ekspertë amerikanë të shkencave politike e përshkruan si debatin presidencial amerikan më të keq ndonjëherë.

Por këtë herë, Komisioni i pavarur për Debatet Presidenciale ka vendosur ta mbyllë mikrofonin e njerit kandidat, ndërsa tjetri flet për dy minuta në përgjigje të pyetjeve për gjashtë çështje që ka zgjedhur moderatorja Kristen Welker e “NBC News”.
Komisioni tha se mendon se nëse as Presidenti Trump as demokrati Biden nuk përpiqen të ndërpresin njëri-tjetrin gjatë komenteve hapëse dy minutëshe, votuesit amerikanë – të paktën ata relativisht të paktë që thonë se janë ende të pavendosur se si do të votojnë – mund të krijojnë një ide më të qartë se në ç’drejtim do ta çojë vendin secili prej tyre kur të marrë detyrën në 20 janar.

Pas dy minutave të përgjigjeve, mikrofonët e kandidatëve do të hapen përsëri dhe një skenar përplasjesh si herën e parë mund të përsëritet. Kandidatët Trump dhe Biden shkëmbyen një varg talljesh, fyerjesh dhe komentesh me thumba ndaj njëri-tjetrit, me ndërprerjet që e bënin të vështirë here pas here për shikuesit që të ndiqnin shkëmbimet.
Shumë gjëra kanë ndryshuar midis debatit të parë dhe atij të së enjtes, i cila mbahet një një sallë debatesh në Universitetin Belmont në Nashville, Tenesi.

Një debat i dytë i planifikuar për javën e kaluar u anulua pasi zoti Trump u prek nga koronavirusi dhe u shtrua në spital për tre net. Kjo e bëri komisionin të vendoste që kandidatët të debatonin virtualisht, por zoti Trump refuzoi dhe takimi u anulua.
Çka është më e rëndësishme, miliona amerikanë tashmë kanë vendosur në lidhje me zgjedhjet, me më shumë se 43 milion njerëz që kanë hedhur votën here me postë ose personalisht. Shumë kanë thënë se gjatë pandemisë së pakontrolluar të koronavirusit në Shtetet e Bashkuara, ata donin të shmangnin kontaktin me votuesit e tjerë në radhët e gjata të pritshme në qendrat e votimit në ditën e zgjedhjeve.

Shumë votues demokratë që favorizojnë Biden thanë se dëshironin të ishin ndër të parët që votuan për të larguar zotinTrump, duke e bërë atë presidentin e tretë në detyrë të Shteteve të Bashkuara në katër dekadat e fundit, që do të humbiste garën për rizgjedhje për një mandat të dytë.

Votuesit republikanë shpesh u kanë thënë anketuesve dhe gazetarëve se ata synojnë të votojnë personalisht në ditën e zgjedhjeve, siç ka qenë traditë për dekada në zgjedhjet kombëtare amerikane. Debati i së enjtes mund të jetë shansi i fundit më i mirë për zotin Trump, që të ulë epërsinë e zotit Biden në sondazhet kombëtare.

Demokrati Biden, me gati një gjysmë shekulli në skenën politike amerikane si senator amerikan dhe ish-nënpresident në administratën e ish-Presidentit Barack Obama, mban një epërsi prej 9 ose 10 përqind ndaj zotitTrump në sondazhet kombëtare, por epërsia e tij në shtetet që pritet të përcaktojnë rezultatin e përgjithshëm është sa rreth gjysma e asaj të përgjithshme.

Gazetarja Welker e televizionit NBC thotë se ajo do t’i pyesë kandidatët në lidhje me përpjekjet e tyre për të kontrolluar koronavirusin që ka shkaktuar vdekjen e 221,000 vetëve në Shtetet e Bashkuara. Temat e tjera do të përfshijnë familjet amerikane, çështjet racore në SHBA, ndryshimin e klimës, sigurinë kombëtare dhe udhëheqjen.

