Aktualitet
Fakte/ Zbulohen lidhjet e vëllait të Xhafajt me klanet mafioze
Ish-kryeministri Sali berisha ka publikuar në rrjetet sociale, denoncimin e një oficeri policie, i cili flet për lidhjet e vëllait të Ministrit të Brendshëm, Agron Xhafaj, me elementët kriminalë në Vlorë.
Në denoncim thuhet se vëllezërit Murati dhe Ferdinand Llanaj janë ortakë në një pikë bastesh në Vlorë, administrator i së cilës është daja i Llanajt.
Sipas denoncuesit brenda këtij biznesi, diskutohen të gjitha pazaret e trafiqeve dhe vrasjeve.
Ndër të tjera, në denoncim thuhet se Ferdinand Llanaj, vëllai i të cilit ndodhet në burg për masakrën e Çoles, është shok dhe mik i ngushtë me Agron Xhafajn.
Denoncuesi ka shtuar më tej, se Ferdinand Llanaj ka qenë shokë dhe mik edhe me vëllezërit Habilaj.
Postimi i plotë
Disa nga pasurite e familjes mafioze Xhafa dhe lidhjet e saj me klanet e tjera te mafies te Vlores!
Lexoni mesazhin e oficerit dixhital. sb
Mirembrema Doktor.pash denoncimin e PD pere lidhjet e Agron Xhafes me vellezerit murati.Gramoz murati me Ferdinand Llanaj ( Robi ) jane bashk ortak ne biznes dhe tek kazinoja tek kali i trojes Ne ane te Ruges Vlore skele prane postes perball me kryqezimin tek kali trojes.administratori i kazinos eshte dajua i ( Robit ) dhe quhet Shkelqim Aliaj.100 metra ne distanc nga kazinoja ne ane te ruges Vlore skele,ngjiture me banken,SOCIETE GENERALE ALBANIA ndodhe nje pik bastesh gjigande me emrin ECCOBET fam keqe ne Vlore.pronari dhe administratori i saj eshte Klodian Llanaj vellai i Robit.
perveç te gjitha llojet e kumarit qe ushtrohen ne brendesi te llotos,atje diskutohen edhe te gjitha llojet e muhabeteve te trafikut dhe te vrasjeve nga kriminelat e vlores dhe te retheve qe hyn dhe dalin miq anetar grupe kriminalesh dhe shoqeri te vellezerve Llanaj.vellai i vogel i vellezerve llanaj ndodhet ne burg dhe eshte autori i masakres te çoles e ndodhure ne vitin 2015 ne Vlore…
Doktor Ferdinand Llanaj eshte shok dhe mik i ngushte me Agron xhafen,Agron xhafaj i ka ndenjur tek koka ne spitalin e Vlores ( Robit )perpara Agron Xhafes ka qene shok mik dhe ortak me vellezerit Habilaj… /CNA.al
Bota
Bombarduesi strategjik i SHBA fluturon mbi kryeqytetet baltike
Forca Ajrore e SHBA tha se një bombardues amerikan me aftësi bërthamore me rreze të gjatë veprimi fluturoi të mërkurën mbi kryeqytetet e Lituanisë, Letonisë dhe Estonisë.
Fluturimi u bë në shenjë solidariteti me aleatet e NATO-s, mes shqetësimeve të Perëndimit për një shtim të agresivitetit të Rusisë.
“Ky mision dërgon një mesazh të qartë se angazhimi ynë ndaj aleatëve tanë të NATO-s është i patundur,” tha gjenerali Jeff Harrigian, komandanti i Forcës Ajrore të SHBA në Evropë dhe në Afrikë.
“Ne jemi këtu së bashku”, tha ai.
Lituania, Letonia dhe Estonia që dikur qeveriseshin nga Moska, janë sot anëtare të NATO-s dhe Bashkimit Evropian.
Të treja vendet baltike kanë pranuar trupa të NATO-s dhe të SHBA-së në tokën e tyre që nga viti 2014, kur Rusia pushtoi gadishullin e Krimesë të Ukrainës, e cila nuk është anëtare e aleancës.
Bombarduesi, që fluturoi të mërkurën, është një nga katër avionët e këtij lloji të dislokuar në Norvegji më 22 shkurt, për të operuar në rajonin strategjik të Arktikut për disa javë.
Është hera e parë që ky lloj avioni vendoset në Norvegji. Bombarduesit shoqërohen nga një personel i Forcës Ajrore të SHBA prej 200 vetash.
Norvegjia, anëtare themeluese e NATO-s, ka kufi të përbashkët me Rusinë në Arktik./ VOA
Politikë
“Bashkëpunim taktik me Topallin”/ Patozi zbulon marrëveshjen me ‘Lëvizjen për Ndryshim’
Koordinatori i Bindjes Demokratike, Astrit Patozi ishte i ftuar mbrëmjen e sotme në Report tv, ku ka folur për situtën parazgjedhore.
Ai tha se partia e tij do të dalë e vetme në zgjedhjet e 25 prillit, por do të ketë një bashkëpunim taktik para elektoral me partinë e Jozefina Topallit.
“Unë dhe topalli nuk jemi kaq të mërzitu, ne jemi në komunikimin, kemi pasur takime dhe jemi përpjekur të arrijmë një rezultat, qëllimi ynë është i përbashkët, synimet e njëjtat por vendosëm që të kandidojmë me lista të veçanta.
Ne kemi një marrëveshje do të kemi një bashkëpunim taktik para elektoral, ku gjatë zgjedhjeve do të përpiqemi të mos i prishim punë njëri-tjetrit por ta mbështesim në qarqe sipas rastit”, tha Patozi./CNA.al
Politikë
“Meta në merak për rezultatin e zgjedhjeve”/ Patozi: Ka shfaqur nervozizëm ekstrem
Kreu i Bindjes Demokratike Astrit Patozi ishte i ftuar pasditen e sotme në Report tv, ku mes të tjerave ka komenuar dhe deklaratat e fundit të presidentit Ilir Meta, i cili është shfaqur gjithnjë e më tepër i nervozuar lidhur me zhvillimet elektorale.
Patozi tha se Meta është njeriu që duhet të jetë më pak i interesuar në rezultatin e zgjedhjeve, por në fakt është më i axhituari.
“Janë shenja të qarta të një nervozizmi ekstrem, unë nuk e kuptoj arsyen, në fakt e kuptoj, njeriu që duhet të jetë më pak i interesuar në rezultatin e zgjedhjeve është më i axhituari. Ai s’është në zgjedhje, gruaja e tij është, edhe Lulzim Basha është më i qetë. Pas Ilir Metës është më i nervozuar Sali Berisha. Këta duhet edhe të mësojnë nga politika, një njeri që shfaqet nervoz i tradhëton merakun që ata kanë lidhur me rezultatin e zgjedhjeve, të bëjnë edhe gjoja fundja. Por ne s’na intereson se ne kemi betejën tonë”, tha Patozi./CNA.al
