Deputeti i Partisë Demokratike, Xhemal Gjunkshi në një deklaratë për mediat nga selia blu ka kërkuar arrestimin e kryebashkiakut të Durrësit, Vangjush Dako.

Sipas tij dosja 339 vërteton më së miri lidhjet e Dakos me bandën e Avdylajve, dosje që dyshohet se kryebashkiaku i Durrësit.

Më tej Gjunkshi është shprehur se kryeministri Edi Rama po bllokon hetimet për Dakon.

“Kryebashkiaku Vangjush Dako, duhet të ndëshkohet me burg. Dosja 339 dëshmon lidhjet e tij me bandën e Avdylajve. Edi Rama po bllokon hetimet”,- ka thënë Gjunkshi.

Deklarata e plotë:

Prej gati një muaji, qytetarët janë njohur me denoncimin e Partisë Demokratike se Vangjush Dako është peshku i madh i dosjes 339!

Denoncimi i Partisë Demokratike u provua i vërtetë, kur disa nga përgjimet e dosjes 339 u bënë publike me arrestimin për trafik ndërkombëtar droge të bandës së Avdyljave.

Nëpërmjet dosjes 339 Partia Demokratike u faktoi shqiptarëve se qeveria e Edi Ramës nuk i ka fituar zgjedhjet, por i ka vjedhur, i ka blerë së bashku me bandat për të sunduar shqiptarët.

Vangjush Dako është një nga personat kyç për blerjen kriminale të pushtetit ilegjitim të Edi Ramës.

Shkarkimi i kryebashkikaut të Durrësit duhet të ishte veprimi i parë që duhet të kishte bërë një kryeministër i pakapur nga krimi,

Arrestimi duhet të kishte qenë vendimi i menjëhrshëm një prokurorie të pakapur nga qeveria dhe krimi.

Vangjush Dako meriton të ndëshkohet me burg për blerjen e votave nëpërmjet bandave dhe për shpërblimin me tendera, punë publike dhe favore të tjera për krimin që i siguroi votat.

Në Dosjen 339 ndodhen qindra faqe me përgjime që vertetojnë lidhjet e bandes kriminale të qeverisë me bandën e Avdylajve, në Durrës dhe Shijak .

Biseda e shkurtit 2017 me bandën Avdylaj, me nofkën Niçja, ku i premton favore, e vërteton më së miri përmasën e skandalit Dako.

Nëpërmjet përgjimeve, shqiptarët kanë parë sesi banditët drejtojnë një kryebashkiak dhe caktojnë pushtetin e një kryeministri.

Edi Rama po tenton bllokimin e dosjes 339, sepse me arrestimin e Dakos zbardhet me prova ligjore denoncimi i opozitës dhe konstatimi i vëzhguesve ndërkombëtarë se si zgjedhjet e vitit 2017-s u blenë.

Këto fakte janë një apel, për të gjithë miqtë e Shqipërisë, për qytetarët e ndershëm që kerkojnë dhe dëshirojnë që në këtë vend të ketë liri, te ketë demokraci, që në ketë vend të sundojë ligji dhe jo krimi./ CNA.al

Aktivisti Zirkon Disha ka publikuar sot një citim të ish-ambasadorit amerikan në Tiranë, John Withers, i cili sipas tij në një nga kabllogramet drejtuar DASH, shkruante se “Erion Veliaj është qen sulmi i Edi Ramës”.

Në një postim në rrjetet sociale, Zirkon Disha shkruan se “Në rolin e prishjes së shtëpive tek Astiri, Erioni ka rolin e gocave të eskortës që kërkon vëmendje, pasi projekti është i “qeverisë” dhe roli i bashkise në zgjidhjen e problemit të shpronësimit është minimal, gati inekzistent.”

Sipas tij, kjo duket të jetë një përpjekje brenda grupimeve brenda PS-së së Tiranës, për të bërë një matje forcash….
“Saimir Tahiri VS Erion Veliaj, dhe banorët viktimë e përplasjes së tyre, ndryshe nuk ka si shpjegohet protesta para Bashkise se Tiranës dhe gjuha e shthurur e kryetarit të saj.”-përfundon postimin aktivisti Zirkon Disha.

Ish-sulmuesi i Kombëtares italiane, Christian Vieri dhe ish-velina Costanza Caracciolo janë bërë prindër për herë të parë.

Dyshja mirëpriti vajzën e pagëzuar me emrin Stella, ndërsa njoftimin e bënë në rrjetet sociale.

Çifti publikoi një foto të realizuar gjatë shtatzënisë së Costanza-s, ndërsa ish-futbollisti shkroi në “Instagram”:

“Sot ishte dita më e lumtur e jetës sime. Tani e kuptoj emocionin që një prind ndjen kur të vendosin mes dy duarve vogëlushen tënde, për këtë mrekulli që na dha jeta, do të jem mirënjohës gjithë jetën. Të dua. Mirëserdhe Stella”.

Mediat italiane shkruajnë se nëna dhe vogëlushja janë në gjendje të mirë shëndetësore. Lajmi i pritjes së ëmbël u mësua vetëm kur ish-velina ishte në muajin e shtatë të shtatzënisë.

Çifti u lidh në 2017-n dhe në të njëjtin vit Costanza humbi një fëmijë pas një aborti spontan.