LEXO EDHE:  Ndalimi i Tik Tok në SHBA/ Shefi ekzekutiv i aplikacionit zbulon qëllimin e vërtetë të Trump

LEXO EDHE:  Bashkëpunim me Rusinë?/ Trump: Raporti të bëhet publik

Në një intervistë në Fox News të martën, Presidenti Trump sulmoi moderatoren Welker si “plotësisht e politizuar” dhe sulmoi Komisionin e Debateve si të njëanshëm kundër tij. Presidenti tha se nuk është i kënaqur me vendimin për të mbyllur mikrofonët e kandidatëve gjatë deklaratave hapëse dy minutëshe dhe pretendoi se debati duhej të ishte përqëndruar në politikën e jashtme në vend të pandemisë së koronavirusit dhe çështjeve të tjera të politikës së brendshme.

Zoti Trump ka vazhduar fushatën me tubime të mëdha të mbështetësve këtë javë, duke velrësuar energjinë që ai beson se ato i shtojnë fushatës së tij dhe duke besuar se ato janë thelbësore për të fituar një mandat të dytë. Zoti Biden, ndërkohë, ka qëndruar larg syve të publikut që nga fundjava e kaluar, në shtëpinë e tij në shtetin lindor të Delaware për t’u përgatitur për debatin.

Fushata Trump ka premtuar të përballet me Biden për një çështje që mungoi në debatin e parë – akuzat se djali i Bidenit, Hunter përdori lidhjet e babait të tij ndërsa ishte nënpresident për të bërë marrëveshje fitimprurëse biznesi në Ukrainë dhe Kinë.

Bill Stepien, menaxheri i fushatës së Trump, tha në një deklaratë këtë javë, “Nëse media nuk do t’i bëjë Joe Biden këto pyetje, presidenti do t’i bëjë dhe Biden nuk do t’i shamget dot”.

Zoti Biden i ka quajtur pyetjet në lidhje me djalin e tij “një fushatë shpifjesh”, por nuk i ka adresuar publikisht akuzat specifike në lidhje me marrëveshjen e Hunter Bidenit, përfshirë fakttin që ishte anëtar në bordin e një kompanie ukrainase të gazit natyror për të cilën, sipas mediave amerikane , ai paguhej 50,000 dollarë ose më shumë në muaj.

Nuk dihet se si mund t’u përgjigjet Biden pyetjeve në lidhje me transaksionet financiare të djalit të tij është diçka, dhe nëse aido të ngrejë pyetje në lidhje me shumat e mëdha që korporatat dhe qeveritë e huaja kanë shpenzuar për qëndrime në hotel dhe loja golfi në pronat e zotit Trump gjatë presidencës së tij.

Aaron Kall, një trajnues debatesh në Universitetin e Miçiganit, tha se rezultati i debatit është “edhe këtë radhë shumë më i rëndësishëm për Presidentin Trump”. Zoti Kall tha se Presidenti Trump “ka më pak hapësirë për gabim” sepse ndarjet partiake dhe votimi i parakohshëm kanë lënë më pak votues të pavendosur sesa në disa zgjedhje të fundit presidenciale të SHBA – ndoshta më pak se 5% të elektoratit, sipas sondazheve kombëtare.

“Trump do të ketë pritshmëri më të ulëta për këtë debat duke pasur parasysh sa dobët doli herën e parë” në shtator, tha zoti Kall.

“Nëse ai bën një paraqitje të mirë, kjo mund ta largojë koronavirusin nga titujt e mediave të paktën për një periudhë të shkurtër kohe.”

Sa i përket zotit Biden, profesori Kall tha se “Duke pasur parasysh epërsinë e tij të vazhdueshme në sondazhe, Biden nuk ka nevojë të ofrojë një paraqitje të jashtëzakonshme ose diçka të tillë. Fushata e tij është e kënaqur me gjendjen e garës aktualisht dhe do të ishte e lumtur me një zgjatje të pacaktuar të kësaj gjendjeje”.

Por ai shtoi se “ashtu si gjatë debatit të fundit, ai duhet të ruhet nga ndonjë gafë e madhe që mund të ndryshojë tonin e garës në një moment kritik.”/VOA

LEXO TE PLOTE